Կարո Եղնուկյանի կալանքի ժամկետը երկարաձգվել է. չի օգնել անգամ 1 մլն դոլար գրավը

Աննախադեպ՝ 1 մլն դոլար գրավը եւ երաշխավորագրերն այս անգամ եւս չեն օգնել «Սասնա ծռեր» խմբին օժանդակելու մեջ մեղադրվող Կարո Եղնուկյանին՝ հայտնվել ազատության մեջ:

Ինչպես Armtimes.com-ի թղթակցին տեղեկացրեց վերջինիս փաստաբան Տիգրան Հայրապետյանը, Երեւանի Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանը քիչ առաջ մերժել է գրավի դիմաց ազատ արձակել իր պաշտպանյալին:

«Եթե նախկինում քննիչը որոշ փաստաթղթեր ներկայացնում էր, ապա այս անգամ որեւէ փաստաթուղթ չներկայացրեց: Ավելին ասեմ. եթե նախկինում դատարանը կալանք էր կիրառում՝ ասելով, որ քննչական գործողություններ են կատարվում, ապա այժմ նախաքննությունն ավարտվել է: Ստացվում է՝ կալանքն, ըստ էության, հիմնավորված չէ»,- շեշտեց փաստաբանը՝ հավելելով, որ ներկայումս որեւէ խոչընդոտ չկա՝ ազատ արձակելու Կարո Եղնուկյանին:

Տիգրան Հայրապետյանն ընդգծեց, որ այս ամենը ոչ այլ ինչ է, եթե ոչ դիտավորություն: Միաժամանակ տեղեկացրեց, որ իր պաշտպանյալի կալանքի ժամկետը երկարացվել է մինչեւ մարտի 20-ը: Մինչ այդ՝ սահմանափակված են իր պաշտպանյալի հեռախոսազանգերն ու տեսակցությունները: Նախկինի նման նրան կարող են այցելել բացառապես 83-ամյա տարեց մայրը եւ կրտսեր դուստրը:

Վերջում փաստաբանը տեղեկացրեց, որ դատարանի այսօրվա որոշումը կբողոքարկեն Վերաքննիչ դատարանում:

Հիշեցնենք, որ 2016 թվականի հուլիսի 22-ից կալանքի տակ գտնվող Կարո Եղնուկյանին մեղադրանք է առաջադրվել Քրեական օրենսգրքի 218 եւ 219 հոդվածներով՝ պատանդ վերցնելուն, շենքեր, շինություններ, տրանսպորտի, հաղորդակցության կամ կապի միջոցներ զավթելուն աջակցելու համար, որով նախատեսվում է 8-15 տարվա ազատազրկում:

Տպել
3623 դիտում

Ոսկեւանում վիրավորում ստացած երեխային տեղափոխում են Երեւանի «Սուրբ Աստվածամայր» ԲԿ. Ալինա Նիկողոսյան

Շուրջ 250 մարդ դուրս է եկել մեկուսացումից

Վրաստանում պարետային ժամ և կարանտին է սահմանվում երկրի ողջ տարածքում. 21:00-ից հետո դուրս գալ արգելվում է

Պարետը 6 ժամով 5 տնտեսվարողի գործունեությունն արգելելու որոշում է կայացրել

Ucom-ը դարձնում է հեռավար ուսուցումը հասանելի բոլորի համար

Գնդակը նախ դիպել է պատին, այնուհետեւ՝ երեխային․ Տավուշի մարզպետը՝ ոսկեւանցի երեխայի մասին

ՀՀ տարածքում ավտոճանապարհները հիմնականում անցանելի են. ԱԻՆ

Ադրբեջանական կողմը ձեռնարկել է դիվերսիոն ներթափանցման փորձ. թեթեւ վիրավորում է ստացել երկու զինծառայող

Անցկացվել է ցուցադրական մարտավարական զորավարժություն . ՊՆ

Ուսուցիչների եւ աշակերտների համար համակարգչային սարքերի հավաքագրմանը միացել են ե՛ւ անհատներ, ե՛ւ կազմակերպություններ

ԿԲ նախագահի պաշտոնում «Իմ քայլը» խմբակցությունն առաջադրել է Մարտին Գալստյանի թեկնածությունը․ Մանուկյան

Մարդու իրավունքների պաշտպանի հրապարակած ուղեցույցը թարգմանվել է ասորերեն և հնդկերեն

ԱԻՆ ճգնաժամային կառավարման ազգային կենտրոնը 519 զանգ է ստացել կորոնավիրուսի վերաբերյալ

Երևանի քաղաքապետարանը մարտ ամսվա պարգևավճարը կփոխանցի համայնքային ենթակայության բուժհիմնարկների աշխատակիցներին

Մասնավոր կլինիկայում COVID-2019-ի արագ թեստ են անում․ գինը՝ 25․000 դրամ, արդյունավետությունն ապացուցված չէ

Կարգապահական վարույթ է հարուցվել փաստաբաններ Հայկ Ալումյանի, Հովհաննես Խուդոյանի եվ Միհրան Պողոսյանի նկատմամբ

Նիդերլանդները Հայաստանը դասել է անվտանգ ծագման երկրների շարքում

Արքայազն Չարլզը դուրս է եկել ինքնամեկուսացումից. BBC

Քաղաքացու նկատմամբ ոստիկանների գործողությունները ստուգելու համար Դատախազությունը ԶԼՄ հրապարակումներն ուղարկել է ՀՔԾ

Ես չեմ վախենում կորոնավիրուսից, վախենում եմ նրանից, որ մենք դասեր չենք քաղում այն ամենից, ինչ կատարվում է. Սերժ Թանկյան