Սպասարկումը վատ վիճակում է, մաքրող չկա. ինչու էին խցանման մեջ հայտնվել շուրջ 300 մեքենան

Երեկ երեկոյան ժամը 18:30-ի սահմաններում Դիլիջանի ոլորաներում (Դիլիջանի կողմից թունել չհասած) խոշոր խցանում է եղել: Արտակարգ իրավիճակների նախարարության տվյալներով, խցանման մեջ է հայտնվել 300-ից ավելի մեքենա:

ԱԻՆ Ճգնաժամային կառավարման կենտրոնի օպերատիվ հերթափոխի պետ Արա Սահակյանը մեզ հետ զրույցում հայտնեց, որ Դիլիջանի հրշեջ փրկարարների ջոկատը եւ ազատ հերթափոխի 15 հրշեջ-փրկարարներ ճանշինի աշխատակիցների եւ ոստիկանության աշխատակիցների հետ համատեղ Դիլիջան-Երեւան ճանապարհի խցանումը բացել են մինչեւ 22:00-ն: Այդ ընթացքում, ըստ Սահակյանի, խցանումից դուրս է բերվել 5 ավտոբուս, 10 միկրոավտոբուս, 85 բեռնատար, 170 մարդատար մեքենա:

«44 բեռնատար մեքենա, որոնց անվադողերը ձմեռային չեն եղել եւ ճանապարհը շարունակելու հնարավորություն չի եղել, մնացել են այնտեղ՝ ճանապարհը առավոտյան շարունակելու նպատակով: Առավոտյան, երբ ճանշինը ճանապարհը մաքրել է, այդ բեռնատարները եւս շարունակել են ճանապարհը»,- ասաց փոխգնդապետ Սահակյանը:

Անդրադառնալով այս պահին Դիլիջանի ոլորաններում եղած իրավիճակին՝ Արա Սահակյանն ասաց, որ այս պահին տեղումներ չկան, ճանապարհը մաքրված է եւ բաց:

Մեզ հետ զրույցում երեկ խցանման մեջ հայտնված Իջեւան-Երեւան երթուղայինի վարորդ Արմեն Փիրումյանն ասաց, որ շուրջ 40 րոպե է անցկացրել խցանման մեջ:

«Կանգնած չէինք, անընդհատ գնում էինք, բայց 40 րոպե տեւեց թունելն անցնելը: Խցանումը հիմնականում բեռնափոխադրող մեքենաներն էին ստեղծել: Այդ մեծ մեքենաները՝ ֆուռերը որ մի տեղ կանգնում են, արդեն անկախ ամեն ինչից խցանում է առաջանում: Դրանք չէին կարողանում շարժվել կամ կողքի էին կանգնում, ճանապարհը նեղացել էր եւ խցանվել: Ձյունն էլ գալիս էր, վերեւից եկողը չէր կարողանում բարձրանալ: Այդ ընթացքում տեսա նաեւ, որ մի փոքր վթար էր եղել, վթարի համար ոստիկանության մեքենա էր եկել, ոստիկաններն աշխատում էին ճանապարհը բացելու ուղղությամբ: Մի մեքենա տեսանք՝ աղ էր ցանել, դատարկ ետ էր դառնում: Ճանապարհը մաքրող չկար»,- մեզ հետ զրույցում իր տեսածը պատմեց երթուղայինի վարորդը:

Մեր հարցին, թե արդյո՞ք իր կարծիքով խցանման մեղքը բեռնատարներինն է, թե՞ ճանապարհը սպասարկող ընկերությունն է վատ աշխատում, Փիրումյանը պատասխանեց.

«Սպասարկումը շատ վատ վիճակում է, ընդհանրապես, չեն ուզում աշխատել: Ես այսօր վաղ առավոտյան եկել եմ, նույն վիճակն էր՝ սառած: Թեթեւ աղ էր ցանած, բայց դա քիչ է: Մի մաքրող մեքենա ամբողջ ճանապարհին չեմ տեսել մինչեւ Երեւան: 40 րոպե խցանման մեջ էի: Ինչի՞ համար, էս ուղեւորնե՞րն ինչի համար են մեղավոր: Տեսնում եք ձյուն է, մաքրեք էլի, պետք է խցանում լինի, նոր մաքրե՞ք: Քանի օր է հայտարարել էին, որ ձյուն է գալու, ինչո՞ւ հենց սկզբից չէր մաքրվում: Թունելի մոտ բարձր հատված կա, այդտեղ պիտի սպասարկումը նորմալ լինի: Երթեւեկությունը կարգավորող է պետք այս եղանակին: Եթե մի մեքենա մաքրի, նման բան չի լինի, իսկ եթե ձյունն եկավ-նստեց, հետո մաքրողն ո՞ւմ է պետք, արդեն սառույց է դառնում»,- ասաց Երեւան-Իջեւան երթուղայինի վարորդը:

Մենք զրուցեցինք նաեւ բեռնատարի վարորդ Մամիկոն Հովհաննիսյանի հետ, որը Դիլիջանի թունելի հատվածով անցել էր այսօր վաղ առավոտյան՝ ժամը 5-ի սահմաններում: Վերջինս ասաց, որ առավոտյան, երբ անցնում էր, երեկվա բեռնատարները դեռ կանգնած էին:

«Էլի տեսանելիությունը շատ ցածր էր, փոքր մեքենաները բեռնատարների կողքերով, արանքներով հազիվ անցնում էին: Ճանապարհը մաքրողներ էին եկել, բայց բեռնատարները մի քիչ պետք է տեղաշարժվեին, որ ճանապարհը բացվեր: Փոքր մեքենաներ եւս կային կանգնած, երեւի նրանց անվադողերն էլ վատն էին, դրա համար կանգնել էին»,- ասաց Մամիկոն Հովհաննիսյանը:

Հ.Գ. ԱԻՆ ՃԿԱԿ օպերատիվ հերթափոխի պետ Արա Սահակյանը տեղեկացրեց, որ այս պահին դժվարանցանելի ճանապարհներ մեր հանրապետությունում գրեթե չկան: Մերկասառույցի պատճառով փոքր-ինչ դժվարանցանելի են միայն Սոթք-Քարվաճառ եւ Վանաձոր-Ստեփանավան ճանապարհները:

Տպել
4276 դիտում

Ակցիա ՌԴ 102-րդ ռազմաբազայի դիմաց

Գյումրիում տոնվել է Հայրենիքի պաշտպանի օրը

Իրավիճակը կարգավորելու փոխարեն տնտեսավարողն անհիմն հրապարակումներ է արել սոցիալական ցանցերում. ՊԵԿ

Հայկական պետական մանկավարժական համալսարանի ուսխորհրդի ֆինանսական աղբյուրը՝ անհայտ կամ հույժ գաղտնի․ ՀՊՄՀ Restart

Մեր Կառավարությունը բացարձակապես չի միջամտել ՄԻԵԴ-ում Մարտի 1-ի գործին․ Արտակ Զեյնալյան

Տիգրան Ավինյանն ընդունել է Համաշխարհային բանկի պատվիրակությանը, քննարկել բժշկական ապահովագրության մշակման հարցեր

Երեւանի «Սբ. Աստվածամայր» ԲԿ է տեղափոխվել 9-ամյա տղայի դի․ նշանակվել է դիակի դատաբժշկական փորձաքննություն

Վարչապետը շրջայց է կատարել Վանաձորի տեխնոլոգիական կենտրոնում (լուսանկարներ)

«Իմ քայլը հանուն Լոռու մարզի» բիզնես ֆորումը ցույց տվեց, որ Հայաստանում իսկապես գործարար նոր հնարավորություններ կան

Համոզված եմ, որ հայկական քաղաքական հրաշքին կհաջորդի հայկական տնտեսական հրաշքը. Նիկոլ Փաշինյան (լուսանկարներ)

Արթիկի տարածաշրջանի ավտոճանապարհներին բուք է

Մեկնարկել է Առողջապահության նախարարության խորհրդատուների առաջին երկօրյա խորհրդաժողովը

Շարունակվում է «Իմ քայլը հանուն Լոռու մարզի» բիզնես ֆորումը․ ներկայացուցիչները հարցեր են ուղղում նաեւ ՀՀ վարչապետին

Միայն հիվանդ ուղեղներում կարող էր ծնվել Փաշինյանի՝ իմ քաղաքական հոգեզավակը լինելու ցնորալի գաղափարը․ Լեւոն Տեր-Պետրոսյան

Բժշկական համալսարանի ճաշարանը վարձակալածի հետ պայմանագիրը լուծարել են՝ բուհի պրոռեկտորին բուֆետի «նալոգ» չվճարելու համար

ԿԳ նախարար Արայիկ Հարությունյանը մասնակցել է բուհերի հոգաբարձուների խորհուրդների նախագահների հետ թեյախմությանը

Հայաստանում ԱՄՆ նորանշանակ արտակարգ եւ լիազոր դեսպան Լին Թրեյսին Երեւան կժամանի հաջորդ շաբաթ

Վալերի Օսիպյանն անակնկալ այցելել է ոստիկանության Երեւան քաղաքի վարչության Մալաթիայի բաժին

ԲՀԿ–ն առաջարկում է հարկային արտոնություն տրամադրել բնակլիմայական աղետների հետևանքով 50 %-ի վնաս կրած գյուղատնտեսներին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 150 անգամ