Այո՛, ո՛չ, որովհետեւ. Գյումրին տուրիզմի կենտրոն դարձնելու հարցը օրակարգից դուրս է գալիս

Ինչպես տեղեկացրել էինք, այսօր՝ սեպտեմբերի 1-ին, ՀՀ վարչապետ Կարեն Կարապետյանը Շիրակի մարզպետարանում, առողջապահության, տարածքային կառավարման եւ զարգացման նախարարների, ինչպես նաեւ քաղաքաշինության կոմիտեի նախագահի, Շիրակի մարզպետի եւ որոշ համայնքապետերի մասնակցությամբ անցկացրեց փակ խորհրդակցություն:

Ինչպես armtimes.com-ի աղբյուրներն են փոխանցում, վարչապետի գլխավորությամբ փակ քննարկումը Շիրակի մարզպետարանում անցել է զուսպ եւ հավասարակշռված, այսինքն՝ Կարապետյանը որեւէ մեկին դիտողություն չի արել, գովասանքի խոսքեր չի շռայլել: Խոսել են միայն ներդրումային ծրագրերի մասին: Փակ խորհրդակցությունը տեւել է մոտ 3 ժամ:

Հանդիպման ավարտին Կարապետյանը մեծ դժվարությամբ պատասխանեց լրագրողների մի քանի հարցերին: Մասնավորապես, փակ խորհրդակցության վերաբերյալ ասաց.

«Ես պետք է խոստովանեմ, որ մեր մարզային 2-րդ այցն է, որի քննարկման նյութն ավելի առարկայական է եւ կիրառական: Այսօր գույքագրել ենք, մատնանշել ենք խնդիրները, յուրաքանչյուր գերատեսչություն գիտի իր անելիքները: Մեր այս հանդիպումները ռեգուլյար են լինելու: Մենք պարբերաբար հանդիպումներ ենք ունենալու մարզպետների եւ խոշոր համայնքների ղեկավարների հետ: Կարծում եմ, որ դուք կզգաք փոփոխությունները»,-ասաց Կարապետյանը:

Վարչապետի խոսքերից պարզ դարձավ, որ Գյումրու «Կումայրի» պատմական արգելոցի տարածքում գտնվող Ռուսթավելի փողոցի շինարարական աշխատանքների վերջնաժամկետը փոխվում է: Հիշեցնենք, որ վարչապետը հուլիսյան այցի ժամանակ վերջնաժամկետ սահմանել էր սեպտեմբերի ավարտը:

«Կարող ա հոկտեմբերի 1-ին չհասցնենք, բայց Կումայրիի այդ ծրագիրը եւ այդ հատվածն անպայման անելու ենք: Մենք պետք է նշենք, որ զբոսաշրջության համար այդպիսի ներուժեր չունենք, ինչպիսին Գյումրին է: Գյումրին ունիկալ է, եւ մենք այդ ծրագրերը շարունակելու ենք»,- իրեն հատուկ ոճով հերթական անգամ Գյումրին գովերգելով ասաց Կարապետյանը:

Այնուհետ լրագրողները վարչապետից հետաքրքրվեցին, թե իր ընտանիքից բացի այլ գործարարներ կա՞ն, ովքեր ներդրում են կատարել:

«Այո»,-ասաց վարչապետը:

«Կասե՞ք, ովքեր են»,- հետաքրքրվեցին լրագրողները:

«Ոչ»,- կտրուկ ասաց վարչապետը, իսկ «ինչու՞» հարցին անտրամաբանական պատասխան տվեց.

«Որովհետեւ»,- ասաց ու հեռացավ Կարեն Կարապետյանը:

Այնուհետ կառավարության ղեկավարն այցելեց «Կումայրի» պատմական արգելոցի Ռուսթավելի փողոց, որն իբր տուրիզմի կենտրոն է դառնալու: Այստեղ տեսնելով շինարարական աշխատանքների հետեւանքով մայթերի իջեցումը, որն, ըստ բնակիչների, անմիջական կապ ունի իրենց առանձնատների հիմքերի խարխլման հետ, վարչապետը նկատողություն արեց շինարարներին, պահանջեց շտկել թերությունները:

Տպավորություն է ստեղծվում, որ Գյումրին տուրիզմի քաղաք դարձնելու հարցը օրակարգից կամաց-կամաց դուրս է գալիս: Նման կարծիք կազմելու համար, թերեւս, ունենք արդեն երկու հստակ պատճառ: Նախ այն, որ խիստ գաղտնի է պահվում ներդրումներ արած գործարարների անունները, որոնք կարծես թե նույնիսկ գոյություն էլ չունեն, եւ հետո, հետզհետե հետաձգվում է Ռուսթավելի փողոցի շահագործման ժամանակացույցը:

Տպել
7478 դիտում

«Մանկական Եվրատեսիլ - 2020»-ում հաղթող է ճանաչվել Ֆրանսիայի մասնակիցը (տեսանյութ)

Երեւանից դեպի Ստեփանակերտ ուղեւորվող ավտոբուսները վատ եղանակի պատճառով վաղը չեն մեկնի

Վերսկսվում են Մոսկվա-Գյումրի-Մոսկվա երթուղով չվերթները

Կիմ Բալայանը դադարեցրել է հացադուլը

ՀՀ ՊՆ և ԱՀ ԱԳ նախարարները կարևորել են հայ զինծառայողների վերադարձի աշխատանքները

Վթար Գառնի գյուղ տանող ավտոճանապարհին. վարորդները հոսպիտալացվել են

Նիկոլ Փաշինյանը մանրամասնել է՝ ինչ է խոսել Պուտինի հետ հոկտեմբերի 19-ին եւ ինչ պայմաններ են առաջարկվել

Հայաստանի 5 մարզերում ձյուն է տեղում, Վարդենյաց լեռնանցքում մերկասառույց է

Քիմ Քարդաշյանը հայտնել է արցախցի երեխաներին ուղղված ամանորյա նախաձեռնության մասին

Այսօր ու վաղը ձյանն ու ձնախառն անձրևներին կհաջորդի առանց տեղումների եղանակը

«Ի՞նչ անել», եւ «ո՞վ է մեղավոր»

Դաշնակահար Սվետլանա Նավասարդյանն արժանացել է «Համագործակցության աստղեր» միջպետական մրցանակի

Պետական մարմինները պարտավոր են բոլոր լծակները կիրառել անհետ կորածների ու գերիների հարազատների հետ հաղորդակցության համար

Ստեփանակերտում և Մխիթարաշեն գյուղի մերձակայքում տեղի կունենա չպայթած ականների վնասազերծում. Արցախի ԱԻՊԾ

Պատերազմից հետո զինծառայողների հանգստի հարցը շուտով կլուծվի. հանդիպում ՊՆ-ում՝ զինվորների հարազատների եւ ծնողների հետ

Յուրաքանչյուր հայ Հայաստանի մասին պետք է մտածի՝ որպես իր տան. Ա.Սարգսյանը հանդիպել է ռուսաստանահայ համայնքի անդամներին

Զարուհի Բաթոյանը ներկայացրել է իր պաշտոնավարման ընթացքում կատարված աշխատանքների մասին հաշվետվություն

Յուրաքանչյուր զինվոր, որտեղ էլ լինի, մեր երեխան է. Արսեն Գրիգորյան

«Օդալեն» ռեստորանի խոհանոցի առաստաղը փլուզվել է․ կա զոհ

Անցյալի եւ ապագայի առջեւ