Տարվա լավագույն տնօրենի դպրոցում կիրառվում է ԿԳ փոխնախարարի առաջարկած ուսուցման եղանակը

Սյունիքի մարզի Եղեգ համայնքի տնօրեն Մերի Գանդալյանն այս տարի ճանաչվեց լավագույնը:

Երեւանի «Առնո Բաբաջանյան» համերգասրահում այսօր կայացած մրցանակաբաշխության արարողությունից հետո նրանից հետաքրքրվեցինք, թե իր ղեկավարած կրթական հաստատությունն ինչ առանձնահատկություն ունի, որի շնորհիվ արժանացել է «Տարվա լավագույն տնօրեն» տիտղոսին:

Եղեգ համայնքը հեռավոր գյուղերից է, գտնվում է Կապանից 28 կմ հեռավորության վրա: Այստեղ սովորում է 33 աշակերտ եւ կան երկկոմպլեկտ դասարաններ: Այսինքն՝ դասապրոցեսին մասնակցում են միաժամանակ երկու՝ բարձր եւ ցածր դասարաններ:

«Դպրոցում աշակերտները փոքրաթիվ են, եւ մեր դպրոցը համարվում է փորձարարական դպրոց, փորձում ենք բազմակազմ դասարաններում ուսուցումը կազմակերպել ուսուցման կոլեկտիվ եղանակով»,- ասաց Մերի Գանդալյանը՝ հաստատելով, որ խոսքը ՀՀ կրթության եւ գիտության փոխնախարար Մանուկ Մկրտչյանի նորարարական մեթոդի մասին է:

Այս դպրոցի բազմակազմ դասարաններում ուսուցումը կոլեկտիվ եղանակով է կազմակերպվում 2012 թվականից: Խոսելով դրա արդյունքների մասին՝ տնօրենն ասաց.

«Ես նաեւ ունեմ գիտական հոդված այդ առիթով. ամենաառաջինը՝ վերականգնվել է իմ աշակերտների ինքնավստահությունը, որը խիստ կարեւորում եմ: Երբ 2011 թվականի հունվարին դարձա այդ դպրոցի տնօրեն, բավական լուրջ դժվարությունների էի հանդիպում հենց ինքնավստահության առումով: Այսինքն՝ ինքնավստահ չէին, շատ հաճախ էին ասում՝ չենք կարող այս մի բանը անել: Այսօր իմ դպրոցի աշակերտները կարողանում են իրենց դպրոցի գործընկերների հետ արձանագրել մի շարք հաջողություններ: Դպրոցը Սյունիքի մարզի միակ ՄԱԿ-ի բարեկամ դպրոցն է: Ունենք մի շարք հաղթած դրամաշնորհներ: Այսօր դպրոցում մասնագիտական կողմնորոշում է իրականացվում, որը իսկապես խիստ կարեւոր է հեռավոր համայնքների աշակերտների մասնագիտության ընտրության համար»:

Մերի Գանդալյանը վստահեցրեց, որ ուսուցման կոլեկտիվ եղանակի շնորհիվ երեխաները միայն ինքնավստահություն չէ, որ ձեռք են բերել: Դա, ըստ նրա, արդյունավետ է նաեւ գիտելիքի, կրթության որակի առումով:

«Այսօր, երբ երկու դասարաններ նստած են ուսուցչի մոտ, մի դասարանի աշակերտները, թեկուզ՝ երկու կամ երեք, հենց այնպես նստած չեն, ունեն համակարգված աշխատանք՝ իրենց քարտային աշխատանքների շնորհիվ: Գումարած՝ նաեւ զույգային աշխատանքների շնորհիվ կարողանում են աշխատանքը ժամանակին ավարտել: Այսինքն՝ դրանով նաեւ փորձում ենք ապահովել դասի արդյունավետությունը եւ այդ դասարաններում հասնել նպատակին»,- պատասխանեց Եղեգի միջնակարգ դպրոցի տնօրենը:

Կրթության եւ գիտության փոխնախարար Մանուկ Մկրտչյանի առաջարկած ուսուցման նոր եղանակին այլ առիթով անդրադարձել ենք: Դա,  ի դեպ, կիրառվում է հանրապետության մի շարք մարզերում:

Կոլեկտիվ ուսուցման եղանակն, ըստ էության, ենթադրում է, որ թեման միմյանց պետք է բացատրեն տարբեր դասարանների աշակերտները եւ ոչ թե ուսուցիչը:Իսկ սովորեցնելով էլ` նրանք պետք է սովորեն: Դա, իհարկե, չի նշանակում, թե դասասենյակում ուսուցիչ չի լինելու:

Տպել
10739 դիտում

Պատերազմի օրերին վիրավորված պայմանագրային զինծառայողին հարկավոր է հաստ աղիքի փոխպատվաստում․ այն Հայաստանում չեն անում

Ադրբեջանը խոշտանգում, տանջում, նվաստացնում է հայ ռազմագերիներին. Human Rights Watch-ի զեկույցը

Պետությունը կազմալուծված է. ինչպե՞ս է Արցախում եւ Հայաստանում ընդունվել Վիտալի Բալասանյանի նշանակումը

Մայիսյան համայնքի Սարգս թաղամասի գլխավոր փողոցի ասֆալտապատման աշխատանքներն ավարտվել է

ՊՎԾ-ում առանցքային փոփոխություններ են սպասվում, մոտ 10 աշխատակից է ազատվել․ Տիգրան Ուլիխանյան

Աստղաձորում ավարտվել է Զորավար Անդրանիկ փողոցի ասֆալտապատումը

Բարեկարգվել է Բաղրամյան համայնքի մանկապարտեզի բակը

ԱԱՏՄ աշխատակիցները Վանաձորում ստուգայց են իրականացրել պետական մի շարք հիմնարկներում

Հունան Պողոսյանը վաղը կազատվի պաշտոնից․ հարցը ներառված է Կառավարության նիստի օրակարգում

Գուգարքի ոստիկանները ապօրինի ծառահատման դեպք են բացահայտել

Բելգիայի խորհրդարանի արտաքին հարաբերությունների հանձնաժողովն ընդունել է ԼՂ հակամարտության կարգավորման վերաբերյալ բանաձև

Արցախում ռուսերենը երկրորդ պետական լեզու հռչակելու նախագիծ չկա․ առայժմ չկա․ ԱԺ մամուլի պատասխանատու Ռուդոլֆ Մարտիրոսյան

Թմրամիջոցի իրացման դեպք է բացահայտվել․ երկու անձ ձերբակալվել է

Հայաստանի հավաքականի դարպասապահը կարող է կարիերան շարունակել Ռուսաստանում

Հաղթանակը նվիրեցինք ամբողջ հայ ժողովրդին և նրանց ովքեր առաջնագծում էին. Կապառոս

Ամբերդ ամրոց և Քարի լիճ տանող ավտոճանապարհները դժվարանցանելի են

Հայաստանի Պրեմիեր լիգայի 14-րդ տուրն ավարտվեց երկու ոչ-ոքիներով

Արա Այվազյանը և ԿԽՄԿ ներկայացուցիչները քննարկել են գերիների և անհայտ կորածների որոնողական աշխատանքների հարցը

Երևան-Մեղրի ճանապարհին ավտովթար է տեղի ունեցել․ վարորդը տեղում մահացել է

Ադրբեջանը ՄԻԵԴ-ին խնդրել է երկարաձգել 9 հայ ռազմագերու և նրանց փոխանակման մասին տեղեկության տրամադրման ժամկետը