Աշխատանքից ազատված մանկապարտեզի տնօրենը Տարոն Մարգարյանին դատի է տվել

Երեւանի համար 46 մանկապարտեզի արդեն նախկին տնօրեն Գայանե Աղաբեկյանը, որն անցյալ տարվա նոյեմբերին երկու այլ տնօրենների հետ միասին մեծ աղմուկով ու գրչի մեկ հարվածով ազատվեց աշխատանքից, դիմել է դատարան:

«Այս տարվա հունվարին հայցվոր Գայանե Աղաբեկյանի դիմումը մուտք է եղել Աջափնյակ եւ Դավթաշեն վարչական շրջանների ընդհանուր իրավասության դատարան, հայցապահանջը վերաբերում է աշխատանքից ազատման կարգադրությունները անվավեր ճանաչելուն, աշխատանքում վերականգնելուն եւ հարկադիր պարապուրդի ամբողջ ժամանակահատվածի համար գումար բռնագանձելուն»,- մեր զրույցում ասաց մանկապարտեզի նախկին տնօրենի փաստաբան Յուրի Շիրինյանը:

Նրա տեղեկացմամբ, դատական գործով առայժմ նշանակված է եղել մեկ դատական նիստ, որը հետաձգվել է` պատասխանողի կողմից ներկայացված պատասխանին ծանոթանալու համար: Հաջորդ դատական նիստը նախատեսված է հունիսին: «Դեռեւս գործը, կարելի է ասել, նոր է սկսվել եւ իր բնականոն հունով ընթանում է»,- արձանագրեց փաստաբանը:

Նա հույս հայտնեց, որ դատարանի միջոցով կվերականգնվեն իր վստահորդի խախտված իրավունքները:

«Մենք համոզված ենք, որ մեր վստահորդի իրավունքները խախտվել են եւ դիմել ենք դատարան, հետեւաբար մեր սպասելիքը միայն արդարադատության ակնկալումն է, ուրիշ ոչինչ, ինչը որ, կարծում ենք, մեր պահանջների բավարարումն է ամբողջությամբ»,- նշեց «Ի Էլ Էլ գործընկերություն» իրավաբանական գրասենյակի փաստաբանը:

Մանկապարտեզի տնօրեններին աշխատանքից ազատելու պատճառաբանությունը ջեռուցումն էր: Այն ժամանակ հայտարարվել էր, որ քաղաքապետ Տարոն Մարգարյանը հանձնարարել է Արաբկիր եւ Աջափնյակ վարչական շրջանների ղեկավարներին աշխատանքից ազատել թիվ 28, 37 եւ 46 մանկապարտեզների տնօրեններին` այդ հաստատություններում անհրաժեշտ եւ համապատասխան նորմատիվներով ջեռուցում չապահովելու համար:

Կոլեկտիվներում դա զարմանք ու տարակուսանք էր առաջացրել: Մեզ հետ զրույցում նրանք պնդել էին, որ ջեռուցման խնդիր իրենց մոտ չկա: Համար 46 մանկապարտեզի աշխատակիցներն էլ պատմել էին, որ ամեն ինչ սկսվել է մի անանուն հեռախոսազանգից: Ինչ-որ մեկը, ներկայանալով որպես ծնող, ասել է, թե տվյալ նախակրթարան հաճախող իր երեխան հիվանդացել է ու նաեւ հետաքրքրվել, թե արդյոք մանկապարտեզը ջեռուցվո՞ւմ է:

Հեռախոսազանգին պատասխանող աշխատակիցը հայտնել է, որ թեպետ կենտրոնացված ջեռուցումը դեռ միացված չէ, քանի որ դրա համար հրաման պետք է լինի, բայց խմբասենյակները տաքացվում են էլեկտրական տաքացուցիչների միջոցով: Ավելի ուշ մանկապարտեզում իմացել են, որ զանգահարողը լրագրող է եղել, ու այդ թեմայով նրա պատրաստած տեսանյութն էլ պատճառ է դարձել, որ թիվ 46 նախակրթարանի տնօրեն Գայանե Աղաբեկյանն ազատվի աշխատանքից:

Համար 46 մանկապարտեզում անհասկանալի էր երեխաների նկատմամբ քաղաքապետարանի հոգատարության այս պոռթկումը: Այստեղ նկատում էին, որ տնօրենը բազմաթիվ գրություններով դիմել է Երեւանի քաղաքապետարան` հայտնելով, որ շենքի քարերը թափվում են, ու դրանք մի օր կարող են ընկնել երեխաների վրա, որ խարխլված են ու շարժվում են արդեն բավական հնացած պատուհանները, բայց խնդրի լուծմանն ուղղված որեւէ քայլ դրան այդպես էլ չի հետեւել:

 

Տպել
7056 դիտում

Հրազդանում խաչքարն ընկել է 52-ամյա տղամարդու վրա. վերջինս տեղում մահացել է

Մանուել Պետրոսյանը՝ «Երևանի գավաթ» մրցաշարի հաղթող

Երևանում և մարզերում ՃՈ-ն հատուկ պահպանվող տարածք է տեղափոխել 247 տրանսպորտային միջոց (տեսանյութ)

Կայացել է Հայ-ամերիկյան ռազմավարական երկխոսության նիստի խորհրդակցությունների բազմաոլորտ համագործակցության մասին նիստը

Վանեցյանը, Ծառուկյանը, Մինասյանը պատրա՞ստ են աշխատել վարչապետ. Կարեն Սիմոնյան (տեսանյութ)

Արսեն Թորոսյանը հեռախոսազրույց է ունեցել ՌԴ դաշնային ծառայության ղեկավար Աննա Պոպովայի հետ

Արմավիրի Չերեմուշկա թաղամասում քաղաքացին սպառնում է ինքնասպան լինել

Մեկնարկել են Քարվաճառ տանող մոտ 17 կմ երկարությամբ ճանապարհի ասֆալտապատման աշխատանքները

Գոռ Երիցյանն ու Նարեկ Աբգարյանը կմարզվեն Մայք Թայսոնի մարզչի մոտ

Ճգնաժամը կհամարեմ վերջացած, երբ տեսնեմ ՍԴ ընտրված անձանց գործունեությունը. Սոֆյա Հովսեփյան (տեսանյութ)

Ադրբեջանը պետք է հրաժարվի ռազմական շանտաժի և սպառնալիքների քաղաքականությունից, նստի բանակցային սեղանի շուրջ. ԱՀ ԱԳՆ

Իսրայելական ընկերությունները 2 կազմակերպության 155 մլն դոլար են վճարել, որն օգտագործվել են Ադրբեջանի վերնախավի համար

Հայաստանի շախմատի պատանեկան հավաքականը դարձել է Եվրոպայի առցանց առաջնության բրոնզե մեդալակիր

Կրկին պայթյուն Լիբանանում. նախնական վարկածով՝ այրվում են «Հզբոլլահ»-ի զենքի պահեստները

Ելփին գյուղում բռնկված հրդեհը մեկուսացված է. մարզային փրկարարական վարչությունում հայտարարվել է հավաք

Այսօրվա գործողությունները պետք է միտված լինեն 2050թ-ի ՀՀ-ին. Արման Բոշյան (տեսանյութ)

«Կան անհերքելի փաստեր». մահացած ծննդկանի հարազատները նշում են, որ չեն նահանջելու, ԲԿ-ից պնդում են՝ բժիշկը մեղավոր չէ

«Արարատը» այլևս ստիպված չի լինի խաղադաշտեր վարձակալել․ նորոգվում են Ձորաղբյուրի մարզաբազայի խաղադաշտերը

Փայտե մահակներ, երկաթյա ձողեր, քարեր. Գնդեվազում կան բերման ենթարկվածներ ու ձերբակալվածներ (տեսանյութ)

ՀՀ քննչական կոմիտեի նախագահ Հայկ Գրիգորյանն ընդունել է ՀՀ-ում Իտալիայի արտակարգ և լիազոր դեսպանին