Քաղաքացու երկու կենսաթոշակի վճարումը արագորեն դադարեցրել են, իսկ վերականգնել չեն շտապում

Գեղարքունիքի մարզի Խաչաղբյուր գյուղի բնակիչ Մարիամ Պողոսյանն ահազանգում եւ ուշադրություն է հրավիրում, որ որոշ անճշտությունների եւ սոցիալական ոլորտի ոչ ճիշտ կանոնակարգման հետեւանքով ինքը հայտնվել է անհասկանալի իրավիճակում:

Մեր խմբագրություն ուղարկած նամակում նա մասնավորապես գրում է. «Լինելով 3-րդ խմբի հաշմանդամ, զոհված զինծառայողի մայր, ՀՀ ոստիկանության նախկին թոշակառուի այրի՝  մարտ ամսից, առանց անհրաժեշտ տեղեկացման եւ հիմնավորման, ես չեմ ստացել զոհվածի ընտանիքին տրվող ամենամսյա թոշակը: Որից հետո ոստիկանության կենսաթոշակային բաժնից տեղեկանում եմ, որ իրենք էլ են պատրաստվում դադարեցնել թոշակը, քանի որ իրավունք չունեմ երկու տեղից  կերակրող կորցնողի թոշակ ստանալ: Ստիպված դիմում եմ  գրել եւ հրաժարվել ոստիկանության կողմից տրվող  թոշակից»:

Քաղաքացին, ի դեպ, նշում է, որ աշխատանքի եւ սոցիալական հարցերի նախարարության որոշ աշխատակիցների ոչ պրոֆեսիանալ աշխատանքի պատճառով, քանի որ նրանք իր հերթական բժշկասոցիալական  փորձաքննության մասին տեղեկանքը չէին ուղարկել ՀՀ ոստիկանության կենսաթոշակների բաժին, 2016 թվականի սեպտեմբերից 2 ամիս շարունակ կրկին թոշակ չէր ստացել, ու հարցը լուծվել է միայն կառավարության թեժ գիծ զանգահարելուց հետո:

Ուշագրավ է, որ ի տարբերություն նախկինի, կառավարությունն այս անգամ առանձնակի սրտացավություն հանդես չի բերել: Մարիամ Պողոսյանը թոշակից զրկվելու վերաբերյալ նամակով դիմել է վարչապետ Կարեն Կարապետյանին: Գրությունը վերահասցեագրվել է ՀՀ աշխատանքի եւ սոցիալական հարցերի նախարարություն, պատասխանի համար վերջնաժամկետ է սահմանվել ապրիլի 19-ը, բայց այն չկա ու չկա:

Թե սոցհարցերի, եւ թե պաշպանության նախարարություններից ուրբաթ օրը մեզ չհաջողվեց խնդրի վերաբերյալ մեկնաբանություն ստանալ: Իսկ ՀՀ ոստիկանության լրատվության եւ հասարակայնության հետ կապի վարչության աշխատակից Զարզանդ Գաբրիելյանը, մեր խնդրանքով մեկնաբանելով քաղաքացու հետ տեղի ունեցածը, հղում արեց «Պետական կենսաթոշակների մասին» օրենքին, որի 7-րդ հոդվածի 3-րդ կետը սահմանում է. «Պետական բյուջեից ֆինանսավորվող տարբեր կենսաթոշակների իրավունք ունեցող անձն ունի մեկ կենսաթոշակ ստանալու իրավունք՝ իր ընտրությամբ»:

Ըստ Զարզանդ Գաբրիելյանի, ՀՀ աշխատանքի եւ սոցիալական հարցերի նախարարությունից գրություն է ստացվել, որ Մարիամ Պողոսյանի դեպքում օրենքի նշված դրույթը խախտվել է, եւ քաղաքացին նախընտրել է հրաժարվել ոստիկանությունից ստացվող կենսաթոշակից:

Իսկ թե ինչպես է եղել, որ նրան երկրորդ տեղից է կենսաթոշակ նշանակվել, ոստիկանության աշխատակիցը դժվարացավ պատասխանել:

Ի վերջո, ինչպես մանրամասնեցին Մարիամ Պողոսյանի ընտանիքի անդամները, ստեղծվել է այնպիսի իրավիճակ, որ պետական մի մարմինը դադարեցրել է քաղաքացու կենսաթոշակի վճարումը, մյուսից ինքն է հրաժարվել, ու արդյունքում ոչ մեկը չի ստանում: Եվ որպեսզի նրան դարձյալ վճարվի հասանելիք թեկուզ մեկ կենսաթոշակը, հայտնվել է թղթատարության ու բյուրակրատական քաշքշուկների մեջ:

Տպել
3228 դիտում

Սուրբ Գրիգոր Լուսավորիչ բկ-ում սննդային թունավորումը վերաբերում էր 33 հոգու, 25-ը՝ բուժանձնակազմից

Երեւանի Վարդավառի լճում հայտնաբերվել է մոտ 50-ամյա տղամարդու դի

Ովքե՞ր են ցուցարարների իրական դաշնակիցները

Արցախի նախագահն այցելել է Մատենադարան. Ստեփանակերտի գրադարանում նմանատիպ պայմաններ կստեղծվեն

Գավառի ոստիկանները տաք հետքերով կանխել են 40 ոչխարի գողության փորձը. կան բերման ենթարկվածներ

Վաղաշեն գյուղի նախկին դպրոցի չուգունե ռադիատորները գողացած 4 պատանի բերման է ենթարկվել

Կորոնավիրուսից մահացել է Ուզբեկստանի փոխվարչապետը

Ջերմաստիճանը սեպտեմբերի 20-22-ին կնվազի 2-3 աստիճանով, մոտակա օրերին սպասվում են անձրեւներ

Ալիեւի հայտարարություններն ի ցույց են դնում նրա անկարողությունը. ՀՀ ԱԳՆ խոսնակի պատասխանը՝ Ադրբեջանի նախագահին

Վրաստան մուտքն արգելող որոշումը շարունակում է ուժի մեջ մնալ. բացառություն են բեռնափոխադրումները

«Սուրբ Գրիգոր Լուսավորիչ» ԲԿ-ում գրանցվել են թունավորումներ բուժանձնակազմի որոշ անդամների եւ մի քանի պացիենտի մոտ

Հրդեհ Սպիտակ-Վանաձոր ավտոճանապարհի անտառամերձ հատվածում. այրվել են ծառեր, բուսածածկույթ

Նախկինները մի հաջողություն այնուամենայնիվ արձանագրեցին

Ամսական դրամաշնորհ՝ զբոսաշրջության և հարակից ոլորտների տնտեսվարողներին. Կառավարության նոր ծրագիրը

Հայ դիպուկահարը սահմանել է սպորտային սեփական ռեկորդ՝խոցելով նշանակետը 2574 մետրից

Երկար դադարից հետո Ալիևը երեկ որոշել է արձագանքել Փաշինյանի հրապարակած յոթ կետերին. Տ. Հայրապետյանը՝ արձագանքի մասին

Շատ օգտակար քննարկում ենք ունեցել Արցախում «Թումո» կենտրոնների ցանցն ընդլայնելու ուղղությամբ. ԱՀ նախագահը Երևանում է

Գեղադիր գյուղում այրվել է մոտ 100 հակ անասնակեր

Թուրքիան Ադրբեջանին ուժեղ ռազմական աջակցության է ցուցաբերում. ԱԳ նախարարի հարցազրույցը՝ «Sky News Arabic»-ին

Անկախության տոնը պետք է նշվեր Վանաձորում, բայց համավարակն այն սփռեց Հայաստանով մեկ