Տնտեսությունն աճում է, գործազրկությունն էլ հետը. նոր հանելուկ ԱՎԾ-ից

ՀՀ ազգային վիճակագրական ծառայության երեկ հրապարակած պաշտոնական ցուցանիշները, մեղմ ասած, այնքան էլ չեն համապատասխանում տնտեսական իրավիճակի մասին մեր պաշտոնյաների լավատեսական հայտարարություններին:

Վերը բերված ձախ գծապատկերում ներկայացված է հենց ԱՎԾ-ի պաշտոնական կայքում առկա զբաղվածության մակարդակի փոփոխության դինամիկան անցած ողջ տարվա եւ այս տարվա առաջին եռամսյակում: Ինչպես տեսնում ենք, մինչեւ անցած տարվա 3-րդ եռամսյակ զբաղվածության մակարդակը որոշակի աճ է ցուցաբերել: Սակայն արդեն չորրորդ եռամսյակում եւ այս տարվա առաջին եռամսյակում զբաղվածության մակարդակը տպավորիչ անկում է գրանցել: Թվային առումով պատկերը այսպիսին է: Եթե անցած տարվա առաջին եռամսյակում զբաղվածության մակարդակը կազմել է 48.4 տոկոս, ապա այս տարվա նույն ժամանակահատվածում` 47.7 տոկոս: Այսինքն նվազել է 0.7 տոկոսով:

Աջ գծապատկերում որը նույնպես վերցված է ԱՎԾ-ի պաշտոնական կայքէջից, ներկայացված է գործազրկության մակարդակը, որը ցույց է տալիս հակառակ դինամիկան: Գործազրկության մակարդակը այս տարվա առաջին եռամսյակում աճել է: Այս տարվա առաջին եռամսյակում գործազրկության մակարդակը, ըստ ԱՎԾ-ի, եղել է 19 տոկոս, իսկ անցած տարվա նույն ժամանակահատվածում՝ 18.3 տոկոս:

Ներկայացվածը վերաբերում է առաջին եռամսյակին, կիսամյակային տվյալները ազգային վիճակագրական ծառայությունը կհրապարակի ավելի ուշ: Բայց ակնհայտ է, որ գործազրկության աճը եւ զբաղվածության նվազումը չի տեղավորվում ներկայացված մակրոտնտեսական ցուցանիշների շրջանակներում: Ընդ որում, զբաղվածության մակարդակի նվազումը արձանագրվում է այն ժամանակահատվածում, երբ ՀՀ պետեկամուտների կոմիտեի խստացված վարչարարության արդյունքում ստվերային աշխատողների թվի զգալի կրճատում էր արձանագրվել:  

 Վերջին շրջանում հաճախ են հնչում պաշտոնյաների հայտարարություններ, որ այս տարվա ընթացքում արդեն ստեղծվել են հազարավոր նոր աշխատատեղեր: Բայց ԱՎԾ-ի ներկայացրած ցուցանիշը ցույց են տալիս, որ եթե նույնիսկ նոր աշխատատեղեր իրոք ստեղծվել են, ապա ավելի մեծ թվով «հին» աշխատատեղեր են փակվել:

Նույն ԱՎԾ-ի հրապարակած այլ ցուցանիշներով՝ աշխատավարձերի «դաշտում» վիճակը եւս տարակուսանքների տեղիք է տալիս: Երեկ հրապարակած տվյալների համաձայն, օրինակ, այս տարվա ապրիլին միջին ամսական անվանական աշխատավարձը անցած տարվա ապրիլի համեմատ աճել է ընդամենը 1 տոկոսով, ինչը չնչին աճ է եւ ավելի քիչ է, քան Հայաստանում արձանագրված գնաճը: Իսկ այս տարվա մարտի համեմատ միջին անվանական աշխատավարձը  նվազել է 1.4 տոկոսով:  Մայիսին միջին աշխատավարձը անցած տարվա մայիսի համեմատ աճել է 2.7 տոկոսով, սակայն առաջին հինգ ամիսներին գրանցված աճը ընդամենը 1.9 տոկոս է:

Ուրեմն ինչ է ստացվում, մի կողմից Հայաստանում աշխատատեղերը կրճատվում են, գործազրկությունը աճում է, աշխատավարձերի չնչին աճ է արձանագրվում...: Մյուս կողմից նույն պաշտոնական վիճակագրությունը ցույց է տալիս  արդյունաբերության 14 տոկոս աճ, առեւտրի շրջանառության 12.8 աճ, արտահանման մոտ 21 տոկոս աճ...: Թերեւս հերթական անգամ գործ ունենք մեր պաշտոնական վիճակագրության առաջադրած թվաբանական հանելուկի հետ:

Տպել
4773 դիտում

Թրամփը նոր մամուլի քարտուղար է նշանակել. նախագահի պաշտոնավարման 3 տարում նա 4-րդ խոսնակն է

Բորիս Ջոնսոնը շարունակում է մնալ ինտենսիվ թերապիայի բաժամունքում. վիճակը կայուն է

Ստուգվել են զինծառայողների մասնագիտական գիտելիքները. ՊՆ

ԱՄՆ-ը մահերի թվի նոր ռեկորդ է սահմանում, Եվրոպան ազդարարում է համաճարակային ճգնաժամի թուլացման մասին

Հաստատված կորոնավիրուսային հիվանդությամբ 758 պացիենտ բուժում է ստանում. 4571 թեստ բացասական արդյունք է գրանցել

Միայնակ տարեցներն ու հաշմանդամություն ունեցողները մեկ ամիս սննդի ու հիգիենիկ պարագաների կարիք չեն ունենա

Ոստիկանության Մաշտոցի բաժնի ծառայողները մեքենաներից կատարված գողություններ են բացահայտել

9 հակաճգնաժամային միջոցառումների շրջանակներում բաշխվել է 3 միլիարդ 670 միլիոն դրամ. վարչապետ

Ալափարսում հայտնաբերվել է առանց համապատասխան փաստաթղթերի կրային թերթաքարով բեռնված «Զիլ» մակնիշի մեքենա

Ձեզ լուրջ պահեք, մեզ հետեւում են. ֆեյսբուքն օգտատերերի մասին տեղեկություններ կտրամադրի COVID-19-ի դեմ պայքարի համար

Ելակը մտավ զորամաս. վարչապետ (տեսանյութ)

Մուլտի գրուպի տնօրեն Սեդրակ Առուստամյանի գործով նախաքննությունն ավարտվել է

Պարենային եւ պաշտպանական միջոցներ կտրամադրվեն Արագածոտնի միայնակ տարեցներին, հաշմանդամություն ունեցող եւ խոցելի անձանց

Այս պահին Արցախի բուժհաստատություններում մեկուսացված քաղաքացիներ չկան. Արցախ/Տեղեկատվական շտաբ

Անցկացվել է զորավարժություն՝ մարտական հրաձգությամբ

«Նախագահի պաշտոնը զբաղեցրած մարդը ո՞նց չի ընկալում՝ ինչ ենք ասում». Քոչարյանը պնդում է՝ Սարգսյանի պայմանը կբավարարվի

Սպիտակի քաղաքային զբոսայգուց 28-ամյա երիտասարդ է բերման ենթարկվել

Բակո Սահակյանն անցկացրել է խորհրդակցություն. քննարկվել են կորոնավիրուսի տարածման դեմ պայքարի միջոցառումները

Պետության աջակցությունից օգտվող շահառուների շրջանակն ընդլայնելու նպատակով քննարկվել են նոր առաջարկություններ

Ժամեր անց Երեւանում վայրէջք կկատարի Չինաստանից բժշկական պարագաների եւ սարքավորումների խմբաքանակ տեղափոխող ինքնաթիռը