Աջ ղեկով մեքենաների շահագործումն արգելելը հակասահմանադրական է. Ս. Ղահրամանյան

Երեւանի ավագանու «Ելք» խմբակցության անդամ, «Վարորդի ընկեր» հասարակական կազմակերպության հիմնադիրներից Սերգեյ Ղահրամանյանը աջակողմյան ղեկային համակարգ ունեցող մեքենաների ներմուծումը, հաշվառումը եւ հետագայում շահագործումը արգելելու մասին կառավարության որոշման նախագիծը անհիմն է որակում: Այդ մասին Սերգեյ Ղահրամանյանն ասաց armtimes.com-ի հետ զրույցում, պատասխանելով հարցին, թե ինչպե՞ս եք գնահատում կապի, տրանսպորտի եւ տեղեկատվական տեխնոլոգիաների նախարարության հեղինակած նախագիծը:

Սերգեյ Ղահրամանյանը հիշեցրեց, որ ՃՈ-ի պետը «Աքիլես» կազմակերպության ներկայացուցիչ Սվետլանա Գրիգորյանին տրամադրել է ավտովթարների վերաբերյալ վիճակագրություն, որտեղ աջակողմյան ղեկային համակարգ ունեցող մեքենաների մասնակցությամբ վթարները կազմել են ընդամենը 10 տոկոս:

«Եթե նախարարն ասում է, որ աջ ղեկային համակարգ ունեցող մեքենաները վտանգ են ներկայացնում, ապա ես չեմ կարող ասել, որ 10 տոկոսը 100 տոկոսի մեջ մեծամասնություն է»,- ասաց Սերգեյ Ղահրամանյանը՝ նշելով, որ հիմնավորումը ոչ թե անհեթեհեթություն է, այլ պարզապես ոչինչ չի ասում:

Ավագանու անդամը անհիմն է համարում նաեւ այն, որ կայանելու դեպքում խախտում են կատարում մեծամասամբ աջ ղեկային համակարգ ունեցող մեքենաները: «Կարող եմ փաստել, որ ձախ ղեկային համակարգ ունեցող մեքենաների վարորդներ կան, որոնք լկտի պահվածքով են աչքի ընկնում եւ որոնց համար ղեկը բացարձակ կապ չունի: Դա գալիս է զուտ վարորդական էթիկայի կանոններից ելնելով: Մեքենա վարելու համար պետք է պարզապես ուղեղով մտածել եւ առաջնորդվել մաթեմատիկական որոշ հաշվարկներով»,- նկատեց մեր զրուցակիցը:

Անդրադառնալով կառավարության որոշման նախագծի վերահաշվառումն արգելելու դրույթին, Սերգեյ Ղահրամանյանն ասաց, որ վերահաշվառման տակ կարելի է շատ գործընթացներ պատկերացնել: «Օրինակ՝ վերահաշվառումը կարող է լինել սեփականատերերի փոփոխությունը կամ գույքահարկը վճարելով տեխզննման կտրոնը ստանալու պահը: Այժմ վերահաշվառել տերմինը կարող է կիրառվել կամ նվիրատվություն անելիս, կամ առքուվաճառքի ժամանակ: Նախագծով ասվում է, որ մինչեւ ապրիլի 1-ը ներմուծված մեքենաների վրա դա պետք է տարածվի, վերահաշվառման արգելք է դրվում: Փաստացի, մարդիկ, որոնք ունեն մեքենա, չեն կարող վաճառել: Իհարկե, պարտադիր պայման չի մեքենա ունեցողի համար այն վաճառելը, բայց մի իրավիճակ է գալիս, երբ մարդ ցանկանում է այլ մեքենա գնել կամ պարզապես օտարել իր գույքը»,- ասաց «Վարորդի ընկեր» կազմակերպության հիմնադիրը՝ նկատելով, որ քաղաքացին այդպիսով փաստացի զրկվում է սեփականության իրավունքով իրեն պատկանող գույքն օտարելու հնարավորությունից:

«Դա առաջ է բերում մարդու սահմանադրական իրավունքների ոտնահարում: Այդ մասին որեւէ հիմնավորում չեն նշել, միայն ասում են, որ որոշումով Սահմանադրության ոչ մի նորմ չի խախտվում: Փաստացի ինչպե՞ս հասկանանք, եթե քաղաքացին որոշել է վաճառել իր աջ ղեկային համակարգով մեքենան: Վերահաշվառում չի կարող իրականացնել եւ պետք է ստիպված գումարը վերցնի, բայց անվանափոխություն չիրականացնեն: Դա խնդիրներ կառաջացնի տուգանքների վճարման, ակտերի բողոքարկման եւ այլ հարցերի ժամանակ»,- ասաց Սերգեյ Ղահրամանյանը:

Հարցին՝ «Վարորդի ընկեր» կազմակերպությունը պայքարելո՞ւ է այս նախագծի ընդունման դեմ, Սերգեյ Ղահրամանյանը պատասխանեց. «Դեռեւս նման մտադրություն չկա: Քաղաքական եւ տնտեսական ցանկացած որոշում շատ հեշտ անցկացվում է, եթե հեղինակը կառավարությունն է: Նախագիծը մշակել է տրանսպորտի նախարարությունը, որի փաստացի ղեկավարը կառավարության ղեկավարն է՝ ի դեմս ՀՀԿ-ական Կարեն Կարապետյանի: Բնականաբար, իրենք պետք է անցկացնեն այդ որոշումը: Նախատեսում ենք, որ փորձենք վարորդների անունից հետագայում դատական հայցեր ներկայացնենք Սահամանդրությանը հակասելու հիմքով, որովհետեւ սեփականությունը օտարել չեն կարողանալու: Պիկետներ կամ փողոցային պայքար դեռեւս չի նշմարվում: Պետք է հաշվի առնել, որ հասարակությունն իներտ է»:

Նշենք, որ կառավարության որոշման նախագիծը տեղադրվել է «e-draft.am» իրավական ակտերի նախագծերի հրապարակման միասնական կայքում: Առցանց քվեարկությունների արդյունքներով նախագծին դեմ է 350 հոգի, կողմ՝ 27-ը կամ դեմ է 93 տոկոսը, կողմ՝ 7 տոկոսը:

Տպել
3878 դիտում

Դերասան Բաբկեն Չոբանյանին շնորհվել է վաստակավոր արտիստի կոչում

Վայոց ձորի մարզպետի օգնականի հետ վեճից հետո ՊՆ փոխգնդապետը հայտնվել է վերակենդանացման բաժանմունքում

16 բջջային հեռախոս, բջջային հեռախոսի 1 լիցքավորման սարք, 3 USB լար. խուզարկություններ՝ ՔԿՀ-ներում

«Նաիրիտ»-ը պետությանը պարտք է 10 մլրդ դրամ, «Արմավիա»-ն՝ 37 մլրդ դրամ․ Դավիթ Անանյան

Ամփոփվել է ՀՀ ՊՆ ՌՈ խաղաղապահ դասակի զինծառայողների մեկշաբաթյա դասընթացը

Յուրի Խաչատուրովի որդուն շնորհվել է գեներալ-մայորի կոչում

Գյումրիում ազատ հյուրանոց եւ հյուրատուն չի մնացել. անկախության տոնին ընդառաջ քաղաքում բում է

Դավիթ Անանյանին շնորհվել է ՀՀ հարկային ծառայության պետական խորհրդականի դասային աստիճան

Մարդու իրավունքների փառատոնը Վանաձորում անցնում է լեփ-լեցուն դահլիճներով. «Հոդված 3»

Նախատեսվում է 2835 հարկ վճարողի վերադարձնել նրանց նկատմամբ պետության ունեցած 56 մլրդ դրամ դեբետային պարտքը

Ավելի բարձր նշաձողեր սահմանենք. վարչապետի խոսքը Ոստիկանության պետի ժամանակավոր պաշտոնակատարին ներկայացնելիս

Ձգտում ենք կառուցել այնպիսի երկիր, որի մասին երազում էր մեծ մաեստրո Շառլ Ազնավուրը. Աննա Հակոբյան (լուսանկարներ)

Ջերմուկցի, գնդեվազցի, կեչուտցի աշակերտները դասադուլ են հայտարարել․ նախատեսվում է մեծ հավաք՝ ընդդեմ Ամուլսարի շահագործման

Ուկրաինայում ձերբակալել են հանցավոր խմբավորման ղեկավար Սամվել Մարտիրոսյանին (լուսանկարներ, տեսանյութ)

Զոհրաբ Մնացականյանը Եվրահանձնաժողովի ներկայացուցչի հետ քննարկել է ՀՀ-ԵՄ համաձայնագրի ճանապարհային քարտեզը

Ռուսաստանի «քաղաքական ազդանշան»-ը ՀՀ նոր իշխանություններին շատ հստակ է. ՀՀ-ում ՌԴ դեսպան

Փրկարարները բնակավայրերից բռնել են 1 սահնօձ, 2 շահմար և 3 գյուրզա

«Ռոմա»-ն առանց Մխիթարյանի հաղթեց, ԵԼ-ում իր առաջին հաղթանակը տարավ «Արարատ-Արմենիա»-ին շրջանցած «Դյուդելանժ»-ը

Ի՞նչ կհետեվի ուլտիմատումին. ՍԻՄ-ին նստեցնում էին ասեղի վրա

«A-320»-ի վթարի պատճառների շուրջ. հայկական կողմի դիրքորոշումը