Լոռու մի շարք համայնքներում կառավարության տարբեր որոշումներ թերի են կատարվել

2017թ-ի երրորդ եռամսյակում մարզի 9 համայնքում իրականացվել է իրավական եւ մասնագիտական հսկողություն` Ալավերդի, Ապավեն, Ճոճկան, Ձորամուտ, Կաճաճկուտ, Կողես, Թեղուտ, Շիրակամուտ եւ Թումանյան համայնքներում:

Հսկողության արդյունքում իրավական եւ մասնագիտական հսկողություն իրականացնող աշխատանքային խմբի կողմից կազմվել են համապատասխան արձանագրություններ:

Լոռու մարզպետարանի իրավաբանական բաժնի պետ Ալիկ Սահակյանը, օրերս կայացած Լոռու մարզխորհրդի նիստում հայտարարեց, որ հսկողության արդյունքում մի շարք թերություններ են ի հայտ եկել, որոնք քննարկվել են փոխմարզպետների մոտ՝ համայնքապետերի եւ աշխատակազմերի մասնագետների մասնակցությամբ: Արձանագրված խախտումների եւ թերությունների վերացման վարաբերյալ տրվել են համապատասխան հանձնարարականներ, որոնց կատարումը վերցվել է հսկողության տակ: Հողաշինության բնագավառում Ալավերդի համայնքում արձանագրվել է 5, Ձորամուտ համայնքում` 6,  Թեղուտում` 2, Շիրակամուտում եւ Թումանյան համայնքներում` մեկական խախտումներ:

Համայնքները հիմնականում թերի են կատարել կառավարության տարբեր որոշումներ, որոնք վերաբերում են աճուրդներում կայացած հողամասերի օտարումներին, ճարտարապետահատակագծային առաջադրանքի նախագծերի ներառված չլինելուն, ինչպես նաեւ օտարված հողամասերը ճիշտ չներկայացնելուն:

Արձանագրված խախտումներից մեկով էլ սահմանված կարգով համայնքի արոտօգտագործողներին տրամադրվել են վարձակալության առանց համայնքի ավագանու հետ համաձայնեցնելու:

Ֆինանսական բնագավառում արձանագրված հիմնական խախտումները վերաբերվում են հողի հարկի եւ գույքահարկի գումարների գանձման գործընթացի կազմակերպմանը, որոնք վերը նշված համայնքներում իրականացվել են է ՀՀ կառավարության 2003թ. թիվ 750-Ն որոշման հավելված 1-ով հաստատված կարգի 9-րդ եւ 10-րդ կետերի որոշ պահանջներին ոչ համապատասխան: Թերի է պահպանվել ՏԻՄ օրենքի հոդված 38-ի 1-ին կետի 4-րդ ենթակետերի պահանջը, համաձայն որի՝ համայնքի ղեկավարը տեղական հարկերը, տուրքերը եւ վճարները չվճարող անձանց նկատմամբ օրենքով սահմանված կարգով պետք է կիրառի համապատասխան միջոցներ: Չի պահպանվել «Գնումների գործընթացի կազմակերպման մասին» ՀՀ կառավարության 10.02.2011թ. թիվ 168-Ն որոշման 21-րդ կետի պահանջը, ըստ որի՝ մինչեւ յուրաքանչյուր տարվա փետրվարի 1-ը համայնքի ղեկավարը պետք է հաստատի գնումների պլանը եւ յոթ աշխատանքային օրվա ընթացքում սահմանված կարգով հրապարակի www.gnumner.am ինտերնետային կայքում:

Բաժնի պետի վստահեցմամբ` խնդիրների վերացման ուղղությամբ տրված են հստակ ժամկետներ, որոնք գտնվում են մարզպետարանի վերահսկողության տակ:

Տպել
7247 դիտում

Խորհրդարանն առաջին ընթերցմամբ ընդունեց 56 մլրդ դրամ ԱԱՀ դեբետային պարտքը հարկ վճարողներին վերադարձնելու նախագիծը

Ռոբերտ Քոչարյանի պաշտպանները վերաքննիչ բողոք են ներկայացրել

Անցյալ տարի հակամարտության գոտիներում ծնվել է ավելի քան 29 միլիոն երեխա. ՄԱԿ

Աննախադեպ է, որ հարկային մարմինները տնտեսվարողների մասին նման իսկապես սրտացավ վերաբերմունք ունենան․ Սերգեյ Բագրատյան

ՀՀ գլխավոր դատախազի տեղակալին շնորհվել է արդարադատության երրորդ դասի պետական խորհրդականի դասային աստիճան

Դերասան Բաբկեն Չոբանյանին շնորհվել է վաստակավոր արտիստի կոչում

Վայոց ձորի մարզպետի օգնականի հետ վեճից հետո ՊՆ փոխգնդապետը հայտնվել է վերակենդանացման բաժանմունքում

16 բջջային հեռախոս, բջջային հեռախոսի 1 լիցքավորման սարք, 3 USB լար. խուզարկություններ՝ ՔԿՀ-ներում

«Նաիրիտ»-ը պետությանը պարտք է 10 մլրդ դրամ, «Արմավիա»-ն՝ 37 մլրդ դրամ․ Դավիթ Անանյան

Ամփոփվել է ՀՀ ՊՆ ՌՈ խաղաղապահ դասակի զինծառայողների մեկշաբաթյա դասընթացը

Յուրի Խաչատուրովի որդուն շնորհվել է գեներալ-մայորի կոչում

Գյումրիում ազատ հյուրանոց եւ հյուրատուն չի մնացել. անկախության տոնին ընդառաջ քաղաքում բում է

Դավիթ Անանյանին շնորհվել է ՀՀ հարկային ծառայության պետական խորհրդականի դասային աստիճան

Մարդու իրավունքների փառատոնը Վանաձորում անցնում է լեփ-լեցուն դահլիճներով. «Հոդված 3»

Նախատեսվում է 2835 հարկ վճարողի վերադարձնել նրանց նկատմամբ պետության ունեցած 56 մլրդ դրամ դեբետային պարտքը

Ավելի բարձր նշաձողեր սահմանենք. վարչապետի խոսքը Ոստիկանության պետի ժամանակավոր պաշտոնակատարին ներկայացնելիս

Ձգտում ենք կառուցել այնպիսի երկիր, որի մասին երազում էր մեծ մաեստրո Շառլ Ազնավուրը. Աննա Հակոբյան (լուսանկարներ)

Ջերմուկցի, գնդեվազցի, կեչուտցի աշակերտները դասադուլ են հայտարարել․ նախատեսվում է մեծ հավաք՝ ընդդեմ Ամուլսարի շահագործման

Ուկրաինայում ձերբակալել են հանցավոր խմբավորման ղեկավար Սամվել Մարտիրոսյանին (լուսանկարներ, տեսանյութ)

Զոհրաբ Մնացականյանը Եվրահանձնաժողովի ներկայացուցչի հետ քննարկել է ՀՀ-ԵՄ համաձայնագրի ճանապարհային քարտեզը