Քունս տանում ա. Փորձագետի սպանության մեջ մեղադրվողը սթափվեց, երբ լսեց ցմահ պատժաչափի մասին

Աջափնյակ եւ Դավիթաշեն վարչական շրջանների ընդհանուր իրավասության դատարանում այսօր շարունակվեց 2016 թ.-ի մարտին Սեւանում դաժանաբար սպանված «Իրազեկ քաղաքացիների միավորում» ՀԿ փորձագետ Կարեն Վարդանյանի գործով դատական նիստը:

Գործով նիստին հետեւելու համար այսօր դատարան էր եկել հանրային խորհրդի անդամ Արշակ Սադոյանը. Վարդանյանը երկար ժամանակ աշխատել է Սադոյանի հետ, եղել է նրա օգնականը:

Դատարանում պարզվեց, որ Կարեն Վարդանյանը մերձավոր հարազատներ չունի, ուստի սույն քրեական գործը քննվեց առանց տուժողի իրավահաջորդի: Որպես Կարեն Վարդանյանի իրավահաջորդ երկու նիստերին էլ ներկայացել է Մարինե Մկրտչյանը, որի խոսքով՝ տուժողն իր հորաքրոջ թոռն է: Նա նախաքննության ընթացքում հանդես էր եկել որպես տուժողի իրավահաջորդ, սակայն գործը քննող դատավոր Տաթեւիկ Գրիգորյանն այսօրվա նիստում արձանագրեց, որ Մկրտչյանը չի կարող համարվել տուժողի պատշաճ իրավահաջորդ, քանի որ նա չի համարվում մերձավոր ազգական:

Մինչ դատաքննություն սկսելը գործով առանցքային ամբաստանյալ Գեւորգ Զոհրաբյանի պաշտպան Արմեն Մուխսիկարոյանը դատարանին հայտնեց, թե իր պաշտպանյալը ՔԿՀ-ում պարբերաբար հոգեմետ դեղեր է օգտագործում եւ որ դատարան բերվելիս էլ օգտագործել է: Ուստի, միջնորդեց դատարանին՝ իր պաշտպանյալի նկատմամբ լրացուցիչ դատահոգեբուժական փորձաքննություն նշանակել, քանի որ ըստ նրա՝ իր պաշտպանյալը հոգեկան խնդիրներ ունի:

Նշենք, որ Գեւորգը դատարանում փորձում էր տարօրինակ վարք դրսեւորել, նա պարբերաբար քնով էր «ընկնում», հետո արթնանում. դատավորի հարցերից մեկին պատասխանելիս ասաց, թե քունը տանում է եւ որ չի լսում հարցերը: Մեղադրող դատախազն առարկեց պաշտպանի միջնորդության դեմ՝ նշելով, որ այն անհասկանալի եւ թերի է ներկայացված, բացի այդ դատախազը հիշեցրեց, որ նախաքննության փուլում ամբաստանյալներ Գեւորգ Զոհրաբյանի եւ Արթուր Միհրանյանի նկատմամբ դատահոգեբուժական փորձաքննություն էր նշանակվել, որով պարզվել էր, որ նրանք մեղսունակ են: Դատավորը խորհրդակցական սենյակից վերադառնալուց հետո որոշում կայացրեց մերժել պաշտպանի միջնորդությունն՝ անհիմն լինելու պատճառով:

Երբ  մեղադրող դատախազը հրապարակեց նրա եւ գործով մյուս ամբաստանյալ Արթուր Միհրանյանի վերաբերյալ մեղադրական եզրակացությունը, եւ դատավորը պարզաբանեց, որ իրենց մեղսագրվող արարքների, մասնավորապես՝ սպանության համար 12-20 տարի կամ ցմահ ազատազրկում է սպառնում, ամբաստանյալ Գեւորգ Զոհրաբյանը «քնած» վիճակից դուրս եկավ, սթափվեց եւ սկսեց հեշտությամբ ըմբռնել հարցերը: Համաձայն մեղադրական եզրակացության՝ Գեւորգ Զոհրաբյանն ու Արթուր Միհրանյանը, նախնական համաձայնությամբ, խմբի կազմում վստահությունը չարաշահելու եւ խաբեության միջոցով գաղտնի առեւանգել են Կարեն Վարդանյանին, այնուհետեւ ապօրինաբար զրկել կյանքից, որից հետո, նախնական համաձայնությամբ, խմբի կազմում գաղտնի հափշտակել Կարեն Վարդանյանի զգալի չափի գույքը:

Քննության տվյալներով՝ Կարեն Վարդանյանն իր բնակարանը նվիրաբերել է 23-ամյա Զոհրաբյանին, որի դիմաց պետք է ստանար դրամական փոխհատուցում՝ 20.000 ԱՄՆ դոլարի չափով, կամ այդ գնի սահմաններում նոր բնակարան։

Պայմանավորված գումարը Կարեն Վարդանյանին չտալու համար Զոհրաբյանն առաջարկել է նրան Վրաստանի միջոցով մեկնել Դուբայ՝ շրջագայության՝ մտադրվելով Վրաստան ուղեկցելու ճանապարհին սպանել նրան։ Նշված մտադրության մասին Գեւորգը հայտնել է Արթուր Միհրանյանին, որը 2016թ. հունվար ամսից օրավարձով վարում էր Զոհրաբյանին պատկանող «Օպել Վեկտրա Բ» մակնիշի ավտոմեքենան՝ խոստանալով դրա դիմաց որոշակի գումար:

Պայմանավորվածության համաձայն՝ Միհրանյանը 2016թ. մարտի 17-ին Լենինգրադյան փողոցում գտնվող դեղատնից գնել է «Դիմեդրոլ» տեսակի թվով 10 դեղահաբ, դրանք լցրել ջրով լի շշի մեջ եւ դրել ավտոմեքենայի հետնամասում, որպեսզի Կարեն Վարդանյանը ճանապարհին այն խմի եւ քնի, ապա երեքով «Օպել Վեկտրա Բ» մակնիշի ավտոմեքենայով ուղեւորվել են դեպի Սեւան քաղաք՝ Վարդանյանին Վրաստանի Հանրապետություն ուղեկցելու պատրվակով: Ճանապարհին Վարդանյանը խմել է դեղահաբերով ջուրը, սակայն այն որեւէ ներգործություն չի ունեցել։ Հասնելով Սեւանի Ախթամար կղզու մոտ՝ ավտոմեքենան կանգնեցրել են բնական կարիքները հոգալու պատրվակով։ Նախնական տվյալներով՝ գետնից քար վերցնելով, Զոհրաբյանը վերադարձել է, ավտոմեքենայում նստել Վարդանյանի կողքին եւ քարով հարվածներ հասցրել նրա գլխին: Վերջինիս հարվածել է նաեւ ավտոմեքենայի վարորդը՝ Արթուր Միհրանյանը։

Տեսնելով անշնչացած Վարդանյանին եւ հասկանալով, որ նա արդեն մահացել է՝ նրան թողել են ավտոմեքենայի սրահի հետնամասում, վերադարձել Երեւան, որտեղ դիակը տեղափոխել են Զոհրաբյանին պատկանող ավտոտնակ եւ թաղել։ Երկու ամբաստանյալներին մեղադրանք է առաջադրվել ՀՀ ՔՕ միաժամանակ երեք հոդվածների հատկանիշներով՝ ՀՀ ՔՕ 104-րդ հոդվածի 2-րդ մասի 3-ին), 7-րդ եւ 8-րդ կետերով (կազմակերպված խմբի կողմից սպանություն կատարելը՝ զուգորդված շահադիտական դրդումներով, ավազակությամբ, մարդուն առեւանգելով), 177-րդ հոդվածի 2-ին մասի 1-ին կետով (մի խումբ անձանց կողմից նախնական համաձայնությամբ գողություն կատարելը), 131-րդ հոդվածի 2-րդ մասի 1-ին կետի (մի խումբ անձանց կողմից նախնական համաձայնությամբ մարդուն առեւանգելը) հատկանիշներով:

Ամբաստանյալներից Գեւորգ Զոհրաբյանն առաջադրված հոդվածներից որեւէ մեկով իրեն մեղավոր չճանաչեց: «Որովհետեւ ես չէի կարող շահադիտական դրդումներ ունենայի իմ բնակարանի նկատմամբ, որը նվեր էի ստացել դրանից մի տարի առաջ իմ ծննդի առիթով»,- պատճառաբանեց նա:

Մյուս ամբաստանյալը իրեն մեղավոր ճանաչեց սպանության համար, սակայն չընդունեց առեւանգելու փաստը, իսկ ավազակության վերաբերյալ էլ հայտնեց, որ չի հիշում: Այսօրվա դատական նիստին հարցաքննվեց վկա Էդուարդ Հարությունյանը: Վերջինս այն անձն է, ում գործով ամբաստանյալ Գեւորգ Զոհրաբյանը վաճառել է Կարեն Վարդանյանին պատկանող, սակայն փաստաթղթերով իրեն նվիրատվություն արված բնակարանը: Վկան հայտնեց, որ անշարժ գույքի գործակալության տնօրեն է:

Բնակարանի վաճառքի մասին իմացել է List.am կայքից, այնուհետեւ բնակարանը տեսնելու շուրջ պայմանավորվածություն է ձեռք բերել Գեւորգ Զոհրաբյանի հետ: Նրա խոսքով՝ Գեւորգն իրեն ներկայացրել է, որ այդ բնակարանը սեպտեմբերին ստացել է նվիրատվությամբ, եւ որ պարտքեր ունի, այդ պատճառով էլ վաճառում է: Վկան հայտնեց, որ բնակարանը վաճառվել է 42 000 դոլարի սահմաններում, սակայն ինքը սակարկել է եւ համաձայնել է այն գնել 37000 դոլարով: Մաս-մաս բանկին եւ Գեւորգին վճարելուց հետո նրան մնացել է պարտք 6700 դոլար:

Այս գործով հաջորդ դատական նիստը տեղի կունենա փետրվարի 24-ին:

Տպել
15535 դիտում

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք