Իրավական

Հայ ազգային կոնգրեսը երեկ ՀՀ ՍԴ է ներկայացրել դիմում, որով պահանջում է անվավեր ճանաչել մայիսի 6-ին տեղի ունեցած համամասնական ընտրակարգով ԱԺ ընտրությունների արդյունքները: Համամասնական ընտրակարգով ընտրությունների վերաբերյալ դիմումները ՍԴ-ն պարտավոր է քննել բանավոր ընթացակարգով, եւ որոշումը պետք է կայացվի դիմումի մուտքագրումից հետո` 15 օրվա ընթացքում:

Հիշեցնենք, որ մեծամասնական ընտրակարգով ԱԺ ընտրությունների վերաբերյալ ՍԴ-ն ստացել է վեց դիմում` Նիկոլ Փաշինյանից (թիվ 7 ընտրատարածք), Դավիթ Մաթեւոսյանից (թիվ 38 ընտրատարածք), Մանուել Գասպարյանից (թիվ 3 ընտրատարածք), Լեւոն Զուրաբյանից (թիվ 9 ընտրատարածք), Գագիկ Ներսիսյանից (թիվ 17 ընտրատարածք) եւ Սամվել Հարությունյանից (թիվ 37 ընտրատարածք):

ՍԴ դիմումներ են ներկայացրել Մանուել Գասպարյանը, Նիկոլ Փաշինյանը, Լեւոն Զուրաբյանը եւ Սամվել Հարությունյանը` համապատասխանաբար թիվ 3, 7, 9 եւ 37 ընտրատարածքներից: Գագիկ Ներսիսյանի եւ Դավիթ Մաթեւոսյանի` համապատասխանաբար 17 եւ 38 ԸՏ-ներից դիմումները ՍԴ են ուղարկվել փոստով: Հարությունյանը միակն է, որը չի ներկայացնում Կոնգրեսը: Նիկոլ Փաշինյանը ՍԴ-ից պահանջել է անվավեր ճանաչել Սամվել Ալեքսանյանի ընտրվելու մասին թիվ 7 ԸԸՀ-ի որոշումը եւ կայացնել նոր որոշում` ընտրված ճանաչելով իրեն, մյուսները պահանջել են անվավեր ճանաչել համապատասխան ԸՏ-ի քվեարկության արդյունքները:

տես էջ 5

2004 թվականի փետրվարին Բուդապեշտում ադրբեջանցի զինվորականի կողմից կացնահարված սպա Գուրգեն Մարգարյանի եղբոր` Վահրամ Մարգարյանի եւ Բորիս Հակոբյանի վերաբերյալ դատը լուսաբանելու նպատակով Կենտրոն եւ Նորք-Մարաշ վարչական շրջանների ընդհանուր իրավասության դատարան այցելելով` մեր թղթակիցը անակնկալ հանդիպում է ունեցել: Դատարանում, նույն գործով դատավարությանը ներկա է եղել «ՀԺ» թողարկման պատասխանատու Հայկ Գեւորգյանի «վաղեմի բարեկամը»` Աշոտ Ֆրանգուլյանը: Պարզվել է, որ նա գործով որպես վկա է անցնում եւ, ըստ գործի նյութերի, անցյալ տարվա օգոստոսի 2-ին Երեւանի Զաքյան փողոցում կատարված աղմկոտ սպանության ականատեսն է:

Նիստն անցավ բավական լարված մթնոլորտում: Ամբաստանյալները` եւ Վահրամ Մարգարյանը, եւ Բորիս Հակոբյանը մեղադրական եզրակացության եզրափակիչ մասի դատախազի հրապարակումը լսելիս չէին կարողանում զսպել իրենց վերաբերմունքը եւ մեկնաբանություններ էին անում: «Շառ են: Էս ի՞նչ են ասում»,- բացականչեց Վահրամ Մարգարյանը, լսելով մեղադրական եզրակացության այն հատվածը, որտեղ նշվում էր, թե իբր Գալոյանին սպանելուց առաջ ինքը մի քանի օր հետեւել է նրան: Բորիս Հակոբյանը եւս կամաց ինչ-որ բան ասաց, նրա ծիծաղը հարուցեց մեղադրական եզրակացության մեջ նկարագրված այն դրվագը, ըստ որի` ինքը «Մակարով» տեսակի ատրճանակ է տվել Վահրամին, որպեսզի նա սպանի Խաչիկ Գալոյանին: Դատավոր Արշակ Վարդանյանը դիտողություն արեց ամբաստանյալներին. «Ռեպլիկներ մի արեք»: Ի պատասխան` Վահրամ Մարգարյանը ասաց. «Մի քիչ հեքիաթի ա նման էդ սաղ»:

Մասնավորապես, Հայ ազգային կոնգրեսի համակարգող Լեւոն Զուրաբյանը ՍԴ-ին ներկայացրած դիմումով պահանջում է անվավեր ճանաչել թիվ 9 ընտրատարածքում մեծամասնական ընտրակարգով ընտրությունների արդյունքները: Պաշտոնական արդյունքների համաձայն, այս ընտրատարածքից պատգամավոր է ընտրվել ՀՀԿ անդամ Ռուբեն Սադոյանը: Թիվ 3 ընտրատարածքում մեծամասնական ընտրակարգով պատգամավորի թեկնածու, Կոնգրեսը ներկայացնող Մանուել Գասպարյանը ՍԴ-ից պահանջել է  անվավեր ճանաչել իրենց ընտրատարածքում մեծամասնական ընտրակարգով ընտրությունների քվեարկության արդյունքները: Թիվ 3 ԸՏ-ում պաշտոնական արդյունքներով պատգամավոր է ընտրվել ՀՀԿ անդամ Արթուր Ստեփանյանը:

Ենթադրվում է, որ մեծամասնական ընտրակարգով Հայ ազգային կոնգրեսը ներկայացնող թեկնածուներից այսօր ՍԴ դիմումներ կներկայացնեն Նիկոլ Փաշինյանը` թիվ 7 ընտրատարածք, Արշակ Բանուչյանը` թիվ 11 ԸՏ, Գագիկ Ներսիսյանը` թիվ 17 ԸՏ եւ Դավիթ Մաթեւոսյանը` թիվ 38 ԸՏ:

Նիստի  սկզբում պարզ դարձավ, որ գործով որպես վկա ներգրավված Արման Մնացականյանը եւ Արթուր Մկրտչյանը չեն ներկայացել: Մկրտչյանի հետ կապված գրություն կար ոստիկանության Սիսիանի բաժնից, որ գտնվում է ԼՂՀ-ում, եւ հաջորդ նիստին նրա ներկայությունը կապահովվի: Իսկ ահա Արման Մնացականյանը, կրկին ըստ ոստիկանության գրության, «բուժման նպատակով մեկնել է ՀՀ-ից»:

Նիստը նախագահող Սամվել Մարդանյանը դատավարության մասնակիցներին առաջարկեց ներկայացնել իրենց կարծիքը` նման պարագայում դատավարությունը շարունակելու նպատակահարմարության վերաբերյալ: Ամբաստանյալ Հակոբ Մանուկյանի պաշտպան Հրանտ Գեւորգյանն ասաց, որ այդ երկուսն առանցքային վկաներ են, եւ առանց նրանց իմաստ չունի շարունակել դատական նիստը, եւ խնդրեց Մնացականյանի եւ Մկրտչյանի ներկայությունը հետագայում ապահովել:

ՃՈ նախկին պետ Մարգար Օհանյանի վերաբերյալ երկար սպասված հերթական դատական նիստը երեկ հետաձգվեց: Պատճառը պաշտպան Մկրտիչ Վասակյանի բացակայությունն էր: Հիշեցնենք, որ դեռեւս մեկ ամիս առաջ տեղի ունեցած վերջին դատական նիստին պաշտպանական կողմը եւ Մարգար Օհանյանը պետք է հանդես գային պաշտպանական ճառով, այնուհետեւ Օհանյանը պետք է ասեր իր վերջին խոսքը, ու դատավորը պետք է անցներ խորհրդակցական սենյակ` վճիռ կայացնելու: Անցած նիստը, սակայն, եւս հետաձգվել էր Մկրտիչ Վասակյանի հիվանդության պատճառով: Այսպիսով, հաջորդ դատական նիստը տեղի կունենա մայիսի 30-ին, ժամը 14.30-ին: Մարտի 27-ին մեղադրող Հարություն Հարությունյանն իր մեղադրական ճառում առաջարկել էր Ճանապարհային ոստիկանության նախկին պետ, գնդապետ Մարգար Օհանյանին ազատազրկել ութ տարով` գույքի կեսի բռնագրավմամբ: Դատախազը նաեւ առաջարկել էր մյուս երեք ամբաստանյալներին դատապարտել պայմանական ազատազրկումների. Ստեփան Կարախանյանին` վեց տարի, Արա Լեւոնյանին` հինգ տարի վեց ամիս, Սամվել Մախմուրյանին` հինգ տարի:

Երիտասարդը քաղաքացիական հագուստով անձանց կողմից ոստիկանություն է տարվել համալսարանի վարչական շենքից, համալսարանի վարչակազմի իմացությամբ ու թույլտվությամբ: Այս մասին երեկ մեզ հայտնեցին նրա ընկերները, որոնք Միքայելին, նախ, փնտրել են ոստիկանության Կենտրոնի բաժնում, այնուհետեւ` Կենտրոնի քննչական բաժանմունքում, ավելի ուշ պարզվել է, որ նա քննչական գլխավոր վարչությունում է:

Միքայելի ընկերներից մեկը` բնապահպան, իրավաբան Արթուրը Գրիգորյանը, մեզ պատմեց, թե գիտի միայն, որ Միքայելին բերման ենթարկելիս ասել են նրան, որ դա կապված է մայիսի 4-ին Հանրապետության հրապարակում փուչիկների պայթյունի հետ, իսկ թե ինչ կարգավիճակով է նա անցնում այդ գործում, եւ արդյո՞ք կասկածվում է պայթյունը կազմակերպելու կամ իրականացնելու մեջ` հայտնի չէ:

Հայ ազգային կոնգրեսի երիտասարդ ակտիվիստներ Սարգիս Գեւորգյանի, Դավիթ Քիրամիջյանի, Արտակ Կարապետյանի եւ Տիգրան Առաքելյանի վերաբերյալ Կենտրոն եւ Նորք-Մարաշ վարչական շրջանների ընդհանուր իրավասության դատարանում երեկվա նիստը սկսվեց 40 րոպե ուշացումով եւ տեւեց ընդամենը չորս րոպե: Նիստի ուշացման պատճառն այն էր, որ դատախազ Հակոբ Մարտիրոսյանը մոռացել էր դրա մասին` կարծելով, թե նիստը պետք է տեղի ունենա մայիսի 12-ին, եւ քանի որ այս գործով անցնող երկու վկաներն էլ նիստին չէին ներկայացել, դատախազը միջնորդեց նիստը հետաձգել: Դատավոր Գագիկ Պողոսյանը բավարարեց միջնորդությունը, հաջորդ նիստը կկայանա մայիսի 24-ին, ժամը 12.00-ին:

2012թ. մայիսի 6-ի ՀՀ Ազգային ժողովի ընտրությունների` քարոզարշավի եւ քվեարկության օրը, ընտրախախտումների վերաբերյալ ստացված հաղորդումների, այդ թվում` զանգվածային լրատվության միջոցների հրապարակումների հիման վրա 2012թ. մայիսի 8-ի դրությամբ հարուցվել է 8 քրեական գործ:

Դրանք են.

1. 2012թ. ապրիլի 15-ին` ժամը 19:40-ին, Երեւան քաղաքի Րաֆֆու փողոցի թիվ 27/7 հասցեում գտնվող ՀԱԿ նախընտրական շտաբում ՀԱԿ համամասնական ցուցակի ԱԺ պատգամավորի թեկնածու Գայանե Առուստամյանը հաղորդում է տվել այն մասին, որ նույն օրը` ժամը 18:40-ի սահմաններում, անհայտ անձինք Երեւան քաղաքի Սվաճյան փողոցի 44 շենքի 1-ին հարկի շքամուտքում ծեծի են ենթարկել իրեն եւ ՀԱԿ համամասնական ցուցակի ԱԺ պատգամավորի թեկնածու Բաբկեն Գարոյանին` պատճառելով մարմնական վնասվածքներ: Բացի այդ, նույն օրը ՀՀ ոստիկանության Մալաթիայի բաժին ահազանգ է ստացվել նաեւ «Արմենիա» բժշկական կենտրոնից այն մասին, որ քթի վնասվածքով բուժօգնության է դիմել Բաբկեն Գարոյանը:

Թիվ 7 ընտրատարածքային ընտրական հանձնաժողովը երեկ կրկին քննարկեց 7-րդ ընտրատարածքում պատգամավորի թեկնածու Նիկոլ Փաշինյանի եւ նրա լիազոր ներկայացուցիչ Վահագն Հովակիմյանի դիմում-բողոքը` նույն ընտրատարածքում պատգամավորի թեկնածու Սամվել Ալեքսանյանի գրանցումն ուժը կորցրած ճանաչելու պահանջով դատարան դիմելու մասին: Նույն դիմումը թիվ 7 ԸԸՀ-ն մեկ անգամ արդեն քննել էր ապրիլի 27-ին եւ որոշել էր մերժել: Սակայն, Նիկոլ Փաշինյանի եւ նրա լիազոր ներկայացուցիչ Վահագն Հովակիմյանի ԿԸՀ ներկայացրած դիմում-բողոքի հիման վրա` այդ հանձնաժողովը անվավեր էր ճանաչել թիվ 7 ԸԸՀ-ի որոշումը եւ վերջինիս պարտավորեցրել մեկօրյա ժամկետում կրկին քննել նույն դիմում-բողոքը: Ուստի, ԸԸՀ-ն` իբրեւ ԿԸՀ որոշման կատարում երեկ նույն հարցով կրկին նիստ էր հրավիրել: Սակայն, եթե առաջին անգամ թիվ 7 ԸԸՀ-ն ինչ-որ կերպ փորձել է դիմում-բողոքը մերժելու հիմնավորումներ պատրաստել, ապա այս անգամ այս նույն հանձնաժողովը նման ձեւականությունների ետեւից չընկավ: Հանձնաժողովի անդամները լսեցին բոլոր փաստարկները, որոնք այն մասին են, որ Սամվել Ալեքսանյանը թիվ 190 դպրոցում գումար է բաժանել եւ խոստացել է «Փարվանա» ռեստորանում իր հաշվին կազմակերպել այդ դպրոցի ավարտական դասարանների «Վերջին զանգի» արարողությունը: Դրանից հետո, հանձնաժողովը որոշեց մերժել Նիկոլ Փաշինյանի եւ Վահագն Հովակիմյանի դիմումը` չբերելով ոչ մի փաստարկ, թե ինչի հիման վրա է մերժում: Ուղղակի մերժեցին եւ վերջ: ԸԸՀ-ի որոշումը Նիկոլ Փաշինյանը եւ Վահագն Հովակիմյանը այսօր կբողոքարկեն ԿԸ հանձնաժողով` ունենալով անհերքելի փաստերի բազա:

Բողոքների նախապատմությունը հետեւյալն է. Փաշինյանը եւ Հովակիմյանը դիմել էին թիվ 7 ԸԸՀ` նույն ընտրատարածքում առաջադրված թեկնածու Սամվել Ալեքսանյանի գրանցումը ուժը կորցրած ճանաչելու վերաբերյալ բողոքով, ելնելով այն փաստից, որ Ալեքսանյանը ընտրատարածքի ընտրողներին դրամ է բաժանել եւ խոստացել է ավարտական դասարանների անվճար վերջին զանգ կազմակերպել իրեն պատկանող «Փարվանա» ռեստորանում: Թիվ 7 ԸԸՀ-ն նախորդ ուրբաթ օրը մերժել էր Նիկոլ Փաշինյանի եւ Վահագն Հովակիմյանի դիմումները: Եւ ահա, ԿԸՀ-ի որոշմամբ արձանագրվեց, որ այդ մերժման որոշումներն ապօրինի են եւ կայացվել են ոչ օրինական ճանապարհով: ԿԸՀ-ն ԸԸՀ-ին պարտավորեցրել է այսօր կրկին քննարկել Սամվել Ալեքսանյանին ընտրարշավից հանելու եւ նրան պատգամավորի թեկնածուի կարգավիճակից զրկելու հարցը: 

տես էջ 8

ՀՀ գլխավոր դատախազության պետական շահերի պաշտպանության վարչությունում հարուցվել է քրեական գործ` առանձնապես խոշոր չափերի գումար յուրացնելու դեպքի առթիվ: Մասնավորապես` «Ռադիոկապ եւ Ռեզոնանս» ՍՊ ընկերությունը 2008 թվականի ապրիլի 9-ի ԱԺՁԲ-08/37 պետական գնման պայմանագրով` ՀՀ բնապահպանության նախարարության կարիքների համար լաբորատոր նյութեր եւ սարքավորումներ մատակարարելու նպատակով 2008թ. հոկտեմբերի 21-ին պետական բյուջեից որպես կանխավճար ստացել է 17 միլիոն 862 դրամ, իսկ «Ֆիտոկան» ՍՊ ընկերությունը 2008-ի դեկտեմբերի 27-ի ՄԲԱԺՁԲ-08/40 պետական գնման պայմանագրով` ՀՀ ԿԳՆ կարիքների համար ուսումնաօժանդակ գրականություն մատակարարելու նպատակով 2008-ի դեկտեմբերի 27-ին պետական բյուջեից որպես կանխավճար ստացել է 28 միլիոն 691 դրամ: Ստացված առանձնապես խոշոր չափերի գումարները նշված ընկերությունների փաստացի ղեկավարը (ի դեպ, երկու ընկերությունների փաստացի ղեկավարը եւ տնօրենը նույն անձինք են)` տնօրենի օժանդակությամբ յուրացման եղանակով հափշտակել է: Դեպքի առթիվ հարուցվել է քրեական գործ` ՀՀ քրեական օրենսգրքի 179-րդ հոդվածի 3-րդ մասի 1-ին եւ 38-179-րդ հոդվածի 3-րդ մասի 1-ին կետերով:

Թեեւ ոստիկանապետ Վովա Գասպարյանը ոստիկանության վարչական շենքում էր, սակայն նիստին չմասնակցեց:

Ներկա էին օպերատիվ շտաբի անդամները` Երեւանի ոստիկանապետ Ներսես Նազարյանը, քրեական հետախուզության գլխավոր վարչության պետ Աշոտ Կարապետյանը, փոխոստիկանապետ Արթուր Օսիկյանը, քննչական գլխավոր վարչության պետ, փոխոստիկանապետ Գագիկ Համբարձումյանը, ոստիկանության շտաբի պետ Վարդան Եղիազարյանը եւ այլք, իսկ նիստը վարում էր ոստիկանապետի առաջին տեղակալ Հունան Պողոսյանը: Նա նախ ասաց, որ «ոստիկանությունն արդար, թափանցիկ ընտրությունների անցկացումը համարում է պատվի գործ եւ ողջ ծավալով իրականացնելու է օրենքով վերապահված լիազորությունները», ինչից հետո անցավ բուն թեմային: