Երևան
14 °C
Հանրապետական կուսակցությունը նախատեսում է առաջիկա խորհրդարանական ընտրություններում Շիրակի մարզում փոխված դեմքերով հանդես գալ: Նախկինում այդ մարզից մեծամասնական ընտրակարգով ընտրված ոչ բոլոր պատգամավորներն այս անգամ կընդգրկվեն ռեյտինգային ցուցակում:
Կլինեն նաեւ նորերը: ՀԺ-ն արդեն գրել է, որ այս անգամ ՀՀԿ-ի ցուցակով է հանդես գալու Մարտուն Գրիգորյանը, որը 2012թ. ընտրություններում մեծամասնական ընտրակարգով որպես «Բարգավաճ Հայաստան» կուսակցության անդամ էր առաջադրվել: Ռեյտինգայինով առաջադրվելու են նաեւ Սերժ Սարգսյանի վերահսկողական ծառայության պետ Ֆելիքս Ցոլակյանը, ՀՀԿ-ական պատգամավոր Սուքիաս Ավետիսյանը: Նույն խմբակցության պատգամավոր Արման Սահակյանի ու Գյումրիի քաղաքապետ Սամվել Բալասանյանի որդու մասին էլ շատ է խոսվել: Իսկ նախկիններից հավանաբար չի լինելու Աշոցքի թիվ 33 ընտրատարածքից մեծամասնական ընտրակարգով ընտրված Աշոտ Աղաբաբյանը:
Մարզից ռեյտինգային ընտրակարգով, որպես նոր դեմքեր, առաջադրվելու են, օրինակ, «Գազպրոմ Արմենիա» ընկերության Շիրակի մարզի կառույցի ղեկավար Սերգեյ Ամիրբեկյանը, «Հայաստանի էլեկտրական ցանցեր» ընկերության Շիրակի «Ղարս» մասնաճյուղի տնօրեն Գագիկ Ֆարզադյանը: Հիշեցնենք, որ Կարեն Կարապետյանի վարչապետ նշանակվելուց եւ ՀՀԿ-ին անդամակցելուց հետո հայտարարվեց, թե նրանից հետո մոտ 7000 հոգի ՀՀԿ-ին անդամակցելու դիմում է ներկայացրել: Հետո պարզվեց, որ դրանց գերակշիռ մասը «Գազպրոմ-Արմենիա» ընկերության աշխատակիցներ են: Ավելի ուշ պարզվեց նաեւ, որ գազային ոլորտի աշխատակիցներին հետեւել են ՀԷՑ-ի աշխատակիցները: Հանրային ծառայության ոլորտի այս ընկերությունները Հայաստանում ամենաշատ աշխատակիցներն ունեն, եւ նրանց ղեկավարներին ռեյտինգային ցուցակ ընդգրկելով՝ ՀՀԿ-ն ցանկանում է նրանց ձայներն իր օգտին ուղղորդել:
Մեզ հայտնի դարձավ, որ Շիրակի մարզից ՀՀԿ-ի ռեյտինգային ցուցակով առաջադրվելու են նաեւ մարզի դատավոր Սուրեն Մնացյանի դուստրը, որը մանկապարտեզի վարիչ է, ինչպես նաեւ դպրոցի ուսուցիչներ: Երեկ փորձեցինք ՀՀԿ-ից պարզել՝ հաստատվա՞ծ է այս մարդկանց թեկնածությունը: Կուսակցության կազմակերպչական հանձնաժողովի նախագահ Ռուբիկ Թադեւոսյանը պատասխանեց, որ այդ ուղղությամբ աշխատանքները դեռ ընթանում են: ՀՀԿ գործադիր մարմնի եւ խորհրդի երեկվա նիստերին էլ այդ հարցերը չեն քննարկել: Հիշեցնենք, սակայն, որ օրեր առաջ հենց Թադեւոսյանն էր մեզ հետ զրույցում ասել, թե արդեն քննարկում են ռեյտինգային թեկնածուների առաջադրումների վերաբերյալ հարցերը: «Մեր տարածքային կազմակերպությունները թեկնածուների հետ դեռ աշխատում են: Մենք դեռ ժամանակ ունենք, երբ հստակեցնենք ցանկը, այն հաստատի գործադիր մարմինը, դուք այդ մասին կտեղեկանաք: Եկեք դեռ անվանական որեւէ բան չքննարկենք: Իսկ դա կորոշեն կուսակցության տարածքային կառույցների ղեկավարները»,-ասաց նա:
ՀՀԿ-ի Շիրակի մարզային կառույցի ղեկավար Սահակ Մինասյանն էլ իր հերթին հավելեց, որ ցուցակը հայտնի կլինի հունվարի վերջին: Ինչ վերաբերում է հարցին, թե ովքեր կընդգրկվեն այնտեղ կամ արդյոք վերը նշված նոր դեմքերը կառաջադրվե՞ն, Մինասյանը նախ չցանկացավ պատասխանել, բայց հետո նաեւ չհերքեց:
Շիրակում ռեյտինգային ընտրակարգով բազմաթիվ թեկնածուներ կառաջադրի «Հայկական վերածնունդ»՝ նախկին «Օրինաց երկիր» կուսակցությունը: Այս կուսակցության մարզային կառույցի ղեկավար, ԱԺ պատգամավոր Հովհաննես Մարգարյանը նույնպես Շիրակի մարզում կառաջադրվի ռեյտինգային ընտրակարգով: Վերջինս էլ մեզ հետ զրույցում ասաց, որ իրենց կուսակցությունը մարզում ռեյտինգային ընտրակարգով առաջադրելու է իրենց տարածքային կառույցների ղեկավարներին: Ի դեպ, կարծիք կար, թե ՀՎԿ-ն այս մարզում կարող է առաջադրել նաեւ Գյումրիի նախկին քաղաքապետ Վարդան Ղուկասյանի փեսային՝ Ավետիս Առաքելյանին: Հովհաննես Մարգարյանը, սակայն, մեզ հետ զրույցում ասաց, որ կուսակցությունը նման հարց դեռ չի քննարկել: Ըստ Մարգարյանի, Շիրակի մարզի պատգամավորական թեկնածուների ցանկը եւ խորհրդարանական ընտրություններին վերաբերող բոլոր հարցերը, ամենայն հավանականությամբ, կհստակեցվեն կուսակցության առաջիկա համագումարի արդյունքում եւ համագումարից հետո:
Գաղտնիք չէ, որ թեեւ ընտրատեղամասերը մեծացվել են եւ համապատասխանեցվել մարզերի տարածքներին, բայց այդ մարզերում առաջադրվող ռեյտինգային թեկնածուները կոնկրետ մի շրջանում կաշխատեն: Այսինքն ստվերային կերպով գործելու են նախկին մեծամասնական ընտրատարածքները: Այդպիսով, կոնկրետ Հովհաննես Մարգարյանը հավանաբար կփորձի աշխատել հիմնականում Աշոցքի մարզի նախկին թիվ 33 ընտրատարածքում, որտեղից ինքը 2012 թ. պատգամավոր է ընտրվել եւ որտեղ մրցակցել է ՀՀԿ-ական Աշոտ Աղաբաբյանի հետ: Հիշեցնենք, նախորդ խորհրդարանական ընտրություններում Աղաբաբյանը ստացել էր 15.234 քվե, իսկ Մարգարյանը՝ մոտ տասը հազար: Եվ եթե ՀՀԿ-ն այստեղ իր նախկին թեկնածուին չառաջադրի, ապա Մարգարյանը կամ նրան ներկայացնող ՀՎ-ն կարող է ավելի շատ ձայներ ստանալ: Իսկ ՀՀԿ-ն Աղաբաբյանից երես է թեքել այն բանից հետո, երբ նա սկսեց դժգոհել իշխանություններից իր սեփականությունը հանդիսացող «Հրազդան» տոնավաճառի նկատմամբ կիրառած խիստ հարկային քաղաքականությունից: Մենք փորձեցինք Ռուբեն Թադեւոսյանից պարզել, թե ինչ սկզբունքներով են ընտրում իրենց ռեյտինգային թեկնածուներին, այն հանգամանքը, որ նրանք նախկինում մեծամասնական ընտրակարգով առաջադրվել ու հաղթել են եւ միաժամանակ ձայներ բերել ՀՀԿ-ին, այս անգամ դեր չի՞ խաղալու. չէ՞ որ հակառակ պարագայում ստեղծված իրավիճակից կարող են օգտվել իրենց մրցակիցները: «Ամեն ինչ էլ հնարավոր է, բայց ժամանակ է անցել, իրավիճակ է փոխվել: Որպեսզի այդ մարդիկ դառնան ռեյտինգային թեկնածու, ձեր ասածն ու շատ այլ հանգամանքներ են հաշվի առնվելու»,- պատասխանեց Ռուբեն Թադեւոսյանը:
Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը
Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան
Ռեստորանում «Ջերմուկ»-ի շիշը կոտրվել է, ապակյա բեկորը վնասել է 32-ամյա երիտասարդի աչքը
Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն
Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը
Վարդենյաց լեռնանցքը դժվարանցանելի է կցորդիչով բեռնատարների համար
Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել
29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա
Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի
Ճամբարակի սննդի օբյեկտի գործունեության կասեցումը վերացվել է
Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները
Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել
Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը
Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը
Ինչ փոփոխություններ է արձանագրել տարադրամի շուկան մարտի 28-ին
Սերգեյ Նարիշկինը այց է կատարել Հյուսիսային Կորեա
Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել
«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան
Հայկ Մարությանը նոր կուսակցություն է հիմնում
ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան
Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից
Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ
Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է
Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը
Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա
Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի
Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել
Ինդոնեզական բանակը համալրվել է թուրքական տանկերով
Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին
Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան
Վրաց խորհրդարանականներն այցելել են Ծիծեռնակաբերդի հուշահամալիր
Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից
ՔԿԾ-ին անհրաժեշտ են վարորդներ. ովքեր և ինչպես կարող են դիմել
Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան
Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան
Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)
Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան
ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք
Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան
2 զոհ, 7 վիրավոր. վթար Մարգարա-Վանաձոր-Տաշիր ճանապարհին
© 2024 Հայկական ժամանակ