Ողբով հեռանում են. ՇՊՀ-ում ազատվողների հերթում Վարդեւան Գրիգորյանի կադրերն են

Շիրակի պետական համալսարանում կադրային ջարդ է սկսվել: Նորանշանակ ՀՀԿ-ական ռեկտոր, ՀՀԿ-ի Շիրակի կառույցի ղեկավար Սահակ Մինասյանն ինտենսիվորեն կրճատում է դեկանատների գործավարուհիներին եւ լաբորանտներին: Այս մասին armtimes.com-ին տեղեկացրին ՇՊՀ-ի մեր աղբյուրները:

«Այսօր առավոտից համալսարանում լաց ու ողբ է: Ռեկտորը աշխատանքից ազատում է այն գործավարուհիներին եւ լաբորանտներին, որոնց կենսաթոշակային տարիքն արդեն լրացել է: Ճիշտ է, նրանց տարիքը լրացել է, բայց մի քանի օրից մեկնարկում է քննաշրջանը, խառը իրավիճակ կստեղծվի: Այդ գործավարուհիները եւ լաբորանտները շատ լավ գիտեին այն ծրագրերը, որոնցով աշխատում էին, ճանաչում էին բոլոր ուսանողներին, գիտեին նրանց խնդիրները: Հիմա նորերը կգան, բայց բոլորովին անտեղյակ են ծրագրերից, համալսարանում խառը իրավիճակ է»,- armtimes.com-ին հայտնեց աղբյուրը:

Նույն աղբյուրի փոխանցմամբ՝ աշխատանքից արդեն ազատվել է 10-13 աշխատակից: Մասնավորապես՝ աշխատանքից հեռացվել են ֆիզմաթ եւ մանկավարժություն ֆակուլտետների դեկանատների գործավարուհիները:

«Նրանք գիտեին, որ ազատվելու էին, բայց այսօրվա համար չգիտեին: Առավոտ եկան աշխատանքի եւ անակնկալ կերպով տեղեկացան, որ ազատված են»,- ասաց մեր աղբյուրը:

Շիրակի պետական համալսարանում ստեղծված սկանդալային իրավիճակի մասին զրուցեցինք նաեւ ռեկտոր Սահակ Մինասյանի հետ: Վերջինս նախ հերքեց մեր տեղեկությունները, ապա նշեց, որ սկսել է աշխատանքից ազատել գործավարուհիներին:

«Այո, մենք ազատում ենք այն աշխատակիցներին, որոնց կենսաթոշակային տարիքը լրացել է»,- ասաց Մինասյանը:

ՀՀԿ-ական ռեկտորից հետաքրքրվեցինք նաեւ, թե քննական այս շրջանում արդյո՞ք տեղին էր գնալ կրճատումների, երբ մեկ ամիս հետո մեկնարկում են ամառային արձակուրդները:

«Մենք փոխարինող կգտնենք: Դուք մի մտահոգվեք»,- լարված պատասխանեց Մինասյանը եւ ընդհատեց հեռախոսազանգը:

ՇՊՀ-ի մեր աղբյուրները նաեւ փոխանցում են, որ բուհում էլ ավելի սկանդալային կրճատումներ տեղի են ունենալու ժամանակ անց, քանի որ առաջիկայում որոշ ֆակուլտետներ եւ ամբիոններ միավորվելու են: Մասնավորապես, պատմաբանասիրական ֆակուլտետը միանալու է օտար լեզուների ֆակուլտետին, հայոց լեզվի ամբիոնը՝ հայ գրականության, լրագրության ամբիոններին:

ՀՀԿ-ական ռեկտորը սա կապեց ուսանողների քիչ թվի հետ:

«Նա ազատում է 40 տարվա փորձ ունեցող աշխատակիցներին, բայց խոսվում է, որ ազատելու են այն երիտասարդ կադրերին, որոնք նախկին ռեկտորի՝ Վարդեւան Գրիգորյանի կադրերն են: Այս դեպքում, մեծ սկանդալ կլինի համալսարանում»,- եզրափակեց armtimes.com-ի ՇՊՀ-ի աղբյուրը:

Նշենք, որ ԱԺ ընտրություններից հետո ՀՀԿ-ական ռեկտոր Սահակ Մինասյանից սկսել էին դժգոհել նաեւ ուսանողները: Գյումրիում շրջանառվում էին տեղեկություններ, որ նախընտրական շրջանում Մինասյանի եւ ՇՊՀ-ի գրեթե բոլոր ուսանողների միջեւ համաձայնություն է եղել, որ վերջիններս քվեարկելու են ՀՀԿ-ի օգտին, իսկ պետական քննությունների ժամանակ Մինասյանը «դուրս էր գալու նրանց լավության տակից»:

Ուսանողների դժգոհությունը հավանաբար պայմանավորված է եղել Մինասյանի կողմից համաձայնության խախտմամբ: Թեեւ պետական քննությունները դեռ չեն մեկնարկել, բայց ուսանողները նշում են, որ Մինասյանի պահվածքը չի խոսում  օգնության մասին: 

Նարեկ Կիրակոսյան, Գյումրի

Տպել
17643 դիտում

«ԳեոՊրոՄայնինգ» ընկերությունը 50 մլն. դրամ սուբսիդավորում կտրամադրի Վարդենիս համայնքի մի շարք ծրագրերի իրակնացմանը

Ucom-ի աշխատակիցը պարգևատրվել է ՀՀ քննչական կոմիտեի «Համագործակցության համար» մեդալով

Վիվա-ՄՏՍ. «Լիցք+». այժմ արդեն մինչև 2000 Դ չափով

ՎՏԲ Բանկն առաջարկում է շուկայի ամենացածր սակագինը՝ Հայաստանից Ռուսաստան դրամական փոխանցումներ իրականացնելու համար

Բանկային համակարգին սպառնացող աղմկահարույց գործը Վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են