Ստեփան Մինասյան

«Այստեղ քաղաքական կյանքը պիտի եռա»,- նկատի ունենալով նորաբաց շտաբը, հավաքվածներին հորդորեց Լ. Զուրաբյանը, ապա հիշեցրեց, որ ամեն պահ պետք է պատրաստ լինել շատ կոշտ ընտրական պայքարի մեջ մտնելու համար: Անդրադառնալով առաջիկայում տեղի ունենալիք ներքաղաքական զարգացումներին, Զուրաբյանը նկատեց, որ որոշակի առումով դա պայմանավորված է հունիսի 25-ին Կազանում ԼՂ հարցով տեղի ունենալիք Սերժ Սարգսյան-Իլհամ Ալիեւ-Դմիտրի Մեդվեդեւ հանդիպման արդյունքներով: «Կարծես կան հայտարարություններ` բավական լուրջ մակարդակով, որոնցից կարելի է եզրակացնել, որ շրջանակային համաձայնագրի ստորագրման հարցը դրված է շատ հստակ: Եթե դա լինի, ապա կտրականապես փոխվելու է իրավիճակը եւ տարածաշրջանում, եւ Հայաստանում: Դա լինելու է աննախադեպ զարգացում. առաջին անգամ մենք կստանանք բաց փաստաթուղթ, որից բոլորիս համար պարզ կլինի, թե ինչ լուծումների են համաձայնվել հայաստանյան իշխանությունները»,- նկատեց ՀԱԿ համակարգողը:

Արթիկի կենտրոնում հավաքված քաղաքացիներից այսպիսի պատասխան ստացան Հայ ազգային կոնգրեսի տարածքային շտաբ բացելու նպատակով Արթիկ այցելած ՀԱԿ ներկայացուցիչները` Լեւոն Զուրաբյանը, Արամ Մանուկյանը, Վահագն Խաչատրյանը, Ստեփան Մինասյանը, Մյասնիկ Մալխասյանը, Պետրոս Մակեյանը, Աշոտ Զաքարյանը եւ ուրիշներ: Չնայած եթե այդ պատասխանն էլ չլիներ, Կոնգրեսի ներկայացուցիչների համար դա թերեւս արդեն տեսանելի էր այն ճանապարհից, որն անցան` Արթիկ հասնելու համար: «Ճամփեքի մասին խոսք չկա, մեռելը տանելուց մի օր կընկնի փոսը, կկորի»,- այդ մասին էլ կատակեց մեկ ուրիշ արթիկցի` հավելելով, թե Արթիկը հայտնի է իր տուֆով, բայց հիմա «ով տան կարիք ունի, տուֆից տան փող չունի, ով էլ փող ունի, տան կարիք չունի»:

Ձեւավորվեց 81 հոգանոց վարչության կազմ, ինչպես նաեւ քարտուղարություն: Վարչության կազմում ընդգրկվեցին մասնավորապես Գրիգոր Հարությունյանը, Ստեփան Մինասյանը եւ Ֆելիքս Խաչատրյանը:

Համագումարին մասնակցեցին ՀՀ առաջին նախագահ, ՀԱԿ առաջնորդ Լեւոն Տեր-Պետրոսյանը, ՀԱԿ անդամ բոլոր կուսակցությունների ղեկավարները, ՆԺԿ առաջնորդ Արամ Կարապետյանը, «Ժառանգությունից» Ստեփան Սաֆարյանն ու Արմեն Մարտիրոսյանը, ինչպես նաեւ ՀԿԿ առաջին քարտուղար Ռուբեն Թովմասյանը: «Առանց ՀԺԿ-ի մասնակցության ոչ Համաժողովրդական շարժումը, ոչ էլ Կոնգրեսը չէին ունենա այն ընդգրկումն ու հզորությունը, որ ձեռք են բերել ու շարունակում են պահպանել մինչեւ օրս»,- իր ելույթում ասաց Լեւոն Տեր-Պետրոսյանը: ՀԺԿ նախագահ Ստեփան Դեմիրճյանն իր հաշվետվություն-ելույթում խոսեց մեր երկրի բոլոր բնագավառներում առկա արատավոր երեւույթների մասին` անդրադառնալով սոցիալ-տնտեսական ծանր վիճակից մինչեւ գյուղատնտեսություն, մտավորականության խնդիրներից մինչեւ բնապահպանություն:

Օրեր առաջ ընթերցողներին տեղեկացրել ենք, որ դեկտեմբերի 4-ին Կառավարության նիստերի դահլիճում տեղի է ունենալու ՀԺԿ 7-րդ համագումարը: Երեկ ՀԺԿ վարչության քարտուղար, Հայ ազգային կոնգրեսի շտաբի անդամ Ստեփան Մինասյանը արդեն տարածում էր համագումարի հրավիրատոմսերը: Մինասյանից տեղեկացանք, որ համագումարին մասնակցելու համար հրավիրվել են ՀԱԿ առաջնորդ, ՀՀ առաջին նախագահ Լեւոն Տեր-Պետրոսյանը, ՀԱԿ անդամ բոլոր կուսակցությունների ղեկավարները, Հայաստանի Կոմունիստական կուսակցությունը եւ «Ժառանգություն» կուսակցությունը: Իշխանությունից որեւէ մեկը, ըստ Ստեփան Մինասյանի, չի հրավիրվել: Կան անհատ հրավիրյալներ, ինչպես, օրինակ, սիրված դերասան Երվանդ Մանարյանը: ««Ժառանգությունը» հրավիրվել է, քանի որ ըստ էության ներկայացնում է խորհրդարանական ընդդիմությունը, Կոմկուսը եւս հրավիրվել է որպես ընդդիմադիր ուժ»,- ասաց Մինասյանը: Մեզ հետ զրույցում նա տեղեկացրեց նաեւ, որ ՀԺԿ համագումարի օրակարգում ընդգրկված է չորս հիմնական հարց: Նախ հաշվետու ժամանակահատվածում կատարված աշխատանքի մասին զեկույցով հանդես կգա ՀԺԿ նախագահ Ստեփան Դեմիրճյանը, կներկայացվի վերահսկիչ հանձնաժողովի զեկույցը, ապա կհնչեն ելույթներ: Ամենավերջում տեղի կունենան նաեւ ընտրություններ: ՀԺԿ-ն այն եզակի կուսակցություններից է, որ ամեն համագումարում ընտրում է նաեւ կուսակցության նախագահ:

Վերջին երկու օրերին քննարկվող թիվ մեկ թեման է` ի՞նչ է որոշելու Հայ ազգային կոնգրեսը. սեպտեմբերի 17-ին հրավիրված հանրահավաքն անցկացնելու է Ազատության հրապարակո՞ւմ, թե Մատենադարանին հարող հրապարակում: Ըստ որոշ գնահատականների, սա այն բացառիկ դեպքերից է, երբ հանրահավաքի անցկացման վայրն ավելի կարեւոր է, քան նույնիսկ ասելիքը: Ավելի ճիշտ` ինչ-որ առումով հանրահավաքի վայրի ընտրությունից է կախված ասելիքը: Դեռեւս հուլիսի 28-ին սեպտեմբերի 17-ի հանրահավաքի անցկացման վայր էր հայտարարվել Ազատության հրապարակը: Համենայնդեպս քաղաքացիների, ակտիվիստների մեջ կասկած չկար, որ 2008-ի Մարտի 1-ից հետո առաջին անգամ այդ օրը հանրահավաք է անցկացվելու Ազատության հրապարակում: