«Էլեկտրիկ Երեւանի» գործով մեղադրյալ ոստիկանը ներողություն է խնդրել լրագրողից

2015 թվականի «Էլեկտրիկ Երեւանի» դեպքերի ժամանակ լրագրողների մասնագիտական գործունեությունը խոչընդոտելու վերաբերյալ գործը կքննի ՀՀ հատուկ քննչական ծառայության նախկին քննիչ Արշակ Վարդանյանը:

Այս գործով սայլը տեղից շարժվեց սույն թվականի հուլիսի 29-ին Սարի թաղում տեղի ունեցած հայտնի դեպքերից հետո միայն: Օգոստոսի 9-ին լրագրողի մասնագիտական օրինական գործունեությանը խոչընդոտելու, ուրիշի գույքը դիտավորությամբ ոչնչացնելու կամ վնասելու վերաբերյալ ՀՀ հատուկ քննչական ծառայությունում իրականացված նախաքննության ընթացքում մեղադրանք է առաջադրվել ոստիկանության չորս աշխատակիցների: Նրանց մասով նախաքննությունը տեւեց ընդամենը մի քանի օր. այն մայր գործից անջատվեց եւ ուղարկվեց դատարան:

Դատական տեղեկատվական համակարգից տեղեկանում ենք, որ քրեական գործն ուղարկվել է Կենտրոն եւ Նորք-Մարաշ վարչական շրջանների ընդհանուր իրավասության դատարան եւ մակագրվել Արշակ Վարդանյանին:

Ամբաստանյալի կարգավիճակում հայտնված ոստիկանության 4 աշխատակիցներն են՝ ՀՀ ոստիկանության զորքերի N զորամասի հրթիռահրետանային սպառազինության ծառայության պետ, փոխգնդապետ Դավիթ Փերիխանյանը, որը հունիսի 23-ին եղել է քաղաքացիական հագուստով, ՀՀ ոստիկանության ՊՊԾ գնդի 3-րդ գումարտակի (կարմիր բերետավորներ) ծառայող Տաճատ Նորատունկյանը, Արթուր Այվազյանը եւ Կոստան Բուդաղյանը:

Ըստ մեղադրական եզրակացության՝ Տաճատ Նորատունկյանը, Արթուր Այվազյանը, Կոստան Բուդաղյանը եւ Դավիթ Փերիխանյանը հանդիսացել են պաշտոնատար անձ եւ օգտագործել իրենց պաշտոնեական դիրքը:

Ուշագրավը փոխգնդապետ Փերիխանյանի մասնակցությունն է: Նա Ազատության հրապարակում խոչընդոտել է լրագրողի մասնագիտական օրինական գործունեությունը կատարող, տեսանելի ձեւով լրագրողական անվանաքարտ (բեյջ) կրող «Ուտոպիանա. ամ» մշակութային ստեղծագործական ՀԿ-ի «ACTV» առցանց հեռուստաընկերության լրագրող Աշոտ Բոյաջյանի աշխատանքը. նրանից խլել է ընկերությանը պատկանող «Canon EOS 6D» մոդելի թվային ֆոտոխցիկը եւ մի քանի անգամ հարվածելով գետնին՝ դիտավորությամբ վնասել այն՝ հիշյալ ՀԿ-ին պատճառելով 485 հազ. ՀՀ դրամի գույքային վնաս»:

Բացի այդ՝ Փերիխանյանն այդ ժամանակ դիտավորությամբ խոչընդոտել է Ազատության հրապարակում լրագրողի իր մասնագիտական օրինական գործունեությունը կատարող՝ «Ազատություն/Ազատ Եվրոպա» ռադիոկայանի լրագրող Արթուր Պապյանի լրագրողական աշխատանքին՝ նրա ձեռքից խլել է ռադիոկայանի սեփականությունը հանդիսացող «Samsung GT-I9500/Galaxy S4 16GB» մոդելի բջջային հեռախոսն ու անտեսելով լրագրող լինելու մասին Պապյանի հավաստիացումները՝ հեռախոսը մի քանի անգամ հարվածել է գետնին, վնասել այն՝ պատճառելով գույքային վնաս: 

Երեկ մեր զրույցում լրագրող Արթուր Պապյանն ասաց, որ իր եւ Դավիթ Փերիխանյանի մասնակցությամբ ճանաչում է տեղի ունեցել. «Ես իրեն ճանաչել եմ, իրականում նա ներողություն է խնդրել ինձնից: Նաեւ մի փոքրիկ հակասություն կար իմ եւ նրա տված ցուցմունքների միջեւ, ես պնդեցի իմ ցուցմունքները եւ եկանք ընդհանուր հայտարարի: Նա պնդում էր, որ ես իրեն եմ փորձել նկարահանել, բայց նման բան չի եղել»,- ասաց նա: Պապյանը տեղեկացրեց, որ քրեական գործի նյութերը ստացել է եւ ծանոթացել: Մեր հարցին, թե մասնակցելո՞ւ է դատական նիստերին եւ պնդելո՞ւ է, որպեսզի ոստիկանության փոխգնդապետը պատասխանատվության ենթարկվի, Պապյանն ասաց, որ եթե զբաղված չլինի, ապա կներկայանա. «Ես շատ զբաղված եմ, եթե հնարավորություն ունենամ, կգնամ, որովհետեւ դա ամբողջ լրագրողական համայնքի շահերից է բխում: Կգնամ եւ բնականաբար իմ խոսքերից չեմ նահանջի, թե ինչ կլինի, դա արդեն ինձ չի վիճակված որոշելու»,- եզրափակեց նա:

Խոսքի ազատության պաշտպանության կոմիտեի նախագահ Աշոտ Մելիքյանը կարծում է, որ սույն քրեական գործը առաջ գնաց Սարի թաղի հայտնի դեպքերից ու լրագրողներից Սերժ Սարգսյանի ներողություն խնդրելուց հետո: «Այս գործը մեկ տարուց ավելի ընթանում էր, եւ գործով մեղադրյալ չկար, բայց Սարի թաղի դեպքերից հետո ի հայտ եկան մեղադրյալներ: Մենք տեղյակ ենք, որ գործով կա չորս մեղադրյալ, բայց դրա հետ մեկտեղ 21 լրագրող եւ օպերատոր տուժող է ճանաչվել, եւ երբ համադրում ես տուժողների եւ մեղադրյալների թիվը, հասկանալի է դառնում, որ այս գործի նկատմամբ այնուամենայնիվ ձեւական մոտեցում է ցուցաբերվում, քանի որ, ըստ տրամաբանության՝ ստացվում է, որ հենց այդ չորսն են մեղավոր 21 լրագրողների եւ օպերատորների նկատմամբ ֆիզիկական բռնության եւ մասնագիտական գործունեության խոչընդոտման համար, ինչը իհարկե այդպես չէ:

Մենք շատ լավ գիտենք, որ տասնյակ ոստիկաններ, այդ թվում՝ բարձրաստիճան, այդ գործողությունների, այդ վայրագությունների հեղինակն են: Բայց մեզ մոտ տխուր ավանդույթ է ձեւավորվել, երբ բարձրաստիճան պաշտոնյաները, այդ թվում, ոստիկանները, որպես կանոն, պատասխանատվության չեն ենթարկվում»,- մեր զրույցում կարծիք հայտնեց Մելիքյանը: Հարցին, թե իր կարծիքով մեղադրյալների շրջանակը կընդլայնվի՞, Մելիքյանն ասաց՝ կապրենք կտեսենք: Նա ասաց, որ ուշի ուշով հետեւելու են այդ ամբողջ գործընթացին, որովհետեւ թե՛ 2015 թվականի հունիսի 23-ի, եւ թե՛ սույն թվականին Սարի թաղում տեղի ունեցած դեպքերն իրենց մասշտաբով աննախադեպ էին: «Մինչեւ իսկապես օբյեկտիվ հետաքննություն չլինի եւ բոլոր մեղավորները ի հայտ չգան եւ պատասխանատվության չենթարկվեն, դժվար կլինի ասել, որ այդ գործը օբյեկտիվորեն է քննվել»,- եզրափակեց Խոսքի ազատության պաշտպանության կոմիտեի նախագահը:

Տպել
3315 դիտում

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան