ՀՀ-ն ողջունում է ռուսերենի հատուկ կարգավիճակի գաղափարը, տաքսիստների հարցերն էլ կլուծվեն

Ռուսաստանի ԱԳՆ հատուկ կարգադրությունների դեսպան Էլեոնորա Միտրոֆանովան օրերս հայտարարել է, որ ՌԴ-ն պետք է ջանք գործադրի նախկին ԽՍՀՄ պետություններում ռուսերենին օրենսդրական հատուկ կարգավիճակ տալու ուղղությամբ: «Մեկ սերունդ հետո մենք կբախվենք այն փաստին, որ մարդիկ կդադարեն ռուսերեն խոսելուց»,-ըստ ռուսական ԶԼՄ-ների՝ ասել է Միտրոֆանովան։

Առաջին անգամ չէ, որ ՌԴ պաշտոնյաները խոսում են ԱՊՀ երկրներում, այդ թվում՝ Հայաստանում ռուսերենին հատուկ կարգավիճակ տալու մասին: Նախկինում նույնպես նման հայտարարություններ եղել են: Ի տարբերություն նախորդների, այս անգամ, սակայն,  Հայաստանում քաղաքական եւ հասարակական մակարդակով ավելի ըմբռնումով են մոտենում խնդրին:

ՀՀ ԱԳՆ խոսնակ Տիգրան Բալայանը տարբեր լրատվամիջոցների նույն հարցին, թե Միտրոֆանովայի հայտարարության վերաբերյալ ինչ դիրքորոշում ունի Հայաստանը, պատասխանում է, որ Հայաստանի դիրքորոշումը արտահայտված է Սերժ Սարգսյանի`«Ռոսիա 24» միջազգային լրատվական գործակալության գլխավոր տնօրեն Դմիտրի Կիսելյովին տված  հարցազրույցի համապատասխան հատվածում:

«Մենք անընդհատ ասում ենք, թե ինչպիսի լրացուցիչ ջանքեր գործադրել, որպեսզի Հայաստանում պահպանվի եւ տարածվի ռուսերենը։ Հասկանալի է, որ մեթոդներից մեկն այն է, որ ռեստորանում կամ հյուրանոցում, որտեղ ռուս զբոսաշրջիկներ են մնալու, անձնակազմը լավ իմանա ռուսերեն։ Եվ այդպես շարունակ։ Կարծում եմ, որ արդեն հաջորդ տարի մենք այստեղ մեծ աճ կտեսնենք»,- նշված հատվածում ասում է Սերժ Սարգսյանը:

Ուրիշ ինչպե՞ս ասեր ՀՀ ԱԳՆ խոսնակը, որ Հայաստանը ողջունում է Միտրոֆանովայի  հայտարարությունը: Նման բան ուղիղ հայտարարելու դեպքում մեծ աղմուկ կբարձրանար:  Սերժ Սարգսյանին հարցազրույցին հղում անելը Ռուսաստանի ԱԳՆ գործընկերները, բնականաբար, ճիշտ կհասկանան:  Հայաստանում որոշակի թյուրըմբռնում առաջացավ: Դա, սակայն, այս դեպքում միայն օգտակար է,  քանի որ ավելորդ աղմուկից ազատեց:

Եւս մեկ անգամ ընդգծենք.  ՌԴ ԱԳՆ պաշտոնյան հայտարարում է՝ պետք է ջանք գործադրել, որ ԱՊՀ երկրներում ռուսերեն խոսելը չմոռանան: Այն հարցին, թե այս հայտարարության հետ կապված ինչ դիրքորոշում ունի Հայաստանը, ՀՀ ԱԳՆ խոսնակը  հղում է անում Սերժ Սարգսյանին: Իսկ Սերժ Սարգսյանն ասում է,  որ Հայաստանում պետք է ավելի շատ մարդ ավելի լավ խոսի ռուսերեն:  Այսինքն նույնը, ինչ որ` Միտրոֆանովան:

Սերժ Սարգսյանը հատկապես կարեւորում է, որ հյուրանոցների եւ ռեստորանների անձնակազմերը լավ իմանան ռուսերեն: Բայց չգիտես ինչու մոռանում է նշել տաքսու վարորդներին:Ավելի հավանական է, որ միտումնավոր է շրջանցում, քանի որ այս շարքում ակնհայտորեն նրանց էլ նկատի ունի: Ի վերջո զբոսաշրջիկները  հյուրանոցներ եւ ռեստորաններ այցելում են հիմնականում տաքսիներով: Իսկ Հայաստանում տաքսու վարորդներ կան, որ չեն կարողանում վերջում հաշիվը ռուսերեն ասել:

Հիշեցնենք, որ 2014-ին ՀՀ ԱԺ-ում  հայ պատգամավորների ու լրագրողների հետ հանդիպման ժամանակ նույն Դմիտրի Կիսելյովը դժգոհում էր, որ ՀՀ-ում մոռանում են ռուսերենը՝  Երեւանում տաքսու վարորդը ռուսերեն չի կարողացել հաշիվն ասել: Կիսելյովի հայտարարությունը այն ժամանակ մեծ աղմուկ բարձրացրեց: Այդ օրերին ՀՀ խորհրդարանում մեր երկրում ռուսերենի կարգավիճակի բարձրացման մասին խոսում էր  նաեւ Ռուսաստանի Պետդումայի ԱՊՀ-ի, եվրասիական ինտեգրման եւ հայրենակիցների հետ կապերի հարցերով հանձնաժողովի նախագահ Լեոնիդ Սլուցկին: Իսկ «Ռոսսոտրուդնիչեստվոն» Հայաստանում ռուսաց լեզվի օրեր էր անցկացնում:

Այն ժամանակ ռուսերենի շուրջ աղմուկը մարեց առանց կոնկրետ հետեւանքների: Այս անգամ, կարծես մի փոքր այլ իրավիճակ է: Սերժ Սարգսյանի կանխատեսումը, որ հաջորդ տարի մեծ աճ ենք տեսնելու, որոշակի հարցեր է առաջ բերում: Մասնավորապես` ինչի հաշվին պետք է լինի այդ աճը, ով կամ ովքեր են  զբաղվում այն ապահովելու ուղղությամբ: Գուցե մենք ենք ինչ-որ բան բաց թողել, բայց  ոչ մի կերպ չենք մտաբերում, որ հյուրանոցների, ռեստորանների կամ սպասարկման մյուս ոլորտների անձնակազմերի հետ ռուսերենի հատուկ դասընթացներ կազմակերպված լինեն:

Առաջիկայում, հուսանք, հստակություն կմտնի այս հարցում եւ կիմանանք, թե ինչպես է ՌԴ ԱԳՆ-ն պատկերացնում ԱՊՀ երկրներում ռուսերենին հատուկ կարգավիճակ տալու գործընթացը, եւ ինչ նկատի ունի Սերժ Սարգսյանը՝ ասելով, որ հաջորդ տարի Հայաստանում ռուսերենի իմացության առումով մեծ աճ կտեսնենք:

Ինչ վերաբերում է հատուկ կարգավիճակին, ապա  Հայաստանում ռուսերենը վաղուց արդեն այդպիսի կարգավիճակ ունի, եւ դա ապահովվում է ամենաբարձր մակարդակով: Հայաստանի առաջին տիկինը առանց որեւէ բարդույթի տեսախցիկների առաջ խոսում է ռուսերեն: Ճիշտ է, նա երբեմն նաեւ հայերեն բառեր էլ է օգտագործում, ասենք նախադասությունը սկսում է ռուսերեն, ավարտում`հայերեն, կամ ենթական ասում է հայերեն, ստորոգյալը`ռուսերեն, բայց դրանից ռուսերենի հատուկ կարգավիճակը առանձնապես չի տուժում, որովհետեւ ամբողջ աշխարհը տեսնում է, որ Հայաստանի առաջին տիկնոջ մայրենի լեզուն ռուսերենն է: 

 

Տպել
4663 դիտում

ԱՄԷ-ի ներդրողից 515 մլն դրամ է հափշտակվել. հարուցվել է քրեական գործ (տեսանյութ)

ՇՄ նախարարության աշխատակիցները առանց լրացուցիչ աջակցության իրականացրել են ամբողջ ՀՀ-ի թափոնավայրերի գույքագրում․ նախարար

Տնտեսական հեղափոխությունը ոչ միայն ընթացքի մեջ է, այլև ամեն օրվա հետ թափ է հավաքում. Նիկոլ Փաշինյան

Դատարանը հեռացավ խորհրդակցական սենյակ՝ նախկին պատգամավոր Ալիկ Պետրոսյանի խափանման միջոցի վերաբերյալ որոշում կայացնելու

Վրաստանում շարունակվում են բողոքի ցույցերը. ներքաղաքական ճգնաժամը կարող է անկանխատեսելի զարգացումներ ունենալ

2020 թվականին երկրաշարժի հետևանքով անօթևան մնացած 457 ընտանիքի անհրաժեշտ գումարի չափով վաուչերներ կտրամադրվեն. Միրզոյան

Մոտ ապագայում ՔԿՀ-ներում պահվող անձինք մասնագիտություն կստանան եւ կապահովվեն աշխատանքով. արդարադատության փոխնախարար

Մխիթարյանն ասել է, որ «Արսենալ»-ում մարզչի տակտիկան խանգարել է իրեն գոլեր խփել

Երեւանի քաղաքապետարանի միջոցներով նորոգվում են ստորգետնյա անցումներ

Հայաստանի եւ Թաթարստանի գիտությունների ակադեմիաների միջեւ կնքվել է համագործակցության համաձայնագիր

Երեք ոստիկան ազատվել է ծառայությունից, երկուսը՝ ստացել խիստ նկատողություն (տեսանյութ)

Հայտնի է՝ երբ Ֆինլանդիայում կկայանա այնտեղ ձերբակալված հայ ֆուտբոլասերի դատը

Մարվել է Նոր Գեղի համայնքի կրպակում բռնկված հրդեհը. ԱԻՆ

Մի հատ նայեք՝ վերջին 10-15 տարին մենք որտեղ ենք եղել, դուք՝ որտեղ․ Բաբկեն Թունյանը՝ ընդդիմախոսներին

Հայտնի է ապօրինի որդեգրումներին մասնակից ՊՈԱԿ-ների անունները. օտարերկրացիները 2 տարում 2 մանկատնից 76 երեխա են որդեգրել

ՀԱՅԲԻԶՆԵՍԲԱՆԿԸ Վանաձորում անցկացրեց փոքր և միջին բիզնեսի զարգացման վերաբերյալ Բիզնես Ֆորում

Տավուշի ոստիկանները պայքարում են անտառահատման դեմ․ տնկվել է 1000 ծառ

Հերթական խեղված շունը, կենդանու վրա քիմիական նյութ են լցրել

Դատարանում սկսվել է պատգամավորի գործով տուժող Վյաչեսլավ Հարությունովի վերաբերյալ նիստը

Առանձնապես խոշոր չափերով գումար հափշտակելու համար մեղադրվող փաստաբաններն ազատ են արձակվել