Կարեն Կարապետյանը հանդիպել է Ռոբերտ Քոչարյանին. քաղաքական նոր իրավիճա՞կ

Կարեն Կարապետյանի եւ Սերժ Սարգսյանի միջեւ  սպասվող քաղաքական հակամարտության նախանշանները սկսում են նշմարվել: Թվում էր, թե Կարապետյանի` ՀՀԿ-ին անդամակցելուց հետո հնարավոր է լինելու այս պայքարը տեղափոխել ներկուսակցական հարթակ: Այս դեպքում կարելի էր խուսափել կտրուկ եւ տեսանելի պրոցեսներից: Սակայն Կարեն Կարապետյանի վերջին օրերի քայլերից ակնհայտ է, որ նա չի պատրաստվում տեղավորվել Սերժ Սարգսյանի մշակած մարտավարական պլանի մեջ: Նա, կարծես թե, սեփական մարտավարությունն ունի:

Վերջին երկու հանրային հանդիպումների ժամանակ (խմբագիրների հետ հանդիպումը եւ «ՀԸԲՄ 110»-ի շրջանակներում քաղաքացիների հետ զրույցը) Կարապետյանը հետեւողականորեն իր եւ Հանրապետական կուսակցության մեջ անջրպետ առաջացրեց: Բնականաբար, իրեն տեղավորեց դրական ամպլուայում, ՀՀԿ-ին` բացասական:

Հիշեցնենք, «ՀԸԲՄ 110»-ի միջոցառման ժամանակ Կարապետյանին ուղղված հարցերից մեկից եւ դրան տրված պատասխանից հետեւյալ պատկերը ստացվեց. ՀՀԿ-ի վարկանիշը շատ ցածր է, որպեսզի այդ կուսակցությունը կարողանա անհրաժեշտ պլատֆորմ լինել Կարեն Կարապետյանի հետագա գործունեության համար, ուստի նա որոշակի քայլեր է ձեռնարկելու կուսակցության վարկանիշը բարձրացնելու ուղղությամբ` ընդհուպ մինչեւ ապօրինի գործող պաշտոնյաների նկատմամբ քրեական հետապնդումներ սկսելը:

Հասկանալի է, որ խոսքը ՀՀԿ-ական պաշտոնյաների մասին է, որովհետեւ նախ` գրեթե բոլոր պաշտոնյաներն են ՀՀԿ-ական, եւ հետո օրենքից դուրս ավելի վստահ գործում են, հատկապես ՀՀԿ-ականները, իրենց թիկունքին զգալով կուսակցության աջակցությունը: Այս հայտարարությամբ Կարապետյանը լուրջ մարտահրավեր է նետում ՀՀԿ-ականներին եւ հատկապես Սերժ Սարգսյանին` որպես ՀՀԿ նախագահ եւ երկրի ղեկավար, ով առաջին պատասխանատուն է օրենքից դուրս գտնվող իր կուսակից պաշտոնյաների գործունեության համար: Եւ, եթե առաջիկայում քրեական հետապնդումներ չսկսվեն, կստացվի, որ Կարապետյանին Սերժ Սարգսյանը թույլ չտվեց իր հովանավորյալների դեմ քայլեր անել:

Խմբագիրների հետ հանդիպման ժամանակ արդեն Կարեն Կարապետյանն ուղիղ ասաց, որ Հանրապետականին անդամակցելուց հետո իր վարկանիշն անկում է ապրելու: Եւ, այնուամենայնիվ, իր ծառայություններն առաջարկեց 2017-ի նախընտրական փուլում կուսակցությանն քարոզչությունն իրականացնելու առումով:  Նա ասաց, որ եթե պետք է, արձակուրդ կվերցնի եւ կզբաղվի ՀՀԿ-ի քարոզչությամբ. «Եթե ոչ, արձակուրդս ավելի հաճելի բաների համար կօգտագործեմ»:

Սերժ Սարգսյանին ուղղված վճռական հարվածը, սակայն հետեւյալն էր: Հարցին, արդյո՞ք իր եւ Սերժ Սարգսյանի պատկերացումները ՀՀ տնտեսության վիճակի մասին տարբեր են, հնչեց այս պատասխանը. «Նախագահի հետ այսօր մեր աշխատանքը կառուցվում է հետեւյալ կերպ, որ տնտեսական բլոկում մեր այսօրվա թիմն ունի ազատության աստիճան՝ որոշում կայացնելու»:

Խոսելով ազատության աստիճան ունենալու մասին, Կարապետյանը իրականում հայտարարում է սահմանափակումների մասին: Հիշեցնենք, AGBUtalk110 միջոցառման ժամանակ նա գրեթե բաց տեքստով ասաց, որ առայժմ չի կարող լուրջ քայլեր ձեռնարկել ստվերի դեմ: Արդյո՞ք Կարապետյանը նկատի ունի, որ որոշում կայացնելու ազատության իր աստիճանն այստեղ ավարտվում է: Սա, իհարկե, լուրջ հարված է Սերժ Սարգսյանին, որը երկարաշունչ ելույթներ է ունենում երկրում իրական փոփոխություններ, ազատ մրցակցություն, արդարություն հաստատելու մասին:

Հատուկ ուշադրության է արժանի նաեւ Կարապետյանի հայտարարությունը, թե ինքն անձնական հանդիպումներ է ունենում Գագիկ Ծառուկյանի հետ: Գագիկ Ծառուկյանը համարվում է մի ֆիգուր, որը հեշտությամբ հայտնվում է տարբեր քաղաքական գործիչների ազդեցության տակ: Սերժ Սարգսյանն իր հայտնի ելույթում խոսում էր այն մասին, որ Ծառուկյանը երբեմն չի հասկանում` ինչ է ընթերցում, «ոմանք սեփական օրակարգն են գրում, դեմ տալիս՝ մտքում համոզված լինելով, որ «միեւնույն է՝ չի հասկանալու ինչ է հնչեցնում»:

Ինչո՞ւ է Կարեն Կարապետյանը պարբերաբար հանդիպումներ ունենում Ծառուկյանի հետ: Ակնհայտ է, որ անձնական իմաստով Ծառուկյանը չի կարող Կարապետյանին հետաքրքիր լինել, ժամանակ անցկացնելու համար նա ավելի հաճելի ընկերակցություններ կգտներ: Արդյո՞ք, այդ հանդիպումների նպատակը Ծառուկյանին սեփական օրակարգը «դեմ տալը» չէ:

Այս կիրակի իր տան առաջ հավաքված համակիրներին Ծառուկյանն ասում էր, որ երկրի քաղաքական, տնտեսական խնդիրներին պետք է իր մասնակցության մասշտաբը, կարգավիճակը լիարժեք հասկանա, որից հետո հայտարարություն կանի: Արդյո՞ք Կարեն Կարապետյանը հանդիպումների ժամանակ իր խորհուրդներով Ծառուկյանին չի օգնում այս հարցում:

Այս համատեքստում բավական հետաքրքիր է նաեւ Կարապետյանի մեկ այլ հայտարարություն, որ նա արեց խմբագիրների հետ հանդիպման ժամանակ: Արձագանքելով մեղադրանքներին, թե ինքը կառավարության ծրագիրը չի քննարկել ընդդիմադիր քաղաքական ուժերի հետ, Կարապետյանն ասաց. «Բայց ես ծրագիրը գրելու ժամանակ բազմաթիվ ընդդիմադիր քաղաքական գործիչների հետ եմ հանդիպել: Ես հանդիպել եմ՝ ինձ ներառած, տասը վարչապետների հետ, որոնց հետ քննարկել եմ ծրագրերը»:

Հայաստանի նախկին վարչապետները հենց տասն են (Սերժ Սարգսյանին եւ լուսահոգի Անդրանիկ Մարգարյանին եւ Վազգեն Սարգսյանին չհաշված): Նրանցից մեկը` Մեծ Բրիտանիայում ՀՀ դեսպան Արմեն Սարգսյանը Կարապետյանի նշանակումից հետո Հայաստան չի եկել: Տեսականորեն, իհարկե հնարավոր է, որ նա նկատի ունենար նաեւ այլ երկրների վարչապետների, բայց գործնականում` դժվար է պատկերացնել, որ օրինակ Դմիտրի Մեդվեդեւը Կարապետյանի հետ քննարկեր ՀՀ կառավարության ծրագիրը: Կարապետյանը կարող էր, իհարկե, իր ծրագիրը Մոսկվայում քննարկել, բայց թերեւս ոչ վարչապետի մակարդակով:

Ստացվում է, որ ՀՀ նախկին մյուս ինը վարչապետների հետ Կարապետյանը հանդիպումներ է ունեցել, այդ թվում՝ Ռոբերտ Քոչարյանի: Արդյո՞ք վերջինիս հետ հանդիպումը մեկ անգամով սահմանափակվել է, թե՞ Ծառուկյանի նման Քոչարյանի հետ հանդիպումներն էլ պարբերական են: Եթե պարզվի, որ Կարեն Կարապետյանն իսկապես հանդիպումներ է ունենում Քոչարյանի հետ, ապա դա կփոխի քաղաքական դասավորությունների եւ հնարավոր զարգացումների մասին ներկայիս ընկալումները:

Ի դեպ, երեկ Քոչարյանի գրասենյակի ղեկավար Վիկտոր Սողոմոնյանը armtimes.com-ին հայտնել է, որ այս օրերին Քոչարյանը մեկնելու է Մոսկվա մասնակցելու «Սիստեմա»-ի տնօրենների խորհրդի նիստին: Սողոմոնյանն ասել է նաեւ, որ հաջորդ շաբաթվա սկզբին կպատասխանի առաջիկա խորհրդարանական ընտրություններին Ռոբերտ Քոչարյանի առնչության հետ կապված հարցերին:

Տպել
16703 դիտում

ԱՄՆ Սենատում երկրորդ անգամ է վետո դրվել Հայոց ցեղասպանությունը ճանաչող բանաձևի վրա

Նոր օրինագծով հայոց լեզվի քննությունը բուհ ընդունվելիս պարտադիր կլինի, իսկ մինչ այդ խախտվում է «Լեզվի մասին» օրենքը

Չարենցավանի բժշկական կենտրոնի շուրջ 15 տարի լքված մասնաշենքը հիմնանորոգվել է

Իսրայելի գործող վարչապետ Բենյամին Նեթանյահուին պաշտոնական մեղադրանք է առաջադրվել

Փոքր եւ միջին ջերմատնային տնտեսությունների ներդրման պետական աջակցության ծրագիրը բացասական կողմեր չունի. գյուղատնտես

ԱԻՆ գլխավոր քարտուղար Վահագն Օհանյանը շրջայց է կատարել հրշեջ-փրկարարական ջոկատներում. ԱԻՆ

Քննարկվել են «Կուսակցությունների մասին» ՀՀ օրենքում առաջարկվող փոփոխությունները

ԱԻՆ-ում տեղի ունեցավ պաշտոնների նշանակման և հերթական կոչումների շնորհման հանդիսավոր արարողություն

Աղմուկ հանած եւ Կինոկենտրոնից 16 միլիոն դրամ ստացած «Չնչիկ»-ն այս տարի էլ մեծ էկրան չի բարձրանա

Վանաձորի՝ անձրեւի ժամանակ հեղեղվող դպրոցի տանիքը վերջապես կփոխվի (լուսանկարներ)

Նախագահ Արմեն Սարգսյանը հանդիպել է Ուկրաինայի վարչապետ Օլեքսի Հոնչարուկին

Խաշմանյանը պետք է ներողություն խնդրեր երկրպագուներից ու հրաժարական տար. Լեւոն Պաչաջյան

Իտալիայի վարչապետի հետ ունեցանք բովանդակալից և արդյունավետ բանակցություններ. վարչապետ

Ոստիկանները հայտնաբերել են նարկոլոգիական կենտրոնում հաշվառված վարորդների (տեսանյութ)

10-ից ավելի միկրոավտոբուս տեղափոխվել է ճանապարհային ոստիկանության պահպանող հատուկ տարածք. հայտնաբերվել են դանակներ

ԱԺ նախագահը մասնակցել է ԱՊՀ միջխորհրդարանական վեհաժողովի խորհրդի նիստին

ՖԱՖ եւ «Red Eagles» ֆան-ակումբները գիտեն՝ ՀՖՖ ինչպիսի նախագահ են ուզում

Ապօրինի ծառահատումներ Լոռու մարզում. ՀՀ ոստիկանություն

Եթե նախարարի հետ ուսանողների հանդիպում ծրագրվի, ուսանողները նրան կսպասեն ԵՊՀ-ում. դասախոսների ընդունելությունից դժգոհ են

Ժամերի փոփոխությունը հնարավորություն կտա օգտագործելով բնական լույսը՝ խնայել հոսանք եւ ոչ միայն. Ալեն Սիմոնյան