Ի՞նչ գումարներ են ստացել հայկական թիմերը ՈւԵՖԱ-ից եվրագավաթներին մասնակցելու համար

Երեկ ֆուտբոլի եվրոպական գլխավոր կառույցը՝ ՈՒԵՖԱ-ն, հրապարակել է անցյալ՝ 2015-16 թթ. խաղաշրջանի Չեմպիոնների եւ Եվրոպա լիգաների մասնակիցների միջեւ գումարների բաշխման մասին տեղեկատվություն: Չեմպիոնների լիգայի խմբային փուլի 32 մասնակից, ընդհանուր առմամբ, վաստակել են 1 միլիարդ 345 միլիոն եվրո՝ 315 միլիոն եվրոյով ավելի, քանի նախորդ մրցաշրջանում: Խմբային փուլ մտած յուրաքանչյուր թիմ ստացել է ֆիքսված 12 միլիոն եվրո, խմբային փուլում յուրաքանչյուր հաղթանակի կամ ոչ-ոքիի համար, փլեյ-օֆի յուրաքանչյուր փուլի համար նույնպես գումարներ են նախատեսված, իսկ հիմնական գումարները ձեւավորվել են հեռուստաշուկայի շնորհիվ:

Հետաքրքիր է, որ Լիգայի հաղթող Մադրիդի «Ռեալը» ամենեւին էլ ամենամեծ գումարն աշխատած թիմը չէ: Արքայական ակումբը 2015-16 թվականների մրցաշրջանի համար ստանալու է 80 միլիոն 67 հազար եվրո, եւ սա ընդամենը 2-րդ ցուցանիշն է: Իսկ ամենաշատ գումար ստանալու է անգլիական «Մանչեսթեր Սիթին», որը թեեւ դուրս է մնացել Լիգայի կիսաեզրափակիչից, բայց հեռուստատեսային հեռարձակումներից ստացած գումարների շնորհիվ գերազանցել է անգամ Մադրիդի «Ռեալին»՝ 83 միլիոն, 850 հազար եվրո: Լիգայի եզրափակիչի մասնակից Մադրիդի «Ատլետիկոն» վաստակել է «ընդամենը» 69 միլիոն 665 հազար եվրո եւ նույն հեռուստաշուկայից ստացած գումարների հաշվին զիջում է անգամ քառորդ եզրափակիչ չհասած իտալական «Յուվենտուսին» (76 միլիոն): Լիգայի խմբային փուլի մասնակիցներից նվազագույն գումարը ստացել է միայն պարտություններ կրած Իսրայելի «Մաքքաբին»՝ 16, 7 միլիոն եվրո:

Եվրոպա լիգայի հաղթող իսպանական «Սեւիլիան» աշխատել է ընդհանուր առմամբ 35,1 միլիոն եվրո (21,2՝ Չեմպիոնների, 13,9՝ Եվրոպա լիգաներից) եւ այս ցուցանիշով զիջում է եզրափակիչի մասնակից անգլիական «Լիվերպուլին»՝ 37,8 միլիոն եվրո: Պատճառը բնականաբար հեռարձակումներից ստացված գումարներն են:

ՈՒԵՖԱ-ն հրապարակել է նաեւ այն թիմերի եկամուտները, որոնք չեն կարողացել նվաճել խմբային փուլի ուղեգիր: Այս շարքում են նաեւ հայկական թիմերը. հիշեցնեմ, որ նախորդ մրցաշրջանում Հայաստանի չեմպիոն «Փյունիկը», ինչպես նաեւ Եվրոպա լիգայում հանդես եկած Գյումրիի «Շիրակը» եւ «Ալաշկերտը» կարողացան հաղթահարել 1-ական փուլ, իսկ ահա արդեն գոյություն չունեցող «Ուլիսը» Եվրոպա լիգայի խաղարկությունից դուրս մնաց նախնական առաջին իսկ փուլից հետո: Համաձայն ՈՒԵՖԱ-ի պաշտոնական հաշվետվության՝ նախորդ 2015-16 թվականների մրցաշրջանի համար մեր չեմպիոն «Փյունիկը» ստացել էր 750 հազար եվրո, իսկ Եվրոպա լիգայի մասնակիցներ «Ալաշկերտը» եւ «Շիրակը»՝ 410-ական, «Ուլիսը»՝ 200 հազար եվրո: Պրոֆեսիոնալ ակումբների մանկապատանեկան ֆուտբոլը զարգացնելու համար Հայաստանը ՈՒԵՖԱ-ից ստացել է նաեւ 395,6 հազար եվրո:

Ընդհանուր առմամբ, հայկական ակումբները միասին ՈՒԵՖԱ-ից ստացել են 2 միլիոն 165 հազար եվրո գումար: Եվրոպական անգամ միջին մակարդակի թիմերի համար այս թվերը, իհարկե, ծիծաղելի են, բայց բավական «տանելի» Հայաստանի համար: ՈՒԵՖԱ-ն հրապարակել է նաեւ ընթացիկ՝ 2016-17 թվականների մրցաշրջանում ակնկալվող գումարների չափերը եւ դրանց բաշխման մեթոդոլոգիան: Նախնական հաշվարկները ցույց են տալիս, որ մեր թիմերը համեմատած նախորդ մրցաշրջանի հետ, ավելի մեծ գումարներ են ստանալու: Հիշեցնեմ, որ ամռանը Չեմպիոնների լիգայում հանդես եկած «Ալաշկերտը», Եվրոպա լիգայի խաղարկությունում հանդես եկած «Շիրակը» կարողացան մեկական փուլ հաղթահարել, իսկ Եվրոպա լիգայի մեր մյուս 2 մասնակիցները՝ «Փյունիկը» եւ «Բանանցը», մրցաշարից դուրս մնացին հենց առաջին փուլից հետո:

Տպել
2099 դիտում

Հաֆթարի ուժերը հայտարարել են Տրիպոլիի ափերի մոտ թուրքական նավ խոցելու մասին

Կփրկի՞ անձեռնմխելիությունը. աշխարհի առաջնորդներ, որոնք անցնում են հնչեղ քրգործերով

Այսօր շատ հիշարժան փաստաթուղթ եմ ստորագրել. Նիկոլ Փաշինյան

Հին թեզերը՝ նոր ձևաչափում. առաջին հրապարակային քննարկումը

Դանիայի խորհրդարանի նախագահ Հենրիկ Դամ Քրիստենսենի հետ հյուրընկալվեցինք Դանիայի թագուհի Մարգրեթ 2-րդի կողմից.Ա. Միրզոյան

Ոստիկանի սպանության մեջ մեղադրվող պատանու կալանավորման ժամկետը երկարաձգվել է. նա տեղափոխվել է ՔԿՀ

Արթիկում բացվել է երեխաների ցերեկային խնամքի առաջին կենտրոնը

Համայնքների ղեկավարներին առաջարկվել է թափառող շների ստերջացման գործընթաց սկսել

Բարսեղ Բեգլարյանի որդիները դատակոչվել, սակայն չէին ներկայացել դատարան. նիստը հետաձգվեց

16-ամյա երիտասարդի անձնական խուզարկությամբ հայտնաբերվել է երկու կռփազենք. ՀՀ ոստիկանություն

Երեւանի բնակարաններից մեկում 67-ամյա կնոջ դի է հայտնաբերվել

Քաղաքապետ Հայկ Մարությանի որոշմամբ Նոր Նորք վարչական շրջանի ղեկավարի պաշտոնը կզբաղեցնի Հովհաննես Մանուկյանը. Կարապետյան

Ալավերդիում ամբողջությամբ այրվել է վագոն-տնակ. տուժածներ չկան

Արարատի մարզպետ Գարիկ Սարգսյանն ընդունել է Հռոմից հաղթանակած վերադարձած ընբիշ Գեւորգ Ղարիբյանին

Պուտինն աշխատանքից ազատել է իր 7 տարվա օգնականին

Մարդու իրավունքների պաշտպանն ընդունել է Հայաստանում Շվեդիայի դեսպանության գործերի հավատարմատարին

ՊԵԿ-ը կանխել է թմրամիջոցների մաքսանենգության հերթական փորձը

Արարատի մարզում անչափահասների կատարած հանցագործություններն ավելացել են. մարզի դատախազությունը քայլերի է դիմել

Նախագահ Արմեն Սարգսյանը եւ Հայաստանում ԱՄՆ դեսպան Լին Թրեյսին հանդիպել են

Ձեր ամեն քայլին հասարակությունն ուշադիր հետեւում է. Ֆելիքս Ցոլակյանը փրկարար ծառայողներին կոչումներ է շնորհել(տեսանյութ)