Ինչո՞ւ է Քոչարյանը հրավիրում իր հետ հանդիպման եւ ի՞նչ կապ ունեն Աբրահամյանն ու Ծառուկյանը

Վերջին երկու շաբաթվա ընթացքում լրատվամիջոցներում ինտենսիվ շրջանառվում են Հովիկ Աբրահամյանի եւ Ռոբերտ Քոչարյանի անունները: Հիմնական ասելիքը հետեւյալն է. ամեն ինչ դեռ առջեւում է, նրանք դեռ կվերադառնան: Սա ասվում է տարբեր ճանապարհներով: Մի կողմից թերթերում հավաստի տեղեկություններ են հայտնվում, որ օրինակ Հովիկ Աբրահամյանը ուղիներ է փնտրում Սերժ Սարգսյանի հետ հաշտվելու եւ հարաբերությունները կարգավորելու համար: Իսկ դա նշանակում է, որ նա ինչ-որ կարգավիճակում կվերադառնա ակտիվ քաղաքականություն:

Երեկ արդեն շրջանառվում էր նաեւ այն հավանական կարգավիճակը, որ կարող է ստանձնել Աբրահամյանը` Անվտանգության խորհրդի քարտուղար: Այս պոստը մայիսի 1-ից թափուր է մնալու  Յուրի Խաչատուրովի` ՀԱՊԿ գլխավոր քարտուղար նշանակվելու կապակցությամբ:

Մամուլում շրջանառվող այս լուրերին զուգահեռ Հովիկ Աբրահամյանն ինքը կանգնեց լրագրողների առաջ եւ պատասխանեց նրանց հարցերին: Նման հնարավորություն ստեղծեց` մասնակցելով Կարեն Դեմիրճյանի ծննդյան 85-ամյակին նվիրված միջոցառումներին: Պանթեոնում պատասխանելով «1in.am»-ի հարցերին, Հովիկ Աբրահամյանը շատ տարօրինակ կերպով կառավարության աշխատանքները գնահատելու խնդրանքին ի պատասխան չխոսեց «գետ լցվող տեխնոլոգիական գործարանի խառնուրդային ջրերի մասին, որոնք կմխտռեն ողջ մայր հունը»:

Նա աննախադեպ պոզիտիվ արտահայտվեց կառավարության մասին, ասելով, որ եթե նույնիսկ ժողովուրդը չի նկատում, ինքը, լինելով նախկին վարչապետ, կառավարության աշխատանքում դրական տեղաշարժեր է տեսնում: Աբրահամյանը վստահ է, որ այս ընտրությունների արդյունքում ձեւավորվելիք կառավարությունը ամեն ինչ անելու է հայ ժողովրդի զարգացումն ապահովելու համար: Նա նաեւ չբացառեց, որ ինքը կարող է կառավարությանը մաս կազմել: Այդ հարցին ի պատասխան նա ասաց. «Դեռ ոչինչ պարզ չի»:

Ինչ է նշանակում այս ամենը: Ինչպես կարող էր Կարեն Կարապետյանը Հովիկ Աբրահամյանի համար «տեխնոլոգիական գործարանի խառնուրդային ջրից» վերածվել Հայաստանի զարգացումն ապահովող վարչապետի: Իսկ գուցե նախկին վարչապետը ընտրություններից հետո ձեւավորվելիք կառավարություն ասելով Կարեն Կարապետյանի գլխավորած կառավարությո՞ւնը նկատի չունի: Ճիշտ է, ՀՀԿ-ական վերնախավը Սերժ Սարգսյանի գլխավորությամբ բազմիցս հայտարարել է, որ ապրիլի 2-ի ընտրություններում ՀՀԿ-ի հաղթանակի դեպքում իրենց վարչապետի թեկնածուն մնալու է Կարեն Կարապետյանը, բայց քաղաքականությունը փոփոխական երեւույթ է: Հովիկ Աբրահամյանի պահվածքն այս իմաստով առնվազն տարօրինակ է եւ ինչ-ինչ խորքային պրոցեսների մասին է վկայում:

Տարօրինակ զուգադիպությամբ այս նույն ժամանակահատվածում միանգամայն նույն մեթոդաբանությամբ շրջանառվում է նաեւ Ռոբերտ Քոչարյանի՝ ակտիվ քաղաքականություն վերադառնալու թեման:  Օրինակ, անցած շաբաթ լավատեղյակ աղբյուրները մամուլին տեղեկացրել էին, որ Քոչարյանը հանդիպել է «Ծառուկյան» դաշինքի համամասնական ցուցակի 2-րդ համարը զբաղեցրած Իշխան Զաքարյանի հետ: Երեկ Քոչարյանի գրասենյակի ղեկավար Վիկտոր Սողոմոնյանը հաստատեց այս տեղեկությունը. «Ինչ վերաբերում է պարոն Զաքարյանին, ապա նրանց հանդիպումները պարբերական բնույթ են կրում ու մեզ համար հատուկ իրադարձություն չեն»,-կայքերից մեկին տված հարցազրույցում ասել էր Սողոմոնյանը:

Ավելին, նա նաեւ հայտարարել էր. «Ի դեպ, որ խոսք է գնում՝ ասեմ. արտառոց են ոչ թե նման հանդիպումները, այլ դրանց բացակայությունը, հատկապես այն պարագայում, երբ մարդը որպես պաշտոնյա կայացել է հենց նախագահ Քոչարյանի կառավարման տարիներին»:

Սա նման է նախատինքի՝ ուղղված Քոչարյանի օրոք պաշտոնավարած բոլոր այն անձանց, որոնք այս ընթացքում չեն այցելում նրան: Մյուս կողմից, սույն հայտարարությունը նաեւ նման է «հրավերի»: Ուշագրավ հրավեր է հատկապես Սողոմոնյանի այն հավաստիացումների ֆոնին, թե Ռոբերտ Քոչարյանը որեւէ խոչընդոտ չունի քաղաքականություն վերադառնալու համար: «Քոչարյանի վերադարձի հնարավորություններ միշտ եղել են ու հիմա էլ կան»,- ասում է Սողոմոնյանը:

Հնարավոր է, իհարկե, որ Քոչարյանի եւ նրա մերձավորների գնահատմամբ այդպես է որ կա, սակայն այդ մասին հայտարարվում է միայն հիմա: Ինչո՞ւ: Ինչու է Քոչարյանը, որը խորհրդարանական ընտրությունների նախաշեմին խիստ նեղստած հայտարարություն արեց՝ իրեն հնարավորինս հեռու պահելով քաղաքական պրոցեսներից, հիմա խոսում քաղաքականություն վերադառնալու հնարավորությունների մասին: Ի՞նչ է փոխվել եւ ի՞նչ է կատարվում: Արդյոք Հովիկ Աբրահամյանի եւ Ռոբերտ Քոչարյանի վերադարձի հնարավորությունները փոխկապակցվա՞ծ են, արդյոք դրա մե՞ջ է նաեւ Հովիկ Աբրահամյանի խնամի եւ Քոչարյանի օրոք իր քաղաքական առաջին քայլերը կատարած Գագիկ Ծառուկյանը: Եվ ի՞նչ կապ ունի այս ամենը ընտրությունների արդյունքում ձեւավորվելիք նոր կառավարության հետ: 

Տպել
34356 դիտում

Թուրքիայում ահաբեկիչների վնասազերծման ժամանակ նրանցից մեկը պայթեցրել է իրեն (տեսանյութ)

Մեղադրանքներ, բոյկոտ ու վիրավորանք. Ֆրանս-թուրքական հեռակա հակամարտությունը

Սկզբում 5.000, հետո 40․000. Վանաձորում երեխաները էջանշաններ ու օրացույցեր են վաճառում, գումարը փոխանցում հիմնադրամին

Ադրբեջանի սպառնալիքներից չենք վախենում․ Հովհաննիսյանը՝ թուրքական F-16-երը կիրառելու Ալիևի հայտարարության մասին

Հաղթելու ենք նաեւ կրթությամբ ու գիտությամբ․ մեդալակիր հայ երիտասարդները մտադիր են իրենց գիտելիքով հզորացնել հայրենիքը

Հումանիտար ուղեբեռն առաջնահերթության կարգով ուղարկվում է Արցախ. ԱԻ փոխնախարար

Սյունիքի դարպասները հյուսիսից հարավ ամուր փակ են. դուխներդ տեղը, գլուխներդ բարձր. Արայիկ Հարությունյան

Թշնամական երկու ԱԹՍ քիչ առաջ ցած ընկավ. Վահրամ Պողոսյան

Ադրբեջանի կողմից հայկական էջերին ուղարկվող պատերազմական դաժանություններով տեսանյութերը կուղարկվեն միջազգային մարմիններին

Դարբնիկ գյուղում այրվել է մոտ 800 քմ խոտածածկույթ, փայտե շինություն, վառելափայտ և կենցաղային իրեր. ԱԻՆ

Հակառակորդը, այո, մոտեցել է Սյունիքի դարպասներին, բայց իրավիճակը ծայրահեղ չէ․ Արծրուն Հովհաննիսյան

Հայ գեներալի ու ժամկետայինի հակագրոհից փախուստի դիմեցին աշխարհի հզորներից համարվող հատուկջոկատայինները. Հովհաննիսյան

Երեկ երեկոյան հակառակորդին հաջողվեց գրավել Կուբաթլուն և որոշ ուղղություններով առաջանալ․ Արծրուն Հովհաննիսյան

Տեսանյութ է տարածվել, որտեղ ոստիկանության ծառայողը դժգոհում է կացության պայմաններից ու կենցաղային վիճակից. պարզաբանում

Առ այսօր հայտնի է գերեվարված 15 հայ զինծառայողի, 1 բնակչի մասին․ Կառավարությունն ու փաստաբանները դիմել են ՄԻԵԴ

Ամեն տղամարդ պետք է հենց հիմա ոտքի կանգնի ու գնա իր զինկոմիսարիատ, սա իմ հրամանն է. վարչապետ (տեսանյութ)

Աներկբա խոստովանեմ, որ մեր հայրենիքի պաշտպանները մարդու իրավունքների գլխավոր պաշտպաններն են մեզ համար. Արցախի ՄԻՊ

Արցախն ու պատերազմական օրերի պատկերը Դիլաքյան եղբայրների վրձնած նկարներում ու գույներով (լուսանկարներ)

Շարունակվում են հակահամավարակային անվտանգության կանոնների վերահսկման բոլոր գործառույթները. ոստիկանություն

Տիգրան Բարսեղյանը դուբլի հեղինակ դարձավ