Դու, քո խմբագիրը հանգստացա՞ք. 40 աստիճան շոգին հայ պաշտոնյաներն աշխատել են իրենց չխնայելով

Տարվա այս եղանակը հանգստի լավագույն շրջաններից է: 2017-ի ամառն աչքի ընկավ նաեւ բարձր ջերմաստիճանով, որը եւս մեկ խթան էր՝ րոպե առաջ հանգստի մեկնելու համար: Բայց պարզվում է Հայաստանի պետական պաշտոնյաների մեծ մասը չի մեկնել հանգստի, ավելին՝ շատերը չեն էլ մեկնելու:

Armtimes.com-ը որոշ գերատեսչություններից հետաքրքրվեց, թե որտեղ են հանգստանալու կամ հանգստացել ղեկավարները:

Նախագահ Սերժ Սարգսյանի մասին խոսվեց, որ նա հանգստանում է Բադեն-Բադենում, թեեւ դա պաշտոնապես ոչ հաստատվեց, ոչ հերքվեց: Վարչապետ Կարեն Կարապետյանն էլ այսօրվանից է հանգստի մեկնել, այն տեւելու է մի քանի օր՝ օգոստոսի 15-18-ը: Armtimes.com-ը փորձեց վարչապետի մամուլի խոսնակից ճշտել, թե Կարապետյանը որտեղ է հանգստանալու, սակայն վերջինս նշեց, որ այդ մասին այսօր ավելի ուշ կգրի ֆեյսբուքյան իր էջում: 

Նախարարներից շատերը եւս ակտիվ ամառային հանգստի են մեկնել: Մասնավորապես,  տարածքային կառավարման եւ զարգացման նախարար Դավիթ Լոքյանը հանգստանում է  օգոստոսի 7-18-ը,  սոցապ նախարար Արտեմ Ասատրյանը տասնօրյա հանգստի է մեկնել՝ օգոստոսի 14-24-ը: 

 Տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը, արտակարգ իրավիճակների նախարար Դավիթ Տոնոյանը, մշակույթի նախարար Արմեն Ամիրյանը, առողջապահության նախարար Լևոն Ալթունյանը, սպոր­տի և երիտասարդության հարցերի նախարար Հրաչյա Ռոստոմյանը, ար­դարադատության նախարար Դավիթ Հարությունյանը,   էներգետիկ ենթակառուցվածքների և բնական պաշարների նախարար Աշոտ Մանուկյանը, պաշտպանության նախարար Վիգեն Սարգսյանն առայժմ արձակուրդի չեն մեկնել, համենայն դեպս կառավարության կայքում նրանց արձակուրդի մասին վարչապետի համապատասխան որոշում չկա:

Գյուղնախարար Իգնատի Առաքելյանն այս պահին չի մեկնելու հանգստի: Նա տեղեկացրել է, որ հանգստ մեկնելու է ձմռանը:

ՀՀ քննչական  կոմիտեի նախագահ Աղվան Հովսեփյանի օրակարգում էլ դեռ արձակուրդային օրեր նախատեսված չեն: Նրա օգնական Սոնա Տռուզյանը armtimes.com-ին տեղեկացրեց, որա այս պահին օրակարգում նման հարց չկա:

ՀՀ ոստիկանության ՀԼՎ-ից էլ տեղեկացրեցին, որ ոստիկանապետ Վլադիմիր Գասպարյանն արդեն վերադարձել է արձակուրդից: Այն եղել է կարճատեւ եւ անցկացրել է Հայաստանում:

Մարզպետներից Գեղարքունիքի մարզպետ Կարեն Բոթոյանն այս տարի հանգստի չի մեկնել եւ չի էլ մեկնելու, իսկ  Շիրակի մարզպետ Արթուր Խաչատրյանն առայժմ չի գնալու: Այս մասին armtimes.com-ին տեղեկացրեցին մարզպետների օգնականները:

Պատգամավորներից Վարդան Ղուկասյանը Թբիլիսի է մեկնել արձակուրդների շրջանում: Նա մասնակցել է Թումանյանի Վերնատան բացման միջոցառմանը:

«Քեզ ինչ պետք է, թե ուր եմ գնացել: Դու, քո խմբագիրը հանգստացա՞ք, ո՞ւր գնացիք: Արփաչայի քյանարն էղել ե՞ք: Գյումրու ամենալավ տեղերից է: Վերնատան բացմանն եմ եղել Թբիլիսիում: Այդ կարեւոր իրադարձությունը չլուսաբանվեց, իսկ որ Քիմը հետույքը մեծացնում է, բոլորը գրում են»,- նշեց Ղուկասյանը:

Տպել
4768 դիտում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)