Շպիոնների գրած ծրագիր. դավեր ՀՀԿ-ի դեմ

Ապրիլի 2-ին կայանալիք խորհրդարանական ընտրությունների քարոզարշավը սկսվեց, կուսակցություններն ու դաշինքները ներկայացրին իրենց ծրագրերը:

Բայց բոլոր մասնակիցների նախընտրական ծրագրերը մի կողմ, իշխող եւ վերարտադրվելու հայտ ներկայացրած ՀՀԿ-ի ծրագիրը` մի կողմ: Ինչո՞ւ: Շատ պարզ: Մոտ 10 տարի ՀՀԿ-ն «իրականացնում է» նախընտրական ծրագրեր: Տեսնենք՝ հիմա ինչ է ներկայացրել: Խոսքը ծրագրի տնտեսական բաժնի մասին է: Ծրագրի առնվազն այդ հատվածը կարդալիս պարբերաբար ցանկություն է առաջանում ցիտել դասականին ու բացականչել` «Իյաա, իրո՞ք»: Դատեք ինքներդ:

«Տնտեսական պայմանները պետք է հավասար լինեն բոլորի համար, իսկ հովանավորչությունը, ստվերային տնտեսությունը տեղ չեն ունենալու մեր իրականության մեջ: Այս ամենը ոչ ոք մեր փոխարեն չի անի, եւ մենք հաջողության հասնելուն այլընտրանք չունենք: Հետեւաբար, մենք շարունակական եւ բոլորի համար շոշափելի բարեփոխումներ ենք իրականացնելու տնտեսության մեջ»,- ասված է ՀՀԿ-ի ծրագրում: Ի՞նչ նկատի ունեն ծրագրի հեղինակները՝ ասելով. «Այս ամենը ոչ ոք մեր փոխարեն չի անի»: Այսինքն բացի ՀՀԿ-ից ուրիշ ոչ ոք չի՞ անի: Բա ինչո՞ւ մինչեւ հիմա ՀՀԿ-ն չի արել: 10 տարի լիակատար իշխանություն ունի ու չի արել: Ինչո՞ւ: Այդ ովքե՞ր են հովանավորյալները, որոնք տեղ ունեցել են, բայց հիմա չեն ունենալու: Գոնե մեկի անունը կարո՞ղ են ասել: Եթե իրենց հարցնենք, կասեն՝ այդպիսիք չկան: Եթե ասում են չկան, ուրեմն ինչու են ծրագրում նման դրույթ դրել: Ուրեմն կա՞ն: Մի խոսքով, անհասկանալի իրավիճակ է:

Մի մեջբերում էլ: Որպես նպատակ՝ ՀՀԿ-ն իր ծրագրում արձանագրել է` «տնտեսական կյանքում հավասար մրցակցային պայմանների ապահովումն ու հովանավորչության վերացումը»: Էդ երբվանի՞ց է, որ Հայաստանում հավասար մրցակցային պայմաններ չկան: ՀՀԿ «բարձրաստիճանները» կարո՞ղ են հրապարակայնորեն գեթ մեկ օրինակ բերել, թե որ ապրանքի արտադրության կամ ներմուծման ոլորտում են խաթարված «հավասար մրցակցային պայմանները»: ԶԼՄ-ները պարբերաբար ասում են, որ, ասենք, շաքարի, բանանի, հեղուկ վառելիքի եւ բազմաթիվ այլ ոլորտներում մրցակցություն չկա ընդհանրապես, բայց ՀՀԿ բարձրաստիճանները քիչ է մնում լրագրողներին մոտակա պատի տակ գնդակահարեն: Այդ ո՞ւմ մտքով է, ուրեմն, անցել նման դրույթ ներառել ՀՀԿ ծրագրում:

Եվս մի մեջբերում ՀՀԿ ծրագրից. «Պետք է ձեւավորվի այնպիսի միջավայր, որտեղ տեղական արտադրությունն իր որակյալ եւ միաժամանակ հասանելի ապրանքատեսակների հաշվին շուկայում կփոխարինի ներմուծվող ապրանքներին»,- ասված է ծրագրում: Մինչեւ հիմա ձեւավորվա՞ծ չէր այդ միջավայրը: Բա Սպիտակի շաքարի գործարանը... Սամվել Ալեքսանյանը հիմա այնտեղ շաքարավազ է արտադրում ու փոխարինում է «ներմուծվող շաքարին»: Ճիշտ է, այդ շաքարը 25-30 տոկոսով ավելի թանկ է, քան հարեւան Վրաստանում, ԵՏՄ գործընկեր Ռուսաստանում, բայց հաշվի առնելով, որ ոչ ոք Ռուսաստանից էժան շաքարը չի ներկրում, կարելի է պնդել, որ Ալեքսանյանի արտադրած շաքարը «որակյալ է եւ միաժամանակ հասանելի»: Նույնը Բաղրամյանի ալրաղացի արտադրած ալյուրի դեպքում, որը նույնպես պատկանում է Սամվել Ալեքսանյանին: Ու հաշվի առնելով, որ Սամվել Ալեքսանյանը հիմա նույն այդ ՀՀԿ ցուցակում է, կարելի է պնդել, որ ՀՀԿ-ն իր ծրագրային այս կետը իր ունեցած ֆանտազիային համապատասխան լիովին կատարել է` ներմուծումը փոխարինվել է «տեղական արտադրությամբ»: Իհարկե, կարող են հայտնվել մարդիկ, որ կասեն, թե այդ ապրանքները չեն ներմուծվում, որովհետեւ Ալեքսանյանը հովանավորվում է, մոնոպոլիա ունի, ով ներկրի՝ ոտքերը կջարդեն...: Բայց դրանք հերյուրանքներ են, իհարկե: Ինչպես տեսանք վերեւում, Հայաստանում չկա հովանավորչություն եւ կա ազատ տնտեսական մրցակցություն: Չեք հավատում՝ լսեք ՀՀ վարչապետ Կարեն Կարապետյանի հայտարարությունները այն մասին, թե ով ինչ ուզենա՝ կարող է ներկրել: 

«Ցածր է դատական համակարգի արդյունավետությունը` վարչական կամ տնտեսական վեճերի, ինչպես նաեւ մտավոր սեփականության իրավունքների պաշտպանության հարցերում»,- նշված է ՀՀԿ ծրագրում: Էս հարցում էլ ինչ- որ բան էնպես չէ: Կա՞ գոնե մեկ օրինակ, որ մեր դատական համակարգը անարդյունավետ է գործել, որեւէ տնտեսվարողի հարցում անարդար վճիռ է կայացրել: Եթե կա, ապա այս ծրագրի հեղինակները գոնե մի անգամ, գոնե ակնարկներով պետք է այդ մասին խոսած լինեին, դժգոհեին...: Երբեւէ լսած կա՞ք, որ գործադիր իշխանության որեւէ բարձրաստիճան ներկայացուցիչ հրապարակավ դժգոհություն հայտնած լինի, թե այսինչ տնտեսվարողի նկատմամբ դատարանը արդար չվարվեց, այսինչ օլիգարխին պաշտպանեց, չնայած օլիգարխը սխալ էր: Չկա նման օրինակ: Ուրեմն լրիվ անհասկանալի է, թե ինչու է ՀՀԿ-ի ծրագրում նման կետ հայտնվել ընդհանրապես: Սա ունի մի բացատրություն` մրցակից այլ քաղաքական ուժեր կամ համաշխարհային իմպերիալիզմի որջերից շպիոններ են ներդրել ՀՀԿ-ի սրտում, ու այդ շպիոններն էլ ծրագիր են գրել, ու այդպիսով ներսից դավադրություն են կազմակերպում ՀՀԿ-ի դեմ` չեղած բաներ են գրում:

Էլի մի իրականությունից կտրված արձանագրում ՀՀԿ ծրագրում. ասված է՝ իբր «ցածր է արդար ձեռնարկատիրության միջոցով հաջողության հասնելու հավատը»: Ո՞նց է ցածր: Հլը մի նայեք ՀՀԿ ցուցակում ընդգրկված մեր ազնվագույն, կրթված, դաստիարակված, բանիմաց «գործարարներին»: Քիչ մնա ՀՀԿ շարքեր սողոսկած շպիոնները կգրեն, թե արդար ձեռներեցության միջոցով մինչեւ հիմա ոչ ոք այնպիսի հաջողությունների չի հասել, ինչպիսի հաջողությունների են հասնում իշխանության հետ սերտաճող, իշխանություն ձեւավորող կրիմինալ անցյալով ու ներկայով կիսագրագետ «գործարարները»: Բայց հո  բոլորս գիտենք, որ ՀՀԿ ցուցակում այդպիսիք չկան եւ դա նույնպես հերյուրանք է:  Մի խոսքով, ՀՀԿ ծրագիրը դավադրություն է հենց ՀՀԿ-ի դեմ: Ծրագրի այլ դրույթներին կանդրադառնանք առաջիկայում եւ այդ համոզմունքը կամրապնդվի:

Տպել
11233 դիտում

Առողջապահության նոր նախարարի անունը հայտնի է

Ոստիկանությունը հրապարակել է տեսանյութ՝ զինծառայողի ծնողից խաբեությամբ 1,5 մլն դրամ հափշտակելու դեպքից

2020 թ.-ին սփյուռքի դպրոցներին Հայաստանի կողմից տրամադրվել է շուրջ 26.460 կտոր գիրք

Ընդդիմությունը միշտ լինելու է խնդիր, դա 100 տոկոս իմացեք, չենք թողնելու՝ մարսեք․ Աբովյանը՝ «Իմ քայլի» պատգամավորներին

Արմեն Սարգսյանն առաջիկա օրերին դուրս կգրվի հիվանդանոցից՝ շարունակելով բուժվել տանը

Արսեն Թորոսյանը կազատվի նախարարի պաշտոնից. նախագահականից հաստատում են

Մի՛ սարսափեք ռևանշ բառից, Հայաստանը գնալու է ռևանշի. Արման Բաբաջանյան

ՄԻՊ-ը Ադրբեջանից գերիների վերադարձի ու նրանց իրավունքների պաշտպանության հարցով դիմել է ԵԱՀԿ ՄԽ-ին ու Կասպշիկին

Թուրքերը ևս մեկ հին հայկական եկեղեցի են վաճառքի հանել

Մենք ունենք լրջագույն խնդիրներ, եւ այդ խնդիրների անունը ընդդիմություն է... Արփի Դավոյան (տեսանյութ)

Հանձնվել են ապօրինի պահվող գնդացիր, ինքնաձիգներ, հրացաններ, նռնակներ, որոշները՝ բերված Արցախից (տեսանյութ)

Նոյեմբերի 13-ից առայսօր 1238 զինծառայողի և քաղաքացիական անձանց աճյուններ են հայտնաբերվել

41-ամյա տղամարդը կալանավորվել է՝ զինվորի բուժման և գերությունից ազատելու համար խոշոր չափի գումար հափշտակելու մեղադրանքով

ԲՀԿ-ական պատգամավորը չհավանեց ԱԺ օրակարգը. «Ռնգեղջուրների պոպուլյացիայի մասին նախաձեռնություն թող բերեր Կառավարությունը»

Ես չեմ սատարում այս պահին գործող որևէ քաղաքական ուժի․ Աննա Գրիգորյան

«Լուսավոր Հայաստան» խմբակցության 2 նախագծերը չընդգրկեցին ԱԺ նստաշրջանի օրակարգում

Երեկ կատարված 842 թեստավորումից հաստատվել է կորոնավիրուսի 90 նոր դեպք

«Լուսավոր Հայաստան» խմբակցության նախագիծը չընդգրկվեց Ազգային ժողովի նստաշրջանի օրակարգում

Նավալնիի ձերբակալումից հետո նրա ազատ արձակումն են պահանջում Եվրոպայի երկրներն ու ԱՄՆ-ը

Ասկերանի Այգեստան և Խնածախ համայնքների մերձակայքում, Մարտունիում կվնասազերծվի չպայթած զինամթերք․ ԱԻՊԾ

«Լուսավոր Հայաստանի» նախագիծը կրկին մերժվեց. «Ուզում եք սահմանադրական հունից հանե՞լ պրոցեսները»՝ «սպառնաց» Մարուքյանը

Պատերազմը ծանր հետևանքներ է թողել բուսական ու կենդանական աշխարհի վրա՝ թունավորումից մինչև հրդեհներ

Առաջարկվում է «Զինծառայողների ապահովագրության հիմնադրամ»-ի դրոշմանիշային վճարի չափը մեղմացնել ցածր վարձատրվողների համար

«Իմ քայլը» դաշինքի ցուցակով մանդատ ստացած, բայց խմբակցությունից դուրս գալու մասին հայտարարած սյունեցի պատգամավորը երդվեց

«Սիգ» ձկնատեսակի ապօրինի որսի, ապօրինի ծառահատումների կանխարգելման վերաբերյալ խորհրդակցություն է անցկացվել ԲԸՏՄ-ում

Ապարանի տարածաշրջանում թույլ գետնաբուք է. ՀՀ մի մասում ձյան առատ տեղումներ են

Մեկնարկեց Ազգային ժողովի նոր նստաշրջանը. ուղիղ

Երևանի և 4 մարզերի որոշ հասցեներում այսօր էլեկտրաէներգիայի պլանային անջատումներ կլինեն

Վաճառքի է հանվել Բուրսայի հայկական եկեղեցին. Կարո Փայլանն ահազանգում է

Հրշեջ-փրկարարները մարել են ընդհանուր 5.3 հա տարածքում բռնկված հրդեհներ Սյունքիում ու Տավուշում

Փրկարարները ձյան մեջ արգելափակումից դուրս են բերել 7 ավտոմեքենա

Եվս մեկ հայազգի պաշտոնյա՝ ԱՄՆ նախագահի աշխատակազմում

Հայերի նկատմամբ ադրբեջանական ատելության խոսքի հիմքում է էթնիկ, առանձին դեպքերում՝ նաև կրոնական պատկանելիությունը. ՄԻՊ

Նավալնիին Ռուսաստան վերադառնալուն պես ձերբակալել են հենց օդանավակայանից

Ալիևների անշարժ գույքի փաթե՞թն է, թե՞ գազի անդորրագիրը. Աննա Հակոբյանին վերագրվող «գույքի» հետքերով

ԱՄՆ-ում պատրաստվում են Բայդենի երդմնակալությանը. անվտանգության խիստ միջոցառումներ են ամենուր (լուսանկարներ)

ՀՀ տարածքում կան փակ, դժվարանցանելի ավտոճանապարհներ

Մոսկվայի օդանավակայաններում եղանակի պատճառով չեղարկվել կամ հետաձգվել է 40 թռիչք

Վրաստանում տրանսպորտը դեռ չի գործի. կաշխատեն կորոնավիրուսի 5%-ից ցածր ցուցանիշի դեպքում

Վթարի հետևանքով մահացել է ՌԴ սպորտի վարպետ Արտեմ Միքայելյանը