Երևան
16 °C
ՀՀ պաշտպանության նախարար Վիգեն Սարգսյանը կառավարության երեկվա նիստում խոսեց «Փոքր Մհեր» կրթահամալիրը առաջիկայում իր ղեկավարած գերատեսչության կառավարման ոլորտ անցնելու եւ «Մոնթե Մելքոնյան» վարժարանի հետ միավորվելու հավանականության մասին:
Առաջինը գործում է կրթության եւ գիտության նախարարության ենթակայությամբ, երկրորդը` պաշտպանության նախարարության:
Հայտնի է, որ «Փոքր Մհեր» կրթահամալիրում մթնոլորտը վերջերս լարվել էր: Այն աստիճան, որ նոյեմբերի 28-ին կրթահամալիրի 10-րդ, 11-րդ եւ 12-րդ դասարանների սաները բողոքի ակցիա էին արել՝ ընդդեմ ընդամենը մեկ ամիս առաջ նշանակված տնօրեն Վահագն Յաղմուրյանի: Նրանք հայտարարել էին, որ տնօրենն իրենց անվանում է «անասուններ», «հորթեր», «դիշովկաներ»: Յաղմուրյանը, սակայն մեր թղթակցի հետ զրույցում վստահեցրել էր, թե նման բառեր չի օգտագործում ու նաեւ կարծիք էր հայտնել, որ երեխաները կամակորություն են անում՝ դժգոհելով իր կիրառած տույժերից: Վերջիններս, անկախ այն բանից, ճիշտ են, թե սխալ, սահմանված են կրթահամալիրի` ՀՀ կառավարության որոշմամբ հաստատված կանոնադրությամբ:
Ստեղծված իրավիճակի պատճառով վերոնշյալ երկու գերատեսչությունների ներկայացուցիչներից կազմված հանձնաժողովը ուսումնասիրություններ էր սկսել «Փոքր Մհեր» կրթահամալիրում, բայց փաստորեն այդ աշխատանքները դեռ չավարտած ու վերջնական եզրակացություն չկազմած, հայտարարվում է կրթական հաստատությունը «Մոնթե Մելքոնյանի» հետ միավորելու նպատակի մասին: Ի դեպ, դեռ այս ամսվա սկզբին, երբ խնդիրը հանրային հնչեղություն ստացավ, մեզ չհաստատված լուրեր էին հասնում, որ կրթահամալիրում տեղի ունեցողն ուղղորդված է եւ ինչ-ինչ մարդկանց շահերից բխող:
«Աշխատանքային խումբը դեռ ուսումնասիրություններ է կատարում, վաղը օրվա ընթացքում կամփոփենք եւ մեր եզրակացությունն ու առաջարկությունները կներկայացնենք նախարարին»,- երեկ մեր զրույցում ասաց ՀՀ կրթության եւ գիտության նախարարության մարզառազմական եւ արտաուսումնական դաստիարակության վարչության պետ Արկադի Պետրոսյանը: Դիտարկմանը, թե ստացվում է` ուսումնասիրությունը չավարտած` որոշվել է, որ նպատակահարմար է միավորման տարբերակը, վարչության պետն արձագանքեց. «Այո, կարելի է ասել այդպես, բայց կարծում եմ միայն մի մասը կմիավորվի` ավագ դպրոցը»:
«Ավելի հստակ մեր առաջարկները կներկայացնենք վաղը: «Փոքր Մհեր» կրթահամալիրի լիազոր մարմինը ԿԳ նախարարությունն է, բայց որպես հիմնադիր հանդես է գալիս կառավարությունը, տարիներ առաջ կանոնադրությունը եւ խորհրդի անդամները հաստատվել են կառավարության որոշումով, սա է ամբողջ խնդիրը, որ արագ չենք կարողանում լուծումներ տալ: Ցանկացած փոփոխություն պետք է կառավարության որոշումով լինի: «Փոքր Մհերը» մյուս դպրոցներից, կարելի է ասել, տարբերվում է իր կազմակերպական ձեւով»,- հավելեց Արկադի Պետրոսյանը: Նա նաեւ նշեց, որ պաշտպանության նախարարությունը մշտապես աջակցել է կրթահամալիրի կայացմանը, այդ թվում` ֆինանսապես: «Փոքր Մհերի» խորհրդի կազմում նույնպես պաշտպանության նախարարությունը ներկայացված է:
Երկու ռազմամարզական կրթական հաստատությունների միավորման մասին որոշման հանգելու վերաբերյալ ԿԳՆ պաշտոնյան, այնուամենայնիվ, որոշ մանրամասներ ներկայացրեց. «Խնդիրը միայն «Փոքր Մհերի» հետ կապված չէր: Լավ կլինի` այդ երկուսը միավորվեն, ավելի մեծ, հզոր կազմակերպություն դառնա, ոչ թե ունենանք երկու հատ փոքր հաստատություն: «Փոքր Մհերի» ավագ դպրոցում սովորում է 150 երեխա, եթե չեմ սխալվում: Մոտ 130 երեխա էլ` «Մոնթե Մելքոնյանում»: Պետության համար ֆինանսապես եւ ուսումնադաստիարակչական առումով երեւի ավելի նպատակահարմար կլինի, եթե դրանք դառնան մեկ միավոր: Այսօր երկու տարբեր շենք-շինություն է պահում: Եթե 300 սովորողները լինեն մի շենքում, դա կբերի որոշակի ֆինանսական խնայողություններ: Բոլոր առումներով ավելի հեշտ կլինի»:
Մեր զրուցակիցը պարզաբանեց, որ «Փոքր Մհեր» կրթահամալիրը գործում է երկու մասնաշենքում: Հիմնական դպրոցը` Նուբարաշենում, ավագը, որն էլ, փաստորեն, միավորվելու է ՊՆ ենթակայության վարժարանի հետ, «Կորեայի ձորում»: Ինչ վերաբերում է կրթահամալիրի հիմնական դպրոցի` ցածր դասարանների հետագա գործունեության մասին հարցին` Արկադի Պետրոսյանը պատասխանեց. «Ցածր դասարանները կմտածենք` ինչ ճակատագիր կունենան: Հիմնական դպրոցը կպահպանվի հաստատ, բայց կարող է «Փոքր Մհեր» չկոչվի, ուրիշ ուղղվածությամբ դպրոց լինի»:
«Փոքր Մհեր» կրթահամալիրից երեկ հրաժարվեցին որեւէ կերպ մեկնաբանել միավորման հեռանկարը: Մամուլի խոսնակ Մարիամ Մարտիրոսյանն ասաց, որ քանի դեռ աշխատանքային խումբը չի ավարտել ուսումնասիրությունները եւ չի հրապարակել արդյունքները, կրթահամալիրի տնօրենը ոչինչ չի ցանկանում խոսել: Նա նշեց, որ երբ եզրակացությունը պատրաստ լինի, իրենք հանդես կգան հայտարարությամբ:
Հ.Գ. Հուսանք, որ ոլորտի պատասխանատուներն առաջիկայում փաստարկված կհիմնավորեն, որ «Փոքր Մհեր» կրթահամալիրի ավագ դպրոցի եւ «Մոնթե Մելքոնյան» վարժարանի միավորումն անհրաժեշտ է կրթության որակի ու արդյունավետության տեսանկյունից ու ոչ թե զուտ միայն ֆինանսական միջոցներ խնայելու նպատակ է հետապնդում:
102-րդ ռազմաբազայի ներկայությունը Հայաստանի ինքնիշխանության միակ իրական երաշխիքն է․ ՌԴ ԱԳՆ
Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի
Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին
Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը
Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է
Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին
Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո
Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը
Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի
«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ
«Crocus City»-ի գործով Տաջիկստանում ձերբակալվել է 9 մարդ
Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)
Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է
Ալեքսեյ Սանդիկովը կգործուղվի Մոսկվա
Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը
ԱԺ պատգամավորները կգործուղվեն Բեռլին
5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին
Հայաստանում տեղումների դադար է, ջերմաստիճանը կբարձրանա 8-10 աստիճանով
«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել
200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության
Սյունիքի մարզում դատավոր է նշանակվել
Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները
Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում
Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում
Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)
Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք
«Երևան ավտոբուս» ընկերության տնօրենն աշխատանքից ազատման դիմում է ներկայացրել
Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում
Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին
Կարեն Գիլոյանը հետևել է հեծանվուղու և մարզադպրոցի կառուցման աշխատանքներին
Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը
Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ
Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել
Երբ է սպասվում դեղձենու մասսայական ծաղկումն Արարատյան դաշտում
«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին
Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է
Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ
Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում
Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է
Լեհաստանը զորքեր կուղարկի Ֆրանսիա
© 2024 Հայկական ժամանակ