Թենիս. Անգլիայի բաց առաջնություն. Սա դեռ վերջը չէ

13/07/2016 schedule17:08

Ֆուտբոլի Եվրոպայի առաջնությունը փոքր ինչ ստվերեց մասսայականություն վայելող մեկ այլ մարզաձեւի՝ թենիսի կարեւորագույն մրցաշարերից Անգլիայի բաց առաջնությունը՝ «Ուիմբլդոնը»: 1877 թվականից անցկացվող թենիսի ամենահնագույն մրցաշարի կանանց մենախաղերում գրանցվեց պատմական մի ցուցանիշ, որին մարզաշխարհը սպասում էր ուղիղ 1 տարի: Անցյալ տարի նույն «Ուիմբլդոնում» իր հերթական տիտղոսը նվաճեց աշխարհի ուժեղագույն թենիսիստուհի Սերենա Ուիլյամսը (ԱՄՆ): Ընդ որում, Ուիլյամսի համար այն 21-րդն էր «Մեծ Սաղավարտի» մրցաշարերում: Հիշեցնեմ, որ «Մեծ Սաղավարտի» մեջ են մտնում ընդամենը 4 մրցաշարեր՝ Ավստրալիայի, Ֆրանսիայի, Անգլիայի եւ ԱՄՆ-ի բաց առաջնությունները: «Մեծ Սաղավարտի» մրցաշարերում 4 անընդմեջ հաղթական տիտղոսներից հետո Սերենա Ուիլյամսը 1 տարի առաջ հայտարարեց, որ երազանքը մոտ է իրականություն դառնալու:

«Երազում եմ կրկնել Շտեֆի Գրաֆի արդյունքը՝ «Մեծ Սաղավարտի» մրցաշարերում նվաճել 22 տիտղոս», - հայտարարեց Սերենան: Կարծես երազանքը պետք է շատ արագ կատարվեր. Ուիլյամսը ակնհայտ ուժեղ է մրցակիցներից: Բայց կատարվեց ուղղակի անհավատալի իրադարձություն. «Մեծ Սաղավարտի» հաջորդ 3 մրցաշարերում Ուիլյամսը պարտվեց, ընդ որում 2-ում՝ եզրափակիչում: Այս տարի հունվարին կայացած Ավստրալիայի բաց առաջնությունում Սերենան եզրափակիչում պարտվեց գերմանուհի Անժելիկա Կերբերին, որը ընդհանրապես իր առաջին հաղթանակը տոնեց «Մեծ Սաղավարտի» մրցաշարերում: «Ուիմբլդոն 2016»-ի եզրափակիչում Սերենա Ուիլյամսը կրկին մրցեց Կերբերի հետ: Վիճակագրությունը հուշում էր, որ ոչ մի մարզուհու մինչ այժմ չի հաջողվել 2 անգամ հաղթել Սերենա Ուիլյամսին «Մեծ Սաղավարտի» մրցաշարերի եզրափակիչներում:

Չհաջողվեց նաեւ Կերբերին. հաղթեց Սերենա Ուիլյամսը եւ «Մեծ Սաղավարտի» մրցաշարերում նվաճած տիտղոսներով հավասարվեց թենիսի մեծագույն մարզուհիներից մեկին՝ Շտեֆի Գրաֆին: «Սա դեռ վերջը չէ: Ընդամենը 34 տարեկան եմ», - հայտարարել է Սերենա Ուիլյամսը: Այս խոսքերը, ընդ որում, այնքան էլ հեռու չեն իրականությունից: 34 ամյա Սերենա Ուիլյամսը շարունակում է վստահորեն գերիշխել կանանց թենիսում ու առայժմ հորիզոնում չի էլ երեւում քիչ թե շատ հեռանկարային թենիսիստուհի, որը կկարողանա կանգնեցնել Ուիլյամսին:

«Ուիմբլդոն 2016»-ի տղամարդկանց մրցաշարն ավարտվեց բրիտանացի Էնդի Մարեյի հաղթանակով: Եզրափակիչում Մարեյը առավելության հասավ կանադացի Միլոշ Ռաոնիչի նկատմամբ: Մարեյը կարիերայի ընթացքում 3-րդ տիտղոսը նվաճեց «Մեծ Սաղավարտի» մրցաշարերում: Ընդ որում, համաշխարհային վարկանիշային աղյուսակում 2-րդ տեղը զբաղեցնող Մարեյը 11 անգամ խաղացել է «Մեծ Սաղավարտի» մրցաշարերի եզրափակիչներում, բայց 8 անգամ պարտվել է կամ շվեյցարացի Ռոջեր Ֆեդերերին կամ սերբ Նովակ Ջոկովիչին: «Ուիմբլդոն 2016»-ում մինչ եզրափակիչ պարտություններ կրեցին Ֆեդերերը, Ջոկովիչը, եւ Մարեյի ճանապարհը «բացվեց», ինչից եւ կարողացավ օգտվել բրիտանացին: «Մեծ Սաղավարտի» տարվա վերջին մրցաշարը՝ ԱՄՆ - ի բաց առաջնությունը, կայանալու  է սեպտեմբերի սկզբին:

Տպել
1650 դիտում

ՍԴ նախագահի պաշտոնին կեղծիքով տիրացած անձը թանկարժեք ընծա էր մատուցել վարչապետին. Ն. Փաշինյանի նոր գրառումը

Ախր հեչ հանդուրժելու բաներ չեն

Խոշոր ավտովթար Լոռու մարզում. բախվել է 3 մեքենա. մեկը կողաշրջվել է.կան վիրավորներ (լուսանկարներ)

Աջափնյակում մեկնարկել են ապօրինի կրպակների ապամոնտաժման աշխատանքները

Կարևոր է, որ Իսրայելն առաջնային դեր ունենա և ճանաչի Հայոց ցեղասպանությունը. Ա. Սարգսյանը հանդիպել է Իսրայելի նախագահին

Բանակի օրվա առիթով Սուրբ Պատարագ և պարգևաբաշխություն է տեղի ունեցել Մայր Աթոռ Սուրբ Էջմիածնում

«Արմատական ընդդիմություն»-ը գազո՞վ է աշխատում

Աղմուկ հայկական ուշուում. ֆեդերացիայի անդամները կարծում են՝ նախկին նախագահի օրոք ֆինանսական չարաշահումներ են եղել

ՀՀ ԱԳՆ-ն ցավակցել է Թուրքիային՝ ավերիչ երկրաշարժի կապակցությամբ

Վանաձորում մեքենան բախվել է էլեկտրասյանը, հետո՝ ծառին. կա 5 վիրավոր (լուսանկարներ)

Քծնում, շողոքորթում էր ինձ, հետո՝ Աննային, դիմում բացառապես «պարոն վարչապետ ջան»-ով. Ն. Փաշինյանը՝ Հ. Թովմասյանի մասին

Սպաներին հորդորում ենք զերծ մնալ շանտաժի կամ այլ հակաօրինական միջոցով իրավունքները պաշտպանելու փորձերից. Հովհաննիսյան

Եթե ՀՀ սահմանը հատող անձի մոտ առկա են վարակիչ հիվանդություններին բնորոշ ախտանշաններ, ուղեւորը մեկուսացվում է․ԱԱՏՄ

Արմեն Սարգսյանը շնորհավորական ուղերձ է հղել Հնդկաստանի նախագահին՝ Ազգային տոնի առթիվ

Արցախի նախագահի թեկնածուներն արձագանքել են Արցախի կարգավիճակի մասին Փաշինյանի խոսքերին

Առաջիկա օրերին ԵՊՀ-ում նիստ կհրավիրվի եւ կհայտարարվի ռեկտորի մրցույթ. թեկնածուին առաջադրվելիք պահանջները վերանայվում են

Ավելի լավ է այդ հարցն ուղղեք Սամվել Կարապետյանին. «Դալմա Գարդեն մոլի» շենքն ընդլայնում են

Առաջիկա 3 օրերին կտաքանա 8-10 աստիճանով, տեղումներ չեն սպասվում

Թուրքիայում գրանցված երկրաշարժի զոհերի թիվն աճել է. տուժել է մի քանի հազար մարդ (լուսանկարներ)

Արմավիրում սահմանային անցակետի փշալարերով արգելված վայր անցած 2 զինված քաղաքացի է հայտնաբերվել