Վիգեն Սարգսյանի կիպրոսյան այցն Ադրբեջանը սկանդալի է վերածում

Ադրբեջանում ուշադիր հետեւում են ՀՀ ՊՆ Վիգեն Սարգսյանի Կիպրոս այցին եւ արձագանքում հնչող գրեթե բոլոր հայտարարություններին: Կիպրոսի ԱԳ նախարարի հետ հանդիպման ժամանակ Իոաննիս Կուսուլիդեսի՝ Արցախի մասին խոսքն ադրբեջանական կայքերը սկանդալի են վերածում:
Հյուսիսային Կիպրոսի թուրքական հանրապետության իշխանությունը Կիպրոսի ԱԳ նախարար Իոաննիս Կասուլիդեսի՝ Արցախի մասին հայտարարություններն անպատասխանատու է գնահատել, գրում են ադրբեջանական լրատվամիջոցները:
 
«Նման հայտարարությունները կղզու հունական հատվածից մեզ չեն զարմացնում»,- ասել է Հյուսիսային Կիպրոսի թուրքական հանրապետության Բաքվի ներկայացուցչության ղեկավար Ուֆուգ Թուրգաները: 
Կիպրոսի ԱԳ նախարար Իոաննիս Կասուլիդեսը ՀՀ ՊՆ Վիգեն Սարգսյանի հետ հանդիպմանը Արցախն անվանել է հայերի պատմական տարածք: 
«Կիպրոսի հունական ղեկավարությունը հաճախ է երկիմաստ հայտարարություններ անում եւ հեռանում բանակցություններից: Այնտեղ հայերի նկատմամբ սերը հայտնի է, բայց ամենավիրավորականն այն է, որ հայտարարություններ են անում ամբողջ կղզու անունից», հայտարարել է Թուրքգաները եւ հավելել, որ Ադրբեջանը պետք է հետեւություններ անի այս իրավիճակից եւ ավելի մեծ ուշադրություն հատկացնի Հյուսիսային Կիպրոսին: 
 
Հանդիպումից հետո ՀՀ ՊՆ տարածած հաղորդագրության մեջ նշված է.«Կիպրոսի արտաքին քաղաքական գերատեսչության ղեկավարը, որպես հայ-կիպրական փոխգործակցությունը խորացնելու կարեւոր նախադրյալ, նշել է երկու ժողովուրդների բազմադարյա բարեկամությունը։ Իոաննիս Կասուլիդեսը կարեւորել է նաեւ հայ համայնքի գործոնը, որը լիարժեք ինտեգրվել է Կիպրոսի հասարակական-քաղաքական կյանքին՝ միեւնույն ժամանակ նաեւ պահպանելով իր ազգային ինքնությունը։ Կիպրոսի արտաքին գործերի նախարարի համոզմամբ՝ Վիգեն Սարգսյանի այցը կարող է հզոր ազդակ դառնալ հայ-կիպրական համագործակցության խորացման համար, մասնավորապես՝ պաշտպանական ոլորտում։ Նախարար Կասուլիդեսը ջերմությամբ է վերհիշել Հայաստան կատարած իր այցերը։
 
Հայաստանի պաշտպանության նախարարը շնորհակալություն է հայտնել կիպրական կողմին ջերմ ընդունելության համար եւ ներկայացրել նախօրեին կայացած բանակցությունների մանրամասները։ Վիգեն Սարգսյանը նշել է, որ ժամանակակից մարտահրավերները պարտադրում են համադրել ուժերը՝ դրանց արդյունավետ դիմակայելու համար։ Լարվածության նոր օջախների ձեւավորումն, ըստ Վիգեն Սարգսյանի, անթույլատրելի է եւ հղի անկանխատեսելի հետեւանքներով։ Այս առումով, ըստ նախարար Սարգսյանի, առավել շեշտադրվում է ընդհանուր շահեր ունեցող պետությունների ջանքերի համադրումն ու արդյունավետ երկխոսության զարգացումը։
 
Հանդիպման ընթացքում քննարկվել են նաեւ արցախյան եւ կիպրոսյան հիմնախնդիրները։ Կիպրոսի արտգործնախարարի համոզմամբ՝ սխալ է զուգահեռներ անցկացնելը երկու այս խնդիրների միջեւ, քանի որ, ի տարբերություն Հյուսիսային Կիպրոսի, որը բռնազավթվել է Թուրքիայի կողմից, Արցախը հայերի պատմական տարածքն է, նրանք այնտեղ միշտ են եղել, պայքարել են իրենց անվտանգության համար եւ անկախություն հռչակել։ Վիգեն Սարգսյանը երախտագիտություն է հայտնել Իոաննիս Կասուլիդեսին՝ Արցախի հարցում հստակ եւ հետեւողական դիրքորոշման համար, նշելով, որ այն չափազանց կարեւոր է բարեկամ Հայաստանի համար»։
Արդեն հայտնել ենք, որ խնդրին անդրադարձել է նաեւ Ադրբեջանի ԱԳՆ-ն: «ԼՂ հակամարտության մասին Կիպրոսի ԱԳ նախարարի հայտարարությունը հակասում է այդ երկրի ստանձնած պարտավորություններին՝ միջազգային իրավունքի և Հելսինկյան եզրափակիչ ակտի մասով, նպաստում է Հայաստանի ագրեսիվ քաղաքականությանը»,- հայտարարել է Ադրբեջանի ԱԳՆ խոսնակ Հիքմեթ Հաջիևը:
Տպել
15605 դիտում

Խառնակչություններ՝ բանտից եւ աքսորից

Մանկապարտեզի տնօրենն ապօրինի աշխատակից է ընդունել, հետո կռիվ սարքել քաղաքապետարանում. Արմավիրի քաղաքապետ

Մարիամի հետ կիրակի երեկոն անցկացրել ենք Երևանում բացված Ամանորյա տոնավաճառում. Աննա Հակոբյան

Ինչի վրա կծախսվի «Իմ քայլը» հիմնադրամի՝ երեկ հավաքած մոտ 700 մլն դրամը . Լենա Նազարյանը թվարկել է ծրագրերը

Արցախի ՀՅԴ-ն նախագահական ընտրություններին կմասնակցի սեփական թեկնածուով

Այսօր 2700 ստերջացված, պատվաստված ու համարակալված կենդանի կա․Հակոբ Կարապետյան

Երևանում կոտրել են միանգամից մի քանի արագաչափեր

Արժեհամակարգային հակադրություններն արհեստական են

Արագածոտնի Թալին, Ապարան, Աշտարակ քաղաքներում եւ Շիրակի մարզի Լանջիկ գյուղում մառախուղ է

Կապան քաղաքում այրվել է մոտ 1,5 հա բուսածածկույթ

Արմեն Սարգսյանը «Կատար Էյրվեյզ»-ի գործադիր տնօրենի հետ քննարկել է համագործակցության ընդլայնման հեռանկարները

Հայ բռնցքամարտիկները 2 մեդալ են նվաճել միջազգային մրցաշարում

Հայաստանի տարածքում առաջիկա օրերին սպասվում է առանց տեղումների, արեւոտ եղանակ

ՊՆ ծառայողը վրաերթի է ենթարկել 54-ամյա հետիոտնին. վերջինս հիվանդանոցում գիտակցության չգալով մահացել է

Տիգրանաշենի ոլորանների վերջնամասում ավտոմեքենան հայտնվել է ձորում. տուժածներ չկան

Կան գյուղեր, որտեղ ավանդույթի ուժով կանանց արգելված է գնալ գյուղապետարան, հարսներին՝ ծնողական ժողով. Աննա Հակոբյան

Դեկտեմբերի 17-ից ջերմ եղանակին գումարվում են նաև արևի պայծառ շողերը. Սուրենյան

Արմեն Սարգսյանը համագործակցության հնարավորություններն է քննարկել Կատարի գործարարների ասոցիացիայի ներկայացուցչի հետ

Նոր մշակույթ է զարգանում. Նիկոլ Փաշինյանը՝ Աննա Հակոբյանի գործունեության մասին

Ո՞վ է կուլ տալիս Մամեդյարովի նետած քարոզչական խայծը