Եվրոպական ֆուտբոլ. Ցավալի է, բայց փաստ

20/07/2016 schedule16:23

Ֆուտբոլի եվրոպական ասոցիացիան՝ ՈՒԵՖԱ-ն, հրապարակել է 2015-16 թթ. մրցաշրջանի արդյունքներով Եվրոպայի լավագույն ֆուտբոլիստի տիտղոսին հավակնողների ցուցակը, ուր ընդգրկվել են ընդհանուր առմամբ 37 ֆուտբոլիստներ: Համաձայն «Եվրոպայի լավագույն ֆուտբոլիստ» մրցույթի կանոնակարգի՝ ՈՒԵՖԱ-ի անդամ յուրաքանչյուր երկրից մեկ լրագրող ներկայացնում է իր տարբերակը՝ բաղկացած իր ընտրությամբ 5 ֆուտբոլիստներից. 1-ին տեղում հայտնվածը ստանում է 5 միավոր, 2-րդ տեղում հայտնվածը՝ 4 եւ այսպես շարունակ: Հավաքած միավորների հանրագումարով ՈՒԵՖԱ-ն կազմում է լավագույն տասնյակը, եւ օգոստոսի 5-ին կայանալու է քվեարկության 2-րդ փուլը. ՈՒԵՖԱ-ի անդամ երկրների նույն լրագրողները արդեն քվեարկելու են միայն լավագույն տասնյակ մտած ֆուտբոլիստներից 3-ի օգտին:

Քվեարկության 2-րդ փուլի արդյունքներով կազմվելու է լավագույն եռյակը, իսկ օգոստոսի 25-ին կայանալիք արարողության ժամանակ լրագրողները արդեն քվեարկելու են այս եռյակի մեջ մտած ֆուտբոլիստներից մեկի օգտին. առավել շատ միավորներ հավաքածն էլ հռչակվելու է Եվրոպայի 2016 թվականի լավագույն ֆուտբոլիստ: Նկատեցիք հավանաբար, որ քվեարկության 1-ին փուլում սահմանափակումներ չկան, յուրաքանչյուր լրագրող ազատ է իր ընտրության մեջ եւ կարող է նշել ցանկացած 5 ֆուտբոլիստի անուն: Այս պայմանի շնորհիվ Եվրոպայի լավագույն ֆուտբոլիստների ընդհանուր ցուցակում ընդգրկվել են 37 ֆուտբոլիստներ, որոնց մեջ է անգամ «Եվրո 2016»-ի ընթացքում Հյուսիսային Իռլանդիայի հավաքականի կազմում ոչ մի խաղ չանցկացրած, ընդհանուր առմամբ ֆուտբոլային լայն շրջանակներին անհայտ ֆուտբոլիստ՝ Ուիլ Գրիգը: Անգլիական «Ուիգանի» կազմում հանդես եկող այս ֆուտբոլիստը հայտնի դարձավ ոչ թե իր բարձր որակների, այլ իրեն նվիրված ռիթմիկ մի երգի շնորհիվ, որը երգում են թիմի երկրպագուները եւ որը հնչեց «Եվրո 2016»-ի ընթացքում: Գրիգի անունը իր թերթիկում նշել է Հյուսիսային Իռլանդիան ներկայացնող լրագրողը:

37 ֆուտբոլիստների թվում են նաեւ «Եվրո 2016»-ի բացահայտումը՝ պորտուգալացի 18-ամյա Ռենատու Սանշեշը, Սլովենիայի հավաքականի դարպասապահ Յան Օբլակը եւ այլն: Եվրոպական առաջատար բոլոր երկրների առաջնությունների լավագույն խաղացողների անունները կան այդ 37 ֆուտբոլիստների մեջ. Իսպանիայում հանդես եկող 14 ֆուտբոլիստներ, Անգլիայից՝ 9, Գերմանիայից՝ 5, Իտալիայից եւ Ֆրանսիայից՝ 4-ական, 1 ֆուտբոլիստ էլ՝ Սանշեշը, անցյալ մրցաշրջանում հանդես էր գալիս Պորտուգալիայի առաջնությունում, իսկ հիմա արդեն համարվում է Մյունխենի «Բավարիայի» ֆուտբոլիստ: Եվրոպայի 2015-16 թթ. մրցաշրջանի արդյունքներով կազմված լավագույն ֆուտբոլիստների թվում են Իտալիայում, Իսպանիայում, Ֆրանսիայում եւ Անգլիայում տարբեր վարկածներով լավագույնը ճանաչվածները, բացառությամբ Գերմանիայի Բունդեսլիգայի լավագույն ֆուտբոլիստ ճանաչված մեր Հենրիխ Մխիթարյանի: Զարմանալի, ցավալի է, բայց փաստ. փայլուն մրցաշրջան անցկացրած, մի քանի վարկածներով, այդ թվում ամենահեղինակավոր՝ հենց ֆուտբոլիստների վարկածով Գերմանիայի լավագույն ֆուտբոլիստ ճանաչված Մխիթարյանը տեղ չի գտել անգամ ՈՒԵՖԱ-ի մրցույթին մասնակցող հայ լրագրողի ցուցակում:

Հայկական գրեթե բոլոր մարզական կայքերի (եւ ոչ միայն մարզական) հիմնական «նյութը», «թեման» հանդիսացող Մխիթարյանը դուրս է մնացել անգամ հայ լրագրողի ցուցակից. «Հռոմի պապից ավելի կաթոլիկ»՝ թերեւս հենց այսպիսի դեպքերի համար է ասված: Ավելացնեմ, որ քվեարկության 2-րդ փուլ են անցել առավել շատ միավորներ հավաքած 10 ֆուտբոլիստներ՝ Գարեթ Բեյլը (Ուելս, «Ռեալ Մադրիդ»), Ջանլուիջի Բուֆոնը (Իտալիա, «Յուվենտուս»), Անտուան Գրիզմանը (Ֆրանսիա, «Ատլետիկո» Մադրիդ), Տոնի Կրոսը (Գերմանիա, «Ռեալ Մադրիդ»), Լիոնել Մեսին (Արգենտինա, «Բարսելոնա»), Թոմաս Մյուլլերը (Գերմանիա, «Բավարիա»), Մանուել Նոյերը (Գերմանիա, «Բավարիա»), Պեպեն (Պորտուգալիա, «Ռեալ Մադրիդ»), Կրիշտիանու Ռոնալդուն (Պորտուգալիա, «Ռեալ Մադրիդ») եւ Լուիս Սուարեսը (Ուրուգվայ, «Բարսելոնա»): Լավագույն տասնյակում առավել շատ ներկայացուցիչներ ունի Չեմպիոնների լիգայի հաղթող Մադրիդի «Ռեալը»՝ 4 ֆուտբոլիստ: Իսկ ընդհանուր առմամբ լավագույն տասնյակում են Իսպանիայի առաջնությունում հանդես եկող 7 ֆուտբոլիստներ, Գերմանիան ներկայացնում են 2, Իտալիան՝ 1 ֆուտբոլիստներ:

Ավելացնեմ, որ «Եվրոպայի լավագույն ֆուտբոլիստ» մրցանակաբաշխությունը այս ֆորմատով անցկացվում է 2011 թվականից եւ այն նվաճել են Լիոնել Մեսին («Բարսելոնա», Արգենտինա, 2011 եւ 2015 թթ.), Անդրես Ինյեստան («Բարսելոնա», Իսպանիա, 2012թ.), Ֆրանկ Ռիբերին («Բավարիա», Ֆրանսիա, 2013թ.) եւ Կրիշտիանու Ռոնալդուն («Ռեալ Մադրիդ», Պորտուգալիա, 2014թ.):

Տպել
2134 դիտում

ՍԴ նախագահի պաշտոնին կեղծիքով տիրացած անձը թանկարժեք ընծա էր մատուցել վարչապետին. Ն. Փաշինյանի նոր գրառումը

Ախր հեչ հանդուրժելու բաներ չեն

Խոշոր ավտովթար Լոռու մարզում. բախվել է 3 մեքենա. մեկը կողաշրջվել է.կան վիրավորներ (լուսանկարներ)

Աջափնյակում մեկնարկել են ապօրինի կրպակների ապամոնտաժման աշխատանքները

Կարևոր է, որ Իսրայելն առաջնային դեր ունենա և ճանաչի Հայոց ցեղասպանությունը. Ա. Սարգսյանը հանդիպել է Իսրայելի նախագահին

Բանակի օրվա առիթով Սուրբ Պատարագ և պարգևաբաշխություն է տեղի ունեցել Մայր Աթոռ Սուրբ Էջմիածնում

«Արմատական ընդդիմություն»-ը գազո՞վ է աշխատում

Աղմուկ հայկական ուշուում. ֆեդերացիայի անդամները կարծում են՝ նախկին նախագահի օրոք ֆինանսական չարաշահումներ են եղել

ՀՀ ԱԳՆ-ն ցավակցել է Թուրքիային՝ ավերիչ երկրաշարժի կապակցությամբ

Վանաձորում մեքենան բախվել է էլեկտրասյանը, հետո՝ ծառին. կա 5 վիրավոր (լուսանկարներ)

Քծնում, շողոքորթում էր ինձ, հետո՝ Աննային, դիմում բացառապես «պարոն վարչապետ ջան»-ով. Ն. Փաշինյանը՝ Հ. Թովմասյանի մասին

Սպաներին հորդորում ենք զերծ մնալ շանտաժի կամ այլ հակաօրինական միջոցով իրավունքները պաշտպանելու փորձերից. Հովհաննիսյան

Եթե ՀՀ սահմանը հատող անձի մոտ առկա են վարակիչ հիվանդություններին բնորոշ ախտանշաններ, ուղեւորը մեկուսացվում է․ԱԱՏՄ

Արմեն Սարգսյանը շնորհավորական ուղերձ է հղել Հնդկաստանի նախագահին՝ Ազգային տոնի առթիվ

Արցախի նախագահի թեկնածուներն արձագանքել են Արցախի կարգավիճակի մասին Փաշինյանի խոսքերին

Առաջիկա օրերին ԵՊՀ-ում նիստ կհրավիրվի եւ կհայտարարվի ռեկտորի մրցույթ. թեկնածուին առաջադրվելիք պահանջները վերանայվում են

Ավելի լավ է այդ հարցն ուղղեք Սամվել Կարապետյանին. «Դալմա Գարդեն մոլի» շենքն ընդլայնում են

Առաջիկա 3 օրերին կտաքանա 8-10 աստիճանով, տեղումներ չեն սպասվում

Թուրքիայում գրանցված երկրաշարժի զոհերի թիվն աճել է. տուժել է մի քանի հազար մարդ (լուսանկարներ)

Արմավիրում սահմանային անցակետի փշալարերով արգելված վայր անցած 2 զինված քաղաքացի է հայտնաբերվել