Երևան
6 °C
Երեկ հայտնի դարձավ, որ Երեւանի ավագանու ընտրություններին «Ելք» դաշինքի նախընտրական ցուցակը գլխավորելու է Նիկոլ Փաշինյանը: Այսինքն, Երեւանի քաղաքապետի թեկնածուն նա է լինելու:
Իսկ մինչ այդ Հանրապետական կուսակցությունն էր հայտարարել, որ քաղաքապետի իր թեկնածուն նորից Տարոն Մարգարյանն է: Երեկ նաեւ Զարուհի Փոստանջյանը հայտարարեց, որ այդ ընտրություններին կմասնակցի իր նորաստեղծ «Երկիր ծիրանի» կուսակցությունը, եւ ամենայն հավանականությամբ, ցուցակը հենց ինքն էլ կգլխավորի: Առայժմ անհայտ է խորհրդարանական ընտրություններին երկրորդ տեղը զբաղեցրած «Ծառուկյան» դաշինքի մասնակցության հարցը, եւ չի բացառվում, որ այս ուժն այդ ընտրություններին չմասնակցի: Ամեն դեպքում, դաշինքից չմասնակցելու վերաբերյալ տեղեկությունները չեն հերքում: Երեւանի ավագանու ընտրությունների եւ ընտրություններում «Ելք»-ի հնարավորությունների շուրջ զրուցեցինք դաշինքի առաջնորդներից Արամ Սարգսյանի հետ: «Մենք մեր հուշագրում ենք անդրադարձել, որ Երեւանի ավագանու ընտրություններում միասնական ենք հանդես գալու եւ որ հետագայում դաշինքի անդամ կուսակցությունները մեկ ուժ են դառնալու»,- ասաց նա:
- Իսկ մեկ ուժ դառնալու վերաբերյալ քննարկումները ե՞րբ եք անցկացնելու: Երեւանի ավագանու ընտրություններից հետո՞:
- Ժամանակի մեջ այդ ամենը շատ ավելի իրատեսական է դառնում: Այս պահին ժամանակ չենք ունեցել այդ հարցին անդրադառնալու: Խորհրդարանական ընտրություններում «Ելք» դաշինքի գրանցած ցուցանիշները թիմային աշխատանքի արդյունք են, քաղաքապետի ընտրություններին էլ միասնական ենք հանդես գալու: Այս բոլորը հիմնավորում են, որ այդ հնարավորությունը կա, եւ ինչ-որ պահից անդրադառնալու ենք նաեւ դրան:
- Իսկ Երեւանում ինչպե՞ս եք գնահատում «Ելքի» հնարավորությունները:
- Մենք մասնակցում ենք հաղթելու համար: Խորհրդարանական ընտրություններին Երեւանում «Ելքի» ցուցանիշները բավականին բարձր էին, Երեւանում մենք ունեցանք լուրջ հաջողություններ: Հանրությունը «Ելքի»՝ ԱԺ-ում խմբակցություն ունենալու հանգամանքը հաղթանակ է համարում, իսկ մենք գտնում ենք, որ այս ընտրություններում էլ կարող ենք լուրջ հաջողություններ ունենալ:
- Պարոն Սարգսյան, իսկ ինչպե՞ս եք գնահատում խորհրդարանական ընտրությունները: Սա եզակի համապետական ընտրություններից է, որի դեպքում հետընտրական պրոցեսներ չեղան: Եվ որքան էլ ցավալի է, ընտրողը իշխանություններից ընտրակաշառք վերցնելով՝ նրանց հետ համատարած ընտրակեղծիքների գնաց: Այս դեպքում արդեն հանրությունը դժվար թե պայքարի դուրս գա:
- Միանշանակ համամիտ եմ: Եթե ձեզանից ձեր հեռախոսը գողանան, դուք կբողոքեք ու կդիմեք ոստիկանություն: Իսկ եթե ինքներդ վաճառեք, խոսելու բան չեք ունենա: Բայց կար նաեւ այլ հանգամանք՝ ընդդիմադիր դաշտում ոչ ընդդիմություն, ոչ իշխանության կամ լղոզված ընդդիմության մոդելը բերեց նրան, որ հանրությունը որոշակի թերահավատություն ուներ այդ դաշտի հանդեպ: Եվ այս հանգամանքները միասին հանգեցրին այն իրողությանը, որ այս ընտրություններում թեկուզ ընտրատեղամասից դուրս ավելի մեծ ծավալի խախտումներ տեղի ունեցան, բայց հանրությունը բողոքի չելավ:
- Հատկապես այս ընտրություններում ընտրողի կողմից կամավոր ընտրակաշառքի գնալը ցույց է տալիս, որ մեր հասարակության մեջ խորը հիվանդություն կա: Ինչպե՞ս է հնարավոր այն առողջացնել:
- Ես կարծում եմ, «Ելք»-ին ձայն տված 120.048 հոգին մեր հանրության ընտրյալ զանգվածն է, որն էլ կարող է այդ առողջացման համար մերան հանդիսանալ: Հանրության մի հատված հավատաց, որ ելք կա եւ մերժեց կաշառքն ու քվեարկեց մեր դաշինքի օգտին, քվեարկեց ընդդիմության օգտին: Իսկ մենք հակված ենք մեր հետագա գործունեությամբ բազմապատկել այն: Իհարկե, եթե ընտրողը նախընտրել է 10.000 դրամը, եւ ոչ թե քաղաքական գործչին, այդտեղ քաղաքական ուժերն անելիքներ ունեն: Բայց կան նաեւ օբյեկտիվ բազմաթիվ պատճառներ՝ սկսած Արցախի հարցի լուծված չլինելուց մինչեւ տարբեր ժամանակներում տարբեր ընդդիմադիր ուժերի ճամբարափոխությունը: Այսինքն, այն ուժերը, որոնք ընտրություններին որպես ընդդիմադիր են հանդես գալիս, բայց հետո համագործակցում են իշխանության հետ, նպաստում են, որ հանրությունը հիվանդանա, չպայքարի եւ չվստահի ոչ միայն իշխանությանը, այլեւ ընդդիմությանը: Բայց հուսահատվելու խնդիր չկա, որովհետեւ ելք կա, եւ ելքը ասելիք ունենալը ու կուռ թիմով աշխատելն է: Իսկ մեր դաշինքը ամենօրյա ճիշտ աշխատանքով կարողացավ արդյունքներ գրանցել:
- Երեւանի ավագանիում ընտրությունների դեպքում մտավախություն չունե՞ք, որ իշխանությունները նորից համատարած ընտրակաշառքով հաղթանակ կգրանցեն:
- Ոչ միայն մտավախություն ունեմ, այլեւ չեմ էլ կասկածում, որ իշխանությունը նորից նույն մեթոդն է աշխատեցնելու: Իշխանության ամենապրիմիտիվ մեթոդն է, որ 50.000 հոգու տալիս են 10.000-ական դրամ, որոնցից 43.000-ը նրանց է ընտրում, իսկ 7000-ը խաբում է: Տուն առ տուն հաշվառում են, վճարում, որ իրենց օգտին պետք է քվեարկեն: Բարեբախտաբար Երեւանում այդ մեխանիզմն ամբողջությամբ չի աշխատում: Դրա համար էլ Երեւանում «Ելքի» ցուցանիշներն ավելի բարձր են: Իշխանություններն այս անգամ էլ նույն մեթոդն են կիրառելու, բայց մենք համոզված ենք, որ «Ելքին» հավատացողների թիվն անհամեմատ ավելի շատ է լինելու:
- Հնարավոր է, Երեւանի ավագանու ընտրություններին «Ծառուկյան» դաշինքը չմասնակցի քաղաքապետի ուժեղ թեկնածու չունենալու պատճառով: Սա ավելի՞ է մեծացնում «Ելքի» հնարավորությունները:
- Ես կարծում եմ, որ «Ծառուկյան» դաշինքի թեկնածուն Տարոն Մարգարյանն է, նրանց կեցվածքը դա է նշանակում: Եթե մասնակցեն էլ, իմ ընկալմամբ նորից այդպես է: Խորհրդարանական ընտրություններին այդ դաշինքի մասնակցությունը միտված էր իշխանությունների համար «բուֆեռ» դառնալու, ընդդիմադիրների քվեները պակասեցնելու նպատակին: Նաեւ «Ծառուկյան» դաշինքն իր մտնելով՝ ապահովեց, որ ետընտրական պրոցեսներ չլինեն, որ իրական ընդդիմությունը լավագույն դեպքում երրորդ տեղը գրավի:
Մի քանի ժամով կլհոսանքազրկվեն Երևանի և 2 մարզի որոշ հասցեներ
Բախվել են «Նիսսան» և «ՎԱԶ» մակնիշի ավտոմեքենաներ
Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ
Քարաթափում Արարատի մարզում. ճանապարհը դարձել է միակողմանի երթևեկելի
Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել
ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին
Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)
Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը
ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան
Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին
Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր
Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան
Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ
Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են
ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն
Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ
Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան
96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են
Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը
Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված
Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին
200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան
Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին
Բախվել են շտապօգնության ավտոմեքենան և «Մերսեդես»-ը
Աֆղանստանում 5․7 մագնիտուդ ուժգնությամբ երկրաշարժ է տեղի ունեցել
Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)
Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը
Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան
Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն
Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը
Վարդենյաց լեռնանցքը դժվարանցանելի է կցորդիչով բեռնատարների համար
Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել
29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա
Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի
Ճամբարակի սննդի օբյեկտի գործունեության կասեցումը վերացվել է
Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները
Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել
Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը
Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը
Ինչ փոփոխություններ է արձանագրել տարադրամի շուկան մարտի 28-ին
© 2024 Հայկական ժամանակ