Վահագն Հովակիմյան

ՀՀ քաղաքացիական օրենսգրքի 1087.1-րդ հոդվածի վերաբերյալ ՍԴ-ի նախօրեին կայացրած որոշումը երեկ եւս պաշտոնապես չհրապարակվեց: ՀՀ մարդու իրավունքների պաշտպան Կարեն Անդրեասյանը ՍԴ ներկայացրած դիմումով պահանջել էր հակասահմանադրական ճանաչել ՀՀ քաղաքացիական օրենսգրքի այդ հոդվածը, որը պաշտոնյաները եւ դատավորները օգտագործում են մամուլի դեմ միլիոնավոր դրամի հայցեր ներկայացնելու համար: Նախօրեին, երբ ՍԴ-ն այդ դիմումը քննարկել եւ որոշում էր կայացրել, հրապարակվել էր որոշման եզրափակիչ մասը, ըստ որի` «ՀՀ քաղաքացիական օրենսգրքի 1087.1-րդ հոդվածը համապատասխանում է ՀՀ Սահմանադրությանը` Սահմանադրական դատարանի որոշման մեջ արտահայտված իրավական դիրքորոշումներից բխող սահմանադրաիրավական բովանդակության եւ ՀՀ ստանձնած միջազգային պարտավորությունների շրջանակներում»:

ՀՀ կառավարության երեկվա նիստին առաջին անգամ մասնակցում էր տասն օր առաջ ոստիկանապետ նշանակված Վովա Գասպարյանը: Եթե ՀՀ արտաքին գործերի նախարար, գրեթե «մշտական բացակա» Էդվարդ Նալբանդյանին չհաշվենք, կառավարության անդամներից երեկ բացակայում էր միայն տրանսպորտի եւ կապի նախարար Մանուկ Վարդանյանը, որն աշխատանքային այցով Վրաստանում էր. նրա փոխարեն եկել էր փոխնախարար Հրանտ Բեգլարյանը: Ինչ վերաբերում է Նալբանդյանին, երեկ սովորականի պես նրա փոխարեն նիստին մասնակցում էր տեղակալը` Շավարշ Քոչարյանը: Այն, որ Էդվարդ Նալբանդյանը երեկ Հայաստանում է եղել, փաստում է հենց ԱԳՆ կայքը, ըստ որի` կառավարության նիստից մեկ ժամ առաջ «Անի պլազա» հյուրանոցում մասնակցել է խորհրդաժողովի:

Երկու շաբաթ առաջ նույնիսկ ՀՀ մարդու իրավունքների պաշտպանն այս փաստն արձանագրեց եւ նամակով դիմեց ՀՀ տրանսպորտի եւ կապի նախարար Մանուկ Վարդանյանին: Միջքաղաքային ուղեւորափոխադրումների նկատմամբ վերահսկողությունն իրականացնում է ՀՀ տրանսպորտի եւ կապի նախարարության տրանսպորտի տեսչությունը: Ստորեւ ներկայացնում ենք տրանսպորտի տեսչության պետ Ալբերտ Սողոմոնյանի հետ մեր հարց ու պատասխանը.

- Պարոն Սողոմոնյան, Հայ ազգային կոնգրեսի հանրահավաքների օրերին մարզերից Երեւան եկող տրանսպորտը երթուղի դուրս չի գալիս: Այս փաստը արձանագրել էր նաեւ օմբուդսմենը` տրանսպորտի նախարարին հասցեագրած իր հայտնի նամակում: Այս խնդրի առնչությամբ ի՞նչ է արվել, որեւէ լուծում տրվե՞լ է:
- Ես կարող եմ խոսել տրանսպորտային տեսչության կողմից եւ ասել հետեւյալը. տրանսպորտային տեսչությունը ֆիքսում է խախտումները եւ արձանագրում: Մեր միջոցներից միայն դա է, որ կիրառում ենք` վերահսկողական գործառույթների ընթացքում: Այսինքն, ձեր նշած օրերին` հանրահավաքների օրերին տրանսպորտի աշխատանքի խափանման մասին է խոսքը: Միանշանակ չի կարելի  ասել, որ ամբողջովին տրանսպորտը խափանվում է: Այդ օրերին ուղեւորահոսքը առավոտվա ժամերին կտրուկ աճում է եւ օրվա ընթացքում չվացուցակով նախատեսված շրջապտույտը, որ տրանսպորտը պետք է անի, կուտակումներ  լինելու պատճառով  տրանսպորտը սկսում է չբավարարել:

Պաշտոնապես` հայեցակարգի նպատակն է գյուղացիական տնտեսություններին օգնել, որպեսզի նրանք հնարավորություն ունենան խոշորանալ եւ զարգանալ: Խոշորացումը նախատեսվում է իրականացնել գյուղացիական կոոպերատիվներ ստեղծելով: Նախատեսվում է տարբեր տեսակի հատուկ ծրագրեր իրականացնել, որպեսզի գյուղացիները շահագրգռված լինեն կոոպերատիվների մեջ միավորվել: Եթե գյուղացիական տնտեսությունները սկսեն կոոպերատիվների մեջ միավորվել, հետագայում դրանք մեկ մարդու սեփականություն չե՞ն դառնա: Սա հայեցակարգի հետ կապված թերեւս հիմնական հարցն է, որի պատասխանը նշված փաստաթղթում չկա: Ստորեւ ներկայացնում ենք հայեցակարգի շուրջ ՀՀ գյուղատնտեսության նախարարության գյուղատնտեսության եւ գյուղի սոցիալական զարգացման ծրագրավորման վարչության պետ Հրաչ Ծպնեցյանի հետ մեր հարց ու պատասխանը.