Կարեւոր է, որ երկրում ամեն ինչ լավ է, միայն դիվանագետներն են վատ աշխատում. Ա. Արզումանյան

2017 թվականի պետական բյուջեով Արտաքին գործերի նախարարությանը կտրամադրվի 13 մլրդ 559 մլն դրամ:

Այս մասին ԱԺ ֆինանսավարկային եւ Արտաքին գործերի մշտական հանձնաժողովների համատեղ նիստում ասաց ֆինանսների նախարարի տեղակալ Ատոմ Ջանջուղազյանը.

«Կա նաեւ պետական արարողակարգի ծառայությունը, որը կունենա 157. 4 մլն դրամ օգտագործելու հնարավորություն: ԱԳՆ-ի համար նախատեսված միջոցներից մեծ մասը նախատեսվում է օգտագործել դեսպանությունների եւ հյուպատոսությունների պահպանման համար, որի համար նախատեսվում է օգտագործել 9 մլրդ 679 մլն դրամ: Ֆինանսական տեսանկյունից հաջորդը նախարարության աշխատազմի պահպանում է, որտեղ կօգտագործվի շուրջ 1.5 մլրդ դրամ»,- ասաց փոխնախարարը:

Փոխնախարարը չբացառեց, որ այս միջոցները կարող են ԱԳՆ-ին չբավարարել, սակայն հավելեց, թե որքան հնարավոր է եղել, հատկացրել են:

ԱԺ ԲՀԿ խմբակցության պատգամավոր Մՙիքայել Մելքումյանին հետաքրքիր էր, թե արդյոք հայաստանյան դեսպանատների համար Հայաստանում ներդրումներ ներգրավելու մասով լրացուցիչ ռեսուրսներ անհրաժե՞շտ են, թե՞ ոչ:

 «Եթե դրա անհրաժեշտությունը լինի, բնականաբար, կդառնա քննարկման առարկա, եւ կփորձենք հնարավորություններ գտնել՝ հաշվի առնելով այդ հարցի կարեւորությունները: Սակայն, կարծում եմ,  այս տեսակետից դեռեւս մտահոգվել չարժե»,- ասաց փոխնախարարը:

ԱԺ ՀՀԿ խմբակցության պատգամավոր Սամվել Ֆարմանյանին հետաքրքրեց բյուջեի նախագծում տեղ գտած 34 միլիոն դրամը.

«Ո՞ր երկրում է դեսպանության շենք կառուցվում»,- հարցրեց նա:

Հարցին պատասխանեց ԱԳ փոխնախարար Շավարշ Քոչարյանը՝ ասելով, որ Բելգիայի դեսանատան շենքի համար կատարվող վճարումն է տվյալ տարվա համար, այլ ոչ թե նոր շենքի կառուցում:

Ի դեպ, նիստը համանախագահում էր Արտաքին հարաբերությունների հանձնաժողովի նախագահի տեղակալ Ալեքսանդր Արզումանյանը, քանի որ հանձնաժողովի նախագահ Արտակ Զաքարյանը գործուղման է:

Կանխելով գործընկերների հարցն Արզումանյանը տեղեկացրեց, որ նախարարը «հարգելի պատճառով բացակայում է երկրից»:

Երբ պատգամավորները դժգոհեցին արտաքին գերատեսչության աշխատանքներից, Ալեքսանդր Արզումանյանը հակադարձեց.

«Կարեւոր է, որ երկրում ամեն ինչ լավ է, միայն դիվանագետներն են վատ աշխատում»:

Սամվել Ֆարմանյանը նաեւ հետաքրքրվեց, թե արդյոք ցանկություն չկա՞ հարեւան Իրանի Իսլամական Հանրապետությունում ավելացնել դիվանագիտական կորպուսը՝ «հաշվի առնելով Իրանի շուրջ միջազգային իրավաքաղաքական վիճակը»:

Շավարշ Քոչարյանը պատասխանեց, որ Իրանում ունեն 5 դիվանագետ.

«Պատահական չէ, որ երբ զգացինք Իրանը դուրս է գալիս պատժամիջոցներից, սկսեցինք քննարկել Իրանի հետ արտոնյալ ռեժիմի շուրջ համաձայնագիրը»,- ասաց փոխնախարարը՝ հավելելով, որ Իրանը ՀՀ-ի միակ հարեւան երկիրն է, որի հետ ունի ցամաքային սահման, ուստի «շահագրիգիռ» են Իրանի հարցում:

Տպել
23532 դիտում

Երեխային կարող է խփել միայն իսկական մանկավարժը. Արմինե Դավթյանի հայտարարությունը մտահոգել է ոլորտի պատասխանատուներին

ՔՊ նիստին որոշվել է ՍԴ նախագահ Հրայր Թովմասյանի լիազորությունները դադարեցնելու գործընթաց սկսել

Եթե Ադրբեջանը Ղարաբաղի հարցում կատեգորիկ եւ կոմպրոմիս չճանաչող է, մենք էլ կասենք` Արցախը Հայաստան է եւ վերջ. Փաշինյան

Վլադիմիր Կարապետյանը մեկնաբանել է Արթուր Վանեցյանի հայտարարությունը

Երեւանի բնակարաններից մեկի նկուղում հայտնաբերվել է 69-ամյա քաղաքացու դի

Փոխվարչապետ Ավինյանն ընդունել է Հայաստանում դիվանագիտական առաքելությունն ավարտող ՄԹ դեսպանին

100 փաստ Նոր Հայաստանի մասին-2. (ամբողջական)

Քաղաքապետը որոշեց քանդել շենքը, դատարանը որոշումն անվավեր ճանաչեց, բայց կառուցապատողը, մեկ է, կքանդի

Ոստիկանները հայտնաբերեցին պոռնկությամբ զբաղվելու մեջ կասկածվող 28 կնոջ (տեսանյութ)

Չեմպիոնների լիգան վերադառնում է. սկսվում է 2019-20 մրցաշրջանը

Վարչապետը Լոռու մարզի Ջրաշեն համայնքում մասնակցել է 4 ընտանիքի բնակարանամուտին

Հայկական Ռոնալդուն. Մխիթարյանը գրավել է «Ռոմայի» երկրպագուների սրտերը

Մեկնարկել է ԱԳ նախարարի պաշտոնական այցը Լիտվա. հանդիպում Լիտվայի ԱԳ նախարարի հետ

Իսակովի պողոտայի մոտ 25-ամյա երիտասարդի են դանակահարել

ԱԺ «Իմ քայլը» խմբակցությունը փակ նիստ է անցկացնում

Իրանի Իսլամական Հանրապետության նախագահին հոկտեմբերի 1-ին սպասում ենք Երեւանում․ Փաշինյան

ՍԴ երկու անդամների հատուկ կարծիքի հրապարակումն ակնհայտ է դարձնում, որ ՍԴ-ն կայացրել է ապօրինի որոշում․ վարչապետ

Ադրբեջանական բանակը լայնածավալ զորավարժություններ է անցկացնում

Արթուր Ալեքսանյանը հրաժարվել է աշխարհի առաջնության եզրափակչին մասնակցելուց

Սեպտեմբերի 24-ից հոկտեմբերի 5-ը կանցկացվի աննախադեպ ծավալի ու բնույթի զորավարժություն. ՊՆ (տեսանյութ)