ՀՀԿ-ական պատգամավոր Շիրակ Թորոսյանի մուտքը Վրաստան կրկին արգելվել է. տեղապտույտ

Նկատեցի՞ք՝ անցած երկու օրերին Հայաստանում էր Վրաստանի արտաքին գործերի նախարար Միխեիլ Ջանելիձեն:

Հետընտրական շոկի մեջ հայտնված ու Երեւանի ավագանու ընտրություններին պատրաստվող քաղաքական ուժերի եւ մեկնաբանների համար գուցե այդքան էլ հետաքրքիր թեմա չէ, սակայն իր կարեւորությամբ այն գերազանցում է մի քանի ընտրություններ միասին վերցրած: Վրաստանով են անցնում Հայաստանի տրանսպորտային-կոմունիկացիոն հիմնական ուղիները, այդ երկրով է Հայաստան գազ, նավթամթերք ու ռազմամթերք մատակարարվում: Սա ինչ-որ առումով Հայաստանի կյանքի ճանապարհն է:

Հայ-վրացական հարաբերությունների օրակարգում թեպետ շատ խնդրահարույց կետեր կան, սակայն ապրիլի 11-ին Երեւանում Միխեիլ Ջանելիձեի հետ համատեղ կայացած ասուլիսին ՀՀ արտգործնախարար Էդվարդ Նալբանդյանը բավականին հետաքրքիր հայտարարություն արեց. «Հայ-վրացական հարաբերություններում չկան խնդիրներ, այլ կան հարցեր, որոնք կարելի է լուծել համատեղ ջանքերով»: Սա թերեւս արտգործնախարարի՝ նախկինում արվող «հայ-վրացական հարաբերություններում չկան խնդիրներ, որ չլուծվեն բանակցությունների միջոցով» հերթապահ հայտարարության նոր տարբերակն է: Ստացվում է, այժմ արդեն այդ հարաբերություններն այնքան են զարգացել, որ խնդիրներ չկան, այլ համատեղ ջանքերով լուծելի հարցերն են մնացել:

Միեւնույն ժամանակ, երբ նայում ենք իրականության աչքերին ու առանց դիվանագիտական ձեւակերպումների մոտենում հայ-վրացական հարաբերությունների օրակարգին, ապա խնդիրների ծավալները գրեթե չեն նվազել: Օրինակ՝ Հայաստանից դասագրքեր չեն հասնում Վրաստանի հայկական դպրոցներին: Դրանք կամ տարիներով մնում են այդ երկրի մաքսայինի պահեստներում, կամ ընդհանրապես չեն հասնում տեղ: Բացի դրանից, Ջավախքում կա հայերենի դասավանդման խնդիր ու հայոց լեզվի կարգավիճակի հարցը: Մյուս կողմից, Վրաստանում գոյություն ունի հայաստանցիների «սեւ ցուցակ», որոնց թույլ չեն տալիս մուտք գործել Վրաստան: Հիշեցնենք, որ այդ ցուցակում են հայտնվել հայտնի հանրային եւ քաղաքական դեմքեր: Նրանցից են՝ ՀՀ ԱԺ իշխող ՀՀԿ խմբակցության պատգամավոր, ծնունդով ջավախքցի Շիրակ Թորոսյանը, փորձագետներ Վահե Սարգսյանը եւ Իգոր Մուրադյանը:

Ինչպես նշում է Շիրակ Թորոսյանը, հայ-վրացական հարաբերությունների ջերմացման մասին հայտարարությունների ֆոնին տարեցտարի այդ ցուցակը միայն ընդլայնվում է: «Սա երկու բարեկամ պետությունների հարաբերություններում ուղղակի ավելորդ է: Մյուսը հայոց լեզվի դասաժամերի քանակի նվազեցումն է Ջավախքի հայկական դպրոցներում: Իհարկե, այնտեղի հայությունն իսկապես պետք է տիրապետի վրացերենին, բայց դա պետք է լինի ըստ անհրաժեշտության եւ կամավորության սկզբունքով, ոչ պարտադրաբար: Այս համատեքստում չպետք է մատնացույց արվի, որ մարդիկ վրացերեն չգիտեն, դրա համար էլ պաշտոններ չեն զբաղեցնում: Դա շատ թույլ փաստարկ է, քանի որ բազմաթիվ ջավախքցիներ փայլուն տիրապետում են վրացերենին, Վրաստանի այլ հատվածներում ապրող հայեր լավ տիրապետում են վրացերենին, սակայն մենք Վրաստանի պետական համակարգում հայերի չենք տեսնում»,- նշում է Շիրակ Թորոսյանը:

Շիրակ Թորոսյանի մուտքը Վրաստան մի պահ բացվեց այն բանից հետո, երբ Վրաստանում տեղի ունեցավ իշխանափոխություն, եւ երկրի քաղաքական ղեկը ստանձնեց «Վրացական երազանք» կուսակցությունը: Թորոսյանն այդ ժամանակ մի քանի անգամ այցելեց Վրաստան, սակայն հետո անհասկանալի պատճառներով նրա նկատմամբ վերականգնվեց նախկին արգելքը:

Թեպետ վերոնշյալ խնդիրների լուծումը վերածվում է խճճված «գորդյան հանգույցի», սակայն կողմերը կարծես որոշել են մի աստիճան վերեւ բարձրանալ եւ խոսել այլ խնդիրների, կամ, ինչպես Էդվարդ Նալբանդյանն է ասում՝ հարցերի մասին: Դրանք են՝ Իրան-Հայաստան-Վրաստան-Ռուսաստան էներգետիկ-տրասնպորտային միջանցքի ձեւավորումը, ինչպես նաեւ հայ-իրանական սահմանին ստեղծվող ազատ տնտեսական գոտի վրացական ներդրումներ ներգրավումը: Եթե առաջին ծրագիրը շանսեր ունի իրականություն դառնալու, թեեւ դրա տնտեսական էֆեկտը դեռ պետք է հաշվարկել, ապա երկրորդի հաջողությանը փորձագետները խիստ կասկածում են: Առաջինի հաջողությունն էլ հիմնականում կախված է ոչ այնքան Հայաստանից, որքան Իրանից ու Ռուսաստանից: Սակայն այն գոնե ապրանքների փոխադրման տեսանկյունից արդեն դրական իմաստով իրեն զգացնել է տվել:

Կովկասի ինստիտուտի փորձագետ Հրանտ Միքայելյանը կարծում է, որ Վրաստանի տարածքով Հայաստան-Ռուսաստան երկաթուղային եւ լաստանավային փոխադրման սակագների 30-50 տոկոս նվազման մասին վերջերս տարածված լուրը հիմնականում պատժամիջոցներից ձերբազատված Իրանի նկատմամբ Վրաստանի հետաքրքրությամբ է պայմանավորված: «Վերջերս հայ-վրացական հարաբերությունները բավականին ակտիվացել են, ու այստեղ մեծ դերակատարություն ունի Իրանի գործոնը: Հայաստանը, կարելի է ասել, տարանցիկ երկիր է դարձել դեպի Իրան ապրանքափոխադրումների համար: Արդյունքում անցյալ տարի Հայաստանում տրանսպորտային բեռնափոխադրումների ծավալն աճեց 80%-ով»,- նշեց Հրանտ Միքայելյանը՝ հավելելով, սակայն, որ ինքը մեծ սպասումներ չունի Մեղրիի Ազատ տնտեսական գոտում վրացական նեդրումների հնարավոր հոսքի մասով:

Հիշեցնենք, այս հարցի վրա իրենց քննարկումներում հատուկ կանգ առան Վրաստանի ԱԳ նախարարն ու ՀՀ վարչապետը: Նրանք համաձայնել են, որ նման նախաձեռնություններն արդյունավետ հարթակ կլինեն երրորդ երկրների շուկաներ մուտք գործելու հնարավորություններին ծանոթանալու եւ դրանք ավելի հասանելի դարձնելու առումով: «Իհարկե, Մեղրու ազատ տնտեսական գոտին գրավիչ նախաձեռնություն է, սակայն կասկածելի է, որ Վրաստանն այնտեղ գումար ներդնի»,- նշում է «Կովկասյան տուն» հետազոտական կենտրոնի գործադիր տնօրեն Գեորգի Կանաշվիլին՝ հավելելով, որ Վրաստանն ինքը ներդրումների կարիք ունի, եւ մեծ գումարներ չունի, որ կարողանա ներդնել Հայաստանում: «Իհարկե, Իրանը Վրաստանի համար մեծ կարեւորություն է ներկայացնում, սակայն նման փողեր Վրաստանում չկան: Վրաստանն ինքն է ներդրողներ ներգրավում, քանի որ եթե մենք փող ունենայինք, ապա մեր միջոցներով հյուրանոց կամ գործարան կկառուցեինք, այլ ոչ թե ուրիշներին կներգրավեինք», - ասաց փորձագետը:

Տպել
3685 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում