Տեղական արտադրության էժան եւ բարձրորակ արտադրանքը չի գտնում իր տեղը շուկայում (տեսանյութ)

ՀՀ կառավարությունը որոշել է ներմուծումը տեղական արտադրանքով փոխարինելու ուղղությամբ քայլեր ձեռնարկել:

ՀՀ վարչապետ Կարեն Կարապետյանը այդ մասին արդեն մի քանի անգամ հայտարարել է, հանձնարարականներ է տվել մի քանի գերատեսչությունների եւ այլն: Ինքնին այդ «իմպորտոզամեշչենիեն» անկենսունակ գաղափարախոսություն է, քանի որ փոքր շուկա ունեցող երկրում իր արտադրանքը սպառելուն նպատակամղված տնտեսվարողի արտադրանքը զուտ մասշտաբի էֆեկտի պատճառով միշտ ավելի թանկ է լինելու, քան ներկրվող նույն ապրանքի այն արտադրողինը, որի նպատակը ամբողջ աշխարհում իր ապրանքը վաճառելն է: Սա տնտեսագիտության այբուբենից է, եւ դրա ճշմարտացիությունը մինչ օրս ոչ ոք չի կարողացել հերքել, չնայած շատերն են փորձել:

Բոլորովին այլ խնդիր է ներքին արտադրողին որոշակի մեխանիզմներով պաշտպանելը, նրան աջակցելն ու խրախուսելը, որպեսզի նա կարողանա դիմանալ օտարերկրյա խոշոր արտադրողների հետ մրցակցությանը, ամրացնի ոտքերը ու ձեռնոց նետի բոլորին: Որ ճանապարհն է բռնել կառավարությունը, դեռ այնքան էլ պարզ չէ:

Հիմա մի կոնկրետ օրինակով փորձենք դա հասկանալ: Արդեն տարիներ շարունակ խոսվում է հայկական արտադրության օճառի մասին: Շատերը նույնիսկ չգիտեն, որ հիմա Հայաստանում օճառ է արտադրվում, որի որակը բավականին բարձր է, գինն էլ էականորեն ցածր, սակայն մեր խոշորագույն առեւտրային ցանցերում դրանք չկան:

Օրերս Էրեբունի բիզնես կենտրոնում տեղի էր ունենում «ՓՄՁ Համագործակցության Ասոցիացիայի» 3-րդ համագումարը, եւ դահլիճում մի քանի փոքր ու միջին ընկերություններ ներկայացրել էին իրենց արտադրանքը: Իր արտադրած «Նոյեմի» ապրանքանիշով օճառներն էր ներկայացրել նաեւ Գյումրիում գործող «ՉԱՊ» ընկերությունը (տես տեսանյութը): Հրաշալի փաթեթավորված, գրավիչ ու գեղեցիկ դիզայնով այս օճառները, սակայն մեծ տարածում չունեն Հայաստանում: Օճառների տեսականին շատ հարուստ չէ, սակայն սովորական սպառողի համար նախատեսված ամբողջ սպեկտրը կա` «լվացքի», կոսմետիկ, ձեռքի... որոնք գտնվում են գնային տարբեր նիշաներում: Ընկերության ներկայացուցիչը մեզ հետ զրույցում ասաց, որ իրենք արտադրում են նաեւ հատուկ հյուրանոցների համար նախատեսված փոքր օճառներ: Այս օճառների մանրածախ գները ընկերության ներկայացուցչի ասելով մոտ երկու անգամ էժան են ամենահայտնի, ասենք «Սեյֆգարդ», «Դավ», «Պալմոլիվ» բրենդային օճառների գներից, սակայն որակով հանգիստ կարող են մրցակցել դրանց հետ: Այս օճառները նաեւ էժան են թուրքական ու պարսկական օճառներից:

Եթե նույնիսկ մտածենք, որ արտադրողի ներկայացուցիչը մի քիչ չափազանցնում է, եւ որակական հատկանիշներով «Նոյեմին» ասենք փոքր-ինչ զիջում է բրենդային օճառներին, գների տարբերությունը չափազանցություն չէ: Ակնհայտ է, որ մանրածախ վաճառքում պատշաճ ներկայացված լինելու դեպքում այս արտադրանքը շատ արագ կգրավի սպառողին ու կունենա իր արժանի տեղը շուկայում: Իրացման ծավալների աճը կբերի արտադրության աճին, եկամուտների աճին, կստիպի ընկերությանը ներդրումներ անել, ավելի արդիականացնել արտադրությունը, մարկետինգային գործողություններ անել, դուրս գալ արտաքին շուկաներ...:

Պարզ սխեմա է, որը, սակայն չի աշխատում եւ ահա թե ինչու: Չնայած ցածր գնին ու բարձր որակին, այս արտադրանքը ներկայացված չէ մեր ամենախոշոր առեւտրային ցանցերում: Օրինակ, «Երեւան Սիթի»-ում ու «ՍԱՍ»-ում չկա: Ընկերության ներկայացուցիչը չցանկացավ պարզաբանել, թե ինչու: Մեր տեղեկություններով, այս երկու ցանցերը իրենք են ուզում արտադրել օճառ իրենց ցանցերի համար: Դե արտադրելը մի քիչ չափազանցված է հնչում: Նրանք կիսաֆաբրիկատ հումքը բերելու են, վերամշակման վերջնական փուլը կամ միայն փաթեթավորումն իրականացնեն ու վաճառեն իրենց ցանցերում: Այս պրակտիկան խոշոր ցանցերը ունեն եւ նույնիսկ հաճախ գողանում են փոքր ու միջին տնտեսվարողների գաղափարները:

Պետական գնումներով նույնպես հայկական օճառը չի գնվում: Պետական բյուջեի հաշվին տարեկան հսկայական, աստղաբաշխական քանակությամբ օճառ է գնվում: Միայն բանակը եթե հաշվի առնենք, ապա կարելի է պատկերացնել, թե ինչ ծավալների մասին է խոսքը: «ՉԱՊ»-ի ներկայացուցիչը ասում է, թե իրենք ինչ-որ քայլեր են անում պետական գնումներին մասնակցելու համար, բայց նրա խոսքի մեջ լավատեսության նշույլ չկա. «Դե ինքներդ գիտեք, պետական գնումների ոլորտում խնդիրներ կան...»,- ասում է նա: Խնդիրներ կան ու դա բոլորը գիտեն: Մի քանի «գայլեր» ուղղակի նստած են պետական գնումների «բիզնեսի» վրա եւ սերտ «համագործակցում են» գերատեսչությունների ղեկավարների հետ: Այնպես որ «օտարների» մուտքը տվյալ ոլորտ այնքան էլ հեշտ չէ: Ընկերության ներկայացուցիչը պնդում է, որ իրենց հզորությունները լրիվ բավարարում են բանակի եւ ամբողջ պետական համակարգի պահանջները բավարարելու համար: Իրենք կարող են նույնիսկ դրան զուգահեռ օճառով ապահովել Հայաստանի բոլոր հյուրանոցներն ու ռեստորանները: Ու դա, գոնե առայժմ չի ստացվում:

Այս մի օրինակը բավարար է պատկերացնելու համար, թե ինչ մթնոլորտ է տիրում ներքին արտադրողի համար: Եվ ներկրումը տեղական արտադրությամբ փոխարինելու, այսպես կոչված, «իմպորտոզամիշչենիեի» վերաբերյալ կոնցեպցիաներ ու արհեստական սխեմաներ մտածելու փոխարեն պետք է պարզել, թե ինչու է պետական գնումներով բանակի համար գնվում ասենք ռուսական, ուկրաինական կամ այլ երկրի արտադրության օճառ: Կամ ինչու է մի քանի օլիգարխների ուզուրպացրած մանրածախ առեւտրի դաշտը այդքան անհասանելի մանր ու միջին արտադրողների համար: Միթե այստեղ մրցակցության արհեստական խոչընդոտներ չկան....: Գուցե հենց սա է կառավարության հիմնական գործառույթը, այլ ոչ թե ուտոպիստական, «իմպորտոզամիշչենիաների» վերաբերյալ սխեմաներ գծելը: Եթե կառավարությունը իրականացնի իր հիմնական գործառույթները, գուցե ամեն ինչ ինքն իրեն, տնտեսագիտության ամենապարզ ու դարերով փորձարկված կանոններով տեղն ընկնի: Գուցե փորձե՞ք:

Տպել
15219 դիտում

Կադրային նոր փոփոխություններ Լոռու մարզպետարանում. թափուր են վարչության ու բաժնի պետերի հաստիքներ

Արագածոտնի նախկին մարզպետ Սարգիս Սահակյանը չի կալանավորվի. դատարանը մերժեց քննիչի միջնորդությունը

Զանգել են Քաշաթաղի նախկին բնակիչներին եւ վաղը կանչել հրապարակ. «Մեզ ուզում են ներքաշել Փաշինյանի դեմ պայքարի մեջ»

Մեխակ Արզումանյանը նշանակվել է ՆԳ նախարարության համակարգում գործող ԱԻ պետական ծառայության տնօրեն

Հավաքվել են հարյուրավոր արկղեր. Վենետիկից մարդասիրական օգնություն կուղարկվի պատերազմից տուժած հայ բնակչությանը

Ասում էր՝ չվախենաս, հետ կգամ, ես քեզ սիրում եմ. մայոր Սարգիս Նավասարդյանն անմահացավ Շուշիում (տեսանյութ)

JTI ընկերությունը ճանաչվել է Լավագույն գործատու Հայաստանում

Պուտինի ու Բայդենի հեռախոսազրույցը՝ առաջատար լրատվամիջոցների ուշադրության կենտրոնում. ինչու է այն կարևոր

Ապարանը զարգացման բարձր տեմպեր է արձանագրում (տեսանյութ)

Հայ-ադրբեջանական շփման գծի ամբողջ երկայնքով օպերատիվ իրավիճակը չի փոփոխվել

Հայկ Մարությանը մասնակցել է Լենինգրադի պաշարման ավարտի 77-ամյա տարեդարձին նվիրված հանդիսավոր արարողությանը

Ֆինանսների փոխնախարարը Զարգացման ֆրանսիական գործակալության պատվիրակության հետ քննարկել է համագործակցության հարցեր

Իրենց իսկ շահերից է բխում ժողով չանցկացնել. ՀՖՖ գլխավոր տնօրենը՝ նոր կանոնադրության և 9 անդամների ժողով հրավիրելու մասին

31-ամյա ջաղացաձորցին գողացած հեռուստացույցը նվիրել էր զոքանչին. հարուցվել է քրեական գործ (տեսանյութ)

«Հավանաբար արդեն բժշկի կարիք կա». քաղաքագետները եւ պատգամավորները՝ Վազգեն Մանուկյանի երեկվա հայտարարությունների մասին

Խեղճ կնոջը հասցրել են ինքնասպանության․ նախկին պատգամավորը՝ հարսի ինքնասպանության հնարավոր պատճառների մասին

Հայտնի է Հայաստանի, Ռուսաստանի և Ադրբեջանի փոխվարչապետների հանդիպման օրը

Արտեմ Հարությունյանը նշանակվել է ԱՀ ՆԳՆ ոստիկանության պետ

Շրջակա միջավայրի նախարարությունը և Ագրարային համալսարանը համագործակցության հուշագիր են կնքել

«Путешествую без COVID-19». ԱԳՆ-ն ներկայացրել է ՌԴ այն քաղաքների ցանկը, ուր հնարավոր է մեկնել

Երիտասարդության ռազմավարությունը պետք է մշակվի  երիտասարդների ձանը լսելով. ԿԳՄՍ նախարարի տեղակալ

Իրականացվել են մարտական հերթապահության հերթափոխի նախապատրաստական աշխատանքներ

Տիգրան Հարությունյանը նշանակվել է ԱԱԾ տնօրենի տեղակալ

Ջավախքում մեկ օրում երկու ինքնասպանություն է տեղի ունեցել․ մանրամասներ

Հայ-ֆրանսիական բարեկամության ամրապնդման ևս մեկ վկայություն. Ֆրանսիական կրթահամալիրում նոր դասասենյակ է բացվել

Արմելլա Շաքարյանը նշանակվել է Մեքսիկայի Միացյալ Նահանգներում Հայաստանի Հանրապետության արտակարգ և լիազոր դեսպան

ՊԵԿ հարկային տեսուչները կաշառք են պահանջել, ստացել ու բռնվել (տեսանյութ)

ԿԳՄՍ նախարարը հաղթող թեկնածուներից ոչ մեկին դպրոցի տնօրեն դեռ չի նշանակել․ բողոքներն առայժմ քննում են

Ստուգումներ են անցկացվել մարտական հենակետերում

9 մարզի 101 հիմնական ու միջնակարգ դպրոցում հեռավար ձևաչափով ուսուցումն իրականացնելու հնարավորություն է ստեղծվել

Սյունիքի և Գեղարքունիքի մարզերի բոլոր ավտոճանապարհներին առկա է մերկասառույց

Սուրեն Պապիկյանն ընդունել է Զարգացման ֆրանսիական գործակալության փոխտնօրեն Բերտրան Վալկենարին

Հայագիտական կենտրոնների թիվը կավելանա եւս երկուսով

Վարչական վարույթներ են հարուցվել Գեղարքունիքի և Կոտայքի մարզերի որոշ դպրոցներում

Լարված ու անելանելի պայմաններում արագ կողմնորոշվելու շնորհիվ առաջադրված մարտական խնդիրները բարձր մակարդակով են կատարել

Արա Այվազյանը Լավրովի հետ հեռախոսազրույցում ընգծել է ռազմագերիների, պատանդների, պահվող այլ անձանց վերադարձի մասին

Դուրս եմ եկել Covid-ի հետ կապված քննիչ հանձնաժողովի կազմից․ Արտակ Մանուկյան

Փետրվարի 1-ից ՌԴ մուտք գործելու համար հնարավոր է թեստ հանձնել առայժմ միայն երկու լաբորատորիայում, գինը՝ 15 հազար դրամ

Զինծառայողներն արյուն են հանձնել

Վահան Քերոբյանը և Անդրեա Վիկտորինը քննարկել են համագործակցության հետագա խորացման հնարավորությունները