Աղետալի ԹՎԵՐ․ ՀՀԿ-ն սպառնալիք է ՀՀ-ին

25/02/2017 schedule15:04

Մոտ մեկ ամսից Հայաստանում տեղի կունենան խորհրդարանական ընտրություններ, եւ ներկայումս իշխող ուժը` Հայաստանի հանրապետական կուսակցությունը կրկին հավակնում է մեծամասնություն վերցնել ԱԺ-ում:

Գործի դնելով իր հսկայական ադմինիստրատիվ ռեսուրսը, սեփական օգտագործման օլիգարխներին, թաղային կրիմինալին, եւ, իհարկե, ընտրակաշառքը, ՀՀԿ-ն կրկին կփորձի մեծամասնություն վերցնել, եւ մեծ է հավանականությունը, որ դա նրան կհաջողվի:

Սակայն գլխավոր գործառույթը, որ պետք է իրականացնի իշխող ուժը, ոչ թե վերարտադրվելն է, այլ երկիրը զարգացման տանելը: Այ դա ՀՀԿ-ի մոտ ոչ մի կերպ չի ստացվում: Դրանում համոզվելու համար ուսումնասիրենք պաշտոնական, խիստ պաշտոնական կարեւորագույն ցուցանիշները, որոնք արձանագրվել են ԱԺ-ի անցած ընտրություններից հետո, երբ ՀՀԿ-ն կրկին «հաղթեց» եւ դարձավ մեծամասնություն խորհրդարանում:

ՀՆԱ

ՀՀ համախառն ներքին արդյունքի (ՀՆԱ) աճը հենց տնտեսական աճն է: 2012 թ. խորհրդարանական ընտրություններին նախորդած տարում` 2011 թ. մեր ՀՆԱ-ն կազմել է 10.1 միլիարդ դոլար: Անցած 4 տարիների ընթացքում պաշտոնական վիճակագրությունը անընդմեջ տնտեսական աճ է ցույց տվել, սակայն 2016-ի տվյալներով՝ մեր ՀՆԱ-ն կկազմի 10.3 միլիարդ դոլար, այսինքն, 4 տարվա ընթացքում մեր տնտեսությունը աճել է ընդամենը 0.2 մլրդ դոլարով, կամ 0.02 տոկոսով: Կամ տարեկան միջին տնտեսական աճը կազմել է 0.005 տոկոս (տես գծ.1)

Պետական պարտք

Ի տարբերություն տնտեսության, մեր պետական պարտքը ՀՀԿ գլխավորությամբ աճել է գլխապտույտ արագությամբ: 2011 թ. վերջին այն կազմում էր 4.2 մլրդ դոլար, հիմա 5.9 միլիարդից ավելի է: 4 տարվա ընթացքում պարտքը աճել է 1.7 միլիարդ դոլարով (տես գծ. 2):

Հարկեր

Չնայած պնդումներին, թե իշխող ՀՀԿ-ի գլխավորությամբ ընթանում է անզիջում պայքար ստվերային տնտեսության դեմ, սակայն բյուջե մուտքագրված հարկերի ծավալները, մեղմ ասած, չեն ապացուցում դա: Ինչպես երեւում է գծապատկերից, 2013 թվականից սկսած հավաքագրված հարկերի ծավալը սահուն եւ համառորեն նվազել է: Բյուջեի եկամուտների թերակատարումը անցած տարիներին դարձել է խրոնիկ (տես գծ. 3):

Արտագաղթ

ՀՀԿ-ի իշխանության անցած փուլի` 2012-2016 թթ. ընկած ժամանակահատվածում Հայաստանից արտագաղթը կրել է համեմատաբար կայուն բնույթ: Դա երեւում է տարիների կտրվածքով Հայաստան ժամանած եւ Հայաստանից հեռացած մարդկանց տարբերությունից (տես գծ.4): Մեր պաշտոնական վիճակագիրները անընդմեջ պնդում են, թե ժամանած եւ մեկնած մարդկանց թվերի տարբերությունը արտագաղթը չէ, սակայն տարրական թվաբանությունը այլ բան է ցույց տալիս: Ափսեի մեջ ունենք 10 խնձոր: Տարվա ընթացքում դրանից 6-ը վերցնում ենք, 4-ը հետ դնում տեղը: Ափսեի մեջ կմնա 8 հատ խնձոր: Ինչ մեթոդոլոգիայով էլ հաշվենք, այն երկուսը անվերադարձ հեռացած խնձորներ են:  2012-2016 թթ. ընթացքում պաշտոնական տվյալներով Հայաստանից հեռացել ու չի վերադարձել 207 հազար մարդ, կամ ՀՀ բնակչության շուրջ 7 տոկոսը: 

ՀՀԿ-ի իշխանության հետեւանքները փաստող պաշտոնական վիճակագրությունը կարելի է շարունակել: Օրինակ, հանցավորության մակարդակը, որը անշեղորեն աճում է, կամ օտարերկրյա ներդրումների ծավալները, որոնք հասել են զրոյական մակարդակի: Սակայն կա մեկ այլ, նույնքան պաշտոնական վիճակագրություն` որքան հետընթաց է ապրում Հայաստանը, այնքան  շատ ձայն է «ստանում» ՀՀԿ-ն:

 

Տպել
5212 դիտում

Դադարեցվում է հանրային տրանսպորտի գործունեությունը, թույլատրվում է տաքսիների գործունեությունը. պարետի նոր որոշսւմը

Պարետը նոր որոշում է ընդունել. կտեղադրվեն հատուկ անցակետեր՝ անձանց ու տրանսպորտային միջոցների շարժը վերահսկելու համար

Արցախում կայացած նախագահական ընտրությունների նախնական արդյունքներ

Առանձնացվել են տարբեր վայրեր, որոնք կարող են արդյունավետ ծառայել քաղաքացիների մեկուսացման համար

Միայն «մենք» չենք կարող կոտրել այս տեմպը, դա կարող ենք անել «մենք բոլորս»․ Արսեն Թորոսյան

Ինչու է ԱՄՆ-ը ցանկանում արդիականացնել Գերմանիայում գտնվող իր միջուկային զինանոցը

ԱԺ-ն ամբողջությամբ ընդունեց մարդկանց տեղաշարժն ու հեռախոսազանգերը ֆիքսելու մասին օրինագիծը

Անցկացվել է Լոռու կորոնավիրուսի վարակի տարածման, կանխարգելման եւ արձագանքման շտաբի հերթական նիստը

Հավաք-պարապմունքներ են անցկացվել 5-րդ զորամիավորումում․ ՊՆ

ԱԺ նախագահը 3 ժամ առաջ հայտարարել էր, որ 21։30-ից հետո նիստ է լինելու, սակայն ընդդիմությունն էլի չկա․ Ռուբեն Ռուբինյան

Բյուրեղավանի ոստիկանները գողության դեպքեր են բացահայտել

Կրակային պատրաստության պարապմունք է անցկացվել 4-րդ զորամիավորումում․ ՊՆ

Անելու եմ ամեն ինչ, որ իրավապահ մարմինները պատշաճ կերպով ընթացքավորեն բոլոր առերևույթ իրավախախտումները. ԱՀ ՄԻՊ

Կորոնավիրուսից մինչեւ նավթի շուկայում տիրող իրավիճակ. Պուտինն ու Թրամփը հեռախոսազրույց են ունեցել

Ես պատրաստ եմ ընդունել Արցախի բնակչության քվեարկության ցանկացած արդյունք. Արայիկ Հարությունյան

Ոստիկանության Նաիրիի բաժնի ծառայողները բնակարանային գողության դեպք են բացահայտել

Զոհրաբ Մնացականյանը երախտագիտություն է հայտնել ԱՄՆ-ին կորոնավիրուսի դեմ պայքարում աջակցության համար

Արցախի ընտրություններին մասնակցել է ընտրողների 72.7 տոկոսը. ամենացածր մասնակցությունը գրանցվել է Երեւանի տեղամասում

Ժամը 18:30-ի դրությամբ գանձապետարանում բացված ֆինանսական աջակցության հաշվի մուտքերը կազմել են 813 մլն 144 հազար դրամ

Կորոնավիրուսի հաստատված դեպքով եւս մեկ քաղաքացի այսօր վերակենդանացման բաժանմունքից տեղափոխվել է բուժական բաժանմունք