Խայտառակ բան. ԱԺ պատգամավորի վիճակը լուրջ է

23/01/2018 schedule15:20

Տպագրվել է «Հայկական Ժամանակ» օրաթերթի՝ 2005 թվականի հունվարի 22-ի համարում

ԱԺ պատգամավոր Հակոբ Հակոբյանը հունվարի 16-ից գտնվում է Արաբական միացյալ էմիրությունների Դուբայ քաղաքի ոստիկանության մեկուսարանում: Հակոբ Հակոբյանի, նրա որդու եւ ընկերոջ՝ Հրանտ Դավթյանի նկատմամբ Դուբայի դատախազությունը մեղադրանք է հարուցել՝ առավել խոշոր չափերի հասնող գողություն կատարելու համար: Պատգամավորի, նրա որդու եւ ընկերոջ նկատմամբ նման մեղադրանք հարուցելու պահանջով Դուբայի դատախազությանն է դիմել Դուբայի ամենամեծ՝ «Վասի»  սուպերմարկետի տնօրինությունը, քանզի նույն սուպերմարկետի «Զիլի» հանրահայտ ֆիրմայի բուտիքի  տնօրենը «Վասիի» ղեկավարությանը տեղյակ է պահել, որ հունվարի 16-ին Հակոբ Հակոբյանը, նրա որդին ու ընկերն իրեն պատկանող «Զիլի» խանութից գողացել են երկու զամշե բաճկոն՝ յուրաքանչյուրը չորս հազար դոլար արժողությամբ:

Երեկ մենք խոսեցինք Աբու Դաբիում գտնվող` Արաբական Միացյալ էմիրություններում Հայաստանի դեսպանատան հետ, զրուցեցինք տեղի մեր հյուպատոս Նանե Ղազարյանի հետ, որը եւ մեզ ներկայացրեց դեպքի մանրամասները: Ըստ Նանե Ղազարյանի՝ չորեքշաբթի օրը Դուբայի ոստիկանությունն իրենց տեղյակ է պահել, որ իրենք ձերբակալել են ՀՀ երեք քաղաքացու, որոնցից մեկն ԱԺ պատգամավոր է: Հինգշաբթի օրն էմիրություններում Հայաստանի արտակարգ եւ լիազոր դեսպան Աշոտ Փոլադյանն ու հյուպատոս Նանե Ղազարյանը հանդիպել են Դուբայի դատախազի, նաեւ՝ Հակոբ Հակոբյանի հետ:

«Հակոբյանը մեզ վստահեցրեց, որ պարզապես թյուրիմացություն է տեղի ունեցել, ասաց, որ իր ընկերոջ՝ Հրանտ Դավթյանի հետ իրենք առեւտուր են արել այդ սուպերմարկետում, գնել են մոտ 24 հազար դոլարի ապրանք, ու երբ Հրանտ Դավթյանը դրամարկղի աշխատողին մեկնել է իր «գոլդ» կրեդիտ քարտը, որպեսզի վերջինս ստանա գումարը, դրամարկղի աշխատողը սխալվել եւ երկու բաճկոնի գումար, որը կազմել է 8 հազար դոլար, չի հանել կրեդիտ քարտից: Ըստ Հակոբ Հակոբյանի՝ իրենք խանութից վերադարձել են հյուրանոց, որտեղ անմիջապես հայտնվել են քաղաքի ոստիկանության աշխատակիցներն ու իրենց տարել ոստիկանության բաժանմունք: Այս պահին Հակոբ Հակոբյանի որդին, ում համար գրավ է ներկայացրել տեղի բնակիչներից մեկը, ազատ է արձակված, իսկ Հակոբ Հակոբյանն ու Հրանտ Դավթյանը դեռ պահվում են ոստիկանությունում:

Մենք ամեն ինչ փորձելու ենք անել՝ հարցին դրական լուծում տալու համար: Սակայն, պետք է ասեմ, որ այս երկրի օրենքները շատ խիստ են, այստեղ չի գործում ո՛չ պատգամավորի անձեռնմխելիությունը, ո՛չ էլ նրա դիվանագիտական անձնագիրը: Չնայած Հակոբ Հակոբյանը պնդում է, որ ինքը անմեղ է, սակայն նրանք երեքն էլ պետք է մնան այս երկրում այնքան ժամանակ՝ մինչեւ ավարտվի նախաքննությունն, ու տեղի ունենա դատը»,- երեկ մեզ հետ զրույցում ասաց Արաբական Միացյալ էմիրություններում Հայաստանի հյուպատոս Նանե Ղազարյանը:

Ի դեպ, Հակոբ Հակոբյանն արդեն փաստաբան է վարձել՝ ազգությամբ եգիպտացի, որը եւ պաշտպանելու է նրան: Ինչ վերաբերում է գրավով ազատ արձակվելուն, ապա էմիրություններում գրավ է համարվում այն, որ տվյալ երկրի որեւէ քաղաքացի երաշխավորի, որ դու չես լքի երկիրը մինչեւ դատի ավարտն ու ոստիկանությունում թողնի իր անձնագիրը: Եգիպտացի փաստաբանը Հակոբյանի որդու համար նման երաշխավոր գտել է, եւ պատգամավորի որդին բաց է թողնվել ոստիկանության մեկուսարանից: Այժմ, ըստ Նանե Ղազարյանի, Հակոբ Հակոբյանի փաստաբանն աշխատում է, որպեսզի մինչեւ դատն ազատ արձակվի նաեւ պատգամավորը:

Այդուհանդերձ, ինչպես ասում է մեր հյուպատոսը, եթե անգամ քննությունն ապացուցի, որ գողությունը կատարել է Հակոբյանի ընկերը կամ ընդհանրապես՝ դեպքն իսկապես թյուրիմացության արդյունք է եղել, նրանք երեքն էլ էմիրություններում պետք է մնան՝ մինչեւ ավարտվեն գործի քննությունն ու դատը: Իսկ դա, ըստ Նանե Ղազարյանի, կարող է տեւել կես տարուց ավելի: Իսկ եթե մեղադրանքը հաստատվի, ապա՝ չնայած Նանե Ղազարյանը դժվարացավ ասել, թե գողություն կատարածին ինչ պատիժ է հասնում, սակայն այլ աղբյուրներից ճշտեցինք, որ էմիրությունների օրենքներով՝ առավել մեծ չափերի հասնող գումարի գողություն կատարելու համար կարող է սահմանվել յոթ եւ ավելի տարիների ազատազրկում: 

Այդուհանդերձ, շատերի մոտ կարող է հարց առաջանալ, թե ինչպես է հնարավոր նման հսկա սուպերմարկետից անաղմուկ դուրս հանել ութ հազար դոլար արժողությամբ երկու բաճկոն: Բանն այն է, որ «Վասի» սուպերմարկետը համարվում է Դուբայի ամենաթանկ խանութներից մեկը, որտեղից գնումներ կատարում են հիմնականում շեյխերը, էմիրներն ու աշխարհի այլ երկրներից եկած միլիոնատերերը: Եւ, ինչպես մեզ բացատրեց Նանե Ղազարյանը, նման կարգի խանութներում եթե անգամ տեսնեն, որ ինչ-որ մեկը գողություն է անում, ոստիկանը երբեք իրեն թույլ չի տա գողություն անողի ձեռքը բռնել խանութի տարածքում: Եթե ոստիկանը տվյալ մարդուն մոտենա խանութի մեջ, դա կհամարվի անհարգալից վերաբերմունք թե՛ գողությունը կատարած հաճախորդի, թե՛ այդ տեսարանին ականատես մյուս հաճախորդների նկատմամբ:

Բացի դա, խանութի ներսում նման  կարգի միջադեպը բացասական ազդեցություն կարող է ունենալ խանութի հեղինակության վրա: «Նման կարգի խանութներում ոչ մեկը հաճախորդին նկատողություն չի անի: Տեսախցիկներով ամեն ինչ ֆիքսվում է. դու կարող ես ցանկացած բան վերցնել եւ հանգիստ դուրս գալ խանութից: Տեսախցիկներն ամեն-ինչ կֆիքսեն, եւ հենց գողություն կատարած հաճախորդը դուրս գա իրենց  խանութի տարածքից, այդ ժամանակ արդեն ոստիկանը նրան կմոտենա»,- ասում է Նանե Ղազարյանը: Բացի դա, «Վասի»-ն համարվում է այնպիսի կարգի սուպերմարկետ, որտեղ, հաճախորդի արժանապատվությունը չվիրավորելու համար, երբեք ապրանքի վրա զնգացող ամրակներ չեն ամրացնում, ինչպես դա արվում է կարգավիճակով ավելի ցածր խանութներում, քանզի դա կնշանակի, որ իրենք չեն վստահում իրենց հաճախորդներին, որոնք, ինչպես արդեն նշեցինք, հիմնականում միլիոնատերեր են:

Ինչեւէ, երեկ մենք փորձեցինք պարզել, որ եթե հաստատվի պատգամավորին եւ նրա մերձավորներին ներկայացված մեղադրանքը, ի՞նչ է հնարավոր անել: Էմիրություններում մեր հյուպատոսը նշեց, որ իրավիճակն իսկապես շատ բարդ է, եւ այս պահին հարցի լավագույն լուծումը կլիներ այն, որ «Վասի» սուպերմարկետը ետ վերցներ իր հայցադիմումը, որը Նանե Ղազարյանը համարում է գրեթե անհնար: Սակայն, Հակոբ Հակոբյանի եգիպտացի փաստաբանը ճշտել է, որ  «Զիլի» բուտիքի ֆրանսիացի տնօրենի կինը, որտեղից կատարվել է գողությունը, ազգությամբ հայ է, եւ այժմ պատգամավորի փաստաբանը փորձում է Ֆրանսիայում գտնել այդ տիկնոջն ու նրա միջոցով փորձել ետ վերցնել հայցադիմումը:  Ի դեպ, հայտնի է նաեւ, որ պատգամավոր Հակոբ Հակոբյանն էմիրություններում զվարճանքի որոշակի օբյեկտներ ունի, եւ համաձայն այդ երկրի օրենքների՝ այս միջադեպից հետո նրա հետ, ըստ ամենայնի, կխզվեն բոլոր կարգի աշխատանքային պայմանագրերը եւս: 

Այդուհանդերձ, հինգշաբթի օրը Հակոբ Հակոբյանը Դուբայի ոստիկանության մեկուսարանից կարողացել է մի քանի րոպեով զանգահարել Երեւան՝ իր ընկերոջն ու ասել, որ խանութում տեղի ունեցածը թյուրիմացություն է եղել, իսկ իրեն ձերբակալել են բոլորովին այլ պատճառով: Ըստ Հակոբ Հակոբյանի ընկերոջ պատմածի՝ «Ինտերպոլը» հետախուզում է հայտարարել ոմն Հակոբ Հակոբյանի նկատմամբ, եւ Դուբայի ոստիկանությունը, կարծելով, թե պատգամավոր Հակոբյանը հետախուզվող Հակոբ Հակոբյանն է, վերջինիս ձերբակալել է: Պատգամավորը վստահեցրել է, որ շատ կարճ ժամանակում այդ թյուրիմացությունը կպարզվի, ու իրեն ազատ կարձակեն: Եւ չնայած Արաբական էմիրություններում մեր դեսպանությունը պաշտոնապես արդեն հաստատել է կատարվածը, այդուհանդերձ, մենք ստուգեցինք նաեւ «Ինտերպոլի» կողմից հետախուզվող հայազգիների ցուցակը. այնտեղ Հակոբ Հակոբյան անունով որեւէ մեկը չկար:

«Ինտերպոլի» կողմից հետախուզվում է ոմն Կամսար Հակոբյան, որին դժվար թե հնարավոր լիներ շփոթել պատգամավոր Հակոբ Հակոբյանի հետ: Բացի դա, եթե անգամ շփոթմունք լիներ, պարզ չէ, թե ինչու պետք է ձերբակալվեին նաեւ նրա որդին ու ընկերը:  Ինչեւէ, երեկ մենք փորձեցինք դեպքի առնչությամբ մեկնաբանություն ստանալ նաեւ ԱԺ նախագահից ու ԱԳՆ-ից: Արթուր Բաղդասարյանն առայժմ որեւէ կերպ չի մեկնաբանում տեղի ունեցածը, սակայն, մեր ունեցած  տեղեկությամբ, էմիրություններում Հայաստանի դեսպանը դեռ երկու օր առաջ է Արթուր Բաղդասարյանին տեղյակ պահել կատարվածի մասին:

Իսկ ՀՀ արտաքին գործերի նախարարությունից երեկ մեզ ընդամենն ասացին, որ այս պահին նախարարությունը զբաղված է դեպքի հետ կապված հանգամանքների ուսումնասիրությամբ: Ու մինչ պատկան մարմինները զբաղված են դեպքի մանրամասների ճշգրտմամբ՝ ասենք, որ այս միջադեպը մեր խորհրդարանում որեւէ մեկի զարմանքն առանձնապես չի առաջացրել: Եւ դա բնական է, քանզի դժվար է ասել, թե 131 պատգամավորներից ու մեր բարձրաստիճան մնացած  պաշտոնյաներից քանիսն է, որ ջեբկիրի հոգեբանություն չունի. անկախ նրանից, թե իր «գոլդ» կրեդիտ քարտի վրա տվյալ պահին քանի միլիոն  դոլար կա:

Նաիրա Զոհրաբյան

Տպել
2685 դիտում

Նիկոլ Փաշինյանը Տաջիկստանում հանդիպել է Իրանի Իսլամական Հանրապետության նախագահի հետ (լուսանկարներ)

«Արևիկ» ազգային պարկի տարածքում հրդեհաշիջման աշխատանքները վերսկսվել են

Երևանի տարբեր հասցեներում և 8 մարզի որոշ համայնքներում լույս չի լինի

Երևան-Սևան ավտոճանապարհին մեքենաներ են բախվել. կա զոհ

Միրզոյանը վերահաստատել է Ջամմուի ու Քաշմիրի հարցում Հնդկաստանին սատարելու Հայաստանի դիրքորոշումը

«Նոյան» գործարանում բռնկված հրդեհը մարվել է

Հայաստանը դիմել է ՄԱԿ-ի Արդարադատության միջազգային դատարան՝ խնդրելով միջոցներ կիրառել Ադրբեջանի նկատմամբ

Գեղարքունիքի մարզի մի շարք համայնքների տրամադրվել է ազդարարման 7 շչակ

Օրենքով կարգավորվելու և խստացվելու է վերահսկողությունը վայրի կենդանիների անազատ և կիսաազատ պայմաններում պահման նկատմամբ

Մհեր Գրիգորյանը Միացյալ Թագավորության դեսպանին ներկայացրել է Կառավարության ծրագրի հիմնական ուղենիշները

«Արևիկ» ազգային պարկի տարածքում բռնկված կրակի շիջման աշխատանքները դադարացվել են․ սահմանվել է հերթապահություն

Մհեր Գրիգորյանն ընդունել է Անդրեա Վիկտորինին

Ռուստամ Բադասյանը հանդիպել է ՌԴ դաշնային հարկային ծառայության ղեկավարի հետ

Իրանը պետք է շարունակի դիտարկել Հայաստանը որպես տարանցիկ երկիր, բեռների փոխադրումը կանգ չի առնելու. Սուրեն Պապիկյան

Ակնալիճ գյուղում հայտնաբերվել է 2 ականանետի ական

Գյումրու թիվ 4 արհեստագործական պետական ուսումնարանում բացվել է բարեգործական խոհանոցային սրահ

Աշխատանքային քննարկում է անցկացվել աուդիտորական կազմակերպությունների ներկայացուցիչների մասնակցությամբ

Հայաստանը և Եվրապոլը համաձայնագիր են ստորագրել. Եվրապոլ կգործուղվի կապի սպա (տեսանյութ)

«Աշխարհն առանց թափոնների». Երևանի 50 դպրոց սկսում է տեսակավորել թափոնները (տեսանյութ)

Մեր նպատակը որակյալ կրթություն տրամադրելն է, այլ ոչ թե ապահովել, որ բոլորը դառնան բուհի ուսանող․ Կարեն Թռչունյան

ԱՀԿ-ն կասեցրել է «Սպուտնիկ Վի» պատվաստանյութի գրանցման գործընթացը

Հայտնի են Golden Boy մրցանակի հավակնորդները. նրանք 40-ն են

Վերանորոգված «Շիրակ» օդանավակայանն այսօր կընդունի առաջին չվերթը. դեպի Եվրոպա ևս չվերթներ կիրականացվեն (լուսանկարներ)

ԵՄ աջակցությունը շարունակական կլինի․ Վահագն Խաչատուրյանն ընդունել է Անդրեա Վիկտորինին

Օրերս կշրջեմ համայնքի բնակավայրերում, մանրամասն կծանոթանամ խնդիրներին. Գեղարքունիքի մարզպետը՝ բնակիչների ակցիայի մասին

Սամբոյի և ձյուդոյի օլիմպիական մանկապատանեկան մարզադպրոցն այսուհետ կրում է Լևոն Հայրապետյանի անունը

Ովքեր են 2021 թվականի 100 ամենաազդեցիկ մարդիկ. Time-ը ցանկ է հրապարակել

ԱՄՆ վարչակազմը շարունակելու է սերտ համագործակցությունը Հայաստանի իշխանությունների հետ․ ԱԺ նախագահն ընդունել է դեսպանին

Քաղաքական ուժերը հրավիրվել են վիճակահանության. թիվ 31 ՏԸՀ-ն ավարտել է գրանցման գործընթացը

Շիրակի մարզպետը մեր ամենացանկալի թեկնածուն էր, ՔՊ-ն Գյումրիում ակտիվ քարոզարշավ կիրականացնի. Սուրեն Պապիկյան

Մարդու իրավունքների պաշտպանը ԵԽ բիոէթիկայի բաժնի ղեկավարի հետ քննարկել է համատեղ իրականացվող ծրագրի մանրամասներ

Արմեն Գյոզալյանը նշանակվել է Հատուկ բանակային կորպուսի շտաբի պետ-կորպուսի հրամանատարի տեղակալ

Սուրեն Պապիկյանը ծանոթացել է «Հյուսիս-հարավ» ավտոճանապարհի կատարված և ընթացքի մեջ գտնվող ասֆալտապատմանը

Պատվաստումը համավարակի դեմ պայքարի հիմնական միջոցն է. նախագահ Արմեն Սարգսյանը հանդիպել է ԱՀԿ գլխավոր տնօրենի հետ

Երևանում կայացել է ԵԱՏՄ պետությունների իրավասու մարմինների ղեկավարների և ԵՏՀ կոլեգիայի անդամի «5+1» խորհրդակցությունը

Ագարակի այգիներում մեկ ամիս է՝ ջուր չի հասնում, բերքը չքաղած՝ չորացել է. ՋՕԸ պետի խոսքով՝ փորձում են իրավիճակը փրկել

Ռալֆ Յիրիկյանը «Առաջնորդության դպրոցի» ուսանողներին ներկայացրել է Վիվա-ՄՏՍ-ի փորձը կառավարման ոլորտում (լուսանկարներ)

Տրակտորի վարորդը ձերբակալվել է անչափահաս աղջկան վրաերթի ենթարկելու կասկածանքով

ԱԺ նախագահը բարոնուհի Քերոլայն Քոքսի հետ քննարկել է Ադրբեջանի կողմից պահվող ռազմագերիների, քաղաքացիական անձանց խնդիրը

Տարօրինակ է, որ շատերը, այդ թվում՝ Հռոմի կաթոլիկ եկեղեցու որոշ կարդինալներ, հրաժարվում են պատվաստվել. Հռոմի պապ