Երևան
16 °C
Երեւանի «Անի պլազա» հյուրանոցում քիչ առաջ ազդարարվեց ԱԺ պատգամավոր Զարուհի Փոստանջյանի կուսակցության ստեղծման մասին: Կուսակցությունը կոչվելու է «Երկիր ծիրանի»:
Կուսակցության ստեղծման պատվին Կապանից ծաղկած ծիրանենու ճյուղեր էին բերվել: Ներկայացնելով բացման խոսքը՝ Կարապետ Աղաջանյանն ասաց, որ «Երկիր ծիրանի» կուսակցության ստեղծման գաղափարը եւ ցանկությունն առաջացել է ստեղծված քաղաքական ճգնաժամից ելնելով:
«Առկա կուսակցությունները բեւեռացել են մեկ կուսակցության շուրջ եւ կատարում կամ ենթարկվում են այսօր իշխանության ղեկին կանգնած կուսակցության ղեկավարին: Այդ իսկ պատճառով որոշեցինք ստեղծել նոր կուսակցություն, որը լրիվ նոր գաղափարներով կներկայանա հասարակությանը»,- ասաց Աղաջանյանը:
Կուսակցության ծրագիրը ներկայացնելու գործը վստահվեց Զարուհի Փոստանջյանին: Վերջինս իր խոսքի սկզբում հիշեցրեց, որ շուրջ 100 տարի առաջ այս օրը Սողոմոն Թեհլերյանը «Նեմեսիս» գործողության շրջանակներում Բեռլինում գնդակահարեց Թալեաթ փաշային, ով 1915թի հայոց ջարդերի կազմակերպիչներից էր:
Ըստ Փոստանջյանի՝ սրանով Թեհլերյանը ցույց տվեց, որ պետք է պատժել մեղավորին: «Քառորդ դար տեւած պատմության մեջ մենք չկարողացանք անդրադարձ կատարել պատիժներին եւ պատժել մեղավորին: 25 տարի ապրեցինք անպատժելիության մթնոլորտում: Այդ անպատժելիությունը մեզ այնպես է խեղդում, այնպես է կեղեքում, որ հնարավոր է ընդհատվի մեր կյանքը մեր Հայրենիքում»,- իր ելույթում ասաց պատգամավորը:
Այնուհետեւ ցույց տալով դահլիճում տեղադրված 3 դրոշը՝ Փոստանջյանն ասաց, որ դրանք խորհրդանշում են Հայաստանը, Արցախը, Արեւմտյան Հայաստանը:
«Այս 3-ի ներկայությամբ մենք պետք է առաջ մղենք թե մեր իրավունքների իրացումը, թե մեր պահանջատիրությունը եւ վերջիվերջո մեր երկրում արդարության վերականգնումը: Իսկ արդարության վերականգնում կարող է տեղի ունենալ, երբ մենք անդրադառնանք եւ պատժենք մեղավորներին: 20 տարի մեր երկրում գործել է ավտորիտար համակարգ, որը ունեցել է հեղինակներ, որոնց մենք ճանաչում ենք, բայց դեռ չենք հասել պատժի: Մենք այդ օրը ապրելու ենք, գնահատական տրվելու է ամեն ինչի»,- ասաց Փոստանջյանը:
Անդրադարձ կատարվեց նաեւ քաղբանտարկյալներին: Ի դեպ, կոնֆերանսին մասնակցում էին «Սասնա ծռերի» գործով կալանավորվածների հարազատներ, համակիրներ: Այնտեղ էր նաեւ Հիմնադիր խորհրդարանի առաջնորդ Ժիրայր Սեֆիլյանի կինը՝ Նանոր Սեֆիլյանը:
Զարուհի Փոստանջյանն ասաց, որ Սեֆիլյանն ու նրա ընկերները պետք է մասնակցեն քաղաքական գործընթացներին, նրանց կարիքն ունի հայկական քաղաքականությունը:
Մյուս հարցը, որի մասին Փոստանջյանը փոքր-ինչ ծավալուն ելույթ ունեցավ՝ արտասահմանում ապրող մեր հայրենակիցներին Հայաստանում քաղաքական գործընթացների մասնակցության հնարավորության ստեղծումն էր: Պատգամավորն ասաց, որ իր կողմից հիմնադրվող պլատֆորմի նպատակը դրսում գտնվողներին Հայաստան վերադարձնելն է:
«Այս 25 տարիների ընթացքում այնքան սփյուռք է ձեւավորվել, ինչքան ցեղասպանությունից հետո: Այս 25 տարիները հավասարազոր էին այն վայրագություններին, ինչ ցեղասպանության ժամանակ»,- նկատեց «Երկիր ծիրանի»-ի հիմնադիրը՝ հավելելով, որ դա Հայաստանում թուրքական քաղաքականություն բանեցնողների մեղավորությունն է:
«Եթե չդառնանք անդրսահմանային քաղաքական ազգ, ապա չենք կարողանալու ճեղքել այն ճգնաժամը, որ առկա է մեր երկրում»,- վստահեցրեց նա եւ շարունակեց. «Մեր ազգի մի մասը, որը ունի միլիարդավոր դոլարների հասնող կարողություններ, սփռված է աշխարհով մեկ: Այդ կարողությունները կարող են ներդրվել մեր հայրենիքում միայն այն դեպքում, երբ մեր հայրենակիցները ունենան քաղաքական իրավունքներ: Անցած 25 տարիներին ավտորիտար համակարգը ամեն ինչ արեց, որ նրանք զրկվեն Հայաստանում քաղաքական գործունեությունից: Սկզբից չտվեցին երկքաղաքացիություն, հետո տվեցին, բայց զրկեցին արտասահմանում ընտրելու հնարավորությունից: Թույլ չտվեցին արտասահմանում բացել ընտրական տեղամասեր: Ինչո՞ւ չեն տրամադրում, որովհետեւ բոլոր նրանք, որ անկախ են այս ավտորիտար համակարգից՝ թե՛ քաղաքականպես, թե՛ տնտեսապես, նրանք պետք է քվեարկեն ազատ, ինչն անթույլատրելի է: Սա է գաղափարը, որ բանեցրել են, իսկ մեր գաղափարն է, որ վերացնենք այս արգելքները, եւ դառնանք մեկ քաղաքական ազգ»:
Իր ելույթի վերջում Զարուհի Փոստանջյանը նաեւ բացատրեց «Երկիր ծիրանի» անվանումը ընտրելու պատճառը.
«Որովհետեւ մենք խնդիր ունեինք համախմբել ողջ հայությանը եւ վերադառնալ մեր ակունքներին: Մեր երկրի անվանումը ծիրանի է, նրա տված ծառը կատարյալ է, ինչպես մեր հայրենիքը: Ծիրանը միակ պտուղն է, որը հավասարապես բաժանվում է երկու մասի, դա արդարության նշան է: Մեր հայ ազգի կեսը ապրում է հայրենիքից դուրս, մեր հայրենիքի կեսից ավելին բռնազավթված է: Այս կիսվածությունը նույնպես խորհրդանշական է: Ուզեցինք սա լինի մեր բոլորի ծիրանին, բոլորիս հայրենիքը, բոլորիս քաղաքական հարթակը»:
«Երկիր ծիրանի»-ի հիմնադիրը նաեւ հրապարակեց նոր ստեղծվող ուժի կարգախոսը՝ «Դեպի Արարատ»: «Քաղաքական այս ուժի կարգախոսը լինելու է՝ «Դեպի Արարատ»: Եվ բացի այդ, ծրագրի հենց նախաբանը ներառում է մեր սիրելի գրող Րաֆֆիի «Կայծեր»-ից մի փոքր դրվագ, որը փիլիսոփայությունն է, թե ինչպես մենք պետք է կազմակերպենք մեր կյանքը: Իսկ մեր կյանքը մենք պետք է կազմակերպենք միայն և միայն հենվելով մեր ուժերի վրա: Որևիցե մեկը մեր տեղը մեր կյանքը չի գալու կազմակերպելու»,- ասաց նա:
Ավարտելով իր խոսքը՝ Փոստանջյանն ասաց, որ առաջիկայում նոր ժողով կհրավիրեն, հավանաբար Ստեփանակերտում, որից հետո արտասահմանի հայաշատ քաղաքներում կքննարկեն, թե ինչպես կարող են սփյուռքահայերը մասնակցել հայաստանյան քաղաքական գործընթացներին:
Լրագրողների հարցին ի պատասխան Փոստանջյանը տեղեկացրեց, որ իր կողմից հիմնադրվող քաղաքական ուժում կան իր անդամակցած նախկին ուժի՝ «Ժառանգություն» կուսակցության անդամներ:
102-րդ ռազմաբազայի ներկայությունը Հայաստանի ինքնիշխանության միակ իրական երաշխիքն է․ ՌԴ ԱԳՆ
Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի
Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին
Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը
Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է
Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին
Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո
Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը
Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի
«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ
«Crocus City»-ի գործով Տաջիկստանում ձերբակալվել է 9 մարդ
Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)
Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է
Ալեքսեյ Սանդիկովը կգործուղվի Մոսկվա
Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը
ԱԺ պատգամավորները կգործուղվեն Բեռլին
5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին
Հայաստանում տեղումների դադար է, ջերմաստիճանը կբարձրանա 8-10 աստիճանով
«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել
200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության
Սյունիքի մարզում դատավոր է նշանակվել
Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները
Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում
Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում
Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)
Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք
«Երևան ավտոբուս» ընկերության տնօրենն աշխատանքից ազատման դիմում է ներկայացրել
Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում
Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին
Կարեն Գիլոյանը հետևել է հեծանվուղու և մարզադպրոցի կառուցման աշխատանքներին
Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը
Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ
Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել
Երբ է սպասվում դեղձենու մասսայական ծաղկումն Արարատյան դաշտում
«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին
Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է
Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ
Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում
Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է
Լեհաստանը զորքեր կուղարկի Ֆրանսիա
© 2024 Հայկական ժամանակ