Երևան
12 °C
Ազգային անվտանգության ծառայությունը չի հասցնում չեզոքացնել ադրբեջանական հատուկ ծառայությունների գործողությունները, որոնց մինիմում նպատակը ՀՀ քաղաքացիներին հայ-ադրբեջանական խաղաղարար կեղծ պլատֆորմին միացնելն է, մաքսիմումը`Բաքու մշտական բնակության տեղափոխելը:
Մինչ ՀՀ երկու քաղաքացի մի քանի օր առաջ հայտարարում էին, որ իրենք մտադրություն չունեին մեկնել Բաքու կամ միանալ որեւէ պլատֆորմի, տեղեկություն ստացվեց, որ արցախցի երիտասարդ քաղաքացիական ակտիվիստ է միանում նույն այդ պլատֆորմին:
Ինչպես հայտնի է Ադրբեջանը գործում է անցյալ տարի Երեւանից ընտանիքով Բաքու տեղափոխված անձնավորության միջոցով, ով աշխատանքի է անցել ադրբեջանական իշխանական լրատվամիջոցում: Նա հայ-ադրբեջանական խաղաղության պլատֆորմին միանալու պատրվակով ինտերնետային կապ է հաստատում ՀՀ քաղաքացիների հետ, զրուցում պատերազմի, Հայաստանի, Ադրբեջանի, Լեռնային Ղարաբաղի մասին եւ ձայնագրում կամ տեսագրում իր զրույցը:
Ենթադրվում է, որ զրույցը սկսվում է «ոչ» ասենք պատերազմներին, կոռումպացված իշխանություններին, «այո» ասենք ժողովուրդների միջեւ բարեկամությունն ու խաղաղությունը» եւ նման այլ համամարդկային արժեքների համատեքստում: Հաջող կոնտակտ հաստատելով, խոսակցությունը հասնում է Բաքու տեղափոխվելու դեպքում դրամական եւ այլ նյութական մեծ խոստումների: Այնուհետեւ նշյալ անձնավորությունն ադրբեջանական կայքում հրապարակում է այս կամ այն ՀՀ քաղաքացու հետ իր զրույցից որեւէ հատված, կամ որեւէ այլ իրեղեն ապացույց եւ հայտարարում, որ Հայաստանից եւս մեկը միացավ իրենց պլատֆորմին:
Երեկ արդեն երրորդ դեպքն արձանագրվեց, երբ սույն ծուղակն ընկած ՀՀ քաղաքացին (Արցախում բնակվող ակտիվիստուհին, ով, ըստ որոշ տեղեկությունների, մի քանի ժամ անցկացրել էր ԼՂՀ ԱԱԾ-ում) հրապարակայնորեն հայտարարեց, որ տեղի է ունեցել թյուրիմացություն, ինքը որեւէ պլատֆորմի չի միանում եւ այլն:
Այս թեմայով նախորդ հոդվածում ենթադրել էինք, որ ադրբեջանական հատուկ ծառայություններն աշխատում են տարբեր երկրներում քաղաքական ապաստան գտած ՀՀ քաղաքացիների հետ: Այսօր արդեն ակնհայտ է, որ թիրախում նաեւ Հայաստանի եւ Արցախի քաղաքացիներն են: Նաեւ գրել էինք, որ Հայաստանի ԱԱԾ-ն նույնպես պետք է աշխատի այդ քաղաքացիների հետ, որպեսզի այս պրոցեսը կանգնեցնի:
Պարզվում է ԱԱԾ-ն իսկապես աշխատում է ՀՀ քաղաքացիների հետ, բայց դա անում է ԿԳԲ-ական հին եւ հարազատ ոճով: Արեւմտյան կրթությամբ, ԱԱԾ երիտասարդ պետը, ըստ երեւույթին դեռ չի հասցրել բարեփոխումներ անել հիմնարկում եւ աշխատանքային նոր, քաղաքակիրթ ոճ մշակել:
Ի՞նչ է անում ԱԱԾ-ն: ԱԱԾ-ն, կարծես թե, ցուցակագրել է բոլոր այն ակտիվ քաղաքացիներին, մշակութային-հասարակական գործիչներին, ովքեր տեսականորեն հնարավոր է միանան հայ-ադրբեջանական խաղաղության պլատֆորմին: Դրանք առաջին հերթին ընդդիմադիր հայացքներով հայտնի մարդիկ են:
Քանի որ ամենասուր ընդդիմադիրները, որոնցից կարելի է նաեւ ծայրահեղ քայլեր սպասել, համակրանք են տածում «Սասնա ծռերի» նկատմամբ, ապա ցուցակի առաջին հորիզոնականում հենց նրանք են`«Սասնա Ծռերին» այս կամ այն կերպ աջակցածները:
Կարծում ենք, հենց այս համատեքստում է օրեր առաջ ԱԱԾ-ն զրույցի կանչվել երգահան Վահան Արծրունուն: Վերջինս ոչ միայն հայտնի է իր ընդդիմադիր հայացքներով եւ անթաքույց համակրում է «Սասնա Ծռերին», այլեւ ամռանն Ազատության հրապարակում մասնակցում էր Ժիրայր Սեֆիլյանի տարեդարձին նվիրված հեղինակային երգի երեկոյին:
Երեկ հայտնի դարձավ, որ նույն օրերին ԱԱԾ է հրավիրվել քանդակագործ Հարութ Կարապետյանը: Վերջինս, դատելով ֆեյսբուքյան նրա էջից, նույնպես համակրում է «Սասնա Ծռերին»: Ի տարբերություն Վահան Արծրունու, Հարութ Կարապետյանը հրաժարվել է զրույցի բանավոր հրավերից, եւ օրենքով սահմանված կարգով պահանջել է իրեն ծանուցագիր ուղարկել: Դրանից հետո հեռախոսի մյուս ծայրում գտնվողն անցել է հայտնի նավթալինոտ ճնշման ձեւերին. «Արա, դու երեւի չհասկացար որտեղից են զանգում, ԱԱԾ-ից են զանգում, դու կապիկություն ես անում»,- քանդակագործի պատմելով ասել է նա:
21-րդ դարի Հայաստանի կրթված քաղաքացուն այս նախադասությամբ այլեւս չես ահաբեկի: «Դուք պարտավոր եք ինձ հետ հարգանքով խոսել: Ես ոչ մեկի հետ պարտավոր չեմ հանդիպել, առանց ծանուցագրի, այլեւս չզանգահարեք ինձ»,- պատասխանել է քանդակագործն ու անջատել հեռախոսը: Էլ ում է ԱԱԾ-ն հրավիրել զրույցի, ով է վախեցել-գնացել, իսկ ով իրեն գրագետ եւ արժանապատիվ պահել, հայտնի չէ:
ԱԱԾ ցուցակում թերեւս հաջորդն ընդդիմադիր կուսակցությունների անդամներն են, ընդդիմադիր քաղաքացիական ակտիվիստները: Կարծում ենք խոսքն իրականում այնքան էլ մեծ թվով մարդկանց մասին չէ, քանի որ այս դաշտի 50 տոկոսը, եթե ոչ ճնշող մեծամասնությունն ԱԱԾ-ի բոլորովին այլ ցուցակներից են, իսկ «Հիմնադիր խորհրդարանի» անդամների հետ ԱԱԾ-ն առհասարակ որեւէ աշխատանք չի տանի հույսով, որ նրանք կտեղափոխվեն Բաքու`«բացելով իրենց իրական դեմքը»:
Եւ, այնուամենայնիվ, սույն մարտավարությունն արդյունավետ չի թվում: Համենայնդեպս այն ժամանակ, երբ Վահան Արծրունուն հարցաքննում էին, թե ինքն ինչ կապ ունի «Հիմնադիր խորհրդարանի» հետ եւ ինչ միջոցներով է ապրում, արցախցի ակտիվիստը տեսակապով Բաքվի հետ էր խոսում:
Իսկ գուցե արժե Հայաստանի եւ Արցախի բնակչությանն ուղղված կո՞չ տարածել, որտեղ կլինեն կոնկրետ անձանց նկարները եւ Բաքվից նրանց գործունեության նկարագրությունը: Եթե ԱԱԾ-ն պատվից ցած է համարում նման կոչը, որովհետեւ նաեւ իր պատճառով է այդ անձը հայտնվել Բաքվում, դա կարող է անել ՊՆ-ն կամ ոստիկանությունը, կամ Տրանսպորտի, կապի եւ տեղեկատվական տեխնոլոգիաների նախարարությունը: Որեւէ պետական գերատեսչություն:
Ի վերջո ՀՀ քաղաքացիները պարտավոր չեն դեմքով ճանաչել Բաքվում աշխատանքի տեղավորվածին եւ կարող են զրույցի բռնվել ցանկացածի հետ ցանկացած թեմայով:
Այդ դեպքում առնվազն մարդկանց հեռախոսով ԱԱԾ հրավիրելու ծիծաղելի գործելաոճի կարիքը չի լինի, մինչեւ տեսնենք Գեորգի Կուտոյանի ֆլետչերյան կրթությունն ինչով կարող է օգտակար լինել ժողովրդին եւ պետությանը:
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
© 2024 Հայկական ժամանակ