Հայաստանում անշարժ գույքի արժեզրկումը ոչ մի կերպ չի դադարում: ՀՀ անշարժ գույքի կադաստրի հրապարակած վերջին վերլուծության համաձայն` 2012 թվականի նոյեմբերին Հայաստանում բազմաբնակարան շենքերում մեկ քառակուսի մետրի գինը եղել է ամենացածրը վերջին 5 տարիներին:

Առաջին գծապատկերում ներկայացված է մեկ քառակուսի մետրի գնի փոփոխությունը Երեւանում: Ըստ այդմ` մեկ քմ-ի միջին գինը Երեւանում կազմել է 649 դոլար, այն դեպքում, երբ 2011-ի նոյեմբերին 675 դոլար էր, իսկ 2010-ին` 733 դոլար: 

Նույն  միտումը արձանագրվել է նաեւ մարզերում: Երկրորդ գծապատկերում ներկայացված է Գյումրիում, Վանաձորում եւ Կապանում բնակարանների մեկ քմ-ի միջինացված գնի փոփոխությունը 2008-2012 թվականների նոյեմբերին: Երեք տարբեր քաղաքներում էլ, ինչպես Երեւանում նկատվել է նույն միտումը` 2009-ին գինը կտրուկ նվազել է, 2010-ին մի փոքր բարձրացել, որից հետո արդեն երկու տարի անընդմեջ նվազել: Նույն միտման շրջանակներում մի փոքր առանձնանում է Կապանում բնակարանների գների անկման տեմպը: Ինչպես երեւում է երկրորդ գծապատկերի կետագծերով ներկայացված առանցքից, Կապանում 2012-ի նոյեմբերին բնակարանների էժանացումը շատ ավելի կտրուկ է եղել:

Երեկ` ժամը 17.30-ի դրությամբ, ուժեղ բքի եւ տեսանելիության բացակայության պատճառով փակ են եղել Սելիմի լեռնանցքը, Ապարան-Արագած ճանապարհահատվածը, Արթիկ-Մանթաշ ճանապարհը, Երեւան-Գյումրի ճանապարհի Լանջիկի հատվածը: Միջպետական եւ հանրապետական նշանակության մյուս ավտոճանապարհներն ու լեռնանցքները բաց են: Ձնաբքի եւ վատ տեսանելիության պատճառով դժվարանցանելի են Սառնաղբյուր-Լանջիկ, Մարալիկ-Գյումրի, Աշոցք-Ամասիա, Աշտարակ-Արտաշավան ճանապարհահատվածները: Միաժամանակ, Վրաստանի արտակարգ իրավիճակների դեպարտամենտից ստացված տեղեկատվության համաձայն` Ստեփանծմինդա-Լարս ավտոճանապարհը փակ է: Եղանակի կանխատեսումները վկայում են, որ այս վիճակը կարող է շարունակվել նաեւ այսօր եւ առաջիկա օրերին: Ըստ ԱԻՆ հայպետհիդրոմետի, հունվարի 8-10-ը շրջանների զգալի մասում սպասվում է ձյուն, քամի: Օդի ջերմաստիճանը հունվարի 8-ին գիշերը կբարձրանա 4-6 աստիճանով, ցերեկը նույնքան կնվազի, իսկ հունվարի 9-10-ը կնվազի եւս 3-5 աստիճանով:

Ամենայն հայոց կաթողիկոս Գարեգին Երկրորդը Կովկասի մահմեդականների հոգեւոր առաջնորդ շեյխ-ուլ-իսլամ Ալլահշուքյուր Փաշազադեին առաջարկել է հանդիպել հայ-ադրբեջանական շփման գծում: Այս մասին նախօրեին տեղեկացրել են ադրբեջանական ԶԼՄ-ները` հավելելով, որ Գարեգին Երկրորդի առաջարկը հունվարի 4-ին Փաշազադեին Թբիլիսիում փոխանցել է նրա ներկայացուցիչը: Հայտնի է, որ ի պատասխան` Փաշազադեն ասել է, թե հանդիպումը հնարավոր է միայն Ադրբեջանի քաղաքական ղեկավարության համաձայնության դեպքում:

Առաջադրված 15 թեկնածուներից օրենքով պահանջված փաստաթղթերը, սակայն, ԿԸՀ են ներկայացրել միայն յոթ թեկնածուներ: Մնացած ութը չեն կարողացել ներկայացնել 8 միլիոն դրամ նախընտրական գրավ մուծելու մասին անդորրագիրը: Նրանց թվում են` ԱՀԿ նախագահ Արամ Հարությունյանը, ԲՀԿ անդամ Ռուբեն Այվազյանը (փաստաբան), ՀՀ մարտական կարատե կոբուդոյի ազգային ֆեդերացիայի նախագահ, անկուսակցական Տարոն Աբրահամյանը, գործազուրկ Ռոբերտ Ահարոնյանը (նախկինում Հայաստանի առաջադիմական սոցիալիստական կուսակցության նախագահ), գործազուրկ, ֆիզիկոս Մհեր Հայրապետյանը, թոշակառու Պավլիկ Սարգսյանը, «Քաշաթաղ» հ/կ նախագահ Ռոբերտ Սիմոնյանը եւ Մամուլի ազգային ակումբի նախագահ Նարինե Մկրտչյանը: Նրանց առաջադրման հարցը, սակայն, վերջնականապես փակված չէ: Բանն այն է, որ առաջադրման վերջնաժամկետից հետո, ըստ Ընտրական օրենսգրքի, թեկնածուներին 48 ժամ է տրվում` փաստաթղթերում առկա թերությունները վերացնելու համար:

Դեռ 2012-ի հոկտեմբերին, երբ Հանրային հեռուստառադիո խորհրդի նախագահ Ալեքսան Հարությունյանը խորհրդարանում ներկայացնում էր Հանրային հեռուստատեսության եւ ռադիոյի 2010 եւ 2011 թթ հաշվետվությունը, արդեն հայտնի էր, որ դա նրա վերջին հաշվետվությունն էր: Այդ մասին ինքը` Հարությունյանը եւս հայտարարեց: Ինչպես ժամանակին տեղեկացրել ենք, Հարությունյանի պաշտոնավարման ժամկետը լրանում է 2013-ի փետրվարին: Դեռ մի քանի ամիս առաջ լուրեր տարածվեցին, թե Հարությունյանի պաշտոնին հավակնում է ԱԺ ՀՀԿ խմբակցության պատգամավոր Մարգարիտ Եսայանը: Վերջինս, սակայն, «ՀԺ»-ի հետ զրույցում կտրականապես հերքել էր այդ լուրերը: Նախօրեից արդեն Հանրային հեռուստառադիոխորհրդի նախագահի նոր թեկնածուների անուններ են շրջանառվում: Խոսվում է մասնավորապես, որ այդ պաշտոնում կառաջադրվի Սերժ Սարգսյանի մամուլի խոսնակ Արմեն Արզումանյանը, ով, հիշեցնենք, մինչ Բաղրամյան 26 գնալը Հանրային հեռուստատեսության գործադիր տնօրենն էր: Շրջանառվում է նաեւ «Շարմ» հոլդինգի ղեկավար Ռուբեն Ջաղինյանի անունը: Թե այս պաշտոնում Սերժ Սարգսյանը ում կնախընտրի (պաշտոնը ընտրովի է, բայց նաեւ հայտնի է, թե Հայաստանում ընտրություններն ինչպես են կայանում), դեռ հստակ չէ: Խոսակցություններ կան նաեւ, որ Ալեքսան Հարությունյանը հնարավոր է նշանակվի Ֆրանսիայում Հայաստանի դեսպան: Հիշեցնենք, նա բավական երկար աշխատել է Ֆրանսիայում: Իսկ այդ երկրում դեսպան Հայաստանը 2008-ից ի վեր չունի: Պաշտոնը թափուր է մնացել նախկին դեսպան Էդվարդ Նալբանդյանի ՀՀ արտաքին գործերի նախարար նշանակվելուց հետո:

Նա նաեւ նշել էր, որ ի տարբերություն նախորդ տարիների, այս տարի վարորդների պատճառով ուղեւորները չեն տուժի, քանի որ նրանց ապահով տեղ կհասցնի ճանապարհային ոստիկանը` վարորդի փոխարեն վարելով մեքենան: Երեկ մեր հարցման ընթացքում քաղաքացիներից ոչ մի բողոք չլսեցինք, իսկ տաքսու վարորդները վկայում էին, որ թեեւ մինչ Ամանորը ՃՈ-ն ասում էր, որ  տոնական օրերին ավելի ակտիվ պետք է աշխատեն ու կրկնապատկեն ծառայության մեջ գտնվող ոստիկանների քանակը,  ամանորյա տոներին գրեթե ճանապարհային ոստիկանության մեքենաներ չեն եղել:

 Երեկ զրուցեցինք մի քանի ճանապարհային ոստիկանների հետ, որոնցից մեկը, որը չցանկացավ ներկայանալ, հարցին, թե տոնական օրերին ինչ միջադեպեր են եղել, ասաց, որ այս տարի քաղաքում վթարներ եղել են, բայց քիչ եւ ոչ մահացու: Այն հարցին, թե քանի մարդ է տուգանվել Ամանորին ալկոհոլ օգտագործած մեքենա վարելու համար, պատասխանեց. «Լկտի վարորդները, ովքեր իրենց ճիշտ չեն պահել, ալկոհոլ օգտագործած են եղել, միշտ էլ պատժվել են»: Մեր հարցին, թե ինչպես են պատժվել, քանի որ ՀՀ ոստիկանության դեպքում պատժվելը լայն հասկացություն է, սկսվում է բռնությունից, ավարտվում բանտարկությամբ, պատասխանեց. «Պատժվել,  այսինքն տուգանվել են այնքան, ինչքան նախատեսված է վարչական օրենսգրքով»: Ճանապարհային այս ոստիկանը իր պարտքը համարեց մեր թերթի միջոցով շնորհավորել ողջ հայությանը` մաղթելով ամենալավն ու բարին, անխափան երթեւեկություն:

Հունվարի առաջին շաբաթվա ընթացքում բազմաթիվ արտակարգ պատահարներ են արձանագրվել հանրապետության տարբեր մարզերում: Երեւանում` ինքնասպանության փորձերի եւ ինքնասպանությունների  բազմաթիվ դեպքեր: Այսպես, հունվարի 1-ին փրկարարների օգնությամբ  կանխվել է Կոտայքի մարզի Առինջ գյուղի բնակիչներից մեկի ինքնասպանության փորձը: Հաջորդ օրը կանխվել է Երեւանի Մուշավան թաղամասի բնակչի ինքնասպանության փորձը: Նույն օրը Ավանում կանխվել է 25-ամյա մի աղջկա ինքնասպանության փորձը: Նա ցանկացել է ցած նետվել շենքի ութերորդ հարկից: Հունվարի 3-ին` ժամը 14.55-ին Հրազդանի կիրճում` Կիեւյան կամրջի տակ հայտնաբերվել է Երեւանի բնակիչ, 1995-ին ծնված Տ.Պետրոսյանի դին:

Հունվարի 6-ին` ժամը 2-ի սահմաններում, ոստիկանության աշխատակիցները եւ փրկարարները կանխել են մի քաղաքացու ինքնասպանության փորձ, որը ցանկացել է ցած նետվել Կիեւյան կամրջից:

Մինչ հայ հանրությունը տարված էր Նոր տարվա հոգսերով, նրանք տանջվել են, թե ինչ անել «Ազատություն» ռադիոկայանի ֆեյսբուքյան ասուլիսի ընթացքում՝ օգտատերերից մեկի հարցին իմ տված պատասխանի հետ, թե Հայ ազգային կոնգրեսը երկու խոշոր սխալ է գործել. երկխոսությունը եւ  այն պրոցեսը, որ հանրությանը հայտնի է որպես քաղաքագիտական վերլուծություն:

Այդ գործընկերներն ահա, ինտերնետում պտտում էին հատվածներ՝ 2011թ. ամռան, երկխոսությանը վերաբերող իմ հոդվածներից եւ փորձում այդպիսով իմ քաղաքական մահվան դատավճիռը կարդալ՝ այն հիմնավորմամբ, թե ինչպես կարող է քաղաքական գործիչը սխալ հայտարարել մի գործընթաց, որին կողմ է արտահայտվել ժամանակին: Սա բացահայտում է որոշ գործընկերների խորը հավատն առ այն, որ եթե գործիչը խոստովանում է, որ ինքը կամ իր քաղաքական թիմը երբեւէ որեւէ հարցում սխալվել է, դա քաղաքական ինքնասպանություն է:

Տարվա մարդ եւս հռչակվեց, այն էլ՝ միանգամից երկուսը: Նրանք են՝ Երեւանի քաղաքապետ Տարոն Մարգարյանն ու ֆուտբոլիստ Հենրիխ Մխիթարյանը:
Այսպես, 2012-ի վերջին «Իրավաբանների եւ հոգեբանների միջազգային ասոցիացիա»-ն հայտարարեց, որ «Տարվա մարդ» է ճանաչել Երեւանի քաղաքապետ Տարոն Մարգարյանին: Նա, ինչպես բացատրվեց, այդ պատվին է արժանացել «Երեւանը հարմարավետ եւ գեղեցիկ քաղաք դարձնելու, երեւանցիների մոտ ձեռք բերած բարձր վստահության համար»: Քաղաքապետն, ի դեպ, նաեւ սեպտեմբերին էր լավագույնը ճանաչվել: Այս անգամ էլ «Համազգային վստահության խորհուրդ» ահարոնադիբեկյանամերձ կազմակերպությունն էր պարզել, որ Տարոն Մարգարյանը լավագույնն է, եւ վերջինս հաղթող էր ճանաչվել «Տարվա լավագույն հանրային ծառայող» անվանակարգում: 2012 դեկտեմբերի վերջին Հանրային հեռուստաընկերությունը ներկայացրեց իր առաջին «Տարվա մարդ» տիտղոսակրին: Դա Հայաստանի ազգային հավաքականի ու Դոնեցկի «Շախտյոր»-ի կիսապաշտպան Հենրիխ Մխիթարյանն էր:

Մարտի 18-ին Երեւանում կայանալու է իսպանացի հանրահայտ երգիչ Խուլիո Իգլեսիասի մենահամերգը: Այս մասին տեղեկանում ենք kamoblog.tv-ից: Ըստ նույն աղբյուրի` հայազգի երկրպագուների համար Իգլեսիասն առաջին անգամ մենահամերգով հանդես է գալու Global Arts & Invitro ընկերության հրավերով, իսկ համերգը տեղի կունենա Կարեն Դեմիրճյանի անվան մարզահամերգային համալիրում: Տոմսերը դեռ վաճառքում չեն հայտնվել, սակայն դրանք բաց չթողնելու համար խորհուրդ է տրվում միանալ մենահամերգի ֆեյսբուքյան էջին: Ըստ որոշ տեղեկությունների` իսպանացի երգչի համերգի տոմսերը կսկսեն վաճառվել հունվարի 10-ից: Ու թեեւ Մարզահամերգային համալիրի պաշտոնական կայքէջում նախանշվող միջոցառումներին վերաբերող բաժնում Խուլիո Իգլեսիասի համերգի մասին որեւէ հիշատակում չկա, երգչի կայքում նրա շրջագայությունների ցանկում հայաստանյան համերգի մասին արդեն նշված է: Հավելենք, որ Խուլիո Իգլեսիասն այս տարի կբոլորի իր 70 տարին: Նա թողարկել է 56 ձայնասկավառակ, դրանք վաճառել է ավելի քան 300 միլիոն օրինակով` այդպիսով դառնալով ամենահաջողակ իսպանալեզու կատարողը ողջ պատմության ընթացքում: Իր երգերի մեծ մասը նա ձայնագրել է մայրենի լեզվով, ապա նաեւ անգլերեն ու ֆրանսերեն: Իգլեսիասը 9 երեխաների հայր է: Երգչի զավակների մի մասը բռնել է նրա ուղին, որոնցից ամենահայտնին Էնրիկե Իգլեսիասն է:

Վիշապը սիրում էր թռիչքներ ու անկումներ, արկածներ, անսպասելի փոփոխություններ, իսկ սառը, դաժան, միեւնույն ժամանակ իմաստուն ու խելացի օձը չի սիրում աղմկոտ տոնահանդեսներ, ցուցադրական միջոցառումներ. հանգիստն ու անդորրը ջրային օձի տարերքն են:

Սպորտային առումով 2012-ը ամբողջապես հաստատեց ջրային վիշապի որակները. տարին Օլիմպիական էր ու աչքի ընկավ մարզական աննախադեպ իրադարձություններով: Լոնդոնում կայացած 30-րդ ամառային Օլիմպիական խաղերը դարձան տարվա մեծագույն ու հաջողված միջոցառումներից մեկը: Լոնդոնում թիմային պայքարում հաղթանակ տոնած ամերիկացիները ապացուցեցին, որ մարզական մեծագույն նվաճումների հասնելու համար պետք է ունենալ հզոր երկիր ու տնտեսություն: Ուկրաինայում ու Լեհաստանում տեղի ունեցան ֆուտբոլի Եվրոպայի առաջնության հանդիպումները, որոնք մեկ ամիս շարունակ իրենց վրա էին բեւեռել բազմամիլիոն մարզասերների ուշադրությունը: Արգենտինացի ֆուտբոլիստ Լիոնել Մեսսին դարձավ աննախադեպ, գրեթե անհավատալի ռեկորդի հեղինակ. օրացույցային մեկ տարվա մեջ 91 գոլ խփեց:

Չնայած Ամանորին ու Սուրբ ծննդյան տոներին` Միխայիլ Սահակաշվիլիի նախագահության երկրորդ ժամկետի հնգամյա ժամկետի լրանալը որոշակի լարվածություն է առաջացրել Վրաստանի ներքաղաքական կյանքում: Մոտ 50 հասարակական-քաղաքական կազմակերպություններ Սահակաշվիլիից պահանջում են մինչեւ հունվարի 20-ը հեռանալ զբաղեցրած պաշտոնից: Համապատասխան պահանջով հռչակագիրը ընդունվել է դեռ հունվարի 4-ին Թբիլիսիում` նախագահական նստավայրի առջեւ, տեղի ունեցած հանրահավաքի ժամանակ: Այդ օրը Սահակաշվիլիի հեռացման պահանջով բողոքի հանրահավաքներ են տեղի ունեցել ոչ միայն մայրաքաղաք Թբիլիսիում, այլեւ Քութայիսիում, Բաթումում, Զուգդիդիում եւ մի շարք այլ քաղաքներում: Ակցիաների նպատակն է եղել Սահակաշվիլիին հիշեցնել, որ նրա նախագահության հնգամյա ժամկետը լրանում է եւ հետեւապես` նա պետք է հեռանա:

Իրանի դեմ կիրառվող միջազգային պատժամիջոցների պատճառով այդ երկրից արտահանվող նավթի ծավալներն անցած 9 ամիսների ընթացքում կրճատվել են մոտ 40 տոկոսով: «France Presse» գործակալության փոխանցմամբ, այս մասին նշվում է Իրանի նավթի նախարար Ռուստամ Քասեմիի Մեջլիսին ներկայացրած զեկույցում: Դրանից նաեւ պարզ է դառնում, որ նավթի վաճառքից ստացվող եկամուտները նվազել են 45 տոկոսով: 2012 թվականի կեսերից սկսած Իրանից նավթ գնող բոլոր պետությունները ամերիկյան պատժամիջոցներից խուսափելու համար հրաժարվել կամ առնվազն 20 տոկոսով կրճատել են Իրանից գնվող նավթի ծավալները:

Այն մթնոլորտը, որ տիրում է այդ ասուլիսներում, պարզապես սարսափելի է: Եթե կարճ նկարագրելու լինենք ասվածը, ապա դրանք անցնում են «ամեն ինչ լավ է», «ոչ մի խնդիր չկա», «ամենուր աճ է», «համատարած զարգացում է»... խորագրերի ներքո: Ճիշտ եւ ճիշտ` ինչպես հին ու «բարի» ժամանակներում: Խորհրդային Միությունում էլ էին ամփոփում, համատարած աճեր ու զարգացումներ արձանագրում, ոչ մի խնդիր չկար, ամեն ինչ լավ էր: Այդպես ամփոփում էին ՍՄԿԿ համագումարներում, իսկ ժողովուրդը միայն կտրոնով էր կարողանում ձեռք բերել կարագը: Միայն սովետի քանդվելուց հետո բոլորին հայտնի դարձավ, որ ոչ մի աճ, առավել եւս` զարգացում չի եղել: Աշխարհը զարգանում էր ոստյուններով, իսկ Խորհրդային միության ղեկավարությունն, իր առաջնորդի կրծքին հերթական մեդալը կախելով, ամփոփում էր աճն ու զարգացումը: Այդ բեմադրության ավարտը տխուր, շատ տխուր էր: Հիմա նույն ներկայացումը բեմադրվում է Հայաստանում: Էլի ամեն ինչ լավ է, աճեր, զարգացումներ... իսկ բնակչության 35 տոկոսն աղքատ է: Ահա այս զուգահեռն է, որ մեր բարձրաստիճան պաշտոնյաների «ամփոփումները» շատ վատ կանխազգացումների է հանգեցնում: Եթե մեր պաշտոնյաները գիտեն, որ վիճակը լուրջ է, բայց իրենց «ամփոփումներում» դա փորձում են թաքցնել` շատ վատ է: Իսկ եթե չեն գիտակցում, ապա` արդեն վերջն է:

Երեւան-Աշտարակ ավտոճանապարհի 13-րդ կմ-ում 22-ամյա պայմանագրային զինծառայող Սմբատ Մարգարյանը, վարելով «Օպել» մակնիշի ավտոմեքենա, դեկտեմբերի 26-ին` գիշերը ժամը 4-ի սահմաններում դուրս է եկել երթեւեկելի գոտուց եւ կողաշրջվել: Վթարի հետեւանքով նա եւ եւս երկու պայմանագրային զինծառայող` 22-ամյա Արման Դավթյանը եւ 23-ամյա Ռաֆիկ Շահբազյանը, ստանալով մարմնական վնասվածքներ, տեղափոխվել են «Արմենիա» բժշկական կենտրոն: Կենտրոնից տեղեկացրել են, որ Սմբատ Մարգարյանն ամբուլատոր ստուգման ենթարկվելուց հետո գնացել է տուն, Արման Դավթյանի վիճակը կայուն ծայրահեղ ծանր է, իսկ Ռաֆիկ Շահբազյանի վիճակը, որը տեղափոխվել է Կենտրոնական հոսպիտալ, ավելի բարվոք է: Փաստի առթիվ նյութեր են նախապատրաստվում:

Պաշտոնական վիճակագրական տվյալների համաձայն, 2011 թվականին Հայաստանում արդյունահանված պղնձի հանքաքարի ողջ ծավալի մեջ մաքուր պղնձի պարունակությունը կազմել է 43 հազար 94 տոննա:

ԱԺ ընտրություններ
Տարին սկսվեց մայիսի 6-ին կայացած խորհրդարանական ընտրությունների նախապատրաստման թոհուբոհի մեջ: Ընդդիմադիր քաղաքական ուժերը, որ փորձում էին հասնել մեծամասնական ընտրակարգի վերացմանը` հայտարարելով, որ այդ ընտրակարգն անհավասար պայմաններ է ստեղծում ընդդիմության եւ իշխանության միջեւ, այդպես էլ արդյունքի չհասան: Ստեղծվեց ընտրությունների վերահսկման միասնական շտաբ, որին մաս կազմեցին երեք ուժեր: Այդուհանդերձ, այդ ընտրությունները եւս անցան այնպես, ինչպես մնացած գրեթե բոլոր հայաստանյան ընտրությունները: Տարբերությունը մեկն էր` ընտրակեղծարարության մեջ պրոֆեսիոնալիզմի  բարձրագույն աստիճանի հասած իշխանություններն այս անգամ ընտրությունները կեղծեցին ավելի «ցիվիլ» մեթոդներով: Խորհրդարան մտան քաղաքական դաշտի բոլոր մեծ ու փոքր խաղացողները: Ընտրություններից հետո ձեւավորվեց նոր կոալիցիա, որին այս անգամ մաս չկազմեց «Բարգավաճ Հայաստան» կուսակցությունը:

Երեկ երեկոյան «Օջախ» ռեստորանային համալիրում տեղի է ունեցել Հայաստանի օլիմպիական կոմիտեի կազմակերպած հայ մարզիկների եւ մարզիչների պարգեւատրման ամենամյա արարողությունը, որին մասնակցել է նաեւ Սերժ Սարգսյանը: Նա մի շարք պարգեւներ է հանձնել տարվա լավագույն մարզիկներին: ՀԱՕԿ նախագահ, ԲՀԿ առաջնորդ Գագիկ Ծառուկյանն էլ մարզաշխարհի անունից թանկարժեք ոսկերչական նվեր է հանձնել Սերժ Սարգսյանին՝ հայտարարելով, որ ինչպես «նախագահը» մրցանակներ հանձնեց մարզիկներին, այնպես էլ ինքը` մարզաշխարհի անունից նվեր պետք է հանձնի «մեր նախագահին»:
Ռոբերտ Քոչարյանը, որը եւս հրավիրված է եղել միջոցառմանը, ներկա չի եղել: Քոչարյանի գրասենյակի ղեկավար Վիկտոր Սողոմոնյանը լրատվամիջոցներին հայտնել է, որ իր ղեկավարը հանրապետությունում չէ, եւ դա է բացակայության պատճառը: Հիշեցնենք, անցյալ տարի` ավանդական այս միջոցառման ժամանակ Գագիկ Ծառուկյանը Ռոբերտ Քոչարյանին եւ Սերժ Սարգսյանին ադամանդյա շղթայով հովազներ էր նվիրել: Միջոցառմանը ներկա չի եղել Հայաստանի ֆուտբոլի ֆեդերացիայի նախագահ Ռուբեն Հայրապետյանը, որը երեկ իր դժգոհությունն էր հայտնել Մարզական լրագրողների հանրապետական ֆեդերացիայի հրապարակած հարցման արդյունքների վերաբերյալ, ըստ որի` 2012-ի լավագույն մարզիկների լավագույն տասնյակում ոչ մի ֆուտբոլիստ չի ընդգրկվել:

Հենց այդ հավաքույթի ժամանակ, պարզվում է,  քեֆ-ուրախությունը վերածվել է  ՀՀԿ-ական երկու պատգամավորների ծեծկռտուքի: Երեկ մամուլում  տեղեկություն էր հրապարակվել, որ միջոցառման ժամանակ ՀՀԿ-ական պատգամավոր Մուրադ Մուրադյանը մեկ այլ ՀՀԿ-ական պատգամավոր Վահրամ Բաղդասարյանի ուղղությամբ ձիթապտուղ է նետել, ինչին վերջինս հակադարձել է պղպեղ նետելով: Սա ուղեկցվել է փոխադարձ հայհոյանքներով, որից հետո վեճը թեժացել է եւ վերածվել ծեծկռտուքի: Ըստ մամուլի հրապարակման` Մուրադ Մուրադյանը կանչել է իր մտերիմներին, եւ նրանք` մոտ 30 հոգի, ծեծի են ենթարկել Վահրամ Բաղդասարյանին:

Երեկ մեզ հաջողվեց պարզել մի քանի այլ մանրամասներ: Ըստ մեր աղբյուրների, ռեստորանի դահլիճում իրար վրա  սննդամթերք չեն նետել, ռեստորանի դահլիճում վեճը ցածրաձայն է եղել, հաշվի առնելով, որ այդ ժամանակ Սերժ Սարգսյանը դեռ դահլիճում է եղել:

Ռուբինյանց փողոցում գտնվող բենզալցակայանում դեկտեմբերի 18-ին տեղի ունեցած միջադեպի մեղավորը դեռեւս չի հայտնաբերվել` մեր թղթակցին հայտնել են ՀՀ ոստիկանությունից: Հիշեցնենք, որ նշված օրը` ժամը 04:30-ի սահմաններում անհայտ անձը մուտք էր գործել բենզալցակայան եւ, բենզինը լցնելով աշխատակիցների վրա, նրանցից գումար էր պահանջել: Սակայն, մերժում ստանալով, հրկիզել էր նրանց: Բենզալցակայանի երկու աշխատակիցներ այրվածքներով տեղափոխվել էին հիվանդանոց:

ՀՀ կառավարությունն այսօրվա նիստում հաստատելու է «ՀՀ-ում երեխայի իրավունքների պաշտպանության 2012-2016թթ. ռազմավարական ծրագիրը», որով ուժը կորցրած կճանաչվի «ՀՀ-ում երեխայի իրավունքների պաշտպանության 2004-2015թթ. ազգային ծրագիրը»: ՀՀ-ում երեխայի իրավունքների պաշտպանության 2012-2016թթ. ռազմավարական ծրագրի սոցիալական ոլորտի հիմնական նպատակը երեխաների սոցիալական պաշտպանությունն ու հասարակության մեջ նրանց ինտեգրումն է: Ներդրվող եռաստիճան համակարգի կարեւորագույն օղակներից է կյանքի դժվարին իրավիճակում հայտնված երեխաների տվյալների հաշվառման «Մանուկ» տեղեկատվական համակարգը: Բացի դա, եռաստիճան համակարգի կարեւորագույն բաղադրիչն է համայնքային մակարդակում գործող խնամակալության եւ հոգաբարձության մարմինը: Համայնքային ծառայողի պաշտոնի անձնագրում կներառվեն կյանքի դժվարին իրավիճակում հայտնված երեխաների եւ ընտանիքների հայտնաբերման, սոցիալ-հոգեբանական աջակցության տրամադրման գործառույթներ: Կյանքի դժվարին իրավիճակում հայտնված երեխաների հիմնախնդիր է համարվում նաեւ անչափահասների աշխատանքը: Երեխայի աշխատանքի շահագործումը, դրա դրդապատճառների, դրսեւորման ձեւերի, սեռի, տարիքի, բնակավայրի, կրթության եւ այլ հանգամանքների մասին չկան համապատասխան պետական վիճակագրություն եւ վերլուծություն, ինչն անհնար է դարձնում երեւույթի հայտնաբերման եւ կանխարգելման մեխանիզմների մշակումը:

Երեւանի քաղաքապետի հանձնարարությամբ, քաղաքապետարանի հանրակրթության եւ վերահսկողության վարչությունները երեխաներին մատուցվող սննդի որակի եւ այլ բաղադրիչների վերահսկման նպատակով պարբերաբար հսկողություն են իրականացրել մանկապարտեզներում: Հայտնաբերված թերությունների հետեւանքով 2012 թվականի ընթացքում վեց տնօրեն ազատվել է աշխատանքից, եւս ութը ստացել են նկատողություն:

Այն, որ տարին նահանջ էր լինելու, գիտեինք դեռ տարվա սկզբից, բայց թե ինչքան էր իրականում նահանջ լինելու, հասկացանք միայն տարվա վերջում:

Ինչի այսպես եղավ
Առաջին նախագահի չառաջադրվելը, ինչպես եւ սպասվում էր, հարգանքի ալիք բարձրացրեց հանրապետական շրջանակներում: Նրան իր պատվանդանին վերադառնալու համար շատ սիրեցին հանրապետական Գալուստենք ու Բաբուխանյանենք, Շարմազանովը էլի իր մակարդակի ու պահին պատեհ «հումոր» բլթացրեց, Գեւորգ Ալթունյանը քաղաքական անեկդոտ պատմեց, որ այս անգամ իշխանությունները ստիպված են լինելու ընտրակեղծիքներ թույլ տալ հօգուտ նախագահի ընդդիմադիր թեկնածուների: «Այնպես որ,- զվարճացավ ու զվարճացրեց,- եթե փետրվարի 18-ին ընտրատեղամասերի մուտքի մոտ վախենալու համարներով ջիպերից իջնեն ու ձեզ մոտենան քաչալ գլխով ու վախենալու դեմքերով քաջարի տղերք ու ասեն. «Հոպա՛ր, էս փողը վերցրու, գնա՛ ընդդիմությանը ընտրիր», չզարմանաք»: Էս անեկդոտի վրա ազգովի` բարեբաստիկ առիթին համապատասխան ուրախությամբ, ծիծաղից ուշաթափվեցինք:

Կա՞, արդյոք, հաստատված նախագիծ` Երեւանի Փակ շուկայի վերգետնյա հատվածի համար: Եթե կա, խնդրում եմ մեզ տրամադրել այդ նախագիծը: Նաեւ նշել, թե երբ է հաստատվել: Եթե հաստատված նախագիծ չկա, ապա ինչպե՞ս է բացատրվում այն հանգամանքը, որ շուկայի տարածքում` վերգետնյա հատվածում արդեն իսկ բավականաչափ շինարարական աշխատանքներ են իրականացվել: Այս հարցերը նախօրեին հասցեագրեցինք Երեւանի քաղաքապետարան, իսկ երեկ` ՀՀ մշակույթի նախարարություն, քանի որ քաղաքապետարանից մեկ օր անց առաջարկեցին դիմել մշակույթի նախարարություն: Այստեղից էլ երեկ պատասխան չստացանք: Խոստացան, որ պարզաբանումներ կստանանք 5-օրյա ժամկետում, քանի որ դրանք տրամադրելու համար հավելյալ աշխատանք է պահանջվում: Այսպիսով, կարելի է փաստել, որ եթե Փակ շուկայի վերակառուցման հաստատված նախագիծ լիներ, ոչ քաղաքապետարանը, ոչ էլ մշակույթի նախարարությունը չէին հապաղի ներկայացնել հանրությանը: Չի բացառվում նաեւ 2-րդ տարբերակը. նախագիծը կա, ըստ որի` չի պահպանվում շինության նախկին տեսքը: Երկու դեպքում էլ գործ ունենք իշխանությունների հանցավոր պահվածքի հետ, երբ նրանք ջայլամ են ձեւանում, իսկ Փակ շուկայի սեփականատերը` ԱԺ պատգամավոր Սամվել Ալեքսանյանը, վերակառուցում է իր ճաշակով: Տարածքում, ինչպես արդեն նշեցինք, զգալի շինարարական աշխատանքներ են իրականացվել, այնինչ Փակ շուկան պետության կողմից պահպանվող հուշարձան է: Ի դեպ, «Մեր քաղաքը» քաղաքացական նախաձեռնության անդամները երեկ ակցիա էին նախաձեռնել Փակ շուկայի մոտ: Շինհրապարակը պատնեշած թիթեղի վրա նաեւ հետեւյալ գրությամբ պաստառ էին փակցրել. «Սիրուն չի… Եվ վերջ»:

- Պարոն Բաբայան, անցնող 2012-ն ի՞նչ տվեց Հայաստանին եւ ի՞նչ տարավ նրանից: Ամենակարեւոր ձեռքբերումներն ու բացթողումներն` ըստ Ձեզ:
- Դժվար է, ճիշտն ասած, միանշանակ գնահատել: Եթե նայում ենք թատրոնի գործունեության տեսանկյունից, եղել են հյուրախաղեր, փառատոններ, նոր ներկայացումներ, նոր անուններ: Կարծես թե ամեն ինչ լավ է: Իսկ եթե գնահատենք, թե ինչ է կատարվում Հայաստանում` ընդհանուր առմամբ, ապա ես դա բնութագրում եմ որպես սովետացում` սովետական կարգերի վերականգնում: Դեռ, ճիշտն ասած, այնքան էլ լավ չեմ որոշել` վերականգնո՞ւմ է, թե մենք պարզապես չհրաժարվեցինք այդ կարգերից: Ես կարծում եմ` ամենացավալին դա է, որովհետեւ ահավոր կենտրոնացում է գնում: Թվում է, թե դա երկիրը դարձնում է ավելի ամուր, երեւի նրանց համար, ովքեր իրագործում են դա, բայց ես կարծում եմ` երկիրն ամուր է լինում միայն այն ժամանակ, երբ երկրի յուրաքանչյուր քաղաքացի համարում է, որ ինքն այդ երկրի սեփականատերն է: Ոչ թե մարդկանց ինչ-որ խումբ է սեփականատեր, այլ յուրաքանչյուր քաղաքացի:

Հայկական ֆուտբոլի պատմության մեջ, թերեւս, առաջին անգամ հավաքականում հանդես եկած ու մեր ֆուտբոլում հետք թողած ֆուտբոլիստի համար կազմակերպվեց հրաժեշտի ջերմ ու տպավորիչ միջոցառում: Հովսեփյանի հեռանալով փակվեց հայկական ֆուտբոլի պատմության մի ամբողջ էջ: Ներկայացնեմ նոյեմբեր-դեկտեմբեր ամիսներին տեղի ունեցած կարեւոր մրցաշարերը:

ՆՈՅԵՄԲԵՐ
միջազգային
Հաղթանակ տոնելով Սերբիայի հավաքականի նկատմամբ, Չեխիայի թենիսի կանանց հավաքականը, 2-րդ տարին անընդմեջ, նվաճեց Ֆեդերացիաների գավաթը, որը համարվում է նաեւ թենիսի աշխարհի թիմային ոչ պաշտոնական առաջնություն:

Թենիսի աշխարհի տղամարդկանց թիմային ոչ պաշտոնական առաջնություն համարվող Դեւիսի գավաթի խաղարկության եզրափակիչում հաղթանակ տոնելով գործող չեմպիոն Իսպանիայի ընտրանու նկատմամբ, Չեխիայի տղամարդկանց հավաքականը նվաճեց պատվավոր տիտղոսը:

Սիրիայի նախագահ Բաշար ալ Ասադը Վենեսուելայի նախագահ Հուգո Չավեսից ապաստան է խնդրել` Սիրիայում իրավիճակի վատթարացման դեպքում այնտեղ տեղափոխվելու համար: Այս տեղեկությունը երեկ հրապարակել է թուրքական «Milliyet» օրաթերթը: Վերջինիս տվյալներով, Վենեսուելայում Թուրքիայի դեսպանը նամակ է հղել երկրի արտգործնախարարություն՝ խնդրելով մեկնաբանել տարածված տեղեկությունը: Վենեսուելայի ԱԳՆ-ից պատասխանել են, որ Բաշար Ասադը իսկապես ապաստան է խնդրել, սակայն այն իրավիճակի դեպքում, երբ այլեւս անհնար լինի Սիրիայում մնալը: Այնուամենայնիվ, պաշտոնական Դամասկոսը հերքել է թուրքական պարբերականի հրապարակած տեղեկատվությունը: Միաժամանակ նշենք, որ Բաշար Ասադի դիրքերին երեկ ուժեղ հարված է հասցվել: Զինված ապստամբների կողմն անցնելու մասին է հայտարարել Սիրիայի ռազմական ոստիկանության պետ Աբդուլ Ազիզ Ջասեմ ալ Շալալը:

Ֆինլանդիայի Ռովանիեմ քաղաքի բնակիչները կազմել են աշխարհում ամենամեծ նամակը եւ ուղարկել Սանտա Կլաուսին: Նամակի երկարությունը ոչ ավել-ոչ պակաս` 3798.5 մետր է, իսկ քաշը` 160 կգ, որն արդեն գրանցվել է Գինեսի ռեկորդների գրքում: Մեգա նամակն աշխարհի տասնյակ երկրների երեխաների` Սանտա Կլաուսին գրած 76 հազարից ավելի նամակների ամբողջություն է` սոսնձով կպցրած իրար:

Եթե Հայաստանի իրականությունից անտեղյակ մարդը լսեր նրա ներածական խոսքը, ապա տպավորություն կստանար, որ սա աշխարհի ամենամրցակցային տնտեսություն ունեցող երկիրն է, այստեղ մենաշնորհներ չկան: Բայց դա` միայն ներածական խոսքում: Հետո ամեն ինչ ընկավ իր տեղը: Որպեսզի այսուայն կողմ չընկնենք, պրն Շաբոյանին հարցեր ուղղեցինք մի ապրանքային շուկայի վերաբերյալ, որը կատարելապես մենաշնորհված է եւ այդ հանձնաժողովի ուշադրությունից միշտ դուրս է մնում: Հանձնաժողովին երբեք չի հետաքրքրել, թե ոնց է ստացվում, որ միջազգային շուկայում շաքարավազի գինը 2011 թվականի 1-ին կեսին եղել է մոտ 700 դոլար, բայց Հայաստան է ներկրվել կեղծ` 320 դոլար մաքսային արժեքով: Ոնց է ստացվել, որ անցած տարվա համեմատ, ըստ ՀՀ կենտրոնական բանկի, շաքարավազն այս տարվա հունիս-նոյեմբերին էժանացել է 25-28 տոկոսով, բայց ՀՀ-ում` էժանացել է ընդամենը 10-11 տոկոսով: Տնտեսական մրցակցության պաշտպանության հանձնաժողովին դա ինչու չի հետաքրքրել: Չէ՞ որ եթե մեկ ուրիշը փորձեր շաքարավազ ներկրել Հայաստան, ապա նրա համար մաքսային արժեքը կհաշվարկվեր միջազգային գնին համահունչ, եւ նա 2 անգամ ավելի շատ գումար կծախսեր ներկրվող շաքարավազը մաքսազերծելու համար ու չէր դիմանա մրցակցությանը:

Արդեն տեղեկացրել ենք, որ դեկտեմբերի 22-ին Երեւանի զինվորական հավաքակայանից ԼՂՀ զորամասերից մեկը ծառայության տեղափոխելու ժամանակ վատացել, ապա հոսպիտալում հանկարծամահ է եղել զորակոչիկ, 1994 թվականին ծնված Նորայր Նվերի Սահակյանը: Երեկ մեզ հետ զրույցում զորակոչիկի  հայրը` Նվեր Սահակյանը պատմեց, որ Նորայրն արտաքին եւ ներքին վնասվածք չի ունեցել, ճանապարհին անընդհատ զանգել է: «Հասել ա տեղ` տաքություն ա ունեցել արդեն Խոջալուի հավաքակայանում, որից հետո տարել են հոսպիտալ, սրսկումներ են արել նորից, քնել ա եւ չի արթնացել»,- ասաց Նորայրի հայրը: Ղարաբաղից սպաներ եւ բժիշկներ են եկել, Նվեր Սահակյանին  ասել են, որ մի քանի հոգի եւս ունեցել են տաքություն եւ նրանց նույնպես տեղափոխել են հոսպիտալ:

2012թ. դեկտեմբերի 29-ից հանրապետության հանրակրթական դպրոցներում կմեկնարկի ձմեռային արձակուրդը` երեկ հայտարարել է ՀՀ կրթության եւ գիտության նախարարությունը: 3-12-րդ դասարանցիների արձակուրդը կտեւի 2012 թ. դեկտեմբերի 29-ից մինչեւ 2013 թ. հունվարի 13-ը ներառյալ: Առաջին եւ երկրորդ դասարանցիների համար ձմեռային արձակուրդը նախատեսված է 2012թ. դեկտեմբերի 29-ից մինչեւ 2013թ. հունվարի 27-ը ներառյալ:

Բուծիկների, սիլիկոնե ծիծիկների սիրահար,
Թիթեռների, պեգասների, եղնիկների թագավոր,
Դալանի ու նկարչության պաշտոնական հաշտարար,
Աներձագին իր սեփական դարձրեց պատգամավոր։

Բարձրաստիճան պաշտոնյայի տղա է նա «փափկասուն»,
Սովոր է, որ շուրջը վխտա ամեն տեսակ անասուն,
Այդտեղից է սերը նրա կենդանիների հանդեպ,
Ասում են, թե երբ մանուկ էր, եղել է լավ թաղապետ։

Ասում են, թե թաղի համար հորից հա փող էր ուզում,
Հայրը նրան սիրում էր շատ, պետբյուջեն չէր ափսոսում,
Անգամ հիմնեց որդու անվամբ աղանդավոր մի շարժում,
Որը տեղում դոփում է լուռ ու ոչ մի տեղ չի շարժվում։

Նա սիրում է առեւտուր  ու առեւտրական տաղավար,
Թե չլիներ այդ հոր որդին, գուցե լիներ բուդկչի,
Դրա համար նա հոր վրա դրեց շքեղ շիրմաքար,
Վերեւներից ոչ ոք ըսավ՝ ախր, բալամ, սիրուն չի։

Արփի  Ոսկանյան

(Արտատպելու համար հեղինակի թույլտվությունը պարտադիր է)

Երեւի հասկանալի է, որ համաժողովրդական այն շարժումը, որ ձեւավորվել էր 2008 թվականի նախագահական ընտրություններից առաջ, հիմա հնարավոր չէ արթնացնել` առաջին հերթին ժամանակի սղության պատճառով: Երեկ արդեն սկսվել էր նախագահի թեկնածուների առաջադրումը, որը կավարտվի 2013-ի հունվարի 4-ին: Իշխանական թեկնածու Սերժ Սարգսյանը, փաստորեն, բոլոր հնարավորություններն ունի սահուն կերպով վերարտադրվելու: Ըստ նրա գծած սցենարի էլ, ինչպես հայտնում են իշխանական աղբյուրները, երկրորդ տեղը պետք է գրավի «Ժառանգության» առաջնորդ Րաֆֆի Հովհաննիսյանը (բնականաբար, բավական ցածր տոկոսներով), որն արեւմտյան արժեքներ պետք է ներմուծի ՀՀ քաղաքական կյանք, այն է` պարտված թեկնածուն պետք է շնորհավորի հաղթած թեկնածուին` այդ կերպ փորձելով լեգիտիմացնել Սերժ Սարգսյանին: Պարզ է նաեւ, որ մնացած մանր-մունր թեկնածուները, որոնց շքերթը միմոսություն է հիշեցնում, որեւէ դեր չեն խաղալու: Նրանք բոլորը միասին կարող են առավելագույնը մեկ-երկու տոկոս հավաքել:

Հանրապետական կուսակցությունն արդեն քեֆ-ուրախությունների շարք է սկսել: Երեկ սույն կուսակցության ներկայացուցիչներն իրենց առաջնորդ Սերժ Սարգսյանի հետ ամանորը մինչեւ ուշ երեկո նշում էին «Ռենեսանս» համալիրում: Նախօրեին էլ Հանրապետականի ողջ վերնախավը հավաքվել էր Սերժ Սարգսյանի թիկնազորի պետ Վաչիկ Ղազարյանին պատկանող ջազ-ակումբում: Բացակա էին միայն Սերժ Սարգսյանն ու վարչապետ Տիգրան Սարգսյանը: Սա, ի դեպ, ՀՀ ազգային գրադարանին մերձ այգում գտնվող այն կառույցն է, որի շինարարության դեմ ժամանակին այդքան պայքարեցին քաղաքացիական հասարակության ներկայացուցիչները: Ու չնայած մեծ աղմուկին ու սկանդալին, այգու ծառերը հատվեցին, եւ Վաչոյի «օբյեկտը» կառուցվեց: Միջոցառմանը ներկա անձինք մեր թղթակցին հայտնել են, որ գեներալ Վաչիկ Ղազարյանի ջազ-ակումբն այնքան շքեղ է եղել, որ շատերը զարմացած են մնացել: Թե որտեղից Սերժի Վաչոյին այդքան փող, փորձեք կռահել ինքներդ: Ի դեպ, ՀՀԿ-ի ղեկավար Սերժ Սարգսյանը սկսել է նաեւ ամանորի առթիվ ընդունելությունների շարքը: Երեկ, մասնավորապես, նախագահական նստավայրում հյուրընկալվել էին մի շարք լրատվամիջոցների ներկայացուցիչներ:

Ֆոտոռեպորտաժ

N62 միկրոավտոբուսային երթուղին փոխարինվել է N62 ավտոբուսային երթուղով
ՆՈՐԱՇԵՆ ԹԱՂԱՄԱՍ - ՄՍԻ ԿՈՄԲԻՆԱՏ
ՆՈՐԱՇԵՆ թաղ. (սկզբնակայան) - Մելքումովի - Չաուշի - Մազմանյան - Բաշինջաղյան - Մարգարյան - Հալաբյան - Լենինգրադյան փ-ներ - Ծիծեռնակաբերդի խճ. - Աթենքի փ. - Հաղթանակի կամուրջ - Մաշտոցի պ. - Ամիրյան փ. - Հանրապետության հրապ. - Տ. Մեծի - Արցախի պ-ներ - Արին Բերդի փ. - Մսի կոմբինատ (վերջնակայան)
Հետադարձը ` նույն ուղեգծով

N67 միկրոավտոբուսային երթուղին փոխարինվել է N67 ավտոբուսային երթուղով
ՆԱԶԱՐԲԵԿՅԱՆ ԹԱՂԱՄԱՍ - ԷՐԵԲՈՒՆՈՒ ԶԱՆԳՎԱԾ
Նազարբեկյան թաղամաս (սկզբնակայան) - Սիլիկյան նոր խճուղի - Շիրազի - Գ. Հասրաթյան - Սեբաստիայի փ-ներ - Ծով. Իսակովի պ. - «Հաղթանակ» կամուրջ - Մաշտոցի պ. - Ամիրյան փ. - Հանրապետության հրապ. - Տ. Մեծի - Արցախի պ-ներ - Ռոստովյան - Մուրացանի - Էրեբունու - Աթոյան - Այվազովսկու - Ավանեսովի փ-ներ - Էրեբունու զ/ծ (վերջնակայան)
Հետադարձը` նույն ուղեգծով

Մեր հավաքականը` Լեւոն Արոնյան, Սերգեյ Մովսիսյան, Վլադիմիր Հակոբյան, Գաբրիել Սարգսյան, Տիգրան Պետրոսյան, մարզիչ` Արշակ Պետրոսյան կազմով, իսկական մարզական սխրանք գործեց: «Հայկական հրաշք»` այսպես անվանեցին միջազգային լրատվամիջոցները մեր թիմի հերթական հաղթանակը: Հիշեցնենք, որ Հայաստանը չեմպիոն է հռչակվել 21-րդ դարում կայացած յոթ օլիմպիադաներից երեքում (2006թ., 2008թ. եւ 2012թ.). երկու անգամ էլ նվաճել է Օլիմպիադայի բրոնզե մեդալակրի կոչումը: Հայաստանն աշխարհի գործող չեմպիոնն է նաեւ, 21-րդ դարում երկու անգամ նվաճել է աշխարհի առաջնության բրոնզե մեդալակրի կոչումը, ինչպես նաեւ Եվրոպայի փոխչեմպիոնի կոչումը: Լեւոն Արոնյանը դարձավ Համաշխարհային օլիմպիադայի եռակի հաղթող ու, մեր հավաքականի անդամներ Վլադիմիր Հակոբյանի ու Գաբրիել Սարգսյանի հետ միասին, այս ցուցանիշով դարձավ բացառիկ` ներկայումս գործող շախմատիստներից: Արոնյանը Ստամբուլում առաջատարին վայել փայլուն խաղ ցուցադրեց ու ոսկե մեդալ նվաճեց նաեւ առաջին խաղատախտակի վրա հանդես եկած շախմատիստների մրցույթում: Վլադիմիր Հակոբյանը 3-րդ խաղատախտակի վրա հանդես եկած շախմատիստների մրցույթում զբաղեցրեց 2-րդ տեղը:

Դեկտեմբերի 28-ին Իրանի ռազմածովային ուժերը լայնածավալ զորավարժություններ են սկսելու Հորմուսի նեղուցում: «Վելայաթ-91» անունը կրող զորավարժությունները տեւելու են վեց օր եւ ընդգրկելու են մեկ միլիոն քառակուսի մետր տարածք: Պաշտոնական Թեհրանը լայնածավալ զորավարժությունների անցկացումը բացատրել է երկրի ռազմական ներուժը բարձրացնելու անհրաժեշտությամբ: Ենթադրվում է, որ այդ կերպ Թեհրանը միջուկային ծրագրի շուրջ առաջիկա բանակցություններից առաջ ուղերձ է հղում Արեւմուտքին, որ զիջումներ չի անելու, իսկ հնարավոր սպառնալիքի դեպքում կարող է փակել Հորմուսի նեղուցը, որտեղով իրականացվում է միջազգային շուկա արտահանվող նավթի մոտ 40 տոկոսի տեղափոխումը:

Սկսենք լավից: Այս տարի Հայաստանում տնտեսական աճը կկազմի 7.1 տոկոս: Երկրորդը վատ լուրն է: «Աղքատության նվազման առումով էական փոփոխություն չի լինի»,- ասաց Վաչե Գաբրիելյանը: Եւ ուրեմն, այս տարի կարձանագրվի տնտեսական աճ մոտավորապես երկնիշ ցուցանիշով, բայց աղքատությունը «էական փոփոխության» չի ենթարկվի` ինչպես բնակչության ավելի քան մեկ երրորդը կամ ավելի քան մեկ միլիոն մարդ Հայաստանում աղքատ եղել է, այնպես էլ մնալու է աղքատ: Այսինքն, մեկ միլիոն մարդու համար Հայաստանում տնտեսական աճ չի լինելու: Երեկ, տարին ամփոփելու նպատակով լրագրողների հետ հանդիպած Վաչե Գաբրիելյանը ահագին ժամանակ ծախսեց բացատրելու համար, թե ինչու է Հայաստանում տնտեսությունն աճում, իսկ աղքատությունը չի նվազում: Ինչու են հարուստներն ավելի հարստանում, իսկ աղքատները ավելի են աղքատանում, այսինքն` ինչու է տեղի ունենում եկամուտների բեւեռացում: Բայց դրանք ավելի շատ ոչ թե բացատրություններ էին, այլ արդարացումներ: Ըստ Վաչե Գաբրիելյանի, ամբողջ աշխարհում է այդպես. «Եկամուտների բեւեռացումը գործընթաց է, որը գնում էր ամբողջ աշխարհում ճգնաժամի օրոք, եւ դա ընդհանուր օրինաչափություն է, այդ թվում` Եվրոպայում, այդ թվում` ԱՄՆ-ում... Ցավոք սրտի, այս վերականգնումը շատ հաճախ անվանում են առանց աշխատատեղերի վերականգնում, ինչը նշանակում է, որ տնտեսական ակտիվությունը շատ հաճախ գալիս է ոչ թե համատարած զբաղվածության աճով, այլ ընդհակառակը»,- ասում է ֆինանսների նախարարը:

Երեկ ՀՀԿ խմբակցության պատգամավոր Մհեր Սեդրակյանը (Թոխմախի Մհեր) հաղորդագրություն է տարածել «Ա1+»-ի լրագրող Մհեր Արշակյանին սպառնալու կապակցությամբ. «Ափսոսում եմ մի քանի օր առաջ ԱԺ-ում իմ եւ «Ա1+» հեռուստաընկերության լրագրողի միջեւ տեղի ունեցածի համար: Այո՛, հարգարժան լրագրողին հաջողվեց ինձ նյարդայնացնել, հետո ամենը խնամքով մոնտաժելով՝ աղավաղել իրողությունը: Բայց դա երեւի այլեւս կարեւոր էլ չէ: Սա, թերեւս, հենց այն դեպքն է, երբ ե՛ւ լրագրողը, ե՛ւ պատգամավորը մեր ողջ հասարակությունից, մասնավորապես բոլոր լրագրողներից ներողություն խնդրելու կարիք ունեն. մեկը՝ լրագրողական էթիկան խախտելու, մյուսը՝ պատգամավորական: Ես անկեղծորեն իմ ափսոսանքն եմ հայտնում նյարդային պահին հնչած խոսքերի համար»: Հիշեցնենք, որ մի քանի օր առաջ լրագրողը փորձել էր Սեդրակյանին հարց տալ: Պատասխանը սա էր եղել. «Դավայ, դավայ, յալլա՜, կտամ ծնոտդ կպոկեմ: Արդեն լրիվ կապներդ թողել եք»:

Երեկ մեր թղթակիցը փորձել է պարզել, թե որտեղ են պատրաստվում ամանորը նշել բարձրաստիճան մի շարք անձինք: Սերժ Սարգսյանի խոսնակ Արմեն Արզումանյանը, որը պատահաբար արձագանքել է մեր թղթակցի զանգին, հարցումը գրավոր է ուզել: Գրավոր հարցմանը, սակայն, նա այդպես էլ չի պատասխանել: Վարչապետ Տիգրան Սարգսյանի խոսնակ Հարություն Բերբերյանը հայտնել է, որ վարչապետն ամանորը կնշի Հայաստանում, ընտանիքի հետ: Նույնն է ասել նաեւ ԱԺ նախագահ Հովիկ Աբրահամյանի խոսնակ Գոհար Պողոսյանը: Նրանք, սակայն, չեն մանրամասնել, թե Հայաստանում կոնկրետ որտեղ են ամանորը դիմավորելու իրենց ղեկավարները:

Վրաստանի վարչապետ Բիձինա Իվանիշվիլին հունվարի 17-ին պաշտոնական այցով ժամանելու է Հայաստան (տես նաեւ էջ 7): Իր այցի մասին երեկ հրավիրված ասուլիսում հայտնել է անձամբ Իվանիշվիլին: Նա նշել է, որ հայաստանյան այցն արդեն համաձայնեցված է: Հայաստանից հետո Իվանիշվիլին մեկնելու է Թուրքիա, իսկ մինչ այդ` դեկտեմբերի 26-ին այցելելու է Ադրբեջան:

4 համագումար, 2 առաջադրում

Նախորդ 2 օրվա ընթացքում տեղի ունեցավ միանգամից չորս կուսակցության համագումար՝ ՀՀՇ, «Ժառանգություն», ՕԵԿ եւ «Ազատություն»: Չորսից երեքի օրակարգում նախագահական ընտրություններն էին եւ դրանց վերաբերյալ կոնկրետ որոշման հրապարակումներ: Միայն մեկ դեպքում՝ ՀՀՇ համագումարում այդպես էլ չտրվեց նախընտրական թիվ մեկ հարցի պատասխանը. առաջին նախագահ Լեւոն Տեր-Պետրոսյանը կոչ արեց մի քիչ էլ համբերել:

«Հուսախաբ արեց»
ՀՀՇ 17-րդ համագումարը կուսակցության շրջանակներից դուրս հետաքրքրություն էր առաջացրել հատկապես հիմնադիր նախագահ Լեւոն Տեր-Պետրոսյանի մասնակցության, նրա կողմից նախագահական ընտրություններին մասնակցել-չմասնակցելու, ինչու չէ՝ ներքաղաքական գնահատականների առումով: Եւ առաջին նախագահի ելույթն է, որ պետք է բարձրացներ նախընտրական շրջանի ինտրիգը:

ԲՀԿ-ն, ում հետ վերջին ամիսներին բանակցություններ էր վարում ՀԱԿ-ը՝ ՀՀՇ լիդերների մասնակցությամբ, պատվիրակներ չէր ուղարկել: Համագումարին մասնակցում էին Հայ ազգային կոնգրեսի եւ Հայ հեղափոխական դաշնակցություն, «Ժառանգություն» եւ «Ազատություն» կուսակցությունների ներկայացուցիչներ: Դահլիճում լուռ ու մտախոհ նստած էին Մարտի 1-ի մի քանի զոհերի ծնողներ, ինչպես նաեւ ՀՀ ժողովրդական արտիստ Երվանդ Մանարյանը: Մեզ հետ զրույցում իր տխրությունն անվանի դերասանը պարզաբանեց երկրի հոգսերի ավելանալով:

Տուժող կողմերի պաշտպան Տիգրան Եգորյանը գործով վկայից փորձում էր պարզել մի շարք հարցեր, մասնավորապես, թե ինչքան ժամանակ են անվտանգության աշխատակիցները փորձաշրջան անցել աշխատանքի անցնելուց առաջ: Հրաչյա Զոհրաբյանը պատասխանեց, որ կոնկրետ օր չի կարող ասել, քանի որ ոմանք փորձաշրջան են անցնում երեք օրվա ընթացքում, ոմանք էլ` հինգ օր: «Երբ պետք են եղել, կանչել ենք»,- ասաց նա: Վերջինս նշեց նաեւ, որ Ռուբեն Հայրապետյանը դեպքի օրը եղել է ռեստորանային համալիրում, բայց ինքը նրան չի տեսել, քանի որ համալիր է գնացել մոտ 19.00-ին եւ այնտեղ չի տեսել նրան: Փաստաբան Եգորյանի հարցին, թե Զոհրաբյանը զանգահարե՞լ է ռեստորանի սեփականատեր Հայրապետյանին, վերջինս պատասխանեց, որ ինքը մոտ ժամը 11-ին ինֆորմացիա է հաղորդել այն մասին, որ միջադեպ է տեղի ունեցել աշխատակիցների եւ հաճախորդների միջեւ. «Ինքը բարկացել է, լավ չի ընդունել, ինքն ընդհանրապես լավ չի ընդունում, երբ նույնիսկ փոքր միջադեպ է տեղի ունենում հաճախորդի հետ»:

Երեկ` ժամը 11:20-ի սահմաններում, ոստիկանության Կենտրոնի բաժին ահազանգ է ստացվել, որ Ե. Քոչար 19 շենքի բակում` «Սթար» սուպերմարկետի մոտ, տղամարդու դիակ կա: Ըստ նախնական տեղեկությունների, մահացածը նշված շենքի 14-րդ հարկում բնակարանի վերանորոգման աշխատանքներ կատարելիս է եղել: Նա վայր է ընկել նշված շենքի մոտ կայանված «Ford Tranzit» մակնիշի 402 ԼՏ 61 ավտոմեքենայի վրա, հետո` «Սթար» սուպերմարկետի սանդուղքին: Նշված շենքը 16 հարկանի է, եւ ըստ լուրերի` մահացողն աշխատում էր դերասան Վարդան Պետրոսյանի բնակարանում: Նա Հարավարեւմտյան թաղամասի Բաբաջանյան 30 շենքի բնակիչ, 37-ամյա Արթուր Թորոսյանն էր` հաղորդում է «shamshyan.com»-ը:

Այս պահին Հայաստանում 6000-ից ավելի սիրիահայ կա` մոտ 2000 ընտանիք: Հայաստանի բուհերում սովորում է շուրջ 220 ուսանող, իսկ դպրոց ու մանկապարտեզ է հաճախում ավելի քան 695 երեխա: Այս ցուցանիշները երեկ հրավիրված տարվա ամփոփիչ մամուլի ասուլիսում ասել է ՀՀ սփյուռքի նախարար Հրանուշ Հակոբյանը: Նա նաեւ ասել է, որ Հայաստանում գտնվող սիրիահայերից 700-ը դիմել են նախարարություն՝ աշխատանք գտնելու խնդրանքով, որոնցից շուրջ կեսն արդեն ապահովված է: Կացարանով ապահովվել են շուրջ 100 հոգի, 20 ընտանիք տեղավորվել է տեղի հայերի տներում՝ առանց վարձավճարի: Հրանուշ Հակոբյանը նաեւ նշել է, որ նախարարության նախաձեռնությամբ պարբերաբար կազմակերպվել են Հայաստանում աշխատանք փնտրող սիրիահայերի եւ հայաստանյան գործատուների, պետական կառավարման մարմինների ղեկավարների հավաք-խորհրդակցություններ:

Սերժ Սարգսյանը երեկ ընդունել է Ռամկավար ազատական կուսակցության ներկայացուցիչներին՝ ատենապետ Հակոբ Ավետիքյանի գլխավորությամբ: ՌԱԿ ղեկավար մարմնի ներկայացուցիչները Ս. Սարգսյանին հայտնել են կուսակցության հանրապետական վարչության ընդլայնված նիստում օրերս կայացրած որոշման` առաջիկա նախագահական ընտրություններում Սերժ Սարգսյանի թեկնածությունը պաշտպանելու եւ ընտրությունների ընթացքում նրան սատարելու մասին:

Այսօր ես մի քանի ընդհանուր բան եմ ուզում ասել, որը բնորոշում է Հայաստանի այժմյան քաղաքական վիճակը: Առանց այդ էլ մեր ազգի բաժանումները քիչ չեն՝ այսօր որոշ անպատասխանատու մարդիկ փորձում են մի նոր բաժանում մտցնել մեր ազգի մեջ, որը ավելի վտանգավոր է, քան մինչեւ հիմա մեր ազգի միջեւ եղած բաժանումները: Հիմնովին սխալ, բայց նաեւ, ինչպես ասացի, վտանգավոր եւ վնասակար: Դա այն է, որ ուզում են մեր ազգը բաժանել արեւմտամետների ու ռուսամետների` շփոթելով որոշ կատեգորիաները, շփոթելով այս հասկացությունների քաղաքական, արժեքային եւ գաղափարախոսական բաղադրիչը: Երբ որեւէ քաղաքական ուժ իր քաղաքական ծրագրերը կապում է արեւմտյան ուժերի հետ, նրան համարում են հակառուս: Երբ որեւէ քաղաքական ուժ իր քաղաքական ծրագրերը եւ Հայաստանի ապագան կապում է Ռուսաստանի հետ, նրան համարում են ռուսամետ եւ հակաարեւմտյան, ավելին՝ արեւմտյան արժեքների մերժող: Ոչ ոք չի ուզում պարզություն մտցնել այս խնդրի մեջ: Մի բան է արժեքները, մի այլ բան` գաղափարախոսությունը եւ այլ բան` քաղաքական կողմնորոշումը: Քաղաքական կողմնորոշումները, քաղաքական դաշինքները կարող են երբեք կապ չունենալ ոչ արժեքների, ոչ գաղափարախոսության հետ: Քաղաքականությունն ունի բոլորովին ուրիշ տրամաբանություն: Երբ պետք էր` իրար կոկորդ խեղդող, իրար տասնամյակներ հոշոտող ուժերը կարող էին միավորվել մի երրորդ, ավելի վտանգավոր, ավելի ուժեղ ուժի դեմ` ինչպես տեղի ունեցավ երկրորդ համաշխարհային պատերազմի ժամանակ, երբ Չերչիլն ու Ստալինը` ոխերիմ թշնամիները, դարձան ամենալավ բարեկամները: Պատերազմը վերջացավ, այդ դաշինքը վերացավ, եւ նրանք նորից դարձան երդվյալ հակառակորդներ:

«Ֆեյսբուքում» նաեւ մի հայտարարություն էր տարածվել, որի հեղինակները ֆինանսական աջակցություն էին խնդրում` 2.5-ամյա Սարգսին Գերմանիայում վիրահատելու համար: Այդ հայտարարությունը հրապարակել էինք նաեւ մեր թերթում: Այժմ արդեն «ֆեյսբուքում» երախտիքի խոսքեր են հրապարակվել: Փոքրիկի վիրահատության համար անհրաժեշտ 40 հազար դոլարը հավաքվել է:

Երեխայի մոտ ծնվելուց հետո հայտնաբերվել է գոտկա-սրբանային հատվածի ողնուղեղային ճողվածք (spina bifida-meningocele): Երեք օրական Սարգիսը վիրահատվել է, սակայն վիրահատությունից մեկ ամիս անց պարզվել է, որ նրա մոտ սկսվել է հիդրոցեֆալիա (գլխի ջրգողություն): Սարգսին շտապ անհրաժեշտ էնդոսկոպիկ վիրահատությունը հնարավոր է իրականացնել միայն արտասահմանում:

Այդպիսով, ե՛ւ ուղեւորները պետք է  հնարավորություն ունենան երկտակված չերթեւեկելու, ե՛ւ փողոցները պետք է բեռնաթափվեն: Թե որքանով այս նպատակները կարդարանան, ցույց կտա ժամանակը: Իսկ առայժմ ներկայացնում ենք, թե որ միկրոավտոբուսային երթուղին` ավտոբուսային ինչ երթուղով է փոխարինվել: Նաեւ` թե նշված համարի ավտոբուսները ինչ երթուղով են անցնելու: Դրանց մի մասն արդեն գործում է, մի մասը կգործի առաջիկայում: Հուսանք` ստորեւ բերված ցանկը կօգնի մեր ընթերցողներին` հնարավորինս քիչ խճճվել երթուղիների համարների այս թնջուկում, որն առաջացել է ներքաղաքային երթուղիների համարների փոփոխության հետեւանքով:

N 6 միկրոավտոբուսային երթուղու փոխարեն - N 6 ավտոբուսային երթուղի
ԷՐԵԲՈՒՆՈՒ ԶԱՆԳՎԱԾ - ԽՈՐԵՆԱՑՈՒ ՓՈՂՈՑ
Էրեբունի զ/ծ (սկզբնակայան) - Խաղաղ Դոնի - Տիտոգրադյան - Այվազովսկու - Էրեբունու փ-ներ - Արցախի - Տ. Մեծի պ-ներ - Հանրապետության հրապ. - Նալբանդյան - Թումանյան փ-ներ - Մաշտոցի պ. - Խորենացու փ. (վերջնակայան)
Հետադարձը՝ Խորենացու - Վ. Սարգսյան փ. - Հանրապետության հրապ. - Տ. Մեծի պ.
Շարունակությունը՝ նույն ուղեգծով

Երեւանի փողոցների համար խցանումները վաղուց ի վեր սովորական երեւույթ են դարձել: Այս օրերին այդ իրավիճակը «ծաղկման» շրջանում է: ՀՀ ոստիկանությունից երեկ մեր թղթակիցը փորձեց պարզել, թե որն է ահագնացող խցանումների պատճառը, ինչ է արվում` խնդիրը կարգավորելու համար: Լրատվության վարչությունից փոխանցել են, որ խցանումները Ճանապարհային ոստիկանության հետ կապ չունեն, ՃՈ-ի խնդիրն անվտանգ երթեւեկության ապահովումն է, եւ չաշխատող լուսաֆորներ փողոցներում չկան: «Խցանումների պատճառներն այլ տեղ պետք է փնտրել»,- խորհուրդ են տվել ոստիկանությունից:

Հայաստանի մարզական ղեկավարությունը տարիներ շարունակ լավագույն մարզիկներին որոշելու համար որպես հիմք է ընդունում «Հայաստանի մարզական լրագրողների ֆեդերացիա» կազմակերպության կողմից անցկացվող քվեարկության արդյունքները, որին մասնակցում են մարզական լրագրողները: Մշտապես այս «արարողությունն» ուղեկցվում է դժգոհություններով: Վաղը տեղի է ունենալու տարվա ընթացքում աչքի ընկած մարզիկների ու մարզիչների պարգեւատրման արարողությունը, որին մասնակցելու են երկրի ու մեր սպորտի առաջին դեմքերը, բարձրաստիճան պետական այրեր: Այս առիթով հարկ եմ համարում հանդես գալ բաց նամակով` ուղղված Հայաստանի քաղաքական ու մարզական իշխանություններին:

«Սպորտը յուրահատուկ բնագավառ է, որը համախմբում է մեր ժողովրդին: Հայաստանցի մարզիկների ցանկացած հաջողություն բոլորիս ուրախությունն ու հպարտությունն է, ընդ որում` դա վերաբերում է անգամ բոլոր այն հայ մարզիկներին, որոնք հանդես են գալիս այլ երկրների դրոշների տակ: Տարիներ շարունակ Հայաստանում լավագույն մարզիկների ընտրությունը վերածվում է բավական անդուր, դաժան, անդրկուլիսյան խաղերով լեցուն պայքարի, որը նսեմացնում է մեր մարզիկների նվաճումը:

Դեկտեմբերի 22-ին Եգիպտոսում տեղի է ունեցել սահմանադրական հանրաքվեի երկրորդ փուլը: Երեկ հրապարակված նախնական արդյունքների համաձայն, «Մահմեդական եղբայրներ» շարժման մշակած Սահմանադրության նախագիծը, որի հիմքում դրված են շարիաթի օրենքները, ստացել է քվեարկողների մոտ 60 տոկոսի աջակցությունը: Դեկտեմբերի 15-ին կայացած առաջին փուլում նախագիծը ստացել էր քվեարկությանը մասնակցածների 56 տոկոսի աջակցությունը: Այսպիսով, Եգիպտոսն ունի նոր Սահմանադրություն, որը երկիրը աշխարհիկ համակարգից տանում է իսլամացման:

Վերաֆինանսավորման տոկոսադրույքը հերթական անգամ թողնվեց անփոփոխ, ինչը տվյալ դեպքում այնքան էլ կարեւոր չէ: Կարեւորը ԿԲ-ի խորհրդի արձանագրած մի ուշագրավ փաստն է: ԿԲ խորհուրդը մեջբերել է  Պարենի եւ գյուղատնտեսության կազմակերպության (FAO) կողմից դեկտեմբերի 6-ին հրապարակված պարենի գների մասին տեղեկանքից մի քանի հատված, որոնցից մեկը վերաբերում է շաքարավազին: ««New York Board-Intercontinental Exchange» (NYB-ICE) բորսայում գնանշվող անմշակ շաքարավազի գների ինդեքսը նվազել է 5.3%-ով»,- արձանագրել է ԿԲ-ն: Շաքարավազի գնի 5.3 տոկոս անկումը վերաբերում է դրան նախորդող ամսվա համեմատությանը: Իսկ ահա անցած տարվա նույն ժամանակահատվածի համեմատ գնի նվազումը, ըստ ԿԲ-ի նույն արձանագրության, կազմել է 21.2 տոկոս: Հարկ է նշել, որ նախկինում ԿԲ-ն այսքան մանրամասնորեն չէր անդրադառնում շաքարավազի գնին եւ միայն այս տարվա հուլիսից է բերում այդ տվյալը: Եւ ուրեմն, ըստ ԿԲ-ի, այս տարի, անցած տարվա նոյեմբերի համեմատ, միջազգային շուկայում շաքարավազի գինը նվազել է ավելի քան 21 տոկոսով: Իսկ ինչ է եղել շաքարավազի գնի հետ մեզ մոտ` Հայաստանում:

Որոտանի կասկադի վերազինման համար Գերմանիայի կառավարությունը պատրաստվում է մոտ 50 միլիոն դոլարի վարկ տրամադրել: Թե որ ընկերությունը կիրականացնի վերազինումը, կորոշվի հայտարարվելիք մրցույթում: Դեռ չի ավարտվել մրցույթի մասնակիցների ընտրության նույնիսկ նախաորակավորման փուլը, արդեն կասկած կա, որ հաղթող է ճանաչվելու ֆրանսգերմանական «Ալստոմ» ընկերությունը: Խնդիրն այն է, որ ՀՀ-ում այն աշխատանքները, որոնք ֆինանսավորում է Գերմանիայի կառավարությունը եւ գերմանական KFV բանկի միջոցով, պատվերը հասնում է հենց «Ալստոմին», որը մինչ օրս այդ եղանակով ՀՀ-ում արդեն մոտ 80 մլն դոլարի պատվեր է ստացել: «Ալստոմի» հաղթանակը կանխագուշակելը դժվար չէ: Ընկերությունը վերջին տարիներին կասկածվել է կոռուպցիոն գործարքներում, մասնավորապես, մերձբալթյան եւ աֆրիկյան երկրներում ու հայտնվել ՀԲ-ի, պայմանական ասած, «սեւ ցուցակում»:

«Զվարթնոց» օդանավակայանի եւ «Հարավկովկասյան երկաթուղի» ՓԲԸ-ի միջեւ ներկայումս բանակցություններ են ընթանում դեպի օդանավակայան տանող ճանապարհին երկաթգիծ կառուցելու խնդրով` երեկ լրագրողների հետ հանդիպմանը հայտնել է ՀԿԵ գլխավոր տնօրեն Վիկտոր Ռեբեցը: Գլխավոր տնօրենը նշել է, որ այս պահին իրենք փորձում են հասկանալ, թե նախագծի մեջ ներդրումներ անելու դեպքում` որքան ժամանակ անց դրանք ետ կստանան:

Հայաստանի քաղաքացու հետ պետք է Դուք-ով խոսել: Որեւէ քաղաքական ուժի, առավել եւս` կառավարող կուսակցության պարտականությունն է նպաստել նոր հայի ձեւավորմանը: Նոր հայ, ով հարգում է օրենքները` հաստատ իմանալով, որ իրեն նույնպես հարգում են (…):»,- սա հատված է ՀՀԿ 14-րդ համագումարում Սերժ Սարգսյանի ունեցած ելույթից:

«Մի հատ տավարի հույսով ենք ապրում, էն էլ ճամփեքը փակեցին, գները էժանացրին. էլ ինչ անի էս ժողովուրդը: Դե, ժողովուրդն էլ  սաղ հիասթափվում են, էլի: Անասնապահությամբ են, խոսքի, զբաղվում՝ չեն կարում անասուն ծախեն, մսի գինն էլ էժանացել ա.  պահելու օգուտ չկա: Գոյություն ենք պաշտպանում, որ էսօր սոված չմնանք, վաղը մի կտոր հաց ըլնի (…): Մեր գյուղը, օրինակ,  սաղ պատկանում ա Հանրապետական կուսակցությանը, ընդե ոնց ասեն, ընենց էլ անում ենք: Դե, գիտեք ինչ, եկել են, ուրեմն, ժողովրդի գլուխը խաբել են, փափուկ բարձ են դրել գլխների տակին՝ լավ կլինի, կօգնեն, ժողովուրդն էլ միամիտ, էն որ ասում ա՝ ոչխարին ոնց քշիր, ընենց էլ քշվում ա, գյուղացին միամիտ տեղը գրվել ա (հանրապետական-խմբ.)»,- սա էլ մեջբերում է մեր թղթակցի հետ զրույցում Գեղարքունիքի մարզի Կութ գյուղի բնակիչ 42-ամյա Ալիկի խոսքից, որը չորս անչափահաս երեխա ունի, չի աշխատում, ընտանիքը գոյատեւում է երեխաների համար նախատեսված նպաստով եւ թոշակառու հոր ստացածով: 

Մի քանի ընդդիմադիր կուսակցություններ արդեն հայտնել են իրենց դիրքորոշումը ՀՀ նախկին վարչապետ, ԱԺ պատգամավոր Հրանտ Բագրատյանին առաջիկա նախագահական ընտրություններում սատարելու հնարավորության վերաբերյալ: Երեկ «Ժողովրդավարական հայրենիք» կուսակցության նախագահ Պետրոս Մակեյանին մեր թղթակիցը հարցրել է` կսատարե՞ն Բագրատյանին, եթե, իհարկե, առաջադրվի. «ԺԿ-ն սեպտեմբերի 28-ի քաղխորհրդի նիստում որոշում է ընդունել, որ պաշտպանում է Լեւոն Տեր-Պետրոսյանի թեկնածությունը: Հիմա սպասում ենք նրա դիրքորոշմանը: Հաջորդ մեր նիստը դեկտեմբերի 25-ին է: Այդ ընթացքում որոշակի հստակեցումներ կլինեն: ԱԺ ընտրություններից հետո ԺԿ-ն հանդես եկավ հայտարարությամբ եւ ընդգծեց, որ պետք է համախմբվել, նոր ուժային կենտրոն ձեւավորել, որ 2013-ին հստակ այլընտրանք լինի: Այդ ուժային կենտրոնը, ցավոք, չձեւավորվեց, առայսօր էլ, կարծես, չի երեւում, որ կձեւավորվի, բայց համոզված եմ, որ եթե Տեր-Պետրոսյանը առաջադրվի, նույնիսկ այս վիճակում, որ թվում է, թե անհույս վիճակ է, հնարավոր է ինչ-որ բան փոխել: Բայց կսպասենք, կտեսնենք»: Մակեյանը հավելել է նաեւ, որ Բագրատյանը պատերազմ հաղթած վարչապետ է, ունի հարյուրապատիկ ավելի արժանիքներ, քան մնացած առաջադրվողները, բայց խնդիրը հետեւյալն է` նա կդառնա՞ այն ուժային կենտրոնը, որ կարողանանք այս կեղծիքի, բեսպրեդելի, սանձարձակության համակարգը կանխել: «Մեր կուսակցությունը մոտենում է այդ տեսանկյունից: Հակառակ դեպքում պաշտպանելու որեւէ խնդիր չկա Բագրատյանին: Կարծում եմ, դեկտեմբերի 25-ին այդ հարցերը կհստակեցնենք»,- ասել է Մակեյանը:

Այդ օրը ՀՀ ՊՆ N զորամասին պատկանող«ԳԱԶ 33081» մակնիշի ՊՆ զինհամարանիշի ավտոմեքենան դուրս էր եկել ճանապարհի երթեւեկելի մասից եւ շրջվել, ինչի հետեւանքով ավտոմեքենայում գտնվող 10 զինծառայողներից 9-ը ստացել էին տարբեր աստիճանի մարմնական վնասվածքներ եւ տեղափոխվել «Արմենիա» բժշկական կենտրոն, իսկ այնտեղից` ՀՀ ՊՆ ԿԿԶՀ: Գիտակցության չգալով` շարքային Գոռ Գալստյանը եւ Հարություն Կիրակոսյանը մահացել էին:

Պատահարի առնչությամբ ՊՆ-ից պաշտոնապես հայտնել էին, որ ՀՀ ՊՆ քննչական ծառայության 4-րդ կայազորային քննչական բաժնում ՀՀ քրեական օրենսգրքի 377-րդ հոդվածի 2-րդ մասով հարուցվել է քրեական գործ: Երկրորդ զինծառայողի մահից հետո քրգործի նախաքննությունը շարունակվել էր նույն հոդվածի 3-րդ մասով՝ նույն արարքը, որը առաջացնում է երկու կամ ավելի անձանց մահ: Այս քրգործի շրջանակներում կալանավորվել էին նշված ավտոմեքենայի վարորդ, շարքային Անդրանիկ Բերտիզլյանը եւ ավագ լեյտենանտ Արսեն Երիցյանը: Երկուսն էլ դեպքի ժամանակ մարմնական վնասվածքներ ստացած զինծառայողների թվում էին:

ԱԺ պատգամավորներ Լեւոն Զուրաբյանի եւ Վարդան Օսկանյանի զրույցի գաղտնալսման փաստով քրեական գործ է հարուցվել 144-րդ հոդվածի հատկանիշներով` մարդու անձնական կամ ընտանեկան գաղտնիք համարվող տեղեկություններն առանց նրա համաձայնության օգտագործելը կամ հրապարակային ելույթներով, հրապարակայնորեն ցուցադրվող ստեղծագործություններով կամ լրատվության միջոցներով այդպիսի տեղեկություններ տարածելը` երեկ մեր թղթակցին հայտնել է Օսկանյանի փաստաբան Տիգրան Աթանեսյանը: Երկու օր առաջ Զուրաբյանն ու Օսկանյանը դիմել էին գլխավոր դատախազություն` իրենց զրույցը գաղտնալսելու փաստի առթիվ քրգործ հարուցելու համար: Գլխավոր դատախազի հանձնարարությամբ` դիմումն ուղարկվել է հատուկ քննչական ծառայություն:

Սերժ Սարգսյանը երեկ մասնակցել է Երեւանի պետական համալսարանի խորհրդի տարեվերջյան նիստին: Նիստում քննարկվել եւ հավանության է արժանացել 2011/2012 ուսումնական տարվա ընթացքում ԵՊՀ գործունեության հիմնական ուղղություններով կատարված աշխատանքների վերաբերյալ համալսարանի ռեկտորի հաշվետվությունը: Խորհրդի անդամները հավանություն են տվել նաեւ 2010-2014թթ. ԵՊՀ զարգացման ռազմավարական ծրագրով 2011/2012 ուստարում նախատեսված գործողությունների կատարման, ինչպես նաեւ համալսարանում կոռուպցիոն երեւույթների դեմ պայքարի համալիր միջոցառումների կատարման վերաբերյալ բուհի ռեկտորի հաշվետվություններին: ԵՊՀ 2011/2012 ուսումնական տարվա գործունեությունը խորհրդի անդամների կողմից գնահատվել է բավարար:

ՀՀ արդարադատության նախարարի հրամանով` ծառայողական պարտականություններն անհարգելի պատճառով չկատարելու համար ՀՀ ԱՆ «Գորիս» քրեակատարողական հիմնարկի անվտանգության ապահովման բաժնի երկրորդ կարգի մասնագետ Վիգեն Վաչագանի Ադունցի նկատմամբ կիրառվել է ծառայությունից ազատում կարգապահական տույժը. 2012 թվականի դեկտեմբերի 19-ից նա ազատվել է քրեակատարողական ծառայությունից:

Ու էդ մի կողմից հատկապես ՀՀԿ-ականներն են ամենահանգիստն ու ամենավստահը, որ իրենց ֆավորիտ թեկնածուն հաղթելու է «մի ուրիշ ձեւի», բայց մյուս կողմից` օդում  սարսափելի լարվածություն կա, որը հանգիստ չի տալիս, ու բոլորի նյարդերը լարված են ահավոր, ու այնպիսի տպավորություն է, որ եթե դեկտեմբերի 21-ին աշխարհի վերջը չեղավ էլ, 22-23-ին անպայման կլինի:

Կատաղության նոպաներ
Ի՞նչ է պատահել, ի՞նչն է այսքան նյարդայնացրել սրանց, որ տեղները չեն գտնում: Ծնոտ են պոկում, էթիկայի հանձնաժողովի կազմն են փոխում, եթերում վիրավորում են նախագահի թեկնածուներին ու լրագրողներին: Եթե այդքան վստահ են, որ հաղթելու են, ի՞նչն է իրենց հունից հանում: Քանի որ` սա իրո՛ք հունից դուրս եկածների, «կապները լրիվ կտրածների» պահվածք է, որոնք վստահ են իրենց անպատժելիությանը ու դրանից ավելի են փրփրած: Ողբա՛մ զքեզ, Հայո՛ց Աշխարհ, որ Ամանորի շեմին կատաղած են պատգամավորդ ու լրագրողդ, խոսնակդ ու սոցիոլոգդ, ԱԺ խոսնակդ ու հումորիստդ եւ մնացած բոլորը, ում բերանին միամիտ մոտենում է բարձրախոսը:

Ինչպես ավելի վաղ հայտնել ենք, նշված բուժկենտրոնում մահացած նորածնի հարազատները ծեծի էին ենթարկել գլխավոր բժշկին ու բուժաշխատողների` համարելով, որ փոքրիկը մահացել է բժշկական սխալի պատճառով: Գլխավոր բժիշկը ստացել է մարմնական վնասվածք` սալջարդի տեսքով: Կատարվածի առիթով ոստիկանությունը հետաքննություն է իրականացնում:

Նկարագրվածը բուժաշխատողների նկատմամբ բռնություն կիրառելու առաջին դեպքը չէ: Վերջին տարիներին այս երեւույթը բավականին լայն տարածում է ստացել: Եւ ահա առողջապահության նախարարությունը, անդրադառնալով «Սեբաստիա» բժշկական կենտրոնում տեղի ունեցած միջադեպին, երեկ հայտարարել է. «Այս էլ որերորդ անգամ բժշկի նկատմամբ անհարգալից ու բիրտ ուժի կիրառման միջադեպ է գրանցվել մասնագիտական պարտականությունների կատարման ընթացքում։ Արատավոր ու մերժելի մի փաստ, որը, դժբախտաբար, կարծես թե դառնում է չափազանց դատապարտելի, ուղղակի անըմբռնելի սովորույթ:

Այս տարի, ի թիվս շատ այլ ապրանքների, թանկացել է նաեւ եղեւնին: Խոսքը, տվյալ դեպքում, արհեստական եղեւնու մասին է: «Այրարատ» կինոթատրոնի հարեւանությամբ դրանց առեւտրով զբաղվողները մեզ հետ զրույցում երեկ ասացին, որ նախորդ տարվա համեմատությամբ գները բարձրացել են 3-5 հազար դրամով: Նշված վայրում եղեւնու գները երեկ տատանվում էին 3 հազարից մինչեւ 75 հազար դրամի սահմաններում: Եղեւնիների բարձրությունը, համապատասխանաբար, 50-2.40 սմ էր: Վաճառողներից մեկը մեր զրույցում նաեւ ասաց, որ անցյալ տարվա համեմատությամբ էականորեն նվազել են վաճառքի ծավալները` շուրջ 20 տոկոսով: Նրա խոսքով, առեւտուրը սովորաբար աշխուժանում է դեկտեմբերի 20-ից հետո: «Էսօր արդեն ամսի 21-ն է»,- ասաց նա ու հիշեց, որ այդ օրը կանխատեսված էր աշխարհի վերջը: «Երեւի բարեկամներով իրար գրկած նստած են»,- ենթադրեց մեր զրուցակիցը` չբացառելով, որ երբ աշխարհն ու մարդկությունը փրկվեն կործանումից, իր պոտենցիալ հաճախորդների մեջ էլ հետաքրքրություն կծագի տոնի ու եղեւնու նկատմամբ: Ի դեպ, «Այրարատ» կինոթատրոնի հարեւանությամբ բնական եղեւնիներ չէին վաճառվում: Ասում էին` հակառակ դեպքում «ԿԳԲ-ն անմիջապես հայտնվում է», հարցնում` որտեղից, ինչ:

Լոնդոնը 3-րդ անգամ հյուրընկալեց Օլիմպիական խաղերը ու, ճնշող մեծամասնության կարծիքով, կազմակերպեց պատմության ընթացքում լավագույն Օլիմպիադան: Լոնդոն 2012-ի կազմակերպիչներին հաջողվեց կրկին ապացուցել, որ 4 տարին մեկ անգամ անցկացվող Օլիմպիական խաղերը մոլորակի ամենակարեւոր մարզական տոնահանդեսն է, որի հետ չի կարող ոտք գցել ոչ մի ուրիշ սպորտային մրցաշար: 208 երկրների 10 հազար 500 մարզիկներ 26 մարզաձեւերում պայքարում էին օլիմպիական մեդալների 302 հավաքածուների համար: Հայաստանը Օլիմպիական խաղերում ներկայացնում էին 24 մարզիկներ, որոնք մրցեցին 9 մարզաձեւերում:

Օլիմպիական մեդալը բացառիկ նվաճում է երկրի, մարզիկի համար. Լոնդոնում Հայաստանի ներկայացուցիչները կարողացան նվաճել 3 մեդալ. ըմբիշ Արսեն Ջուլֆալակյանը նվաճեց արծաթե, իսկ ծանրորդ Հռիփսիմե Խուրշուդյանն ու ըմբիշ Արթուր Ալեքսանյանը նվաճեցին բրոնզե մեդալներ:

Չնայած սնահավատների ու հոռետեսների կողմից դեկտեմբերի 21-ին սպասված «աշխարհի վերջը» տեղի չունեցավ, սակայն դրա շուրջ բարձրացած անիմաստ աղմուկը մարդկանց դեռեւս հանգիստ չի տալիս: «Մեքսիկայի անթրոպոլոգիայի ազգային ինստիտուտի» մի խումբ գիտնականներ երեկ հայտարարել են, թե մայաների եւ ներկայիս օրացույցերի միջեւ առկա որոշակի անհամապատասխանությունների պատճառով մայաների կանխատեսած Հինգերորդ արեւի դարաշրջանի ավարտը կարող է տեղի ունենալ ընդհուպ մինչեւ առաջիկա կիրակի օրը: Դա սնահավատներին ու հոռետեսներին հիմք է տվել ենթադրելու, թե դեկտեմբերի 21-ին սպասված «աշխարհի վերջը» կարող է տեղի ունենալ առաջիկա օրերին:

Մինչ առաջիկա օրերին «աշխարհի վերջի» շուրջ անիմաստ կրքերը կհանդարտվեն, բարձրացած աղմուկը խաթարել է բազմաթիվ երկրների բնակչության բնականոն կյանքը: Օրինակ, ԱՄՆ-ում «աշխարհի վերջի» շուրջ խուճապի պատճառով հազարավոր ծնողներ իրենց երեխաներին դպրոց չեն ուղարկել: Մեծ թվով բացակայությունների պատճառով մի շարք նահանգների դպրոցներում որոշվել է ժամանակից երկու օր շուտ սկսել ձմեռային արձակուրդները: Իսկ, օրինակ, Արգենտինայի Բարիլոչե քաղաքում հարյուրավոր քաղաքացիներ, կարծելով, թե շուտով «աշխարհի վերջն է», եւ իրենք անպատիժ են մնալու, հարձակվել են սուպերմարկետների վրա եւ թալանել` ինչ կա-չկա: