«Չիմանան, թե գյուղն անտեր է». թալիշեցի տղամարդիկ գյուղ են վերադարձել

Արդեն մի քանի օր է՝ Մարտակերտի շրջանի Թալիշ գյուղը նորից սկսել է «շնչել». ապրիլյան պատերազմից հետո թերեւս առաջին անգամ գյուղում ծխնելույզի ծուխ է դուրս գալիս:

Պատերազմից հետո գյուղը լքած քաղաքացիներից ոմանք սկսել են գյուղ վերադառնալ, այնտեղ ապրել, գյուղին տիրություն անել: Հաշվի առնելով թշնամու կրակի տակ գտնվելու անմիջական վտանգը՝ Թալիշ վերադարձածներն առայժմ միայն տղամարդիկ են:

«10 հոգի են, գյուղի տղամարդկանցից, խաղաղ բնակիչներից: Բոլորի ընտանիքները գտնվում են Ալաշանում: Այն տղաներն են, որոնք ժամանակ ունեն, մշտական աշխատանքի մեջ ընդգրկված չեն: Շուրջ 10 օր է, որ այնտեղ են, բայց ոչ թե ապրում են ամեն մեկն իր բնակարանում, այլ բոլորը իրար հետ մի տան մեջ են: Երիտասարդ, բազմազավակ ընտանիքների համար կառուցված տանն են մնում, պայմանները նորմալ են: Ես էլ երեկվանից այնտեղ էի, այսօր նոր գնում եմ Ալաշան: Էնքանով է լավ, որ գյուղում լինեն գյուղացիներ, որ վնասներ չպատճառվի տներին, հողատարածքներին: Չիմանան, թե գյուղն անտեր է: Դրա հետ միասին էլ տեսնենք ինչ կարող ենք անել: Այսօրվա դրությամբ գյուղում լուսավորության վրա որոշակի աշխատանքներ են կատարվում, ուզում ենք ջրամատակարարման ցանցի վրա աշխատել»,- մեզ հետ զրույցում ասաց Թալիշի գյուղապետ Վիլեն Պետրոսյանը, ով ապրիլյան պատերազմից հետո գյուղացիների հետ միասին տեղափոխվել եւ բնակվում է Ալաշանում:

Հարցին, թե արդյո՞ք պատերազմից հետո եղած վտանգը վերացել է՝ Պետրոսյանը պատասխանեց, որ ամեն ինչ նույնն է: «Իհարկե կրակոցներ չկան այս պահին, բայց ամեն ինչ նույնն է: Երեկվանից ես գյուղում էի, խաղաղ էր՝ նաեւ դիրքերի հետ կապված: Գուցե գնդացրային կրակոցներ եղել են դիրքերի վրա, բայց մեծ տրամաչափի զենքերից կրակոցներ չեն եղել»,- ընդգծեց նա:

Անդրադառնալով տների վիճակին՝ գյուղապետն ասաց, որ կան տներ, որ հնարավոր չէ ապրել, բայց քիչ չեն բնակարանները, առանձնատները, որ թեեւ հրթիռակոծությունից ապակիները ջարդված են, բայց ապրել հնարավոր է:

Մեր հարցին, թե արդյոք մոտ ապագայում հնարավոր է կանանց ու երեխաներին գյուղ տանել՝ Պետրոսյանը այսպես արձագանքեց. «Եկեք ժամանակից առաջ չընկնենք: Ժամանակը կգա, բարին հետը, ես խոստումներ չտամ դրա հետ կապված»:

Խոսելով թալիշեցիների տեղաբաշխվածության մասին՝ գյուղապետն ընդգծեց, որ այսօրվա դրությամբ Թալիշի ընդհանուր բնակչության կեսը Ղարաբաղում է, կեսը Հայաստանում: «Գյուղում ունեինք 500 բնակիչ. եթե ապրիլին 120-130-ն էր Ղարաբաղում, մյուսները Հայաստանում էին, այսօր կիսվել է, 250-ը Ղարաբաղում են, 250-ը՝ Հայաստանում»:

Հիշեցնենք, որ Թալիշը 550 բնակիչ ունեցող գյուղ էր: Ապրիլյան պատերազմի ժամանակ Թալիշ գյուղի հարակից դիրքերը գրավվեցին հակառակորդի կողմից, ինչի պատճառով գյուղի բնակիչները սփռվեցին Ղարաբաղով ու Հայաստանով մեկ: Մեծ թվով թալիշեցիներ այժմ տեղավորվել եւ ապրում են Ալաշանում:

Ի դեպ, ռազմական փորձագետ Տիգրան Աբրահամյանն այսօր ֆեյսբուքյան էջում գրել էր, որ «Թալիշ գյուղից հեռացած մարդիկ քիչ-քիչ վերադառնում են հարազատ օջախներ, վերականգնում տնտեսությունները: Ճիշտ է՝ հետ վերադարձածների թիվը մինչ ապրիլյան փուլը եղած ժամանակահատվածի համեմատ էապես փոքր է, սակայն կարևոր է, որ գործընթացը տեղից շարժվել է, ինչը ակնհայտ նաև քաղաքական նշանակություն ունի»:

Տպել
3014 դիտում

Նոր հոդվածներ հայալեզու Վիքիպեդիայում՝ «Հոդված 3» մարդու իրավունքների փառատոնի շրջանակներում

«UPSHIFT Հայաստան» դեռահասների զարգացման ու զորակցման ծրագրի առաջին փուլն ավարտված է

Ելույթ՝ ՄԱԿ-ում, հանդիպումներ Քալիֆորնիայում. Վարչապետն աշխատանքային այց կկատարի ԱՄՆ

Անհրաժեշտ է մշակել և կյանքի կոչել ծնելիության խրախուսման, երեխաներ ունեցող ընտանիքների աջակցության նոր ծրագրեր. Ավինյան

2022 թվականին ակնկալվում է, որ մեր կառավարության արտաքին պարտքը կդառնա 3.1 տրիլիոն դրամ. Մարության

Թմրանյութ պահելու կասկածանքով Սևան քաղաքի հանրային լողափից 60-ամյա տղամարդ է բերման ենթարկվել

Գրանցվել է խոտածածկ տարածքներում բռնկված 19 հրդեհ՝ ընդգրկելով մոտ 9.5հա տարածք

Մխիթարյանի՝ «Ռոմա» տեղափոխության շնորհիվ անհետ կորած 13-ամյա տղան գտնվել է

Մխիթարյանը՝ «Սասուոլո»-ի դեմ խաղի լավագույն ֆուտբոլիստ

Էլեկտրաէներգիայի անջատումներ են սպասվում Երևանում և ևս 7 մարզում

ԱԳ նախարար Զոհրաբ Մնացականյանը հանդիպել է Լիտվայի վարչապետ Սաուլիուս Սկվերնելիսի հետ

Աշխարհի գավաթ. Լևոն Արոնյանը եւ Մաքսիմ Մատլակովը չպարզեցին հաղթողին

Արման Դարչինյանը եւ Գուրգեն Հովհաննիսյանը հաղթեցին. ԱԱ

Թուրքիայից ԵՄ արտահանումը 2019-ի 7 ամսում կազմել է 47.2 մլրդ եվրո

Այսօր առանձին շրջաններում սպասվում են տեղումներ, առաջիկա օրերին՝ առանց տեղումների եղանակ

Հրշեջները մարել են Ներքին Չարբախի գերեզմանատանը բռնկված հրդեհը

Դատավոր Դավիթ Գրիգորյանը դատական հայց է ներկայացրել ԲԴԽ անդամ Լիպարիտ Մելիքջանյանի դեմ

Արմավիրի մարզադաշտը կարող է վերանվանվել Նիկիտա Սիմոնյանի անունով

Բակո Սահակյանն ընդունել է «Իմ քայլը» հիմնադրամի եւ «Վորլդ Վիժոն»-ի ներկայացուցիչներին

Չինացի ներդրողները դեռ պետք է որոշեն`գալիս են Հայաստան, թե ոչ․ վարչապետը՝ Ալավերդու պղնձաձուլարանը վերագործարկելու մասին