Երևան
19 °C
Երեկ Հանրապետական խմբակցությունը տապալեց Ազգային ժողովի նիստը` քվորում չապահովելով:
Խորհրդարանական այդ մեծամասնության ներկայացուցիչները խմբակցության ղեկավար Վահրամ Բաղդասարյանի գլխավորությամբ չէին եկել նիստերի դահլիճ: Իսկ նիստը նախագահող ԱԺ նախագահ Գալուստ Սահակյանն էլ ներս մտավ բավականին ծուլորեն եւ մոտ երկու րոպե ուշացումով: Քվորում ապահովելու համար անհրաժեշտ է առնվազն 66 պատգամավորի ներկայություն, մինչդեռ երեկ դահլիճ էին մտել 34-ը: Իսկ 69 անդամ ունեցող ՀՀԿ խմբակցությունից եկել էին ընդամենը վեց պատգամավոր՝ Գալուստ Սահակյանն ինքը, փոխնախագահներ Էդուարդ Շարմազանովն ու Հերմինե Նաղդալյանը, ինչպես նաեւ՝ Գագիկ Մինասյանը, Գագիկ Մելիքյանը եւ Խոսրով Հարությունյանը:
Ընդհանրապես այս քառօրյայի օրերին ՀՀԿ-ականներն ԱԺ-ում բավականին փոքրաթիվ էին, նրանցից շատերը ռեյտինգային ընտրակարգով առաջադրվել են հանրապետության տարբեր ընտրատարածքներում եւ արդեն իսկ զբաղված են իրենց նախընտրական գործունեությամբ: Նրանք մեծ դժվարությամբ էին գալիս գոնե քվեարկություններն անցկացնելու համար ու շատ արագ էլ հեռանում էին: Դահլիճում մնում էին մի քանի պատգամավորներ, նիստը նախագահողն ու կառավարության այն ներկայացուցիչները, որոնք զեկուցում էին քննարկվող նախագիծը: Հատկանշական է, որ ՀՀԿ-ականներից նիստին մասնակցում էին հիմնականում այն մի քանի պատգամավորները, որոնք կուսակցության համամասնական ցուցակի անցողիկ հորիզոնականներում են եւ մտահոգվելու խնդիր չունեն: Օրինակ, 8-րդ եւ 19-րդ հորիզոնականներում գտնվող Մարգարիտ Եսայանն ու Խոսրով Հարությունյանը: Կամ էլ այն պատգամավորները, որոնք արդեն գիտեն, որ հաջորդ խորհրդարանում չեն լինելու եւ այս նիստերը իրենց համար ԱԺ-ում գտնվելու, փիլիսոփայական մտքեր արտահայտելու կամ հարցազրույցներ տալու վերջին օրերն են: Նրանք, ինչպես, օրինակ, Համլետ Հարությունյանը, օգտվում են այդ վերջին հնարավորությունից:
ԱԺ վերջին քառօրյայի օրերի քննարկումների ժամանակ կառավարության ներկայացուցիչը շատ կարճ ներկայացնում էր նախագիծն ու խնդրում այն ընդունել: Նրան հարց էր տալիս միայն Խոսրով Հարությունյանը, որը յուրաքանչյուր օրինագծի դեպքում իր պարտքն էր համարում կառավարության առաջարկությունը համարել շատ տեղին եւ հաջողված, առանց որի մեր տնտեսությունը փուլ կգար: Ու այդպես քննարկումն ավարտվում էր: Անցած երեք օրերին ԱԺ-ն քննարկել է մոտ 50 նախագիծ, այն դեպքում, երբ սովորական պայմաններում յուրաքանչյուր քառօրյայի ընդամենը 6-7 օրինագիծ է քննարկվում: Միայն փետրվարի 28-ին Խոսրով Հարությունյանն ու կառավարության համապատասխան ներկայացուցիչը քննարկել են 29 նախագիծ: Այսինքն, ռեկորդ սահմանելով՝ յուրաքանչյուր 10 րոպեն մի նախագիծ են մի կողմ դրել: Դրա համար Սերժ Սարգսյանը թերեւս պարտավոր է այս գումարման ԱԺ-ի ավարտին նրան հատուկ պարգեւ տալ կամ պատասխանատվության ենթարկվել, որ թերի քննարկումների արդյունքում դրանք անորակ են ստացվել:
Խնդիրն այն է, որ այդ քննարկումների ժամանակ որեւէ ընդդիմադիր հարց կամ տեսակետ չէր հնչում, քանի որ ոչիշխանական խմբակցությունների ներկայացուցիչները ՀՀԿ-ականների նման քվեարկությունից հետո արագ հեռանում էին: Ինչպես Սերժ Սարգսյանը կասեր, ինչո՞ւ են ՀՀԿ-ականները լքել խրամատը՝ հարցրինք ԱԺ փոխնախագահ Էդուարդ Շարմազանովին: «Վանաձորյան ընդդիմության բոյկոտը վարակիչ է, միամիտ լոռեցիների վանաձորյան բոյկոտը հասավ նաեւ մայրաքաղաք Երեւան, պառլամենտ... Իսկ եթե ավելի լուրջ՝ չեմ կարող ասել: Ոչ միայն մեր կուսակիցները, բազում կուսակցություններից չկան պատգամավորներ»,- պատասխանեց Շարմազանովը:
Արդեն իսկ ակնհայտ է, որ նման կիսատ-պռատ քննարկումների պայմաններում ընդունված նախագծերը բազմաթիվ թերություններ կունենան, որոնք դեռ հետո են ի հայտ գալու, եւ որոնք ուղղելու համար կառավարությունը նորից խորհրդարան է գալու:
ԱԺ-ն մինչեւ ապրիլի 2-ի ընտրությունները ունի եւս մեկ քառօրյա, որը, ժամանակացույցի համաձայն, պետք է տեղի ունենա մարտի 20-23-ը, բայց արդեն իսկ կարելի է պնդել, որ այն նույնպես կտապալվի՝ քվորում չլինելու պատճառով: Դրանք խորհրդարանական ընտրությունների քարոզարշավի ամենաթեժ օրերն են, եւ որեւէ պատգամավոր հազիվ թե գա ԱԺ: Թերեւս Գալուստ Սահակյանն իր փոխնախագահների հետ միասին նորից կմտնեն դահլիճ, կհայտարարեն, որ նիստը չի կայանա ու կհեռանան:
Բայց ԱԺ նիստեր կան նաեւ ապրիլի 2-ի ընտրություններից հետո: Այս՝ հինգերորդ գումարման Ազգային ժողովի լիազորություններն ավարտվում են մայիսի 31-ին, նոր ԱԺ-ի լիազորություններն ուժի մեջ են մտնելու կամ նորընտիր պատգամավորները կարող են նիստի մասնակցել արդեն հունիս ամսից: Իսկ մինչ այդ ժամանակացույցով դեռ երեք քառօրյա էլ նախատեսվում է: Սակայն դրանք նույնպես չեն կայանա, քանի որ չընտրված պատգամավորները դժվար թե խորհրդարան գան:
Բայց այստեղ կա եւս մի խնդիր՝ ընտրությունների օրվա խնդիրը: Հիշեցնենք, որ ընտրությունների նշանակված ժամկետը հակասում է գործող Սահմանադրությանը: Եվ իշխանությունները բոլորովին էլ մտադիր չեն փոխել օրը՝ քվեարկության համար ընտրելով ապրիլի 20-30-ն ընկած որեւէ օր:Եթե ընտրությունների օրը փոխվի, այս ԱԺ-ն մինչ այդ կկարողանա մի քանի լիարժեք քառօրյաներ անցկացնել: Բայց նոր Սահմանադրությունը ընտրությունների երկրորդ փուլ է նախատեսում: Իհարկե, իշխանություններն ամեն ինչ կանեն, որ առաջին փուլով սահմանափակվեն, սակայն իրենց նկատմամբ հասարակական մեծ դժգոհության եւ ընտրությունների նկատմամբ հասարակության ցածր վստահության պատճառով մեծ է հավանականությունը, որ որեւէ ուժ ու հատկապես իրենք չկարողանան մեծամասնություն ունենալ: Իսկ կայուն մեծամասնություն կազմելու համար էլ մեկ շաբաթում չկարողանան կոալիցիա ձեւավորել ու վերջապես ընտրությունների երկրորդ փուլ հայտարարել: Այս դեպքում էլ չի բացառվում, որ ոչիշխանական ուժերը որոշ ընտրատեղամասերում վերահաշվարկների պահանջ ներկայացնեն: Ու մինչ այդ ետընտրական գործընթացներն ավարտվեն, մինչ Կենտրոնական ընտրական հանձնաժողովն ամփոփի արդյունքները, նոր պատգամավորներին մանդատներ բաժանի, նոր Ազգային ժողովի լիազորությունների ուժի մեջ մտնելու ժամկետը՝ մայիսի 31-ը, անցած լինի: Եվ կառաջանա հաջորդ սահմանադրական ճգնաժամը, որ ավարտվել են գործող ԱԺ-ի լիազորությունները, բայց նորը դեռ չի ձեւավորվել, որ ուժի մեջ մտնի: Իսկ որպեսզի նման սահմանադրական ճգնաժամ չառաջանա, իշխանությունները Խոսրով Հարությունյանի միջոցով մեկ օրում 29 նախագիծ են քննարկում ու բոյկոտում մյուս նիստերը:
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
© 2024 Հայկական ժամանակ