Սերժ Սարգսյանը խնդրանք է ուղարկել`այլեւս չփակել իր տան ճանապարհը. բնակիչները համաձայն չեն

Նախագահականի աշխատակազմից Երեւան քաղաքի 33-րդ թաղամասի (նախկին Ֆիրդուս թաղամաս) բնակիչներին ասել են, որ զբաղվում են իրենց բնակարանների խնդիրներով, միայն թե Սերժ Սարգսյանի ամառանոցի ճանապարհը չփակեն: Այս մասին armtimes.com-ի հետ զրույցում ասաց Ֆիրդուս թաղամասի նախկին բնակիչ Անուշ Զաքարյանը՝ նշելով, որ արդեն երկու շաբաթ է որեւէ էական տեղեկություն չունեն իրենց խնդրից:

Հունիսի 6-ին Ֆիրդուս թաղամասի նախկին բնակիչները փակել էին Սերժ Սարգսյանի տան ճանապարհը, եւ հանդիպել նրան: Բնակիչներին վերջինս ասել էր, որ կհանձնարարի խնդրին մի քանի օրից լուծում տալ: 

«Նախագահը, որ մեզ ասեց մի քանի օրվա ընթացքում հանձնարարական կտա, հանձնարարականն այն եղավ, որ տիկին Աիդան զանգահարեց եւ ասեց, որ մի եկեք, մեկ ամսվա ընթացքում ձեր հարցին ինչ-որ լուծում կտրվի, բայց երկու շաբաթ անցել է, հարցի լուծում չկա: Մենք խոստացել ենք մի ամիս, չեն գնալու, բայց նորից ամսի հինգին գնալու ենք, նախագահի ամառանոցի մուտքը փակելու ենք»,- ասաց Անուշ Զաքարյանը՝ նշելով, որ իրենց զանգահարողը եղել է նախագահի վերահսկողության ծառայության քաղաքացիների ընդունելության, առաջարկությունների, դիմումների եւ բողոքների բաժնի վարիչ Աիդա Ասատրյանը:

Ֆիրդուսի նախկին բնակչի խոսքով՝ Սերժ Սարգսյանի ճանապարհը փակելու օրը նախագահի վերահսկողական ծառայության պետ Հովհաննես Հովսեփյանը ցանկացել է հանդիպել բնակիչների հետ, սակայն բնակիչները մերժել են հանդիպման հրավերը: «Անվտանգությունից մարդիկ կային, որ այդ օրն էին ուզում համոզել մեզ՝ գնայինք այդ Հովսեփյանին հանդիպեինք, մենք հրաժարվեցինք, ասեցինք, որ իր հետ գործ չունենք, եթե ինքը մեզ հետ գործ ունի, ուրեմն բարի թող լինի գա այստեղ, լսի մեզ եւ հասկանա»,- մանրամասնեց մեր զրուցակիցը:

Ուշագրավ է, որ Սերժ Սարգսյանի հետ հանդիպումից մեկ օր անց նախագահականի լրատվականը հաղորդագրություն տարածեց, որ Հովհաննես Հովսեփյանը հանդիպում է ունեցել Ֆիրդուսի եւ Գլխավոր պողոտայի իրացման գործընթացում դեռեւս դժգոհ մնացած քաղաքացիների հետ։ «Նախագահի վերահսկողության ծառայությունից հայտնել են, որ Հովհաննես Հովսեփյանը շահառուներին մանրամասն իրազեկել է իրացման գործընթացի մանրամասները»,- ասված էր հաղորդագրության մեջ: Անուշ Զաքարյանը պնդում է, որ Հովհաննես Հովսեփյանի հետ հանդիպում չի եղել: «Հովսեփյանի հետ չենք հանդիպել, Աիդայի հետ են բնակիչները հանդիպել եւ համարել են, որ հանդիպումը Հովսեփյանի հետ կայացել է: Մեզ հետ նա հաստատ չի հանդիպել, որովհետեւ այդ հանդիպողների ցանկի մեջ ես ինքս էլ եմ ընդգրկված եղել: Ինձ  զանգեցին եւ ասեցին, որ հետաձգվել է, իսկ երբ կհանդիպեն՝ դա դեռ հայտնի չի »,- ասաց նա:

Մեր զրուցակցի խոսքով՝ իրացման գոտու 190 պայմանագրից մեծ մասին բավարարել են, տուն տրամադրել են: Մնացել են մոտ 40-41 ընտանիք, որոնցից 21-ը ինչ-որ գործարքային փուլերում է: Մնացած 20-նն իրենց առաջարկած պայմաններին համաձայն չեն: Նրանց առաջարկում են Բաղրամյան եւ Սայաթ-Նովա պողոտաների վրա կառուցված բարձրահարկերում տներ տալ, սակայն նրանք մերժում են այդ առաջարկը:

«Իմ տունը Ֆիրդուսի մեջ չի, կենտրոնական փողոցի վրա է եղել, ես այդ հարցն էլ եմ բարձրացնում, բայց ասում են, որ կառավարության որոշումն է, ոչինչ չենք կարող անել»,- ասաց Անուշ Զաքարյանը՝ նշելով նաեւ, որ արդեն 5 ամիս է չի ստացել նաեւ վարձած բնակարանի վարձակալության գումարը, որն ըստ պայմանագրի, իրենց է վճարվում մինչեւ բնակարան ստանան:

2007 թվականին 33-րդ թաղամասը (Հանրապետություն, Տիգրան Մեծ, Խանջյան, Ֆիրդուսի փողոցների ներքին մասը) ճանաչվել էր հանրային գերակա շահ, որտեղ «City center development» ընկերությունը պետք է լայնածավալ նախագիծ իրականացներ։ 33-րդ թաղամասի 188 ընտանիքից 82-ը լրիվ փոխհատուցում էր ստացել՝ բնակարաններ «Գլենդել Հիլզ» ընկերության կառուցած շենքերում, 21-ը մասնակի փոխհատուցում էր ստացել, իսկ մնացած մասը փոխհատուցում չէր ստացել ու բնակվում էր վարձով: 2015 թվականին վարչապետ Հովիկ Աբրահամյանը օգոստոսի 4-ին ընդունել էր Երեւանի Ֆիրդուսի 33-րդ թաղամասի կառուցապատման արդյունքում օտարված բնակելի տարածքների բնակիչներին: Այդ հանդիպումից հետո մի քանի տասնյակ բնակիչ չի կարողանում փոխհատուցում ստանալ:

Նկարում պատկերված է ապագա թաղամասի մակետը: Շինաշխատանքներ այժմ տվյալ տարածքում չեն ընթանում:

Տպել
8885 դիտում

Բյուրեղավանում 18 և 41 տարեկան երկու տղամարդ է դանակահարվել. կա ձերբակալված

Հրդեհի մի օջախը մարված է. Նուբարաշենի աղբավայրում հրդեհաշիջման աշխատանքները շարունակվում են (տեսանյութ)

Աբովյանում վագոն-տնակ է այրվել

Ադրբեջանի հայտարարությունները հուշում են, որ առաջիկայում ևս սահմանին սադրանքների մեծ ռիսկը կպահպանվի. Տիգրան Աբրահամյան

ՀՀ պաշտպանության նախարարը և ԶՈՒ գլխավոր շտաբի պետը մասնակցել են հավաքների ամփոփմանը

Ռազմական օդաչուները թռիչքներ կիրականացնեն Երևանի օդային տարածքում

Ռևանշ, որը մտածելու առիթներ է տալիս. «Արարատ-Արմենիայի» եվրագավաթային «կամպանիան» շարունակվում է

«Մանկան տուն» ՊՈԱԿ-ի երկու աշխատակից ձերբակալվել է սաներին առերեւույթ ծեծի ենթարկելու կասկածանքով. ՔԿ

47-ամյա քաղաքացին ընկել է Վաչագան գետը

Աննա Հակոբյանը Վանաձորում մասնակցել է «Իմ քայլը» հիմնադրամի նախաձեռնած մաքրապատման աշխատանքներին

Հայաստանում մեկնարկում է «Կովկաս-2020» ռազմավարական հրամանատարաշտաբային զորավարժությունները (տեսանյութ)

Պետության և բիզնեսի բարդ երկխոսությունը

Ընկերություն. Աննա Հակոբյանը լուսանկարներ է հրապարակել Գյումրիից

31-ամյա տղամարդը կայանված էվակուատորից գողացել է անվադողեր, մարտկոցներ և 80 լիտր դիզվառելիք

Դիլիջանում 36-ամյա քաղաքացին գլորվել և ընկել է ձորը

Կայացել է քննարկում «Հայաստանի Հանրապետությունում կրթության հեռանկարներն ու հիմնախնդիրները» խորագրով

24 տոննա կարագով բեռնված հայ-իրանական սահմանում այրվող բեռնատարը պատկանում է «Մարիաննա» ՍՊԸ-ին

Հայ-իրանական սահմանի միջպետական նշանակության ավտոճանապարհին ավտոմեքենա է այրվում. ճանապարհը երկկողմանի փակ է

1 աշխատակից ազատվել է աշխատանքից, 4-ին տրվել է գրավոր նկատողություն. Ուռուցքաբանության ազգային կենտրոնի արձագանքը

Օդի ջերմաստիճանը կնվազի 3-ից 4 աստիճանով, սպասվում է կարճատև անձրև և ամպրոպ