Անի Գեւորգյան

Նաեւ հայտնեց, որ Գեւորգյանի հետագա խափանման միջոցը կորոշվի եռօրյա ժամկետում` դատարանի որոշմամբ: Ստորեւ ներկայացնում ենք Այվազյանի հայտարարությունն ամբողջությամբ:

«Հունվարի 13-ին, ժամը 17.30-ի սահմաններում, Երեւանի Մհեր Մկրտչյան փողոցի թիվ 8 շենքի դիմաց ՎԱԶ-21214 մակնիշի ավտոմեքենան վրաերթի է ենթարկել Աշոտ Ֆրանգուլյանին, որը մարմնական վնասվածքներ է ստացել, իսկ վարորդը դեպքի վայրից դիմել է փախուստի: Փաստի առթիվ ՀՀ ոստիկանության ՔԳՎ Երեւան քաղաքի քննչական վարչության ՃՏՀ քննության բաժնում նախապատրաստվել են նյութեր: Ֆրանգուլյանը բացատրություն է տվել, որ հիշյալ ավտոմեքենան հիշյալ վայրում հետընթաց ընթանալով` վրաերթի է ենթարկել իրեն, վարորդը կանգնեցրել է մեքենան, իջել, սպառնացել է ոստիկանություն կանչել, հետո անպատվել է իրեն, ապա նստել մեքենան եւ իրեն անօգնական վիճակում թողնելով` դիմել է փախուստի:

Կենտրոն եւ Նորք-Մարաշ վարչական շրջանների ընդհանուր իրավասության դատարանում քննվող գործով, որը վերաբերում է ՃՈ նախկին պետ Մարգար Օհանյանին, երեկ «երկար սպասված» ցուցմունքը հնչեց: Դատարանում խոսեց Երեւանի ՃՈ նախկին պետ Արսեն Արշակյանը: Եվ խոսեց Մարգար Օհանյանի դեմ:
Երեկվա դատական նիստի ժամանակ Արսեն Արշակյանը հարցաքննված միակ վկան էր: Դատարանին նա հայտնեց հետեւյալը. «2009 թվականին Սամվել Մախմուրյանը (ՃՈ տնտեսական բաժնի տեխնիկ- հեղ.) եկավ ու ինձ տեղեկացրեց, որ բենզինը մարտ ամսվա համար ստացվել է պակաս, այսինքն` 32 հազար լիտրի փոխարեն ստացվել է 27 հազար 5 հարյուր լիտր: Հարցրեցի, թե ինչն է պատճառը բենզինի պակասի, ասաց, որ Արա Լեւոնյանն է (ՃՈ տնտեսական բաժնի ղեկավար-հեղ.) պակաս տվել:

Նախօրեից հանրապետությունում տեղացած ձյան պատճառով երեկ փակվել էին Սելիմի լեռնանցքը եւ Արագածոտնի Արթիկ-Արագած ավտոճանապարհը:
Արագածի գյուղապետ Գ. Պողոսյանը մեզ հայտնեց, որ օրվա ընթացքում գյուղի ուժերով կարողացել են երկու փոքր ճանապարհ բացել: «Ճանապարհը մեր գյուղի տեխնիկայով ենք մաքրել, մինչեւ որ ճանշինից գան, մաքրեն: Մենք չենք սպասում, որ նրանք գան մաքրեն, քանի որ մեր գյուղը ու գյուղի շարժը մեծ են, եւ ճանապարհը որ փակվում է, մենք միանգամից սկսում ենք մեր ուժերով մաքրել: Ճանապարհների այն հատվածները, որտեղ ճանապարհը փակող ձյունն ենք հավաքել, ձյան ծածկը շատ մեծ է: Որ փողոցով մեքենա է անցնում` մայթից չի երեւում: Իսկ այն հատվածներում, որտեղ ձյանը չենք կպել, ու այնքան է կուտակվել, ինչքան եկել է, այսօր արդեն ծածկը հասել է 1 մետր 40-50 սմ-ի»,- պատմեց գյուղապետը:

Երեկ շարունակվեց կարմիրբերետավոր տուժող Շահեն Հարությունյանի հարցաքննությունը, որը սկսվել էր նախորդ նիստին: Նա դատարանին հայտնել էր, որ օգոստոսի 9-ին իր ծառայակցի հետ ծառայություն էր իրականացնում Կասկադի շրջակայքում, երբ հատուկ կապով իրենց օգնության են կանչել, եւ երբ ինքն ու ծառայակիցը հասել են Խնկո-Ապոր գրադարանի մոտ, քաշքշուկ է տեսել, բարձրացել է մի քարի վրա ու բջջայինով նկարահանել: Հարցին, թե ինչու է ծառայողական պարտականությունները կատարելու փոխարեն նկարահանում արել, կարմիրբերետավորն ասաց` հետաքրքիր էր, ապա հավելեց, որ նկարահանելուց հետո դեպքի վայրում կորցրել է բջջայինը: Գործով ամբաստանյալ, Կոնգրեսի ակտիվիստ Արտակ Կարապետյանը հետաքրքրվեց` հեռախոսի անհետացումից հետո դիմե՞լ է ոստիկանություն: