Երևան
17 °C
Իշխանությունն արդեն սկսել է նախընտրական դասավորումները: Ճիշտ է, դրանք դեռ պաշտոնական տեսք չեն ստացել, բայց քննարկումներն ընթանում են:
Մասնավորապես հետաքրքիր պատկեր է ռեյտինգային ընտրակարգում: Հայտնի է, որ նոր Ընտրական օրենսգրքի համաձայն, նախկին 41 ընտրատարածքները կրճատվել, դարձել են 13-ը, ինը՝ մարզերում, չորսը՝ Երեւանում: Կուսակցությունները սկսել են այդ տարածքներում իրենց ռեյտինգային թեկնածուների փնտրտուքներն ու քննարկումները: Ենթադրվում է, որ նախկինում մեծամասնական ընտրակարգով ընտրված պատգամավորների մեծ մասը նորից կընդգրկվեն 2017թ. խորհրդարանական ընտրությունների նախընտրական ցուցակներում: Խոսքը տվյալ դեպքում հիմնականում իշխող Հանրապետական կուսակցությանն է վերաբերում, քանի որ մեծամասնական մանդատների ճնշող մասն այս ուժին է պատկանում:
ՀՀԿ-ն, օրինակ, քննարկում է Շիրակի մարզի ռեյտինգային ցուցակում ընդգրկել մեզ ծանոթ մի քանի գործիչների: Նախ, նախկին մարզպետ Ֆելիքս Ցոլակյանին, որը հիմա Սերժ Սարգսյանի վերահսկողական ծառայության ղեկավարն է: Վերջինս բավական մեծ վարկանիշ ունի Շիրակում եւ մարզի բնակչության կողմից ընդունված գործիչ է: ՀՀԿ-ն հույս ունի նրա միջոցով մարզից որոշակի ձայներ ստանալ: Ֆ. Ցոլակյանը մեզ հետ զրույցում թեեւ չբացառեց այդ հնարավորությունը, բայց հերքեց, որ իր հետ նման քննարկումներ են եղել: Շիրակի մարզում ՀՀԿ-ի ռեյտինգային ցուցակի թեկնածուներից է նաեւ Գյումրիից մեծամասնական ընտրակարգով պատգամավոր դարձած Մարտուն Գրիգորյանը, որը նախկինում ԲՀԿ անդամ էր, բայց առաջիկա ընտրություններին կարծես թե չի ցանկանում այդ կուսակցության հետ համագործակցել: Գյումրիում կա նաեւ ԲՀԿ-ից դուրս եկած քաղաքապետ Սամվել Բալասանյանն՝ իր որդիներով: Շիրակի մարզի նախընտրական քննարկումներից, սակայն, դեռ դուրս է մնացել այնտեղից մեծամասնական ընտրակարգով պատգամավոր դարձած Աշոտ Աղաբաբյանը:
Վերջինս 2016թ. գրեթե չի հաճախել ԱԺ նիստերին, նա նեղացել է իշխանություններից այն բանի համար, որ չօգնեցին պահպանել իրեն պատկանող «Հրազդան» տոնավաճառը կամ նպաստեցին դրա սնանկացմանը: Մենք փորձեցինք Ա. Աղաբաբյանից պարզել, թե ինչ մտադրություններ ունի ընտրություններին ընդառաջ, եւ արդյոք ցանկանո՞ւմ է ընդգրկվել ՀՀԿ-ի ռեյտինգային ցուցակում:
- Պարոն Աղաբաբյան, ունե՞ք մտադրություն Շիրակի մարզից ընդգրկվել ՀՀԿ-ի ռեյտինգային ցուցակում, կամ կուսակցությունից ձեզ նման առաջարկ արվե՞լ է:
- Ոչ, դեռ նման առաջարկ չի եղել: Ես ավելի շատ հակված եմ սպասելու: Բայց կուսակցությունն առաջարկի-չառաջարկի՝ ես մասնակցելու եմ ընտրություններին, կփորձեմ անպայման իմ հնարավորություններն օգտագործել: Դեռ կոնսուլտացիաներ են գնում, երեւի մեր հերթն էլ կգա հարցնելու, թե ինչ պետք է անենք: Երբ առաջարկներ լինեն, հանդիպումներ լինեն, այն ժամանակ պարզ կդառնա:
- Ասում եք՝ հերթը ձեզ հասնի, կքննարկեք: Այսինքն, եկող ԱԺ-ում դուք ուզում եք կրկին պատգամավո՞ր դառնալ:
- Ցանկությունը դեռ քիչ է, կուսակցությունը պիտի հաշվի առնի բոլոր հանգամանքները եւ փորձի ճիշտ ընտրությամբ ճիշտ մարդկանց հետ շարունակել առաջ գնալ:
- Իսկ հնարավո՞ր է այլ կուսակցության հետ համագործակցեք: Հատկապես որ ՀՀԿ-ից նեղացած եք:
- Դա անհնար բան է, ես ինչ գործ ունեմ ուրիշ կուսակցության հետ, ՀՀԿ-ն իմ կուսակցությունն է եւ այն երբեք չեմ փոխի:
- Կուսակցությունն էլ նման որոշում կայացնելու համար պետք է հաշվի առնի նաեւ ԱԺ-ում ձեր գործունեությունը, բայց վերջին շրջանում դուք նիստերին ընդհանրապես չեք մասնակցում:
- Պասիվացնելու համար ինչ-որ պատճառներ գոյություն ունեն: Եթե մենք օրենքներ ենք բերում եւ անցկացնում, ու դրանք ավելի են վատացնում տնտեսության վիճակը, բնականաբար ես դրանց կողմ չեմ եւ դրանց քննարկմանը չեմ գնա: Եթե լինեն այնպիսի հարցեր, օրենսդրական այնպիսի նախաձեռնություններ, որոնք ճիշտ համարեմ, կգամ: Նախ առողջականս այնքան էլ լավ չի, երկրորդն էլ հարցեր կան, որոնք պետք չէ հնչեցնել: Նոր ընտրություններ կլինեն, նոր տեսակետներ, նոր կադրեր կգան: Տեսնենք:
- Ի՞նչ օրենքների մասին է խոսքը:
- Ես թեկուզ ինձ վրա վերցնեմ, գիտեք «Հրազդան» տոնավաճառի հետ տեղի ունեցածը, ինչը ֆինանսների նախկին նախարարի ոչ ճիշտ մոտեցման արդյունք էր: Քանդվեց տոնավաճառը, մենք էլ սնանկացման գնացինք: Ոչ ճիշտ մոտեցումներով, տույժ ու տուգանքներով այդ հիմնարկը միանգամից քանդեն՝ գցեն մի կողմ, ու հաշվի չառնե՞ն, որ այնտեղ 200-300 հոգի են աշխատում: Նման օրենքներն են մեր տնտեսության հիմնական քանդողները:
- Իսկ չե՞ք կարծում, որ 2017թ. ընտրություններին երկրում ու հատկապես Շիրակի մարզում ՀՀԿ-ն կարող է պարտվել: Չէ՞ որ սոցիալ-տնտեսական ծանր իրավիճակի պատճառով ՀՀԿ-ի նկատմամբ դժգոհությունը մեծ է:
- Եթե վատ նախարարներ ենք ունեցել, դա չի նշանակում, որ կուսակցությունը վատն է, բայց այնպես էլ չի կարող լինել, որ կուսակցությունը հարյուր տոկոսանոց լավը լինի: Չէ՞ որ հասարակության տարբեր շերտերը յուրաքանչյուր կուսակցության մեջ էլ կան: Կա թե լավը, թե վատը, պետք է ճիշտ ընտրություններով առաջնորդվել, որ կարողանանք մեր խնդիրները լուծել: Պետք է նորից անդրադառնամ նախարարներին, որոնք ինչի՞ համար են ազատվել, թերությունների համար, չէ՞: Ֆինանսների նախարարը, օրինակ:
- Ֆինանսների նախկին նախարար Գագիկ Խաչատրյանին բազմաթիվ բիզնեսներ կամ կոռուպցիոն երեւույթներ են վերագրվում:
- Իհարկե, բա այդ ամենը նշանակություն ունի, բա դրանց համար չպե՞տք է պատասխանատվություն կրեն: Հատկապես որ ուսումնասիրելով այդ նախարարների ունեցվածքը, պարզ կարելի է հասկանալ, թե դրանք ինչի արդյունքում են գոյացել: Այդպիսի բաներ են արել, դրա համար էլ պետք է պատժվեն:
- Իսկ ինչպե՞ս եք գնահատում վարչապետի եւ կառավարության փոփոխությունները:
- Դրական, վարչապետի քայլերը շատ ճիշտ են եւ հստակ, որովհետեւ երբ ասում ենք՝ դաշտը մաքրել, դա նշանակում է, որ այն նախարարները, ովքեր տարբեր ճանապարհներով օգտվում են դաշտից, չլինեն: Պետք է տնտեսական դաշտը ազատ պահեն, սահմանի վրա մեր մաքսային կետերում բոլորը հավասար իրավունք ունենան, վստահեն տնտեսությանը, մարդկանց թույլ տան աշխատել, թույլ տան միջին բիզնեսը զարգանա: Իսկ դրա համար հարկավոր է արտադրություն, արտահանում եւ ոչ թե դրսից բերեն ու այստեղ վերավաճառեն: Տնտեսության մեջ պետք է հավասարության սկզբունքը պաշտպանեն:
- Կարծում եք, դուրս եկածները հենց այն նախարարնե՞րն են, որոնցից մաքրվեց դաշտը:
- Ինչ խոսք:
21-րդ դարում մենք ականատես եղանք հերթական էթնիկ զտման քաղաքականության ու դրա հետևանքներին. ԱԳՆ
Բռնցքամարտի ԵԱ․ Հայաստանն ունի 7 ներկայացուցիչ
ՀԱՊԿ-ը պահպանում է Հայաստանի հանդեպ բոլոր պարտավորությունները. գլխավոր քարտուղար
Նիկոլ Փաշինյանն ու մյուս բարձրաստիճան պաշտոնյաները հարգանքի տուրք են մատուցել 1,5 միլիոն հայերի հիշատակին (լուսանկարներ)
Քաղաքացին նախկին ճոպանուղու շենքի 2-րդ հարկից ընկել է զրոյական հարկ
Սուրբ Նահատակների լույս հիշատակի առջև մեր նվիրական պարտքն է պաշտպանել ամբողջականությունը մեր հայրենի երկրի․ Վեհափառ
Վարչապետը տիկնոջ հետ ներկա է գտնվել Հայոց ցեղասպանության զոհերի հիշատակին նվիրված համերգին (լուսանկարներ)
Թող Հայաստանի Հանրապետությամբ մխիթարված ննջեն Մեծ եղեռնի և մեր բոլոր մյուս նահատակները․ վարչապետ
Նորատուսի գերեզմանատանը պայթյուն-փլուզում է տեղի ունեցել․ հայտնաբերվել է տղամարդու դի
Առաջին անգամ Հայաստանի և Ադրբեջանի կյանքում սպիտակի վրա գրվել է 2-ի անուններն՝ առանց մի կաթիլ արյուն թափվելու․ Խաչատրյան
Տեղի է ունեցել «Քաղաքացիական պայմանագիր» կուսակցության վարչության նիստ․ ինչ հարցեր են քննարկվել
Ճանապարհները որ փակում եք, դուք Հայաստանը գցում եք շրջափակման մե՞ջ, հակառակորդի դերը վերցրել եք ձեր վրա՞․ Քոչարյան
ՌԴ պաշտպանության փոխնախարարը ձերբակալվել է կաշառք ստանալու կասկածանքով
Ադրբեջանի ԶՈՒ-ն Հայաստանի ինքնիշխան տարածքում է, ամենայն հավանականությամբ այդտեղ կսկսենք բանակցային գործընթաց․ Քոչարյան
ՄԻՊ արագ արձագանքման խումբը մեկնել է Ոստիկանության Նոյեմբերյանի բաժին
ՄԻՊ-ը տեսակցել է Դավիթ Տոնոյանին․ վերջինս մտահոգություններ է ներկայացրել
Ինչպես է Մալաթիայի շուկայում կանխվել հրդեհի տարածումը․ մանրամասներ
Զովունիում մեքենաներ են բախվել
Առաջարկվում է շրջիկ առևտուր իրականացնել նաև համայնքներում․ տարածքները կսահմանի ավագանին
Բերման է ենթարկվել Սուրեն Պետրոսյանը
ԱԽ քարտուղարը Ռուսաստանի Դաշնություն չի մեկնի
Եթե իրավիճակը Տավուշում շիկանա, օրենքը թույլ Է տալիս ՀՀ տարածքի որոշակի մասում արտակարգ դրություն հայտարարել. Խալաթյան
Ուկրաինայի պաշտպանության փոխնախարարը պաշտոնանկ է արվել
Սահմանազատման գործընթացի մեկնարկի ամենակարևոր կետը սկզբունքի համաձայնեցումն է, որից Ադրբեջանը խուսափում էր․ Խանդանյան
Բռնցքամարտի ԵԱ․ Անուշ Գրիգորյանը կիսաեզրափակչում է
ԱՄՆ պետդեպարտամենտը զեկույցով արձանագրել է հայերի նկատմամբ Ադրբեջանի կողմից մարդու իրավունքների խախտումների դեպքերը
Հայաստան եկած ռուս խաղաղապահները վերադարձել են Լեռնային Ղարաբաղ․ «Ազատություն» (տեսանյութ)
Կարմրուկի համաճարակային իրավիճակը ուշադրության կենտրոնում է․ Անահիտ Ավանեսյանը խորհրդակցություն է անցկացրել
Պարույր Հովհաննիսյանը Արգենտինայի դեսպանին է ներկայացրել Հայաստանի և Ադրբեջանի միջև ընթացող խաղաղության գործընթացը
Նախագահը Քյուրքչյանին և FASTEX-ի տնօրենին մանրամասներ է հայտնել Հայաստանի և Ադրբեջանի միջև սահմանազատման գործընթացից
Վստահ եմ՝ բարձր կպահեք դատարանի հեղինակությունը․ նախագահի նստավայրում տեղի է ունեցել դատավորների երդման արարողություն
Իջևանի «Մայիսյան կամուրջ» ընկերության հանրային սննդի օբյեկտի գործունեությունն անհապաղ կասեցվել է (լուսանկարներ)
Վարչապետն ու Ժիլբեր-Լյուկ Դըվինազը մտքեր են փոխանակել «Խաղաղության խաչմերուկ»-ի շուրջ, անդրադարձել սահմանազատմանը
ՄԻՊ-ը մշտադիտարկում է Տավուշում հավաքի ժամանակ ավտոմեքենայի բազմության մեջ մխրճվելու և 1 անձի վնասվածք ստանալու լուրերը
ՁՊՎ-ում հայտնաբերվել է օրեր առաջ զոքանչին ծանր մարմնական վնասվածք պատճառելու համար ձերբակալված տղամարդու կախված մարմինը
Բրիտանական ԶԼՄ-ների ներկայացուցիչները Ջերմուկում են, քննարկվել է բնակչության հոգեբանական վիճակը․ Արսենյան (լուսանկարներ)
Վիճաբանության ժամանակ որդին մոր ներկայությամբ դանակով հարվածներ է հասցրել հորը, սպանել․ 38-ամյա տղամարդը կալանավորվել է
Կրթական ոլորտում կան շատ խնդիրներ, որոնք հետևողականորեն պետք է լուծվեն, կողմ եմ Ակադեմիական քաղաքի կառուցմանը. Դումանյան
Սա գրվող պատմություն է մի նոր․ Սիմոնյանի գրառումը Տավուշ-Ղազախ հատվածում տեղադրված առաջին սահմանային սյան վերաբերյալ
Պետք է այս մեծ, բարդ խաղում լուծել, թե ինչպես «2,5 գյուղ սահմանագծի դեմ» բանաձևում ստանանք այն, ինչ մերն է․ Սաֆարյան
© 2024 Հայկական ժամանակ