Վիգեն Սարգսյանը բանակից գողացողների տեղը լավ գիտի

Զոհված կամ հաշմանդամ դարձած զինծառայողներին հատուցում տալու վերաբերյալ նախագծի քննարկումը լրատվամիջոցներից ու սոցցանցերից երեկ տեղափոխվեց Ազգային ժողովի քառօրյա նիստերի օրակարգ:

Եւ ինչպես սպասվում էր, այն բավական բուռն ընթացք ունեցավ. ոչիշխանական պատգամավորներն իշխանություններից պահանջում էին վերադարձնել բանակից եւ ընդհանրապես բյուջեից թալանած գումարները, եւ դրանով փոխհատուցել այդ զինվորների ընտանիքներին:

Եւս մեկ անգամ հիշեցնենք, որ կառավարությունն իր այս օրինագծով առաջարկում է Հայաստանի յուրաքանչյուր աշխատող քաղաքացուց ամեն ամիս 1000-ական դրամ գանձել եւ փոխանցել զոհված ու հաշմանդամ դարձած զինծառայողներին հատուցում տալու համար ստեղծվելիք հատուկ հիմնադրամ: Իսկ այդ հատուցումը, եթե նախագիծն ընդունվի, կտարածվի 2017թ. հունվարի 28-ից հետո կատարված դեպքերի վրա: Մինչ այդ զոհված կամ հաշմանդամ դարձած զինծառայողներն այս օրինագծով նախատեսված հատուցումը չեն ստանա: 2017թ. հունվարի 28-ից հետո նախատեսվում է մահացած եւ առաջին կարգի հաշմանդամություն ունեցած զինծառայողներին վճարել միանվագ 10 մլն դրամ:

Այնուհետեւ 20 տարիների ընթացքում, եթե զինծառայողը սպա է, ապա նրա ընտանիքին ամսական վճարվում է 300 հազար դրամ, ենթասպայի դեպքում՝ 250 հազար, իսկ շարքային զինծառայողի համար՝ 200 հազար դրամ: Եթե զինծառայողը ծառայության ընթացքում թշնամու գնդակից կամ իրենից անկախ հանգամանքներում ստացել է երկրորդ կարգի հաշմանդամություն, ապա հատկացվում է միանվագ 5 մլն դրամ, իսկ ամսական վճարը վերը նշված աստիճանակարգմամբ կկազմի 250, 150 եւ 100 հազար դրամ:

Իշխանությունների այս նախաձեռնությունը բուռն դժգոհություն է առաջացրել հանրության մեջ ոչ թե այն պատճառով, որ յուրաքանչյուր աշխատող պարտավորված է լինելու ամսական 1000 դրամ վճարել այդ հիմնադրամին, այլ այն պատճառով, որ տարիներ շարունակ պետբյուջեից բանակին հատկացվող գումարների հաշվին բազմաթիվ գեներալներ, բարձրաստիճան սպաներ ու այլ պաշտոնյաներ են հարստացել:

Հանրությունը պահանջում է նախ ետ վերցնել բանակից նրանց գողացած գումարը եւ դադարեցնել այդ թալանը, հետո նոր իրենցից  1000-ական դրամ գանձել: Ազգային ժողովում ու դրսում հնչող այս պահանջներին թե՛ պաշտպանության նախարար Վիգեն Սարգսյանը, թե՛ ԱԺ նախագահ Գալուստ Սահակյանն ու իշխանության այլ ներկայացուցիչներ հակադարձում են՝ տվեք այդ գողերի եւ բանակի հաշվին հարստացածների անունները:

«Հերիք է զբաղվել մուրացկանությամբ եւ 1000 դրամ մուրալ մեր ժողովրդից»,- երեկվա քննարկումների ժամանակ հայտարարեց «Ժառանգություն» խմբակցության պատգամավոր Զարուհի Փոստանջյանը:

«Առաջարկում եմ անուն առ անուն թվարկել այն մարդկանց անունները, ովքեր ՊՆ-ի հաշվին կուտակել են իրենց եւ իրենց ընտանիքի երջանկությունը: Եթե այդպիսիք կան, պետք է վերադարձնեն, բայց վերադարձնեն ոչ թե այդ հիմնադրամ, այլ բյուջե եւ պատասխանատվություն կրեն»,- եզրափակեց Վիգեն Սարգսյանը:

Հիշեցնենք, որ ապրիլյան պատերազմից հետո մի շարք բարձրաստիճան սպաներ պաշտոնանկ արվեցին, ոմանց նկատմամբ քրեական գործեր հարուցվեցին: Նրանցից են, օրինակ, Մելս Չիլինգարյանը, Ալիկ Միրզաբեկյանը, Դավիթ Աբրահամյանն ու այլք: Կոնկրետ այս մարդիկ ՊՆ-ում երկար տարիներ՝ մոտ երկու տասնամյակ, բարձր ու պատասխանատու պաշտոններ են զբաղեցրել, ազդեցություն են ունեցել շրջանառվող ֆինանսական միջոցների վրա եւ հսկայական հարստություն կուտակել: Ու հայտնի չէ, թե պաշտոնանկ արված այս եւ այլ բարձրաստիճան սպաները տարիների ընթացքում տարածից ինչ-որ բան վերադարձրե՞լ են, թե ոչ:

Իհարկե, էլի կան նման շատ բարձրաստիճան սպաներ: Բազմաթիվ են հրապարակումները, որ բանակի հաշվին հսկայական հարստություն է կուտակել ԶՈՒ գլխավոր շտաբի նախկին պետ Յուրի Խաչատուրովը, որը այսօր ԱԽՔ է: Կամ այսօր նրան փոխարինող Մովսես Հակոբյանը, որը, մամուլի հրապարակումների համաձայն, արդեն հասցրել է Երեւանում 1 մլն դոլարանոց առանձնատուն գնել, եւ որին պատկանող գործարանը, ինչպես ԼՂՀ նախկին պատգամավոր Վահան Բադասյանն էր պնդում, բանակին ուռճացված գներով հաց է մատակարարում:

Կարելի է հավելել այն, որ բանակին որեւէ ապրանք մատակարարելն այսօր իշխանությունների կողմից շնորհվող հատուկ արտոնություն է, ինչը քվոտաներով է տրվում տարբեր պաշտոնյաների: Անուններ պահանջող պաշտոնյաները նրանց տեղը շատ ավելի լավ գիտեն, քան այս նախաձեռնությունից դժգոհող պատգամավորներն ու քաղաքացիները: Իսկ հանրությունը պահանջում է իրենցից 1000-ական դրամներ գանձելուց առաջ նախ վերադարձնել թալանն ու նպատակային ծախսել բանակին հատկացված գումարները, որպեսզի ինքը վստահություն ունենա, որ հիմնադրամում հավաքվելիք գումարներն էլ նպատակային կծախսվեն:

Իսկ ինչ վերաբերում է 1000-ական դրամներին, ապա իշխանությունների համար անսպասելի էր, որ նման հանրային դժգոհության կբարձրանա: Բանն այն է, որ ապրիլյան պատերազմից հետո հազարավոր ՀՀ քաղաքացիներ ու արտերկրում ապրող մեր հայրենակիցներ կամավոր կերպով հանգանակություն կատարեցին, որը փոխանցվեց ԼՂՀ կառավարության հատուկ հաշվեհամարին: Այդ օգնությունն ավելի քան 4,5 մլրդ դրամ էր կազմում: Գումարից զատ արտերկրում ապրող մեր հայրենակիցները ավտոմեքենաներ, լուսային ու այլ տեխնիկական միջոցներ նվիրեցին Արցախի բանակին: Նման ինքնաբուխ հանգանակություններից հետո ՀՀ իշխանությունները հավանաբար մտածել են, որ հայ հանրությունը բոլորովին էլ չի ընդդիմանա, եթե յուրաքանչյուրից արդեն օրենքի ուժով ամսական 1000 դրամ գանձվի: Հատկապես որ այդ գումարը հատկացվելու է զոհված կամ հաշմանդամ դարձած զինծառայողների ընտանիքներին:

Հավելենք նաեւ, որ առայժմ հայտնի չէ, թե ամսական որքան գումար պետք է ստանա այդ հիմնադրամը, եթե այս նախագիծն ընդունվի: Անցած շաբաթ, երբ նախագիծը քննարկվում էր ԱԺ գլխադասային հանձնաժողովում, Վիգեն Սարգսյանը մեզ հետ զրույցում ասաց, որ ակնկալում են տարեկան մոտ 3,5 մլրդ դրամ ստանալ: Երեկ նա հայտարարեց, որ միայն պարտադիր 1000-ական դրամներից տարեկան 4,5-5 մլրդ դրամ է հավաքվելու, լինելու են նաեւ կամավոր նվիրատվություններ: Անցած շաբաթ ֆինանսների նախարար Վարդան Արամյանը մեզ հետ զրույցում հայտնեց, թե կառավարության ակնկալիքը 6 մլրդ դրամ է: ՀՀ-ում այսօր աշխատանք ունեն մոտ 550 հազար քաղաքացիներ, եթե նրանք 1000-ական դրամ հատկացնեն, դա ամսական կկազմի 550 մլն, տարեկան՝ 6,5 մլրդ դրամ:

Տպել
4343 դիտում

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա