ՀՀԿ-ն կատարելու է տված խոստումները․ հանրապետականները հանդիպումներ են ունեցել Կապանում

Սյունիքի մարզի Կապան քաղաքում ընտրողների հետ են հանդիպել Հայաստանի իշխող Հանրապետական կուսակցության անդամները, այդ թվում նաեւ  վարչապետ Կարեն Կարապետյանը։

Խոսելով քաղաքացիների հետ, վարչապետը նշել է, որ ՀՀԿ թիմը բավականին բազմաշերտ է, ներկայացնում է հանրապետության բոլոր շերտերը։

«ՀՀԿ-ն նաեւ կառավարման մեծ փորձ ունի՝ դրական ու բացասական, իսկ սխալների վրա մենք սովորել ենք, որ նորից նույն թակարդը չընկնենք: ՀՀԿ-ն հայտարարել է, որ փոխելու եւ փոխվելու անհրաժեշտություն կա,- ասել է Կարապետյանը՝ հավելելով, որ այդ ուղղությամբ արդեն տեսանելի քայլեր արվել են,-ՀՀԿ-ի թիմը համալրվել է նոր, բանիմաց, հայրենասեր թիմակիցներով, որոնք բավական ուժ ու եռանդ ունեն։

Ըստ վարչապետի՝ Հանրապետական կուսակցությունը տնտեսական ծրագիր է ներկայացրել, որում հստակ ախտորոշվել են բոլոր խնդիրներն ու թերի կետերը, եւ առաջ շարժվելու տեսլական է ներկայացվել:

Սյունիքում վարչապետը երեք շարժիչ ոլորտ է տեսնում՝ հանքարդյունաբերություն, անասնապահություն եւ գյուղատնտեսությունը, այս օրերին մարզպետը բանակցում է նաեւ Կապանի օդանավակայանը վերագործարկելու ուղղությամբ:

«Մենք վստահ ենք, որ ինչ հայտարարում ենք, անելու ենք: Եղեք լավատես եւ հանդուրժող միմյանց նկատմամբ եւ անհանդուրժող` բոլոր թերությունների եւ անարդարությունների նկատմամբ, որոնք, ցավոք, մեր կյանքում կան: Մենք պետք է ձերբազատվենք հիասթափություններից, հակառակ դեպքում՝ շատ դժվար է առաջ գնալ»,- հայտարարել է Կարապետյանը:

Իսկ իշխող Հանրապետական կուսակցության ցուցակը գլխավորող, պաշտպանության նախարար Վիգեն Սարգսյանն էլ վստահեցրել է՝ 5 տարի հետո ի վիճակի են լինելու ասել, որ կատարել են իրենց տված խոստումները։

Ըստ Սարգսյանի՝ ՀՀԿ-ն գալիս է ծրագրով, որը չի խոստանում հաջորդ օրը բոլոր խնդիրները լուծել, սակայն այն իրատեսական է։

«Մենք չենք խոստանում, որ մեր ընտրվելու պարագայում բոլոր սոցիալական խնդիրները հնարավոր կլինի լուծել: Բայց ուզում եմ վստահեցնել, որ մեր ներկայացրած ծրագիրը, թեեւ թվում է շատ հավակնոտ, շատ հեռանկարային, իրականում շատ իրատեսական է: Մեր թիմը, այն թեկնածուների ցուցակը, որով գնում ենք ընտրությունների, առհավատչյան է, որ մեզ պետք է բերի հաղթանակներ ապագայում»,-ասել է Սարգսյանը:

ՀՀԿ համապետական ընտրացուցակի 3-րդ հորիզոնականը զբաղեցնող պատգամավորության թեկնածու, արդարադատության նախարար Արփինե Հովհաննիսյանն էլ նշել է, որ մարզերի կյանքի որակը չպետք է զիջի մայրաքաղաքի կյանքի որակին:

Ըստ Հովհաննիսյանի՝ Կապանը կարող է տեղեկատվական տեխնոլոգիաների ոլորտում կարեւորագույն քաղաքներից դառնալ:

«Այստեղ արդեն գործում է Մոբայլ լուծումների կենտրոնը, իսկ մի քանի ամիս անց կսկսի գործել նաեւ տեղեկատվական տեխնոլոգիաների երկամյա կրթության ուսումնական կենտրոնը: Սա շատ լավ հիմք է, որը կնշանակի ե՛ւ աշխատատեղ, ե՛ւ զարգացում այս ոլորտում»,-ասել է Հովհաննիսյանը՝ հավելելով, որ իրենց ծրագրի յուրաքանչյուր հատվածի համար ունեն  հստակ պատկերացումներ եւ քայլերի հաջորդականություն:

Տպել
3079 դիտում

Նիկոլ Փաշինյանը՝ մեծ կտավի մեկ մասնիկի առաջին գնորդն ու կտավն ամբողջացնող վերջին այցելուն Գյումրիում

Աննա Հակոբյանը մասնակցել է Ararat challange փառատոնի բացման արարողությանը

Բաքվում չարտոնված ցույցի պատճառով փակել են մետրոյի երեք կայարան

Աննա Հակոբյանը մասնակցել է «Առողջ ապրելակերպը՝ բոլորի համար» խորագրով սպորտային տոնին

Ուկրաինայի խորհրդարանում Հայաստանի հետ միջխորհրդարանական կապերի պատգամավորական խումբ է ստեղծվել

Հյուսիսային մաքսատունը Գյումրիում կբացվի այս տարի. հստակ ժամկետ, սակայն, չկա

«Էրեբունի-Երեւան» միջոցառումների շրջանակներում սպասվում է անակնկալ. Հայկ Մարության

Ապօրինի գույքի «քաղհալածյալ» սեփականատերերը․ նախկին իշխանություններին խիստ մտահոգել է օրենքի նախագիծը

Վարչապետը ծանոթացել է Արտաքին տնտեսական գործունեության սպասարկման կենտրոնի շինաշխատանքներին

Այս տարվա առաջին 9 ամիսներին արձանագրվել է 3444 ճանապարհատրանսպորտային պատահար

Ոստիկանությունում տեղի ունեցած նիստից հետո մարզային պետեր են ազատվել

Հայկ Մարությանը Երվանդ Մանարյանին հանձնեց Երեւանի պատվավոր քաղաքացու կոչումը

Երկիր մոլորակին կմոտենա մեկ կիլոմետր տրամագծով երկնաքար

Արմեն Կարապետյանն ազատվել է էկոնոմիկայի նախարարության գլխավոր քարտուղարի պաշտոնից

Հերքվել է Սամվել Ֆարմանյանի հայտնած այն տեղեկությունը, թե շոգեբաղնիքում իրեն ՀՔԾ քննիչ է մոտեցել․ ոստիկանություն

Դատախազները քննարկումներ են անցկացրել հանրակրթական եւ հատուկ դպրոցների աշակերտների հետ

Մեր տարածաշրջանը վառոդի տակառ է, մեր անվտանգության երաշխիքները՝ երկուսը

Նիկոլ Փաշինյանի ելույթը՝ Պետական եկամուտների կոմիտեի Գյումրիում կազմակերպած ռազմավարական պլանավորման աշխատաժողովին

Գեղարքունիքի մարզում մեքենան բախվել է բետոնե պատնեշին․ 18-ամյա վարորդն ու նույն տարիքի ուղեւորը մահացել են

Երեւանցին նա է, ով սիրում է Երեւանը, սիրում է՝ հոգատար ծնողի ու պատասխանատու ընկերոջ նման․ Հայկ Մարության