ՊՊԾ գնդի գրավումը կազմակերպել էր ԱԱԾ-ն. Կեցցե՛ ԱԱԾ-ն

21/12/2016 schedule19:56

Երեկ Սերժ Սարգսյանը շնորհավորական ուղերձ հղեց Ազգային անվտանգության մարմինների աշխատողի օրվա կապակցությամբ:

«Անցնող 2016 թվականն առանձնահատուկ էր մեր նորագույն պատմության մեջ: Մենք ստիպված եղանք դիմակայել մեզ անակնկալի բերելու անհաջող փորձ կատարած ոսոխին, իսկ դրանից ընդամենն ամիսներ անց հանգուցալուծել երկրի մայրաքաղաքի կենտրոնում զինված հարձակում իրականացրած եւ պատանդներ վերցրած հանցախմբի ստեղծած իրավիճակը:

Այս եւ տարվա ընթացքում տեղի ունեցած այլ իրադարձությունների ընթացքում ազգային անվտանգության մարմինների ստորաբաժանումները, իրականացնելով իրենց գործառույթները, դրսեւորեցին պահանջվող պատրաստվածություն, թույլ չտվեցին, որպեսզի կատարված ոտնձգությունները մեր պետականության եւ սահմանադրական կարգի համար առաջացնեն անդառնալի հետեւանքներ»,- ըստ պաշտոնական հաղորդագրության ասվում է ուղերձում:

Նույն օրն ԱԱԾ-ում տեղի ունեցավ հանդիսավոր նիստ, որի ժամանակ աշխատակիցներին շնորհավորեց նաեւ սույն թվականի փետրվարին ԱԱԾ տնօրեն նշանակված Գեորգի Կուտոյանը: «Շուրջ մեկ տարվա ընթացքում մենք անցել ենք հարաբերականորեն կարճ, բայց բուռն եւ բազմաբնույթ իրադարձություններով լի ճանապարհ՝ սկսած ապրիլյան պատերազմից, վերջացրած ՀՀ ոստիկանության պարեկապահակետային ծառայության գնդի շուրջ ձեւավորված իրավիճակի համեմատաբար խաղաղ հանգուցալուծումով: Կարծում եմ, որ այս ժամանակահատվածում մենք կարողացանք դիմակայել լուրջ մարտահրավերների»,- ըստ ԱԱԾ մամուլի կենտրոնի, ասել է Կուտոյանը: 

Սերժ Սարգսյանը Գեորգի Կուտոյանին երկար տարիներ նախապատրաստել էր այս պաշտոնի համար, եւ շուրջ 12 տարի պաշտոնավարած Գորիկ Հակոբյանի թոշակի անցնելուց հետո կատարեց շատերի համար այս անսպասելի նշանակումը: Կուտոյանը բավական երիտասարդ եւ անփորձ էր համարվում նման կառույց ղեկավարելու համար (ծնվել է 1981 թ-ին): Նշանակումից հետո մեծ խառնաշփոթ, սակայն տեղի չունեցավ, որովհետեւ ավելի շատ իշխեց կանխավարկածը, որ Սերժ Սարգսյանը չէր գնա նման քայլի, եթե վստահության լուրջ հիմքեր չունենար:

Կուտոյանի նշանակումից երկու ամիս անց եղավ ապրիլյան պատերազմը, հինգ ամիս անց՝ ՊՊԾ գնդի գրավումը: Պատերազմը դեռ մի կողմ թողնենք: ՊՊԾ գնդի գրավումը, սակայն ոչ այլ ինչ, քան ԱԱԾ-ի ձախողում` հնարավոր չէ անվանել: Եւ առնվազն տարօրինակ է, որ երկու պաշտոնյաների ուղերձներում այդ իրադարձությունը հիշատակվում է դրական լույսի ներքո: Հարցը, թե ինչպես եղավ, որ ՊՊԾ-ն գրավվեց, Սերժ Սարգսյանին, կարծես առհասարակ, չի հետաքրքրում: Մինչդեռ, արժեր այս հարցը քննարկել:

Հիշեցնենք, հուլիսի 17-ից ընդամենը 3.5 շաբաթ առաջ, ձերբակալվել էր «Հիմնադիր խորհրդարանի» առաջնորդ Ժիրայր Սեֆիլյանը եւ եւս 8 հոգի: Ըստ պաշտոնական հաղորդագրության, Ազգային անվտանգության ծառայության եւ Քննչական կոմիտեի համատեղ օպերատիվ-հետախուզական մեծածավալ միջոցառումների արդյունքում պարզվել էր, որ «Ժիրայր Սեֆիլյանը մի խումբ անձանց հետ ծրագրել են զինված խմբավորումների միջոցով, զենքի գործադրմամբ զավթել շենքեր, շինություններ, հաղորդակցության եւ կապի միջոցներ, այդ թվում՝ Երեւանի հեռուստաաշտարակը»:

Պաշտոնական հաղորդագրության մեջ չէր նշվում, սակայն Սեֆիլյանի պաշտպան Արա Զաքարյանն այն ժամանակ ասուլիսներից մեկի ընթացքում ասաց. «Քննչական կոմիտեում իրականացված քննությամբ պարզվել է, որ «Հիմնադիր խորհրդարան»-ի ղեկավար Ժիրայր Սեֆիլյանը խմբի հետ իբր մտադիր է եղել գրավել նաեւ Նուբարաշենի զորամասը»:

Մեկ ամիս առաջ ԱԱԾ-ն տեղյակ լինի, որ նախապատրաստվում է Երեւանում ռազմական որեւէ օբյեկտի գրավում եւ մեկ ամիս անց դա իրականում տեղի՞ ունենա: Սա մի փաստ է, որին պետք է հետեւեին ԱԱԾ տնօրենի եւ մի քանի վարչությունների պետերի պաշտոնանկությունները: Սակայն ոչ միայն նման բան չեղավ, այլեւ երեկ պարզվեց, որ նրանք դեռ ծափահարություններ են վաստակել իրադրության քիչ թե շատ խաղաղ հանգուցալուծման եւ անդառնալի կորուստներ չունենալու համար: Խոսքը պետականության եւ սահմանադրական կարգի համար անդառնալի կորուստների մասին է, որովհետեւ երեք ընտանիք անդառնալի կորուստ ունեցավ:

Մինչդեռ մարդկային կյանքերի կորուստներից եւ մյուս բոլոր անցանկալի զարգացումներից կարելի էր խուսափել, եթե ԱԱԾ-ն ընդամենը պատշաճ կատարեր իր աշխատանքը. բացահայտեր Վարուժան Ավետիսյանի, Պավել Մանուկյանի եւ մյուսների կապը Սեֆիլյանի պլանների հետ: Ձերբակալեր նրանց, կանխելու համար հնարավոր անօրինական գործողություններն ու զանգվածային անկարգությունները:

Զարմանալի է, բայց այդ դեպքերից ոչ շատ առաջ ԱԱԾ-ի եւ Քննչական կոմիտեի համատեղ միջոցառումների արդյունքում հաջողությամբ կանխվել էին ապրիլի 24-ին նախապատրաստվող զանգվածային անկարգությունները, հնարավոր ուժային պայքարն ու բռնությունը: Այն ժամանակ նման բան թույլ չտալու նպատակով ձերբակալվել, ապա կալանավորվել էր 5 հոգի` Ժիրայր Սեֆիլյանը, Պավել Մանուկյանը, Գարեգին Չուգասզյանը, Վարուժան Ավետիսյանը, Գեւորգ Սաֆարյանը (մեկ ամիս անց դատախազի ցուցումով նրանց խափանման միջոցը փոխվեց):

Փաստորեն, սույն անձինք էական դերակատարություն պետք է ունենային ապրիլի 24-ին կազմակերպվող դեպքերում, բայց ահա զորամաս գրավելու ծրագրերին ոչ մի կերպ չէին կարող առնչվել: Համոզված ենք, Սեֆիլյանի ձերբակալությունից հետո առաջին հերթին նրանք են հայտնվել ԱԱԾ ուշադրության կենտրոնում եւ փաստորեն այս անգամ նրանց ձերբակալելու հիմքեր չեն գտնվել:

Թերեւս, ավելի ճիշտ կլիներ, որ երեկ Սերժ Սարգսյանն ԱԱԾ-ին պարզապես հատուկ շնորհակալություն հայտներ ՊՊԾ գնդի գրավումը բարձր պրոֆեսիոնալիզմով եւ գրագետ կազմակերպելու համար:

Տպել
16471 դիտում

Երեւանում Բեթհովենի գործերը կնվագեն իր համերկրացի դաշնակահարն ու աշխարհահռչակ Ջոն Նելսոնը

Ձևավորվում է Ղարաբաղյան հարցի բանակցային նոր բովանդակություն. Նիկոլ Փաշինյան

Շուտով կստեղծվի միջգերատեսչական աշխատանքային խումբ, որը բանակում բարեփոխումների օրակարգը կդարձնի իր աշխատանքային թեմա

ՖՆ ջանքերով Հայաստանը հանվել է ԵՄ-ի հետ հարկային հարցերով չհամագործակցող երկրների «Մոխրագույն ցուցակից»

ԱՄՆ-ը ընդլայնել է Իրանի դեմ պատժամիջոցների ցանկը

Ամենաատելի օլիգարխն ասում է՝ ոտերս մաքրելու եմ. արդարադատությունն է իր ոտքերը օրենքով սահմանված կարգով մաքրելու

Հրազդան ԲԿ-ի տնօրենին աշխատանքից ազատելը պայմանավորված է առանձնապես խոշոր չափի ֆինանսական չարաշահումներով

Մայր Աթոռ Սուրբ Էջմիածնում նշվել է Սուրբ Վարդանանց զորավարների տոնը 

Իդլիբում դաժան մարտեր են ընթացել ողջ օրվա ընթացքում. զոհեր կան հակամարտող 2 կողմում էլ

Շիրակի մարզպետ Տիգրան Պետրոսյանն ընդունել է Լիտվայի դեսպան Ինգա Ստանիտե-Տոլոչկիենեին

ՀՀ վարչապետ Նիկոլ Փաշինյանի հարցազրույցը Հանրային հեռուստաընկերությանը (ուղիղ)

Գագիկ Ծառուկյանի տան դիմաց գտնվող «Մուլտի» բենզալցակայանում ՊԵԿ-ը ՀԴՄ խախտման 2-րդ դեպքն է արձանագրել

Շուկայի վերահսկողության տեսչական մարմինը վարչական պատասխանատվության է ենթարկել «Թոյս լանդ» ՍՊԸ-ին

Երվանդ Մանարյանի հոգեհանգստի արարողությունը տեղի կունենա փետրվարի 21-ին, վերջին հրաժեշտը՝ փետրվարի 22-ին

Արաբկիրի համայնքային ոստիկաններն ապօրինի թմրաշրջանառության դեպք են բացահայտել (տեսանյութ)

Դավիթի մոտ հիվանդանոց էր եկել առողջապահության նախկին նախարարը, որին Սերժ Սարգսյանն էր ուղարկել. տուժողի հոր ցուցմունքը

20 խոշորացված համայնք փոքր դրամաշնորհ է ստացել. ՏԿԵ նախարարություն

Հունահռոմեական ըմբշամարտի հավաքականի մարզչական խորհուրդը կայացնում է ապօրինի, հակասպորտային որոշում. Արսեն Ջուլֆալակյան

Ատելության քարոզ տանում է ոչ թե իշխանությունն, այլ ատելության քարոզ տարվում է իշխանության նկատմամբ. Նիկոլ Փաշինյան

ՀՀ տարածքում կան փակ և դժվարանցանելի ավտոճանապարհներ