Այսօրվա իրավիճակում խոսել փոխզիջումային տարբերակի մասին, խելամիտ չէ. Ա. Զաքարյան

12/09/2016 schedule18:55

ԱԺ արտաքին հարաբերությունների հանձնաժողովի նախագահ Արտակ Զաքարյանը,  այսօր լրագրողների խնդրանքով արձագանքելով ԵԱՀԿ ամերիկյան կողմի համանախագահ Ջեյմս Ուորլիքի հարցազրույցին, հայտարարեց, որ Հայաստանի օրակարգում հող հանձնելու խնդիր չկա:

Հիշեցնենք՝ Ուորլիքը հայտարարել էր, որ ԼՂ խնդրի կարգավորումը ենթադրում է տարածքների հանձնում Ադրբեջանին՝ Ղարաբաղի կարգավիճակի դիմաց.

«Խնդիրն այն է, որ այսօր Ադրբեջանում պատրաստ չեն խոսել Ղարաբաղի կարգավիճակի մասին, իսկ կարգավիճակը մեզ համար ԼՂՀ անկախության ճանաչումն է, կարծում եմ, Մինսկի խմբի ամերիկյան համանախագահը ցանկություն է ասել, որն իրականություն չի այսօր: Տարածաշրջանում եւ Ադրբեջանում դեռեւս չենք տեսնում այն պատրաստակամությունը, որ Ադրբեջանը պատրաստ է ճանաչել ԼՂ ինքնորոշման իրավունքի իրացումը, ուստի, մնացած բոլոր խնդիրները քննարկելն աննպատակահարմար է: ՀՀ-ն այսօր չի մտածում որեւէ տարածք հանձնելու մասին, ապագայում էլ չի պատրաստվում, երբ Ալիեւը խոսի Ադրբեջանի ժողովրդի հետ եւ ասի, որ պատրաստ է ճանաչել ԼՂ անկախությունը, այդ ժամանակ ձեր հարցերը կլինեն տեղին»,- ասաց նա:

Մեր դիտարկմանը, որ ըստ Ուորլիքի պնդումների՝ Մինսկի խմբի 3 համանախագահներն էլ այն կարծիքին են, որ պետք է տարածքներ հանձնվեն, Զաքարյանը պատասխանեց.

«Մենք բանակցային գործընթացում ունենք մի շատ կարեւոր չլուծված խնդիր, կարծում եմ՝ հենց դրա մասին է պետք մտածել, պարոն Ուորլիքն էլ իր հարցազրույցում դա ամրագրում է. Վիեննայի եւ Սանկտ-Պետերբուրգի պայմանավորվածությունների մասին է խոսքը, ուստի այստեղ համանախագահներն անելիք ունեն: Այսօրվա իրավիճակում խոսել փոխզիջումային տարբերակի մասին, կարծում եմ՝ խելամիտ չէ»:

Մեր հարցին, եթե Ադրբեջանը ճանաչի ԼՂ անկախությունը, նրա կեցվածքը փոխվելո՞ւ է, որ պատրա՞ստ ենք արդեն իր հետ բանակցել, Զաքարյանն ասաց.

«Այդ դեպքում կարող ենք ասել, որ բանակցային գործընթացում գրանցեցինք առաջընթաց»:

Մեր հաջորդ հարցին, թե ԼՂՀ անկախության միջազգային ճանաչման դեպքում ո՞վ է երաշխավորը լինելու, որ ագրեսիա չի լինի ԼՂ տարածքի վրա, Զաքարյանը պատասխանեց.

«Դուք շատ ճիշտ հարց եք տալիս, բայց այսօր այդ հարցին պատասխանելը դժվար է: Բոլոր խնդիրները փաթեթով ներառված են Մինսկի խմբի գործընթացում, անհրաժեշտ է նաեւ միջազգային կառույցների կողմից երաշխավորված անվտանգություն ԼՂ բնակչության համար եւ բազմաթիվ այլ անհրաժեշտություններ, որոնք պետք է կյանքի կոչվեն կոնֆլիկտն ավարտված համարելու համար»:

Հետաքրքրվեցինք նաեւ Սարգսյան-Ալիեւ հանդիպման մասին, որի կայանալու համար ցանկություն էր հայտնել Ուորլիքը, Զաքարյանն ասաց.

«Մինսկի խմբի առաքելություններից մեկը հանդիպումներ կազմակերպելու մեջ է, պարբերաբար այն Մինսկի խմբի օրակարգում է: Նման հանդիպում, իմ ունեցած տեղեկություններով չի նախատեսվում»:

Տպել
6753 դիտում

Հրդեհ Երեւանում. փրկարարները բնակարանից դուրս են բերել երեխաներին

Ողբերգական դեպք Երևանում․ «Սուրբ Գրիգոր Լուսավորիչ» բժշկական կենտրոնում 1,5 ամսական աղջնակ է մահացել

Գառնիի բնակարաններից մեկի նկուղում թմրանյութ է հայտնաբերվել

«Գիշեր էր: Մենք բախվեցինք փայտի մի մեծ կտորի».Վրաստանում ձկնորսական նավ է խորտակվել

«ԵՄ-ն շարունակելու է աշխատել հանուն Լեռնային Ղարաբաղի հակամարտության խաղաղ կարգավորման». Մոգերինի

Քաղաքական դաշտի որակը մտահոգիչ է․ իսկական ընդդիմություն է պետք

Ստեփանավան-Բերդ ավտոճանապարհին ավտոմեքենա է այրվել

ՀՀ պաշտպանության նախարար Դավիթ Տոնոյանն այցելել է զինվորական հոսպիտալ

Երեւանում Nissan March-ը բախվել է ծառին, հետո՝ գազատարին. կա 4 տուժած

Արցախում հարգանքի տուրք է մատուցվել Սպիտակի երկրաշարժի զոհերի հիշատակին

«Զվարթնոց» օդանավակայանում հայտնաբերվել է գումարով պայուսակ

Լոռու մարզում ՀՀ վարչապետը ներկայացրել է աղետի գոտու բնակարանաշինության ծրագրերը (լուսանկարներ)

Ո՞ւմ է պետությունը բնակարան պարտք, ինչո՞ւ օգտվել սուբվենցիոն ծրագրերից. վարչապետը պատասխանել է շիրակամուտցիների հարցերին

Ինչ անել երկրաշարժից առաջ, հետո, և հատկապես՝ ցնցումների ժամանակ

Գեւորգ Լոռեցյանը, նրա վարորդը եւ ֆուտբոլային ակումբներից մեկի նախագահը կալանավորվել են

Թալանել են ՀՀ ԱԺ «Լուսավոր Հայաստան» խմբակցության պատգամավոր Հրանտ Այվազյանի ավտոմեքենան

Կոտայքի մարզի Նոր Երզնկա գյուղի տներից մեկում հրդեհ է բռնկվել, բնակիչները ծխահարվել են

«Բրատիսլավան Մինսկի խմբի համանախագահների շուրթերով Ադրբեջանին ասաց՝ ոչ». քաղաքագետ

Ֆինանսների նախարարությունը պարգևատրումներ կտա աշխատակազմի թվի փոփոխության հաշվին արված տնտեսումով

Զինված հարձակում Բաղդադում. կա 16 զոհ