Ֆուտբոլի Աշխարհի 2018թ. առաջնություն. Ֆուտբոլը միայն ձերը չէ

Նոյեմբերի 11-13-ին կայացած Աշխարհի 2018 թվականի առաջնության եվրոպական ընտրական մրցաշարի շրջանակներում կայացած հանդիպումներում անակնկալներ չգրանցվեցին, բայց մի քանի խաղերի շուրջ լրջագույն կրքեր են բորբոքվել մերձֆուտբոլային իրադարձությունների պատճառով: Նախ նշեմ, որ կայացած 4 տուրերից հետո Եվրոպայի ընտրական մրցաշարում ընդամենը 3 թիմեր՝ Աշխարհի գործող չեմպիոն Գերմանիան, նաեւ՝ Շվեյցարիան եւ Բելգիան ունեն 100 տոկոսանոց արդյունք, իսկ 6 երկրների հավաքականներ՝ Սան Մարինոն, Ջիբրալթարը, Լիխտենշտեյնը, Մակեդոնիան, Մալթան եւ Անդորան, չեն կարողացել վաստակել անգամ 1 միավոր: Ընդ որում, Գերմանիան միակ թիմն է ընտրական մրցաշարում, որ դեռ  բաց չի թողել ոչ մի գոլ, իսկ Սան Մարինոն ամենավատ արդյունքն ունի խփած եւ բաց թողած գոլերի հարաբերության առումով՝ 1-17: Ամենալավ եւ ամենավատ ցուցանիշներն ունեցող այս թիմերի միջեւ հանդիպման հետ է կապված առաջին հնչեղ սկանդալը:

8-0՝ այս հաշվով է հաղթել Աշխարհի գործող չեմպիոն Գերմանիան աշխարհի ամենաթույլ հավաքականներից մեկը համարվող Սան Մարինոյին: «Նման կարգի թիմերի հետ խաղերը ոչ մի կապ չունեն պրոֆեսիոնալ ֆուտբոլի հետ: Չեմ հասկանում այս հանդիպումների իմաստը»,- հանդիպման ավարտից հետո հայտարարել է Գերմանիայի հավաքականի ֆուտբոլիստ Թոմաս Մյուլերը: «Բավարիայի» նախագահ Կարլ-Հայնց Ռումենիգեն նույնպես հայտարարել է, թե Սան Մարինոյի կարգի թիմերի հետ հանդիպումներն անիմաստ են եւ բարձրակարգ ֆուտբոլիստները այս խաղերում հանդես գալով՝ ռիսկ են անում վնասվածքներ ստանալ:

Նշեմ, որ Սան Մարինոյի ֆուտբոլը ամբողջապես սիրողական մակարդակի է: Պատմության մեջ Սան Մարինոյի հավաքականը ընդամենը 1 հաղթանակ է տոնել՝ 2004 թվականին Լիխտենշտեյնի հետ ընկերական խաղում, 1-0 հաշվով: Սան Մարինոյի թիմերն էլ եվրագավաթների մրցաշարերում տոնել են ընդամենը 1 հաղթանակ. 2013 թվականին «Տրե Պենեն» պատասխան խաղում հաղթել է մեր Գյումրիի «Շիրակին» 1-0 հաշվով, եւ այս հաղթանակից հետո աշխարհի ամենափոքր երկրներից մեկը համարվող Սան Մարինոյում (տարածքը՝ 61 քառակուսի կմ, բնակչությունը՝ 32 հազար մարդ) տոնական հրավառություն է տեղի ունեցել:

Ամեն դեպքում Մյուլերի եւ Ռումենիգեի խոսքերը վերածվել են ամենաիսկական քաղաքական սկանդալի: Սան Մարինոյի ֆուտբոլի ազգային հավաքականի մամուլի քարտուղար, համատեղությամբ նաեւ երկրի Օլիմպիական կոմիտեի անդամ Ալան Գասպերոնին ֆեյսբուքյան իր էջում պատասխանել է Մյուլերին: «Դու չկարողացար գոլ խփել անգամ Սան Մարինոյի պես թույլ թիմին: Ֆուտբոլը միայն ձերը չէ: Այն Բեկենբաուերի կամ Ռումենիգեի սեփականությունը չէ եւ պատկանում է բոլոր նրանց, ովքեր սիրում են ֆուտբոլը: Գերմանացիները երբեք չեն փոխվում, չնայած պատմությունը նրանց անընդհատ սովորեցնում է, որ մեծամտությունը երբեք չի կարող դառնալ հաղթանակների երաշխիք», - գրել է Գասպերոնին:

Երեկ էլ Սան Մարինոյի կառավարությունն է պաշտոնական նամակ ուղարկել Գերմանիային՝ պահանջելով ներողություն խնդրել Մյուլերի եւ Ռումենիգեի խոսքերի համար: «Սան Մարինոն աշխարհին հայտնի է իր հյուրընկալությամբ: Մեր երկիրը համարվում է աշխարհի ամենահին հանրապետությունը: Գերմանացիների հայտարարությունները անընդունելի են, անհանդուրժելի, եւ մենք սպասում ենք ներողության», - հայտարարել է Սան Մարինոյի պետքարտուղար Թեոդորո Լոնֆերնինին:

Մյուս սկանդալը չի կրում քաղաքական բնույթ, բայց դարձել է եվրոպական մամուլի ծաղրի առարկա: Ադրբեջանի հավաքականը թեեւ արտագնա խաղում պարտվել է Հյուսիսային Իռլանդիայի ընտրանուն 0-4 հաշվով, բայց «ձեռնունայն» չի վերադարձել Բելֆաստից. ադրբեջանցիները իրենց հետ տարել են 12 հազար ֆունտ արժեքով 8 հեռուստացույց: Բրիտանական մամուլը նշում է, որ Ադրբեջանը հյուսիսիռլանդացիներին զարմացրել է ոչ թե ֆուտբոլի մակարդակով, այլ ահռելի ծախսերով: Ադրբեջանի հավաքականը Բելֆաստ է ժամանել շքեղ «Boeing 787 Dreamliner» երկշարժիչ ռեակտիվ լայնիրան ուղեւորային օդանավով, որը առաջին անգամ է վայրեջք կատարել Բելֆաստի օդանավակայանում: Խաղից հետո էլ օդանավի մեկնումը հետաձգվել է մոտ 8 ժամով. Ադրբեջանի հավաքականի մամուլի քարտուղարը հայտարարել է, թե իրենք չէին կարողանում հավաքել ֆուտբոլիստներին, որոնք այդ ընթացքում Բելֆաստի էլեկտրոնիկայի խանութներում գնումներ էին կատարում: 

Տպել
1743 դիտում

Ինչո՞ւ են նախկինները գործում կամիկաձեների դեմ

Մամեդյարովի հետ հանդիպումից առաջ Զոհրաբ Մնացականյանը հանդիպել է Արցախի ԱԳ նախարարի հետ

ԵՄ-ի և ՎԶԵԲ-ի աջակցությամբ Հայաստանում բացվում է մասնավոր բաժնեմասնակցային ներդրումային ֆոնդ` 70 մլն եվրո ներգրավմամբ

Արման Սարգսյանը դիրքեր է ճանապարհել ոստիկանության զորքերի ծառայողներին (տեսանյութ)

Արարատի մարզի Նորամարգ գյուղում այրվել է մոտ 200 հակ անասնակեր

ՀՀ կառավարությունը որդեգրել է նորարարական և ներառական տնտեսություն կառուցելու ուղին. Տիգրան Ավինյան

Հանրայինն ունի իր հայեցողությամբ վերահեռարձակող ընտրելու իրավունք. Արա Շիրինյանի պատասխանը՝ Օղլաղչյանին

Իջեւանում՝ մարզպետարանին հարող կամրջից մինչև հիվանդանոցին հարող կամուրջ կտեղադրվեն լեդ լուսատուներ

Գյումրու դրամատիկականը «Թռիչք»-ով բացեց 154-րդ թատերաշրջանը

Աննա Հակոբյանը տեսակցել է շենքի 6-րդ հարկից ընկած 2․5 տարեկան Արվին Վիքսոմին (լուսանկարներ)

Արցախի Հադրութի շրջանի եւ Ֆրանսիայի Իզեր նահանգի միջեւ ստորագրվել է բարեկամության հռչակագիր. Արցախի ԱԳՆ

Միքայել Մինասյանի ընկերությունը «Առաջին ալիքին» վճարում է մի սերիալի չափ գումար. կոռուպցիոն սխեմայի վտանգ

ԱԳ նախարար Զոհրաբ Մնացականյանը հանդիպել է Ավստրալիայի խորհրդարանական պատվիրակության հետ

Արցախի նախագահը շնորհավորել է ՀՀ նախագահին՝ Անկախության օրվա կապակցությամբ

Առաջին ազատումը՝ Վալերի Օսիպյանի հրաժարականից հետո. 7-րդ վարչության պետն ազատվել է աշխատանքից

Վայոց ձորի մարզի որոշ դպրոցներում իրավիճակի թեժացման փորձերը մտահոգիչ ենք համարում. ԿԳՄՍՆ

Ամուլսարի պաշտպանության համար Երեւանում մեկնարկել է հանրահավաք

Նիկոլ Փաշինյանն ու Լիբանանի ազգային պաշտպանության նախարարը քննարկել են պաշտպանության ոլորտի փոխգործակցության հարցեր

Ադրբեջանցիները թող պատրաստվեն ջախջախվելու՝ սա իսկական առիթ է. Լեւոն Շիրինյան

Ես ոչ մի ծանր բան չեմ արել, զինվորական եմ եղել, նշված հրամաններն էլ ես չեմ գրել․ Սեյրան Օհանյան