Լեւոն Սարգսյանը՝ Ազնավուրի, Սարյանի կողքին. ավագանին չզրկեց պատվավոր քաղաքացու կոչումից

Գյումրու ավագանու արտահերթ նիստում քիչ առաջ քննարկվեց Սերժ Սարգսյանի եղբորը՝ ԱԳՆ հատուկ հանձնարարություններով դեսպան, ԵՊՀ աստվածաբանության ֆակուլտետի Հայ եկեղեցու պատմության եւ եկեղեցաբանության ամբիոնի վարիչ Լեւոն Սարգսյանին, Գյումրու պատվավոր կոչումից զրկելու հարցը:

Առաջարկի հեղինակը «ԳԱԼԱ» կուսակցությունն էր. ստորագրահավաքի միջոցով առաջարկին միացել էին Գյումրու 1800 քաղաքացիներ:

Հարցը ավագանու նիստում ներկայացրեց «ԳԱԼԱ» կուսակցության խորհրդի անդամ Արմինե Վարդանյանը: Խոսելով առաջարկի տակ ստորագրած 1800 քաղաքացիների անունից՝ Վարդանյանն ասաց, որ Լեւոն Սարգսյանը չունի արժանիքներ, որ Գյումրու պատվավոր քաղաքացու կոչում շնորհվի նրան:

«Դուք այդ կոչումը շնորհելուց առաջ չեք փորձել պարզել հասարակության կարծիքը, հասկանալ, թե հասարակությունն ինչ է մտածում Սերժ Սարգսյանի եւ նրա՝ Լեւոն եւ Սաշիկ, եղբայրների մասին»,- հայտարարեց Վարդանյանը:

«Եզրակացությունում նշել եք, որ Գյումրու պատվավոր քաղաքացու կոչումից չեն զրկում լոկ այն բանի համար, որ նա Սերժ Սարգսյանի եղբայրն է: Համաձայն եմ, եթե ապացուցեք,  որ այդ կոչումը չեք տվել նրան այն բանի համար, որ նա Սերժի եղբայրն է»,- դիմելով Սամվել Բալասանյանին ասաց Արմինե Վարդանյանը:

Ինչպես հայտնի է՝ Լեւոն Սարգսյանին պատվավոր քաղաքացու կոչում էր շնորհվել նրան պատկանող «Փյունիկ» հիմնադրամի համար, որը Գյումրիում անցկացվող «Վերածնունդ» փառատոնի կազմակերպիչն է: Արմինե Վարդանյանը հայտարարեց, որ «Փյունիկն» ավելի շատ կոռուպցիոն գործարքներ է անում:

«Ի՞նչ է արել Լեւոն Սարգսյանը, վստահ եմ «կողմ» քվեարկած շատերը չեն կարողանա թվարկել: Ես ասեմ՝ ինչու պետք է զրկել, որովհետեւ փառատոն կազմակերպած Լեւոն Սարգսյանի ղեկավարած «Փյունիկ» հիմնադրամն ավելի շատ կոռուպցիոն որջ է հիշեցնում, որտեղ միլիոնավոր դոլարներ են մտնում: Գուցե շատերը մուծվում են այդ հիմնադրամին դարձյալ այն պատճառաբանությամբ, որ դա Սերժ Սարգսյանի եղբոր հիմնադրամն է եւ փայ է պետք հանել սեփական ունեցվածքից:

«Վերածնունդ» փառատոնի ղեկավարը, եթե այդքան բարերար է, ինչո՞ւ հնարավորություն չի տվել գյումրեցի երեխաներին անվճար հիմունքներով մասնակցել այդ փառատոնին: Նայեք գնացուցակը՝ ինչքան գումար են պարտավոր վճարել գյումրեցիները, որպեսզի կարողանան մասնակցել հռչակավոր բարերար Լեւոն Սարգսյանի կազմակերպած փառատոնին. Հայաստանի եւ ԼՂՀ-ի բնակիչները՝ 6000-ական դրամ, գյումրեցի մասնակցի կտրոնի վրա գրված է 7000 դրամ, երգչախմբերը միանվագ մուծել են 20 հազար դրամ, օտարերկրյա մասնակիցները՝ 100 եվրո, երգչախմբում հանդես եկող օտարերկրյա մասնակիցները՝ 80 եվրո եւ այլն:

«Վերածնունդ» փառատոնին 2016 թվականին մասնակցել է 36 երկիր, ավելի քան 3000 մասնակից: «Վերածնունդ«» հիմնադրամը նվիրատվությունն էր ստանում տարբեր կազմակերպություններից»,- ընդգծեց նախաձեռնության մասնակիցը եւ հավելեց, որ գումար տվել է նաեւ Գյումրու քաղաքապետարանը, սակայն հետամուտ չի եղել պարզելու, թե ինչի վրա է այդ գումարը ծախսվել:

Իր խոսքն ավարտելով Արմինե Վարդանյանը նշեց, որ ակնկալիք չունի, որ ավագանու այս կազմն ունակ է գնալ Լեւոն Սարգսյանին պատվավոր քաղաքացու կոչումից զրկելու որոշմանը:

Ելույթով հանդես եկավ Գյումրու ավագանու անդամ, «Ասպարեզ» ակումբի խորհրդի նախագահ Լեւոն Բարսեղյանը:

Վերջինս, հղում անելով armtimes.com-ին Լեւոն Սարգսյանի տված հարցազրույցին, ասաց, որ Սարգսյանին չի էլ հետաքրքրում այդ կոչումը, նա ասում է՝ զրկում են՝ զրկեն:

Ուստի, Բարսեղյանը կոչ արեց տրված կոչումը ետ վերցնել: «Ես համարում եմ, որ Շարլ Ազնավուրի, Մարտիրոս Սարյանի եւ շատ ուրիշների կողքին այս մարդը բավարար արժանիքներ չունի Գյումրու պատվավոր քաղաքացու կոչումը կրելու»,- հայտարարեց Բարսեղյանը:

Հարցը դրվեց քվեարկության. ավագանու անդամներից միայն Լեւոն Բարսեղյանը «կողմ» քվեարկեց: Մյուսները դեմ արտահայտվեցին Լեւոն Սարգսյանին պատվավոր քաղաքացու կոչումից զրկելու հարցին:

Գյումրու քաղաքապետ Սամվել Բալասանյանը «ԳԱԼԱ»-ին եւ Լեւոն Բարսեղյանին կոչ արեց քաղաքի նյարդերի հետ պրոբլեմ չստեղծել:

«Չի կարելի մարդկանց վիրավորել եւ վարկաբեկել, որոնք գալիս են եւ օգուտ են տալիս մեր քաղաքին: Մարդկանց պետք է շնորհակալություն ասենք, խրախուսենք: Ինձ տվեցին 9 միլիոնանոց Սիան քաղաքի պատվավոր քաղաքացու կոչում: Ինձ Սիանում ճանաչում է ընդամենը 3 մարդ: Հիմա թող գնան ստորագրահավաք սկսեն մեր մասնագետները: Թող սկսեն: Տրամաբանությունից զուրկ բաներ արեցիք, որ ձայներ վերցնեք ընտրական պրոցեսների ժամանակ: Վերցրեցիք: Ասում է՝ էլ ի՞նչ եք ուզում: Մի խաղացեք քաղաքի պատվի հետ: Մարդկանց տները մտել ենք՝ տեղյակ չեն ինչի մասին է խոսքը, ստորագրել են տվել: Սա է պատկերը, եղա՞վ հարգելի համաքաղաքացիներ, մենք պետք է խրախուսենք բոլորին, ովքեր մեզ գալիս օգնում են, ոչ թե նման վերաբերմունք ցույց տանք պրոֆեսոր մարդու նկատմամբ»,- հայտարարեց Բալասանյանը:

Լեւոն Բարսեղյանին արձագանքի հնարավորություն չտրվեց. «Գնացեք ձեր «Ասպարեզ»-ով արձագանքեք»,- առաջարկեց քաղաքապետը:

«Դուք գիտեք»,- «սպառնաց» Լեւոն Բարսեղյանը: 

Տպել
3277 դիտում

Նիկոլ Փաշինյանը՝ մեծ կտավի մեկ մասնիկի առաջին գնորդն ու կտավն ամբողջացնող վերջին այցելուն Գյումրիում

Աննա Հակոբյանը մասնակցել է Ararat challange փառատոնի բացման արարողությանը

Բաքվում չարտոնված ցույցի պատճառով փակել են մետրոյի երեք կայարան

Աննա Հակոբյանը մասնակցել է «Առողջ ապրելակերպը՝ բոլորի համար» խորագրով սպորտային տոնին

Ուկրաինայի խորհրդարանում Հայաստանի հետ միջխորհրդարանական կապերի պատգամավորական խումբ է ստեղծվել

Հյուսիսային մաքսատունը Գյումրիում կբացվի այս տարի. հստակ ժամկետ, սակայն, չկա

«Էրեբունի-Երեւան» միջոցառումների շրջանակներում սպասվում է անակնկալ. Հայկ Մարության

Ապօրինի գույքի «քաղհալածյալ» սեփականատերերը․ նախկին իշխանություններին խիստ մտահոգել է օրենքի նախագիծը

Վարչապետը ծանոթացել է Արտաքին տնտեսական գործունեության սպասարկման կենտրոնի շինաշխատանքներին

Այս տարվա առաջին 9 ամիսներին արձանագրվել է 3444 ճանապարհատրանսպորտային պատահար

Ոստիկանությունում տեղի ունեցած նիստից հետո մարզային պետեր են ազատվել

Հայկ Մարությանը Երվանդ Մանարյանին հանձնեց Երեւանի պատվավոր քաղաքացու կոչումը

Երկիր մոլորակին կմոտենա մեկ կիլոմետր տրամագծով երկնաքար

Արմեն Կարապետյանն ազատվել է էկոնոմիկայի նախարարության գլխավոր քարտուղարի պաշտոնից

Հերքվել է Սամվել Ֆարմանյանի հայտնած այն տեղեկությունը, թե շոգեբաղնիքում իրեն ՀՔԾ քննիչ է մոտեցել․ ոստիկանություն

Դատախազները քննարկումներ են անցկացրել հանրակրթական եւ հատուկ դպրոցների աշակերտների հետ

Մեր տարածաշրջանը վառոդի տակառ է, մեր անվտանգության երաշխիքները՝ երկուսը

Նիկոլ Փաշինյանի ելույթը՝ Պետական եկամուտների կոմիտեի Գյումրիում կազմակերպած ռազմավարական պլանավորման աշխատաժողովին

Գեղարքունիքի մարզում մեքենան բախվել է բետոնե պատնեշին․ 18-ամյա վարորդն ու նույն տարիքի ուղեւորը մահացել են

Երեւանցին նա է, ով սիրում է Երեւանը, սիրում է՝ հոգատար ծնողի ու պատասխանատու ընկերոջ նման․ Հայկ Մարության