Ովքեր են գալու հաջորդ խորհրդարան

Ազգային ժողովի պետաիրավական հարցերի մշտական հանձնաժողովն արդեն ավարտել է ԱԺ նոր կանոնակարգ օրենքի մշակումը:

Այն թեեւ դեռ պաշտոնապես չի դրվել շրջանառության մեջ, բայց նախագծի նախնական տարբերակը բաժանվել է խմբակցություններին՝ ծանոթանալու համար: Իսկ նոր օրենք ընդունելու անհրաժեշտությունը առաջացել է նոր Սահմանադրության ընդունումից հետո: Եվ քանի որ Հայաստանը 2017-2018թթ. անցում է կատարելու խորհրդարանական կառավարման համակարգին, որտեղ ԱԺ-ն ունենալու է առաջնային մանդատ՝ նախագահ եւ վարչապետ նշանակելու, նրանց գործունեության վրա ավելի մեծ լիազորություն, վերահսկողական լծակներ ունենալու եւ բազմաթիվ այլ նոր գործառույթներ, բնականաբար դրանք արտացոլելու համար պետք է ընդունվեր նոր կանոնակարգ օրենք:

Այդպիսով, ԱԺ կանոնակարգ օրենքը դառնալու է խիստ կարեւոր մի օրենք, որը, կարելի է ասել, պետական կառավարման համակարգում Սահմանադրությունից հետո ունենալու է կարգավորման ուժ ունեցող երկրորդ փաստաթուղթը: Այս օրենքը նաեւ ԱԺ-ի համար ներքին բազմաթիվ նոր գործառույթներ, լիազորություններ, իրավունքներ ու պարտականություններ սահմանելու հնարավորություն է ստեղծելու: Պետաիրավական հարցերի մշտական հանձնաժողովի նախագահ եւ օրինագծի հիմնական հեղինակ Հովհաննես Սահակյանի ներկայացմամբ, օրինակ, խմբակցություններն իրավունք են ունենալու առաջադրելու Մարդու իրավունքների պաշտպանի, Կենտրոնական ընտրական հանձնաժողովի նախագահի ու անդամների, գլխավոր դատախազի թեկնածություններ: Հիմա այդ իրավունքն ունեն միայն ԱԺ գլխադասային հանձնաժողովները: Այս իրավունքից զատ խմբակցությունները պարտավորվելու են նիստեր հրավիրել ու քվեարկությամբ որոշումներ ընդունել, ինչը հիմա կարծես թե ձեւական բնույթ է կրում: Խմբակցությունների նիստերի համար, ինչպես հանձնաժողովի նիստերի դեպքում, առանձին շաբաթ է հատկացվելու: Նիստերը սկսելու համար գուցե այլ ժամ՝ առավոտյան 10:00-ն սահմանվի այսօրվա 12:00-ի փոխարեն: Հնարավոր է՝ փոխվի նաեւ նիստերի հաճախականությունը եւ տեւողությունը:

Հ. Սահակյանը կարեւորեց քննիչ հանձնաժողով ստեղծելու հնարավորությունը, ինչը համարեց ընդդիմադիր խմբակցություններին տրվող լավագույն գործիք: Սահմանվելու է, որ ԱԺ պատգամավորները ընդհանուր թվի մեկ/քառորդի ստորագրությունը հավաքելու դեպքում կարող են հնչեղություն ունեցող կամ կարեւոր որեւէ հարց քննարկելու համար ստեղծել նման մի հանձնաժողով, որի գործունեությունը, բնականաբար, ժամանակավոր է լինելու: Որոշակի քանակի ձայն ապահովելու համար կարող են բարձրացնել նաեւ ԱԺ նախագահի, նախագահի ու վարչապետի հրաժարականի հարց:

Իսկ ինչ վերաբերում է պատգամավորներին, Հ. Սահակյանի խոսքերով՝ այնպիսի մեխանիզմներ են ներդնելու, որ նրանցից յուրաքանչյուրը ամեն օր ու ամեն ժամ ստիպված լինի աշխատել եւ երբեք չկարողանա խուսափել աշխատանքից: Հ. Սահակյանին ԱԺ նոր կանոնակարգով հատկապես պատգամավորների աշխատանքին վերաբերող մի քանի այլ հարցեր ուղղեցինք:

- Պարոն Սահակյան, գաղտնիք չէ, որ ԱԺ պատգամավորների մեծ մասը օրենսդրական աշխատանքով չի զբաղվում, փոխարենը շատ ակտիվ զբաղվում են իրենց բիզնեսներով: Հաջորդ խորհրդարանի պատգամավորին ինչպե՞ս եք ստիպելու զբաղվել նաեւ իր բուն պարտականություններով:

- Նրանց գործառույթներն ու ծանրաբեռնվածությունն այնպես է լինելու, որ յուրաքանչյուր պատգամավորի դերակատարումը հենց ԱԺ-ում է լինելու: Եթե մի խմբակցությունից հինգ պատգամավոր չաշխատեցին, մյուս տասը կամ քսանը աշխատելու են այդ հինգի փոխարեն:

- Հիմա էլ է այդպես, ձեր խմբակցության ընդամենը հինգ կամ տասը պատգամավորներ աշխատում են մյուս վաթսունի փոխարեն: Հատկապես որ օրինագծերի ավելի քան 90 տոկոսն էլ կառավարությունն է ներկայացնում: Նրանք ԱԺ են գալիս նիստերի առաջին կես ժամերին ընդամենը կոճակ սեղմելու համար:

- Ես չեմ վիճում ձեզ հետ, դա իսկապես փաստ է, բայց հաջորդ խորհրդարանում բոլորովին նոր իրավիճակ է ստեղծվելու:

- Ինչպե՞ս եք նրանց ստիպելու աշխատել, պատժամիջոցնե՞ր եք կիրառելու: Հատկապես որ նրանցից շատերը օրենսդրական աշխատանքով զբաղվելու համար համապատասխան կրթական մակարդակ չունեն:

- Պատժամիջոցներ չէ, բայց եթե հանձնաժողովներում ու խմբակցություններում նրանց յուրաքանչյուրի դերակատարումը բարձրանալու է տարբեր միջոցներով, նրանք կառավարություն ձեւավորող եւ նախագահ ընտրող մարմին են լինելու, Սահմանադրության այս համակարգային փոփոխությունների արդյունքում ԱԺ-ն ունենալու է առանցքային դերակատարում, նաեւ մենք պետք է հաշվի առնենք, որ խորհրդարան պետք է գան աշխատող, բանիմաց մարդիկ:

- Այդ դեպքում դուք պետք է այդ գործընթացը սկսեք կուսակցության համամասնական ցուցակները կազմելիս, որտեղ չպետք է լինեն ոչ գրագետ կամ ոչ բանիմաց մարդիկ:

- Ես չեմ ուզում խոսել ցուցակներ կազմելուց, բայց կարծում եմ, որ 2017թ. մենք կունենանք նոր որակի ԱԺ:

- Այդ մասին իշխանությունները խոսել են խորհրդարանական բոլոր ընտրություններից առաջ, բայց ամեն անգամ խորհրդարան են ներկայացրել ավելի անպատասխանատու պատգամավորների ցուցակ:

- Կարծես թե այս անգամ հակառակն է պարտադիր լինելու:

- Դուք կարող եք օրենքով պատասխանատվության բազմաթիվ ու ավելի խիստ մեխանիզմներ սահմանել, իսկ պատգամավորները դրանք խախտեն ու մնան առանց պատասխանատվության, ինչպես հիմա են անում, ու շարունակեն չաշխատել: Լինելո՞ւ է աշխատանքի արդյունավետության գնահատման կամ պատժի միջոց:

- Աշխատանքի արդյունավետության գնահատման մեխանիզմը յուրաքանչյուր պատգամավոր ինքն է որոշում. թե ինչպես է շփվում իր ընտրողների հետ, ինչպես է աշխատելու, եւ դա ինչպես է ազդելու իր թիմի վարկանիշի վրա: Իսկ նիստերի կեսից ավելիից բացակայողների անուններն արդեն անմիջապես արձանագրվելու եւ ուղարկվելու է Սահմանադրական դատարան, որն էլ որոշելու է՝ մանդատից զրկել, թե ոչ:

Տպել
18404 դիտում

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա

ԱՄՆ-ը համաձայն չէ Ադրբեջանի պնդումների հետ․ Մեթյու Միլլեր

Հայաստանը կստանա 92,3 մլն եվրոյի բյուջետային վարկ և 16 մլն եվրոյի դրամաշնորհ. ինչ նպատակների համար կծառայեն դրանք

Հայաստանում, բացի ՀՀ կառավարությունից, որևէ այլ կառավարություն չի կարող գոյություն ունենալ. Փաշինյան

Ադրբեջանի ՊԱԾ ղեկավարը Հայաստանին սպառնում է՝ մեղքը բարդելով Ֆրանսիայի վրա

«Կովկասի գերուհի» ռեստորանի մենեջերը կասկածվում է 11 միլիոն դրամ հափշտակելու համար

ԱԱԾ-ն հայտարարություն է տարածել

Հայաստանը ՀԱՊԿ-ից դուրս գալու ծանուցում չի ուղարկել, բայց աշխատանքներին չի մասնակցում. Թասմագամբետով

Հաստատվել է նախադպրոցական հաստատության ղեկավարման իրավունքի քննության թեստավորման նոր հարցաշարը. ԿԳՄՍՆ

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Հայ-վրացական սահման տանող ճանապարհի փակ հատվածը թեթև մարդատար մեքենաների համար բացվել է

Թալանել են Սայաթ-Նովա պողոտայի «Զիգզագ» խանութը. հափշտակվել է 5,5 մլն դրամի բջջային հեռախոս

1000-րդ գործն է մակագրվել ամբողջությամբ թվայնացված քաղաքացիական դատարան. Մինասյանը նշել է համակարգի առավելությունները

Հաստատվել է Բլինքենի և Սամանթա Փաուերի մասնակցությունը ՀՀ-ԱՄՆ-ԵՄ եռակողմ հանդիպմանը

Սպանդարյան, Տոլորս և Տաթև ջրամբարներում ձկնապաշտպան կառույցների նախագծում. հայտարարվում է մրցույթ

Ինչպես ապահովել երեխաների անվտանգ երթևեկությունը. Առողջապահության նախարարության խորհուրդը

Ucom ընկերությունը ցանցային վերազինման աշխատանքներ է մեկնարկում մի շարք մարզերում

ՀՀ տարածքում կան փակ և դժվարանցանելի ավտոճանապարհներ

«Ինկած բերդի իշխանուհին»՝ 6 մրցանակի դափնեկիր. հայտնի են «Արտավազդ» թատերական մրցանակաբաշխության հաղթողները

Գեղամ Մանուկյանը երբ լսեց կատարված աշխատանքների մասին, երևի ուրախությունից հուզվել է, և լացը կարող էր գալ․ Քոչարյան

Crocus City Hall-ի ահաբեկչության զոհերի թիվը հասել է 143-ի

Մտածում էի՝ այստեղ միակ հնդիկն եմ լինելու. գրող Արջուն Կրիշնա Լալիի արկածները Հայաստանում (տեսանյութ)

15 օրվա ընթացքում վճարելու դեպքում տուգանքը կնվազի 30 տոկոսով․ երբ կսկի գործել համակարգը

ՀՀ-ն պատրաստ է Ադրբեջանի հետ արդեն համաձայնեցված սկզբունքների հիման վրա գնալ խաղաղության պայմանագրի անհապաղ ստորագրմանը

Որևէ մեկի դեմ ուղղված լինելու պնդումները անհիմն և արհեստածին են․ ԱԳՆ խոսնակը ՀՀ-ԱՄՆ-ԵՄ բարձր մակարդակով հանդիպման մասին

Իրավիճակը հասարակներից չէ, մինչև ապրիլի 5-ը վտանգն առկախված է, ներքին առումով ևս հանգիստ չէ. Հարություն Մկրտչյան