Սերժ Սարգսյանի Ա և Բ պլանները. իսկ ո՞վ է լինելու 2018թ. վարչապետը

Շաբաթ օրը տեղի ունեցած ՀՀԿ համագումարում Սերժ Սարգսյանը միաձայն վերընտրվեց կուսակցության նախագահի պաշտոնում:

ՀՀԿ նորընտիր նախագահը կուսակցության գործադիր մարմնի 21 հոգանոց կազմ ներկայացրեց: 21-ն էլ իրենց հերթին միաձայն ընտրվեցին: Այսպիսով, ՀՀԿ նոր ԳՄ-ն հետեւյալ կազմն ունի՝ Սերժ Սարգսյան, Հովիկ Աբրահամյան, Արմեն Աշոտյան, Կարեն Ավագյան, Վահրամ Բաղդասարյան, Գագիկ Բեգլարյան, Ռուբեն Թադեւոսյան, Մուշեղ Լալայան, Կարեն Կարապետյան (վարչապետ), Կարեն Կարապետյան (ԱԺ պատգամավոր), Հրանուշ Հակոբյան, Դավիթ Հարությունյան, Արփինե Հովհաննիսյան, Տարոն Մարգարյան, Գագիկ Մինասյան, Հերմինե Նաղդալյան, Սամվել Նիկոյան, Էդուարդ Շարմազանով, Գալուստ Սահակյան, Սամվել Ֆարմանյան եւ Վիգեն Սարգսյան: Հիշեցնենք, ՀՀԿ ԳՄ նախորդ կազմը 19 հոգանոց էր:

Նոր ԳՄ-ից դուրս մնացին ՀՀԿ հնաբնակներից՝ կուսակցության այլեւս նախկին փոխնախագահ Ռազմիկ Զոհրաբյանը (նա առողջական լուրջ խնդիրներ ունի) եւ առողջապահության նախկին նախարար Դերենիկ Դումանյանը (որը վերջերս կոռուպցիոն մեծ սկանդալի կենտրոնում հայտնվեց): Սերժ Սարգսյանը հայտարարեց, որ առաջիկա օրերին տեղի կունենա ԳՄ նիստ, որի ժամանակ կձեւավորովի ՀՀԿ խորհրդի կազմը, ապա ՀՀԿ նախագահի տեղակալները կընտրվեն: Ենթադրվում է, որ տեղակալներից մեկը հենց վարչապետ Կարեն Կարապետյանը կլինի:

Սերժ Սարգսյանը հայտարարեց նաեւ, որ 2017 թվականի խորհրդարանական ընտրություններում վստահության քվե ստանալու պարագայում իրենց կառավարությունը կրկին կգլխավորի վարչապետ Կարեն Կարապետյանը՝ շարունակելով իրագործել արդեն իսկ նախանշված ծրագիրը:

Այն, որ Կարապետյանն առաջիկա խորհրդարանական ընտրություններից հետո կվերանշանակվի վարչապետ, կանխատեսելի էր: Դժվար թե նրան Ռուսաստանից «Գազպրոմի» համակարգում զբաղեցրած բարձր ու խիստ եկամտաբեր պաշտոնից Հայաստան վերադարձնեին ու վարչապետ նշանակեին ընդամենը վեց-յոթ ամսվա համար: Կարապետյանն ինքն էլ ԼՂՀ կատարած այցի ժամանակ անդրադառնալով իր պաշտոնավարման ժամկետներին՝ հայտարարել էր. «Ես որ ասեմ՝ եկել եմ վեց ամսով, դուք ինձ կհարգե՞ք»:

Այսինքն՝ առանց Սերժ Սարգսյանի հայտարարության էլ արդեն հասկանալի էր, որ եթե հաջորդ ԱԺ-ում ՀՀԿ-ն կարողանա նորից մեծամասնություն ունենալ, Կարեն Կարապետյանը կվերանշանակվի իր պաշտոնում ու կպաշտոնավարի առնվազն մինչեւ 2018 թվականը: Այս դեպքում ինտրիգը վերաբերելու է 2018-ից հետո ձեւավորվելիք կառավարությանն ու վարչապետին: Ինչպես հայտնի է, նոր Սահմանադրությամբ՝ կառավարությանը վերաբերող հատվածն ուժի մեջ է մտնելու «նորընտիր հանրապետության նախագահի կողմից իր պաշտոնի ստանձնման օրը»: Այսինքն, նոր Սահմանադրությամբ ձեւավորվելիք կառավարման խորհրդարանական համակարգը լիարժեք կգործի մինչեւ 2018 թ: Եվ այդ ժամանակ նոր նախագահի փոխարեն երկրի իրական ղեկավարը կդառնա վարչապետը:

Իսկ ով է լինելու այդ ժամանակ ՀՀԿ վարչապետի թեկնածուն, եթե ընդունենք, որ այդ կուսակցությունն է ձեւավորելու հաջորդ խորհրդարանի կայուն մեծամասնությունը, եւ ինքն է ձեռք բերելու կառավարություն ձեւավորելու ու երկրի ղեկավար ընտրելու իրավունքը: Հիշեցնենք, սահմանադրական փոփոխություններից առաջ Սերժ Սարգսյանը հայտարարել էր, որ կառավարման խորհրդարանական համակարգին անցնելու դեպքում ինքը չի ցանկանում դառնալ վարչապետ: Իր հետագա ելույթներում ու հարցազրույցներում, սակայն, նա ոչ միայն իր այդ հայտարարությունը չպնդեց, այլեւ ավելին՝ հավելեց, որ այդ հարցը պայմանավորված է խորհրդարանական ընտրությունների արդյունքներով: Այսինքն, ՀՀԿ-ն 2018-ին վարչապետի 2 պոտենցիալ թեկնածու ունի՝ Սերժ Սարգսյան եւ Կարեն Կարապետյան: «Կարողաներով չխոսենք: Այդ հարցին անդրադառնալը դեռ շատ վաղ է»,- երեկ մեզ հետ զրույցում հայտարարեց ԱԺ ՀՀԿ խմբակցության ղեկավար Վահրամ Բաղդասարյանը: Հիշեցնենք, սակայն, որ 2018թ. վարչապետի համար մշտական բնակության սահմանադրական պահանջ կա, որին Կարեն Կարապետյանը չի բավարարում. նա չունի վերջին 4 տարիներին ՀՀ մշտական բնակություն:

Բայց եթե առաջիկա խորհրդարանական ընտրություններին ընդառաջ Կենտրոնական ընտրական հանձնաժողովը նրա թեկնածությունը հաստատի ՀՀԿ համամասնական ցուցակում, այդպիսով կլուծի նաեւ նրա՝ 2018թ. վարչապետ դառնալու համար անհրաժեշտ մշտական բնակության ցենզը: Դատելով ամեն ինչից, Սերժ Սարգսյանը հենց նրան է պատրաստում որպես ՀՀ ապագա վարչապետ եւ ղեկավար: Ու տպավորությունն այնպիսին է, որ Սարգսյանն այդպիսով իշխանությունը սահուն հանձնելու գործընթաց է սկսել:

Դառնալով Սերժ Սարգսյանի՝ վարչապետ դառնալուն վերաբերող իրարամերժ հայտարարություններին, նկատենք, որ նախ իշխող կուսակցության նախագահը ԱԺ ընտրություններին ընդառաջ եւ իր պաշտոնավարման ժամկետից ավելի քան մեկ տարի առաջ չի կարող բացահայտ ասել, որ հեռանում է իշխանությունից: Այդ պարագայում նա թերեւս նույն պահին կկորցնի իր թե՛ քաղաքական, թե՛ վարչական լծակները ու դրանք ավտոմատ կհանձնի Կարեն Կարապետյանին: Այսինքն, պաշտոնավարման ժամկետի ավարտից 1 տարի առաջ կկորցնի իշխանությունը: Մյուս կողմից էլ խորհրդարանական ընտրություններին հաղթելու գնացող կուսակցության նախագահը չի կարող ժամանակից շուտ դիրքերը հանձնել:

Բայց եթե Սարգսյանն իսկապես մտքափոխվել է եւ 2018թ. նախագահի իր լիազորությունների ավարտից հետո ցանկանում է վարչապետ նշանակվել, ապա նա այդ հարցը հեշտացնում է նույն Կարապետյանին վարչապետ նշանակելով: Այդպիսով, նա փորձում է ընտրություններից առաջ հասարակության մեջ դրական փոփոխությունների լուրջ սպասումներ առաջացրել: Կառավարության փոփոխությամբ ու դեռեւս շարունակվող պաշտոնանկություններով տպավորություն է ստեղծում, որ մարդկանց փոխելուց հետո կսկսի նաեւ կորած արդարությունը աշխատել, որից մեկ տարի հետո արդեն կարող է վարչապետ դառնալ: Եվ չի բացառվում, որ Սերժ Սարգսյանը Կարեն Կարապետյանի հետ ունի հենց այս համաձայնությունը:

Բայց որպեսզի այդ ընթացքում Կարապետյանը հանկարծ իր տեղն այնպես չպնդացնի, որ նրան իշխանությունից հեռացնելը դժվար լինի, այդ գործընթացը ապահովագրվել է Սահմանադրության անցումային դրույթներով: «Նորընտիր հանրապետության նախագահի կողմից իր պաշտոնը ստանձնելու օրը կառավարությունը ներկայացնում է իր հրաժարականը: Հանրապետության նախագահն անհապաղ ընդունում է կառավարության հրաժարականը»,- պահանջում է նոր Սահմանադրության 212-րդ հոդվածը:

Իհարկե, մինչեւ 2018թ. դեռ երկար ժամանակ կա, եւ այդ ընթացքում կարող են շատ բաներ փոխվել: Այնպես, ինչպես ժամանակին նախագահի կամ վարչապետի պոտենցիալ թեկնածու համարվող Սեյրան Օհանյանը հայտնվեց երիտասարդ թոշակառուի կարգավիճակում:

Տպել
4166 դիտում

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն