Արամյանցի դղյակի հարցը լուծվեց. մտավորականների ցանկությունը բավարարված է

Երեկ վերջնաժամկետն էր, որ մշակույթի եւ տարածքային կառավարման ու զարգացման նախարարությունները եւ Կադաստրի պետական կոմիտեն վարչապետի հանձնարարությամբ պետք է առաջարկություններ ներկայացնեին հայ ազգային գործիչ, բարերար Միքայել Արամյանցի դղյակի հետագա ճակատագրի վերաբերյալ:

Կառավարությունը երեկ որոշում է ընդունել ՀՀ Լոռու մարզում գտնվող այդ դղյակն ընդգրկել Լոռու մարզի պատմության և մշակույթի անշարժ հուշարձանների պետական ցուցակում: Որոշվել է նաեւ դրան տալ պատմամշակութային հուշարձանի կարգավիճակ եւ ապահովել մշակութային ժառանգության հնարավորինս անաղարտ պահպանությունը:

Մեկ շաբաթ առաջ Կառավարությունից հետաքրքրվել էինք, թե ի՞նչ առաջարկներ կան, արդյո՞ք դղյակի վերականգնման աշխատանքներ սկսվել են: Ի պատասխան մեր հարցման այսօր հայտնել են, որ «ներկայացվող օբյեկտը ՀՀ մշակույթի նախարարության փորձագիտական հանձնաժողովն արժևորել է որպես պատմամշակութային արժեք, որը կարևոր նշանակություն ունի ինչպես հայ ժողովրդի, այնպես էլ ՀՀ Լոռու մարզի պատմության և մշակույթի ուսումնասիրման համար»:

«ՀՀ Լոռու մարզի պատմության և մշակույթի անշարժ հուշարձանների պետական ցուցակում Միքայել Արամյանցի ամառանոցի ներառումը հնարավորություն կտա գործող օրենսդրության սահմաններում ապահովել դրա անխաթար պահպանությունը, կանոնակարգել  պահպանության, ուսումնասիրման, վերականգնման, օգտագործման և հանրահռչակման հետ կապված գործընթացները»,- ասվում է armtimes.com-ին տրամադրված պատասխանում:  

Ախթալայի քաղաքապետ Հայկազ Խաչիկյանն էլ մեր զրույցում ասաց, որ Կառավարության որոշումը բավարարում է դղյակի փլուզման ահազանգով վարչապետին դիմած մտավորականներին, քանի որ Կառավարության երեկվա որոշումը նշանակում է, որ դղյակի հետագա պահպանությունն անցնում է պետությանը:

«Հիմա պետք է սկսվեն նաեւ վերականգնման աշխատանքներ, որովհետեւ ինչպես գիտեք, դղյակը փլուզման եզրին է»,- ասաց Խաչիկյանը: Մեր հարցին, թե ինչպե՞ս են դղյակը հանել բանկի կալանքի տակից՝ Խաչիկյանն ասաց, թե կարծես թե կալանքի տակ չի էլ եղել, իրեն սխալ տեղեկություն էին տվել:

Հիշեցնենք. հայտնի բարերարը Լոռու մարզի Ախթալա քաղաքում 1900-ական թթ. կառուցել է դղյակ, որը Վանաձորում գտնվող Թաիրովների դղյակից բացի միակ պահպանված դղյակն է Հայաստանում: Այդտեղ տարբեր ժամանակներ հանգստացել են Հովհ.Թումանյանը, Հայրիկ Խրիմյան Կաթողիկոսը, նշանավոր օպերային երգիչ Շալյապինը, թատերական ռեժիսոր Մեյերխոլդը, լիտվացի բանաստեղծ Մեժելայտիսը եւ այլք:

Խորհրդային Միության տարիներին այստեղ գործել է հակատուբերկուլյոզային դիսպանսեր, ռազմական հոսպիտալ, մանկական ճամբար: 2005 թվականին այն ընդամենը մեկ միլիոն երկու հարյուր հազար դրամով Տուրիզմի Հանրապետական Խորհրդից ձեռք է բերել մանկապղծության համար հետագայում դատապարտված Սերոբ Տեր-Պողոսյանը` պայմանով, որ այն առնվազն 15 տարի պետք է գործի որպես տուրիստական հանգրվան: Սակայն վերջին շրջանում տեղեկություններ կային, որ Տեր-Պողոսյանի մահից հետո կինը այն գրավադրել է բանկում, գումար վերցրել ու գնացել Հայաստանից:

Տպել
3513 դիտում

Կառավարությունը բնակարան կնվիրաբերի զոհված զինծառայող Հրանտ Մանգասարյանի ընտանիքին

Դիլիջանում ազատամարտիկների հուշարձանի վրայից ջնջել են բարերարի անունը, ջարդել ցայտաղբյուրները

Հացաշեն համայնքի ղեկավարը հաղորդում է տվել, որ նախկին կինը փորձել է առևանգել իր 9-ամյա որդուն

Հրդեհ՝ Մասիս քաղաքում․ բնակելի տուն է այրվել

Արմեն Սարգսյանը շնորհավորել է Ամենայն Հայոց Կաթողիկոսին՝ ծննդյան տարեդարձի առթիվ

Ամուսինը հրացանը մաքրելիս անզգուշաբար կրակել է կնոջ վրա. վերջինս տեղափոխվել է հիվանդանոց

Սարդարապատ և Նոր Արմավիր համայնքները կապող ճանապարհահատվածում մեկնարկել են ասֆալտապատման աշխատանքներ

ՀՀ բռնցքամարտի հավաքականը չի մասնակցի Երիտասարդների ԵԱ-ին՝ ԿԳՄՍՆ-ի անգործության կամ կոնկրետ հրահանգի պատճառով. Գեւորգյան

ՀՊՏՀ ռեկտորի ժամանակավոր պաշտոնակատար Ռուբեն Հայրապետյանը կթողնի զբաղեցրած պաշտոնը. նախարար

Դավադրությունների մասին խոսակցություններն անհիմն են. Քանանյան

Գերանդիով մարմնական վնասվածքներ է պատճառել 35-ամյա համագյուղացին. վեջինս մահացել է

Հեղափոխությունից հետո ՀՀ-ԵՄ հարաբերությունները նշանակալի օրակարգ ունեն. Նիկոլ Փաշինյան

Փաշինյան Նիկոլ, գալի՞ս ես անարդարությունը վերացնելու, եթե ոչ, ուրեմն շարունակում ես Սերժի մեղադրանքը․ Արմեն Բիլյան

Վանաձորի մի շարք թաղամասեր առավոտից հոսանքազրկված են. էլցանցից կոնկրետ պատճառ չեն նշում

Ucom-ի առաջին կորպորատիվ պարտատոմսերը թույլատրվել են առևտրի AMX ֆոնդային բորսայում

Երգչուհի Գայա Արզումանյանը գրանցված աշխատող է եւ հարկեր է վճարում. պրոդյուսեր

Սամվել Կարապետյանի եղբորորդու հետ կոնֆլիկտ ունեցած գործարարը դատի է տվել մի շարք լրատվամիջոցների

Oպերայի նախկին տնօրեն Կոնստանտին Օրբելյանի ներկայացրած հաղորդման հիման վրա քրեական գործի հարուցումը մերժվել է

Դավիթ Սանասարյանի գործով նախաքննության ավարտ է հայտարարվել. մեղադրանքի ձեւակերպումների մեջ փոփոխություններ են եղել

ՀՀ քաղաքացին դիմել է Դավիթ Անանյանին եւ իր մասնաբաժինը խնդրել զբոսաշրջիկների ծախսած գումարից. Փաշինյան