Էլ չկա նախկին էնտուզիազմը. ութ ամսից ամեն ինչ պարզ կլինի

Ընտրություններն ավարտվեցին, ՀՀԿ-ն գալիք ԱԺ-ում կունենա մեծամասնություն, կարող է միայնակ ձեւավորել կառավարություն...: Հիմա մնում է սպասել, տեսնել, թե ինչպես է այդ կառավարությունը իրականացնելու տնտեսական ծրագիրը:

Երկար սպասելու կարիք չի լինի: ՀՀ վարչապետ, ՀՀԿ փոխնախագահ Կարեն Կարապետյանը մի քանի անգամ հստակ հայտարարել է որ այս տարվա ընթացքում ՀՀ տնտեսության մեջ 850 միլիոն դոլարի ներդրումը համարում է իրատեսական: «Այս տարվա ընթացքում» ժամանակահատվածին մնացել է ընդամենը 8 ամիս, եթե ապրիլն էլ հաշվենք: Այսինքն, եթե պատկերավոր  ասենք, յուրաքանչյուր ամսվա ընթացքում մենք պետք է ունենանք ավելի քան 100 միլիոն դոլարի օտարերկրյա ներդրում: Համեմատության համար նշենք, որ անցած ամբողջ տարվա ընթացքում ունեցել ենք 170 դոլարի օտարերկրյա ներդրումների զուտ ներհոսք:

Սա թերեւս միակ կոնկրետ ցուցանիշն է, որով կարելի է չափել, թե որքանով են իրատեսական կառավարության սպասումները եւ ծրագրերը: Մյուս ցուցանիշների մասով կոնկրետությունն այնքան էլ հստակ չէ: Եվ ուրեմն, ինչ պետք է լինի այս 8 ամիսների ընթացքում, որպեսզի մեր տնտեսությունը «ստանա» 5 անգամ ավելի շատ ներդրում, քան ստացել է անցած տարվա ընթացքում: Թե ի՞նչ կոնկրետ ծրագրերում են ակնկալվում այդ 850 միլիոն դոլարի ներդրումները, այդպես էլ չի հստակեցվել: Ու կարծես կառավարությունում էլ արդեն իրատեսական չեն համարում այս ծավալի ներդրումները: Համենայն դեպս այս թեմայով ընտրություններից հետո նախկին` նախընտրական փուլի էնտուզիազմը ակնհայտորեն չկա: Նույնիսկ Կարեն Կարապետյանի մոտ է նկատվում էնտուզիազմի որոշակի նվազում:

Ընտրությունների ավարտից անմիջապես հետո ՀՀ վարչապետը հարցազրույց է տվել «Իզվեստիա» պարբերականին, որում նա որեւէ նոր բան չի ասել, շատ զգուշավոր է գտնվել եւ բավարարվել է ընդհանուր ձեւակերպումներով: Ասել է, թե Հայաստանը ԵՏՄ շուկային առաջարկելու ապրանքներ ունի, ասել է, որ պետք է խորացնել համագործակցությունը, որ ԵՏՄ-ի պոտենցիալը ամբողջությամբ չի օգտագործվում եւ այլն: Ասել է նաեւ, թե Հայաստանը պետք է կամուրջ դառնա երրորդ երկրների եւ ԵՏՄ-ի միջեւ, որ Հայաստանի համար բացվել է 183 միլիոնանոց շուկա...: «Մենք շահագրգռված ենք, որպեսզի մեր ռուսաստանցի գործընկերները գտնեն նոր առիթներ եւ ծրագրեր Հայաստանում ներդրումներ անելու համար: Հայաստանը բաց է ներդրումների համար: Մենք առաջարկներ ունենք ներդրողներին եւ մենք ստեղծում ենք նրանց համար բոլոր պայմանները նորմալ բիզնես անելու, փող վաստակելու, աշխատատեղեր ստեղծելու եւ հարկեր վճարելու համար»,- ասել է վարչապետը: Ամբողջ խնդիրն այն է, որ «մեր ռուսաստանցի գործընկերների» համար եւ հատկապես նրանց համար Հայաստանում միշտ էլ ստեղծված են եղել «բոլոր պայմանները»: Ռուսաստանցի ներդրողները ժամանակին մեծ «ներդրումներ» են արել Հայաստանում, ձեռք են բերել մեր էներգետիկայի մեծագույն մասը, կապը, կառավարում են երկաթգիծը եւ այլն: Բայց հիմա նրանք արդեն Հայաստանից տանում են այդ «ներդրումների» տված եկամուտները: Օրինակ, անցած տարի տարել են ավելի քան 100 միլիոն դոլար, ու որեւէ ակնարկ չկա, որ կանեն նոր ներդրումներ նոր եկամուտներ ստանալու համար: 

Ու ընդհանրապես, հարցազրույցից ակնհայտ է դառնում, որ Կարեն Կարապետյանը հիմնականում հույս է դրել Ռուսաստանի վրա:  «Այս տարվա մարտի 24-ին տեղի ունեցավ ռազմավարական համաժողով, որին մասնակցեցին Հայաստանի ռազմավարական նախաձեռնությունների կենտրոնի, ՌԴ ռազմավարական նախաձեռնությունների գործակալության ներկայացուցիչները եւ բիզնեսի նախաձեռնությունների առաջմղման Ակումբի ղեկավարները: Դա, իհարկե, շատ կարեւոր  հարթակ է օգտակար գաղափարների, ռազմավարությունների, փորձի փոխանակման, երկրի տնտեսական զարգացման ճանապարհների փնտրտուքի համար»,- ասել է Կարապետյանը: 

Ինչով է ուշագրավ նրա այս պնդումը: Հայաստանում Ռազմավարական նախաձեռնությունների կենտրոնը ստեղծվել է անցած տարվա վերջերին եւ առայժմ այդ կառույցի արդյունավետության մասին դատել հնարավոր չէ: Ռուսաստանի Ռազմավարական նախաձեռնությունների գործակալությունը ստեղծվել է դեռ 9 տարի առաջ, բայց համացանցում այդ կառույցը հիշատակվում է միայն դրա տնօրենի փոփոխության առիթով: Այսինքն, դա բոլորովին անիմաստ մի կառույց է: Եվ այն, որ Կարեն Կարապետյանը այդչափ կարեւորում է այդ «հարթակը», խոսում է այն մասին, որ, պատկերավոր ասած, այլ «հարթակներ» չկան:

Գոնե առայժմ անհասկանալի է, թե ինչ փոփոխություններ են արվել կամ ինչ փոփոխություններ են լինելու առաջիկայում, որոնք կարող են խթան հանդիսանալ օտարերկրյա ներդրումների այդպիսի հոսքերի համար: Տեսականորեն, ինչ խոսք, հնարավոր է այդպիսի փոփոխություններ արվեն: Բայց դրանք պետք է արվեն ցնցումների ճանապարհով: Այսինքն,  շատ կարճ ժամանակահատվածում պետք է կործանվի տնտեսական հարաբերությունների այն համակարգը, որը գոյություն ունի Հայաստանում, եւ դրա փոխարեն ստեղծվի նոր` ժամանակակից ու արդյունավետ համակարգ: Բայց գործնականում դա պետք է բացառել, որովհետեւ նման կործանումը կնշանակի նաեւ գոյություն ունեցող քաղաքական համակարգի կործանում, այսինքն՝ իշխանության փոփոխություն: Հաշվի առնելով, որ գործող իշխանությունը վերարտադրվեց տնտեսական արատավոր այս համակարգի հիմնասյուների` մոնոպոլիստների ու օլիգարխների շնորհիվ, կարելի է չկասկածել, որ նման «ցնցումային» բարեփոխումներ չեն լինելու:

Տեսականորեն հնարավոր է, որ փոփոխություններ լինեն դանդաղ եւ ի վերջո հանգեցնեն բաղձալի արդյունքի: Սակայն գործնականում դա էլ թերեւս հնարավոր չէ: Կարեն Կարապետյանը արդեն ստեղծել է արագ փոփոխությունների սպասումներ, որոնք ունեն իրականանալու բավական կարճ ժամանակային սահմանափակումներ: Ճիշտն ասած, այդ սպասումները մեծ հաշվով  չկան, բայց եթե նույնիսկ դեռ կան, ապա մոտ` շատ մոտ են վերջնականապես մարելուն:

Տպել
5115 դիտում

Կադրային նոր փոփոխություններ Լոռու մարզպետարանում. թափուր են վարչության ու բաժնի պետերի հաստիքներ

Արագածոտնի նախկին մարզպետ Սարգիս Սահակյանը չի կալանավորվի. դատարանը մերժեց քննիչի միջնորդությունը

Զանգել են Քաշաթաղի նախկին բնակիչներին եւ վաղը կանչել հրապարակ. «Մեզ ուզում են ներքաշել Փաշինյանի դեմ պայքարի մեջ»

Մեխակ Արզումանյանը նշանակվել է ՆԳ նախարարության համակարգում գործող ԱԻ պետական ծառայության տնօրեն

Հավաքվել են հարյուրավոր արկղեր. Վենետիկից մարդասիրական օգնություն կուղարկվի պատերազմից տուժած հայ բնակչությանը

Ասում էր՝ չվախենաս, հետ կգամ, ես քեզ սիրում եմ. մայոր Սարգիս Նավասարդյանն անմահացավ Շուշիում (տեսանյութ)

JTI ընկերությունը ճանաչվել է Լավագույն գործատու Հայաստանում

Պուտինի ու Բայդենի հեռախոսազրույցը՝ առաջատար լրատվամիջոցների ուշադրության կենտրոնում. ինչու է այն կարևոր

Ապարանը զարգացման բարձր տեմպեր է արձանագրում (տեսանյութ)

Հայ-ադրբեջանական շփման գծի ամբողջ երկայնքով օպերատիվ իրավիճակը չի փոփոխվել

Հայկ Մարությանը մասնակցել է Լենինգրադի պաշարման ավարտի 77-ամյա տարեդարձին նվիրված հանդիսավոր արարողությանը

Ֆինանսների փոխնախարարը Զարգացման ֆրանսիական գործակալության պատվիրակության հետ քննարկել է համագործակցության հարցեր

Իրենց իսկ շահերից է բխում ժողով չանցկացնել. ՀՖՖ գլխավոր տնօրենը՝ նոր կանոնադրության և 9 անդամների ժողով հրավիրելու մասին

31-ամյա ջաղացաձորցին գողացած հեռուստացույցը նվիրել էր զոքանչին. հարուցվել է քրեական գործ (տեսանյութ)

«Հավանաբար արդեն բժշկի կարիք կա». քաղաքագետները եւ պատգամավորները՝ Վազգեն Մանուկյանի երեկվա հայտարարությունների մասին

Խեղճ կնոջը հասցրել են ինքնասպանության․ նախկին պատգամավորը՝ հարսի ինքնասպանության հնարավոր պատճառների մասին

Հայտնի է Հայաստանի, Ռուսաստանի և Ադրբեջանի փոխվարչապետների հանդիպման օրը

Արտեմ Հարությունյանը նշանակվել է ԱՀ ՆԳՆ ոստիկանության պետ

Շրջակա միջավայրի նախարարությունը և Ագրարային համալսարանը համագործակցության հուշագիր են կնքել

«Путешествую без COVID-19». ԱԳՆ-ն ներկայացրել է ՌԴ այն քաղաքների ցանկը, ուր հնարավոր է մեկնել

Երիտասարդության ռազմավարությունը պետք է մշակվի  երիտասարդների ձանը լսելով. ԿԳՄՍ նախարարի տեղակալ

Իրականացվել են մարտական հերթապահության հերթափոխի նախապատրաստական աշխատանքներ

Տիգրան Հարությունյանը նշանակվել է ԱԱԾ տնօրենի տեղակալ

Ջավախքում մեկ օրում երկու ինքնասպանություն է տեղի ունեցել․ մանրամասներ

Հայ-ֆրանսիական բարեկամության ամրապնդման ևս մեկ վկայություն. Ֆրանսիական կրթահամալիրում նոր դասասենյակ է բացվել

Արմելլա Շաքարյանը նշանակվել է Մեքսիկայի Միացյալ Նահանգներում Հայաստանի Հանրապետության արտակարգ և լիազոր դեսպան

ՊԵԿ հարկային տեսուչները կաշառք են պահանջել, ստացել ու բռնվել (տեսանյութ)

ԿԳՄՍ նախարարը հաղթող թեկնածուներից ոչ մեկին դպրոցի տնօրեն դեռ չի նշանակել․ բողոքներն առայժմ քննում են

Ստուգումներ են անցկացվել մարտական հենակետերում

9 մարզի 101 հիմնական ու միջնակարգ դպրոցում հեռավար ձևաչափով ուսուցումն իրականացնելու հնարավորություն է ստեղծվել

Սյունիքի և Գեղարքունիքի մարզերի բոլոր ավտոճանապարհներին առկա է մերկասառույց

Սուրեն Պապիկյանն ընդունել է Զարգացման ֆրանսիական գործակալության փոխտնօրեն Բերտրան Վալկենարին

Հայագիտական կենտրոնների թիվը կավելանա եւս երկուսով

Վարչական վարույթներ են հարուցվել Գեղարքունիքի և Կոտայքի մարզերի որոշ դպրոցներում

Լարված ու անելանելի պայմաններում արագ կողմնորոշվելու շնորհիվ առաջադրված մարտական խնդիրները բարձր մակարդակով են կատարել

Արա Այվազյանը Լավրովի հետ հեռախոսազրույցում ընգծել է ռազմագերիների, պատանդների, պահվող այլ անձանց վերադարձի մասին

Դուրս եմ եկել Covid-ի հետ կապված քննիչ հանձնաժողովի կազմից․ Արտակ Մանուկյան

Փետրվարի 1-ից ՌԴ մուտք գործելու համար հնարավոր է թեստ հանձնել առայժմ միայն երկու լաբորատորիայում, գինը՝ 15 հազար դրամ

Զինծառայողներն արյուն են հանձնել

Վահան Քերոբյանը և Անդրեա Վիկտորինը քննարկել են համագործակցության հետագա խորացման հնարավորությունները